syangyong
cg

धनगढीको नयाँ घरले कैलाली–५ मा चम्काइदेला आरजुको भाग्य ?

नारदमुनी र दिनेश : आरजुका ‘डबल’ चुनौती


Tuesday, 14 Nov, 2017 4:21 PM
२८ कात्तिक, धनगढी । ७ नम्बर प्रदेशमा मौसम जाडोउन्मुख छ, चुनाव गर्मीउन्मुख । प्रधानमन्त्री एवं काँग्रेस सभापति शेरबहादुर देउवापत्नी आरजु चुनावी मैदानमा खेलाडी बनेकाले कैलाली क्षेत्र नं. ५ झन् तात्तिएको छ ।
 
कैलालीमा देउवा परिवारको कुनै जायजेथा थिएन । आरजुले कैलाली ५ मा उम्मेदवारी दर्ता गर्दासम्म पनि यो ठाउँ केवल आवश्यकताको भाँडोमात्रै थियो । त्यसैले त उनीमाथि ‘टुरिष्ट’ उम्मेदवारको आरोप लाग्यो । चुनावकै लागि भएपनि आरजु कैलालीमा अस्थायी घरबास गर्ने योजनामा पुगिन् । धनगढीमा घर हालिन्, तीन करोड रुपैयाँको । हाल बैना बुझाएर आरजु धनगढी–४ उत्तरबेहेडीस्थित शारदा हमालको नाममा रहेको दुईतले सुविधा सम्पन्न घरमा बस्न थालिसकेकी छिन् । 

तर, के धनगढीको नयाँ घरले कैलालीमा चम्काइदेला आरजुको भाग्य ? 

–नारदमुनी राना, आरजु देउवा र दिनेश भण्डारी बायाँबाट क्रमशः

नयाँ घरको असर आरजुको पक्ष र विपक्ष दुवैतिर पर्ने सम्भावना धनगढीका पुराना राजनीतिकर्मीहरु अनुमान लगाउँछन् । उनको नयाँ घरले चुनावी क्षेत्रका मतदातामा सकारात्मक र नकारात्मक दुवै प्रभाव पारेको छ । घर किनिसकेपछि देउवापरिवार आफ्नै छिमेकी भएको महसुस केही मतदाताले गरेपनि अधिकांशले चुनावी ‘नौटंकी’का रुपमा बुझेका छन् । तर, टुरिष्ट उम्मेदवारको ट्यागलाई प्रतिद्वन्द्वीले चुनाव हराउने अस्त्रको रुपमा प्रयोग नगरोस् भनेरै आरजुले ‘नयाँ घर’ योजना ल्याएकी हुन् ।

राजनीतिमा देउवापत्नीको ‘ट्याग’बाहेक योगदान नभएकी आरजुले सुदुरपश्चिमलाई ‘सुनको टुक्रा’ बनाउँछु भन्दै भाषण गर्दै हिँडिरहेको भन्दै प्रतिद्वन्द्वीले ‘क्रस फायर’ गरेको छ । 

त्यसो त आरजुलाई कैलाली ५ मा घरेलु र बाह्य, दुवै खतरा छ । काँग्रेसभित्रै उनको उम्मेदवारीलाई लिएर असन्तुष्टी छ भने वाम गठबन्धनका उम्मेदवारको चुनौति कमजोर छैन । वाम उम्मेदवार नारदमुनी राना आरजुका प्रतिद्वन्द्वी हुन् ।

कैलाली क्षेत्र नं. ५ मा साविकको क्षेत्र नं. ६ का अधिकांश भाग पर्छ । धनगढी उपमहानगरपालिका र कैलारी गाउँपालीकाका वडा नं. ६ र ९ क्षेत्र नं. ५ मा पर्छन् । ०७० को निर्वाचनमा कैलाली ६ बाट शेरबहादुर देउवाले जितेका थिए । पतिको त्यही विरासतमा झण्डा गाड्ने दाउ आरजुको हो । स्थानीय तह निर्वाचनको परिणामअनुसार यो क्षेत्रमा कम्युनिष्ट गठबन्धन कांग्रेसभन्दा ६ हजार बढी मतले अगाडि छ । स्थानीय तह निर्वाचनमा पाएको मतअनुसार कैलाली–५ मा पर्ने धनगढी उपमहानगरपालिकामा कम्युनिष्ट गठबन्धनले २३ हजार ५७१ मत ल्याएको थियो भने काँग्रेसले १६ हजार ४३८ मत प्राप्त गरेको थियो । काँग्रेसमा विलय भएको नेपाल लोकतान्त्रिक फोरमले धनगढीमा १३ सय ८३ मत प्राप्त गरेको थियो । यो सम्पूर्ण मतको हिसाब गर्दा उपमहानगरपालिकामामात्रै कम्युनिष्ट गठबन्धन काँग्रेसभन्दा ५ हजार ७२६ मतले अगाडी छ । 

क्षेत्र नम्बर ५ मा पर्ने कैलारी गाउँपालिकाका ६ र ९ नं. वडामा कम्युनिष्ट गठबन्धनको १७ सय २३ र कांग्रेस (तत्कालीन लोकतान्त्रिक फोरमसहित)को १३ सय ६५ मत छ । दोस्रो तहको स्थानीय तह निर्वाचनको परिणाम हेर्दा आरजुसामु निर्वाचन सहज देखिन्नँ । 

स्थानीय तह निर्वाचनमा स्वतन्त्र उमेदवार गोपाल हमालले ११ हजार ५२७ मत प्राप्त गरेका थिए । कांग्रेसले धनगढीका मेयरमा नृप ओडलाई टिकट दिएपछि कांग्रेसका असन्तुष्ट नेता–कार्यकर्ता खुलेरै हमालको पक्षमा प्रचारमा हिँडेका थिए । आसन्न निर्वाचनमा प्रतिनिधिसभा सदस्यका लागि हमालकै पार्टी विवेकशील साझाका दिनेश भण्डारी उम्मेदवार छन् । उनी कैलाली उद्योग बाणिज्य संघका पूर्व अध्यक्षसमेत हुन् । उनको उम्मेदवारीले पनि वामका नारदमुनीलाईभन्दा काँग्रेसकी आरजुलाई असर गर्ने देखिन्छ ।

 


Ruslan

MEGA COLLEGE

ime

bussewa

राजनीति

गाउँपालिकाको प्रशासनिक भवन निर्माण

७ कात्तिक नवलपरासी । पश्चिम नवलपरासीको पाल्हीनन्दन गाउँपालिकाको प्रशासनिक भवन निर्माण गर्न थालिएको छ । रु आठ करोड ३५ लाखको लागतमा आगामी दुई वर्षभित्र सो भवन निमार्ण गरिने लक्ष्य रहेको गाउँपालिका अध्यक्ष बैजुप्रसाद गुप्ताले बताए । भैरहवास्थित प्राकृतिक निर्माण सेवाले ठेक्का लिएको सो भवनमा ४८ वटा कोठा हुने प्रमुख प्रशासकीय अधिकृत दुर्गा पौडेलले जानकारी दिए । पूर्वी नवलपरासीको गैँडाकोट नगरपालिका–६ मा रहेको भाग्योदय आधारभूत विद्यालयमा 

वडाध्यक्षविरुद्ध सार्वजनिक मुद्दा

७ कार्तिक ओखलढुङ्गा ।  स्थानीय मानेभञ्ज्याङ गाउँपालिका–६ थाक्लेका वडाध्यक्ष हेमराज राईविरुद्ध प्रहरीले सार्वजनिक अपराधको मुद्दा दर्ता गरेको छ ।  मादकपदार्थ सेवन गरेर सर्वसाधारणलाई कुटेको आरोपमा राईविरुद्ध प्रहरीले मुद्दा चलाएको हो । वडाध्यक्ष राईले मापसे गरेर स्थानीय व्यवसायी र युवलाई कुटेको भन्ने उजुरी आएपछि पक्राउ गरेर एक साताको म्याद थप गरी मुद्दा चलाइएको जिल्ला प्रहरी प्रमुख अनन्तराम शर्माले बताए ।  शर्माका अनुसार वडाध्यक्ष राईले शनिबार मापसे गरेर 

​धार्मिक सहिष्णुतामा नेपाल संसारकै नमूना :तिमिल्सिना

२८ असोज, बागलुङ । राष्ट्रियसभाका अध्यक्ष गणेश तिमिल्सिनाले धार्मिक सहिष्णुतामा नेपाल संसारकै नमूना देश भएको बताएका छन् । महान् पर्व बडादशैँको अवसरमा बागलुङ नगरपालिकाले आज आयोजना गरेको शुभकामना आदानप्रदान तथा चियापान कार्यक्रममा बोल्दै अध्यक्ष तिमिल्सिनाले नेपालमा अनेक धर्म मान्ने सम्प्रदाय भए पनि धार्मिक सद्भाव रहेको बताए। उनले नेपाल प्राकृतिक तथा धार्मिक हिसाबले धनी हुदाँहुदै पनि उचित व्यवस्थापनको अभावमा

अन्तर्राष्ट्रिय

भुटानको अन्तिम चरणको निर्वाचनका लागि आज मतदान हुँदै

थिम्पु । भुटानको अन्तिम चरणको निर्वाचनका लागि आज मतदान हुँदैछ।  भदौ अन्तिम साता भएको पहिलो चरण चुनावमा पहिलो र दोस्रो भएका दुई दलबीच यो निर्णायक प्रतिस्पर्धा हुन गइरहेको हो ।यो निर्वाचनमा विजयी हुने दलले हिमाली अधिराज्य भुटानमा पाँच वर्षका लागि सरकार निर्माण गर्नेछ ।  

निजी विमान दुर्घटना हुँदा एक बालकसहित तीन जनाको मृत्यु

जर्मनी । जर्मनीमा एउटा सानो निजी विमान दुर्घटना हुँदा एक बालकसहित तीन जनाको मृत्यु भएको छ । एउटा इन्जिन मात्र भएको विमान हेसे प्रान्तको वासार्कुपे हिमाल नजिकैको फुल्दा शहरमा दुर्घटना भएको हो । मानिसको भीडभाड भएको ठाउँमा खसेको विमान दुर्घटनामा अन्य पाँच जना घाइते भएका छन् । घाइते हुनेमा चार जना यात्रु र एक पैदल यात्री रहेका छन्

फिलिपिन्सको माओवादी युद्ध : लड्दालड्दै ५० वर्ष

फिलिपिन्समा करीब ४५ हजारको ज्यान लिइसकेको माओवादी विद्रोहले ५० वर्षमा पनि गन्तव्य पहिल्याउन सकेको छैन । अमेरिकाको अन्तरिक्ष कार्यक्रम (नासा) को मानव सहितको यान चन्द्रमामा अवतरण गरेर फर्केको ५० वर्ष पूरा हुँदैछ । चन्द्रमाको सतहमा नील आर्मस्ट्रङले पहिलो मानव पाइला राख्नुभन्दा केही महीना अघि दक्षिण पूर्वी एशियाली मुलुक फिलिपिन्समा माओवादीहरूले सशस्त्र संघर्षबाट सत्ता प्राप्त गर्न ‘जनयुद्ध’ शुरू गरेका थिए । धनी र गरीबबीच अचाक्ली ठूलो खाडल रहेको टापुहरूको यो मुलुकमा निरन्तर युद्ध लडिरहेका माओवादीहरूले ५० वर्षमा न सत्ता–प्राप्तिको लक्ष्य पूरा गर्न

विचार / ब्लग

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।
Top