विवेकशीलको खुल्ला पत्रः प्रधानमन्त्री ज्यू जनता अत्यन्त दुःखी छ


Thursday, 12 Nov, 2015 4:09 PM
सम्माननीय प्रधानमन्त्री ज्यू,
प्रधानमन्त्री तथा मन्त्रीपरिषदको कार्यालय,
सिंहदरबार, काठमाडौँ।

प्रधानमन्त्रीका रूपमा तपाईँले सिंहदरबारको यात्रा तय गरेको महिना दिन पुगेको छ। यो छोटो समय कुनै पनि सरकारको कार्य मूल्यांकन गर्न पर्याप्त अवश्य होइन तर अहिले हामी असाधारण पिडाको परिस्थितिमा छौँ। बिहानीले दिनको संकेत गर्दछ भनेझैं तपाईका शुरुवाती प्रस्तुतिले हामीलाई भावी दिनहरुबारे अनुमान गर्ने सुविधा भने दिएको छ।

मुलुक यतिबेला अत्यन्त जटिल स्थितिमा गुज्रिरहेको तपाईँलाई अवगत नै छ। नयाँ संविधान जारी भएपछि मधेशमा चर्केको आन्दोलन र त्यसैको निहुँमा भारतले लगाएको ‘अघोषित’ नाकाबन्दीले पेट्रोलियम पदार्थ मात्र होइन, खाना बनाउने ग्याँस, ज्यान बचाउने औषधी लगायत खाद्यान्न जस्ता अत्यावश्यक बस्तुहरुको अभाव चुलिएको अवस्था छ। यस्तो विषम परिस्थितिमा कमजोर शारीरिक स्वास्थ स्थितिका बावजुद पनि सरकार प्रमुखका रूपमा तपाईंको सक्रियताको लागि धन्यवाद। राष्ट्रियताका सवालमा तपाईंका दृष्टिकोणलाई हामीले सकारात्मक ढंगले हेरेका छौं। तर, कुटनीतिक रूपमा सल्ट्याउनु पर्ने कतिपय विषयमा तपाईंका मन्त्री, उपप्रधानमन्त्रीहरुले सार्वजनिक ढंगले उत्तेजक अभिव्यक्ति दिनु उचित देखिदैन।

साथै नाकाबन्दीका कारण देशमा देखिएका मानवता संकटको स्थितिमा जुन रफ्तारमा तपाइको अन्तराष्ट्रिय रुपमा कुटनीतिक सक्रियताको अपेक्षा गरेका थियौँ, त्यो देख्न पाईएन।  यसमा जनता अत्यन्त दुखी छन्। समग्र देशले तपाईबाट समाधान खोजी रहेको अवस्थामा दिनमा एक पटक सरकारका प्रवक्ता मार्फत तपाईंको सरकारले अहिलेको ज्वलन्त बिषयमा के के गर्यो वा गर्दैछ भनेर बिभिन्न संचार माध्यमबाट जानकारी गराउनुहोस्।

मन्त्रिमण्डल विस्तारका क्रममा तपाईंले छ जना उप प्रधानमन्त्री नियुक्त गरेर इतिहासमा ‘रेकर्ड नै कायम गर्नुभएको विषयलाई मिलिजुली सरकारको बाध्यताका रूपमा मात्र लिनु हुन्न। मुलुकले संविधानसभाबाट संविधान प्राप्त गरेपछि गठन भएको तपाईंको सरकारले सुशासन र मितव्ययीताको जुन सकारात्मक सन्देश प्रवाह गर्न सक्थ्यो, त्यसबाट तपाईं पूरै चुक्नुभएको छ। यसले सरकार टिकाउन गरिने एउटा गलत नजिर र कुसंस्कारलाई स्थापित गरेको हाम्रो ठहर छ।

मधेसको आन्दोलनलाई खाली भारतीय उक्साहटमा भएको आन्दोलनका रूपमा मात्र बुझियो भने त्यो पनि गलत हुन्छ। मधेशमा जनताले दशकौंदेखि खप्दै आएका विभेद र उत्पीडनको जायज मागरमुद्दालाई वार्ताका माध्यमबाट राजनीतिक समाधान खोजिनुपर्छ भने अर्को तिर भारतसंगको आपूर्ति समस्याको कुटनीतिक समाधान खोजिनुपर्छ भन्ने हाम्रो स्पष्ट मत छ। कुरा राष्ट्रियताको मात्र होईन राष्ट्कै छ अहिले। यी दुई विषयलाई सही ढंगले बुझ्न नसकिए नेपालले अहिले भोगिरहेको संकट अझ भयावह स्थितमा परिणत हुने लक्षण देखिदैँछ।

संचार माध्यममा मधेशप्रति तपाईंको अनुदार छवि प्रस्तुत भैरहेको परिपेक्षमा मधेश मुद्दालाई वार्ताका माध्यमबाट समाधान खोज्न तपाईं के कति सफल हुनुहुन्छ, त्यसैले तपाईंको नेतृत्वको समग्र मूल्यांकनका लागि आधार प्रदान गर्दछ। सफल नेतृत्वले जनतालाई जुटाउने हो, फुटाउने होइन । मधेशमा रहेका नेपाली जनतासंग इमान्दार भएर विगतमा भए गरेका सबै प्रकारका विभेदहरुका लागि राष्ट्रको तर्फबाट क्षमा याचना गर्नुभयो भने यसले तपाईँको छवि उच्च बनाउने मात्र हैन, समग्र मधेशका जनतामा सकारात्मक सन्देश समेत छर्न सफल हुनुहुनेछ।

अघोषित नाकाबन्दीको प्रभावले व्यापार विविधीकरणको वैकल्पिक उपायका रूपमा पेट्रोलियम पदार्थ आयातको लागि चीनसंग हुन लागेको सम्झौतालाई छिटो निष्कर्षमा पुर्याउनु अहिलेको आवश्कता हो। चीनसंगका नाकाहरु खुलाउने र व्यापार विस्तार गर्ने अभियानलाई कथित् ‘चाईना कार्ड’ प्रयोगका रूपमा होइन, एउटा भरोसा योग्य छिमेकीको विश्वसनीय व्यवहारका रूपमा नेपालले आफुलाई उभ्याउनु जरुरी छ। अब आत्म निर्भर मात्र होईन अन्तर निर्भरताको बाटो पनि हामीले चुन्नु पर्नेछ। चीन र भारत दुबै छिमेकीसँग सन्तुलित सम्बन्ध कायम राख्दै चीनसंगको व्यापारका विविध आयामहरुलाई पहिचान गरी कार्यन्वयन गर्ने र खासगरी आयातका दृष्टिले नेपाललाई कुनै एक वा दुई राष्ट्रप्रति मात्र निर्भर भै राख्ने आत्मघाती स्थितिको अन्त्य गर्ने यो अभूतपूर्व अवसर इतिहासले तपाईंलाई अग्रपंक्तिमा ल्याईदिएको छ। यो अवसरको उच्चतम उपयोग गर्न तपाईं सफल हुनुहोस् भन्ने हाम्रो सुवेच्छा रहेको छ।

अन्त्यमा नेपालमा “नेतृत्व भनेकै पूर्व तयारी गरि रहनु हो” भन्ने पाठ हामीलाई एकै बर्षमा गत बैशाखका भुकम्पले अनि मधेशमा चर्किएको रिस र भारतले लगाई रहेको ‘अघोषित’ नाकाबन्दीले प्रश्ट पढाईसकेको छ। आउन सक्ने कुनै पनि विपदलाई सामना गर्न देशलाई सदैव पूर्वतयारीमा राख्नु हुन्छ भन्ने अपेक्षाका साथ तपाईँको सरकारबाट जनताको सेवाको अपेक्षा गर्दै तपाईँको सफल कार्यकालको लागि हाम्रो शुभकामना प्रदान गर्दछौँ।

नेपाल आमाको जय होस् 
धन्यवाद,
विवेकशील नेपाली दल


global ime

runner bike

राजनीति

अग्नि सापकोटाविरुद्धको मुद्दा न्यायाधीश हरि फुयाँलले हेर्न नमिल्ने

१२ माघ, काठमाडौं । सभामुखका एकल उम्मेदवार अग्नि सापकोटाविरुद्ध परेको रिटमाथिको सुनुवाइ न्यायाधीश हरि फुयालले नगर्ने भएका छन् ।
सर्बोच्चको न्यायाधीश हुनुअघि सापकोटाविरुद्धकै अर्को मुद्दामा कानून व्यवसायीको हैसियतले बहस गरेकाले नैतिकताका कारण उनले मुद्दा नहेर्न लागेको स्रोतले जनाएको छ । सापकोटालाई सभामुख नबनाउन माग गर्दै वरिष्ठ अधिवक्ता दिनेश त्रिपाठीले दायर गरेको रिटको सुनुवाइ फुयाँलको एकल इजलासमा आज तोकिएको थियो । स्रोतका अनुसार, न्यायाधीश फुँयालले विगतमा आफूले सापकोटाविरुद्धकै मुद्दामा बहस गरेकाले हेर्न नमिल्ने जानकारी गराएका छन् ।

नेपाली कांग्रेसका पूर्वसांसद गम्भीरजंग कार्कीको निधन

१२ माघ, काठमाडौं । नेपाली काँग्रेसका पाल्पाका पूर्वजिल्ला सभापति गम्भीरजङ्ग कार्कीको ७६ वर्षको उमेरमा निधन भएको छ । मिर्गौला रोगबाट पीडित उनको आज विहान उपचारका क्रममा काठमाडौँस्थित ग्राण्डी अस्पतालमा मृत्यु भएको नेपाली काँग्रेस पाल्पाका सचिव झपिन्द्र गैरेले जानकारी दिए । उनको मिर्गौलाको डायलायसिस हुँदै आएको थियो । पाल्पाको रम्भा गाउँपालिका–५ ताहूँमा विसं २००० मा जन्मिएका कार्की विसं २०४८ मा  क्षेत्र नं २ बाट प्रतिनिधिसभा सदस्यमा निर्वाचित भएका थिए । विसं २०५१ देखि २०५६ सम्म उनले काँग्रेस पाल्पाको जिल्ला सभापतिको जिम्मेवारी वहन गरेका थिए । 

अग्नि सापकोटाविरुद्धको रिट न्यायाधीश फुँयालको इजलासमा

१२ माघ, काठमाडौं । प्रतिनिधि सभाको सभामुखमा उम्मेदवारी दिएका नेपाल कम्युनिष्ट पार्टी (नेकपा) का नेता अग्निप्रसाद सापकोटाविरुद्धको रिट सर्वोच्च अदालतका न्यायाधीश हरिप्रसाद फुँयालको इजलासमा परेको छ । नेता सापकोटालाई सभामुखमा निर्वा्चित नगर्न माग गर्दै वरिष्ठ अधिवक्त दिनेश त्रिपाठीले शुक्रबार दायर गरेको रिट न्यायाधीश त्रिपाठीको एकल इजलासमा परेको हो । रिटमा सापकोटालाई सभामुख बनाउन नहुने पाँच बुँदा उल्लेख गरिएका छन् ।

अन्तर्राष्ट्रिय

अमेरिकाले ‘बर्थ टुरिजम’ रोक्ने, गर्भवतीलाई भिसामा कडाइ

१२ माघ, काठमाडौं । अमेरिकाले ‘बर्थ टुरिजम’(जन्म पर्यटन)लाई अब रोक्ने भएको छ ।  यसअघि गर्भवती महिलाले अमेरिकाको भिसा लिने, अमेरिकामा बच्चा जन्माउने र त्यसको उद्देश्य  आफ्नो बच्चालाई अमेरिकी नागरिक बनाउने चलन रहेको बताइएको छ । तर, शुक्रबारदेखि अमेरिकी विदेश मन्त्रालयले अब त्यसो हुन नदिने भएको छ । अमेरिकी अधिकारीहरुका अनुसार अब गर्भवतिले पहिलो प्राथमिकता बच्चा जन्माउने भन्दा पनि अमेरिकामा अरु नै काम भएको देखाउनुपर्नेछ । साथै अमेरिकाले स्वास्थ्य उपचार सम्बन्धी आउने मानिसमा पनि कडा गर्ने भएको छ । यसका लागि भिसा आवेदकले आफ्नो खर्च बर्चको जानकारी पहिला नै जानकारी गराउनुपर्नेछ । 

भारतले आज ७१ औँ गणतन्त्र दिवस मनाउँदै, ब्राजिलका राष्ट्रपति प्रमुख अतिथि

१२ माघ, काठमाडौं । भारतले आइतबार ७१ औँ गणतन्त्र दिवस मनाउँदैछ । गणतन्त्र दिवसको अवसरमा राजधानी दिल्लीको राजपथमा हुने परेडमा ब्राजिलका राष्ट्रपति जायर बोल्सोनारो प्रमुख अतिथि रहने छन् । भारतीय राष्ट्रपति रामनाथ कोविन्दले परेडमा उपस्थित भएर सलामी लिने छन् । परेड ९० मिनेटसम्म चल्ने छ । यसमा सैन्यकला सँगै देशको सांस्कृतिक, सामाजिक तथा आर्थिक स्थितिबारे पनि विभिन्न झलकहरु देखाइने छ ।
यो वर्षदेखि राष्ट्रिय युद्ध स्मारकलाई पनि परेड कार्यक्रममा समेटिने भएको छ । यसअघि प्रधानमन्त्रीले अमर जवान ज्योतिमा पुष्पाञ्जली अर्पण गर्थे तर यो पटक प्रधानमन्त्री नरेन्द्र मोदी युद्ध स्मारक जाने छन् ।

चीनले सबै प्रकारका पर्यटकीय गतिविधि स्थगित गर्ने

१२ माघ, काठमाडौं । कोरोना भाइरसको प्रकोप बढ्दै गएपछि चीनले सोमबारदेखि सबै प्रकारको पर्यटकीय गतिविधि र अन्तर्राष्ट्रिय ‘टुर’ भ्रमण स्थगित गर्ने भएको छ ।  आन्तरिक पर्यटकीय गतिविधि भने गएको शुक्रबारदेखि नै स्थगित गरिएको छ । कोरोना भाइरसको सङ्क्रमण तीव्र हुँदै गएपछि चिनियाँ राष्ट्रपति सी जिनपिङले चिनियाँ नयाँ वर्ष ‘लुनार’ को अवसरमा चीनले गम्भीर अवस्थाको सामना गरिरहेको बताएका थिए । 
चीनको ट्राभल एजेन्सी सङ्घले भनेको छ, ‘भ्रमणको क्रममा बीचैमा रहेका यात्रुहरुले भने आफ्नो यात्रा अघि बढाउन सक्छन् तर त्यसका लागि ट्राभल एजेन्सीले आफ्ना यात्रुहरुको स्वास्थ्यका बारेमा निरागानी राख्नु पर्ने छ ।’

विचार / ब्लग

सी चिनफिङ भन्छन् -हिमालय वारिपारिको मैत्रीलाई नयाँ उचाइमा पुर्याऔँ

सी चिनफिङ
राष्ट्रपति श्रीमती विद्यादेवी भण्डारीको निमन्त्रणामा म छिटै चीनको मैत्रीपूर्ण छिमेकी देश नेपालको राजकीय भ्रमण गर्दैछु । मैले नेपालको भ्रमण गर्न लागेको यो पहिलोपटक हो, तथापि मलाई नेपाल अपरिचित भने लाग्दैन । नेपालमा शानदार पहाड र नदीहरू छन्, विशिष्ट संस्कृति पनि छ । त्यसैले म नेपालको भ्रमण गर्न धेरै पहिलेदेखि लालायित थिएँ । मैले चीनको भ्रमण गर्नुभएका धेरै नेपाली नेताहरूसँग धेरैपटक भेटवार्ता गरेको छु र उहाँहरूसँग गहिरो मित्रता पनि गाँसेको छु ।

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 
Top