ghaderi
esewa

प्रतिबन्धपछि विप्लवको पहिलो नेपाल बन्द : कतै शक्तिशाली बम, कतै खाली बोतल, कहाँ के भयो ?


Thursday, 14 Mar, 2019 1:58 PM
३० फागुन, काठमाडौं । नेत्रविक्रम चन्द ‘विप्लव’ नेतृत्वको नेकपाको बन्दका कारण देशभरको जनजीवन आंशिक प्रभाव परेको छ । बन्दको कार्यक्रम पूर्वघोषित भए पनि दुई दिनअघिमात्रै सरकारले प्रतिबन्ध लगाएका कारण विप्लवको बिहीबारको बन्दलाई राज्यदेखि आम जनमानसले चासोसाथ नियालीरहेका छन् । काठमाडौं उपत्यकामा बन्दको प्रभाव आंशिक परेको छ । कुनै घटना भएका छैनन्, सवारी साधनहरु सामान्य रुपमा चलिरहेका छन् । स्कूल–कलेजहरु भने बन्द छन् । यस्तै, जिल्लाहरुमा त्रास फैलाउन बिभिन्न ठाउँमा बम तथा शंकास्पद बस्तु राखिएको भेटिएको छ । कहाँ के भयो ? 

कैलालीमा जन्ती बोकेको बसमा आगजनी

विप्लवका कार्यकर्ताले कैलालीको गौरीगंगा नगरपालिकास्थित जंगलमा जन्ती बोकेको बसमा आगो लगाइदिएका छन् । गौरीगंगा नगरपालिका–८ हसुलिया चोक र राजीपुर जंगलको बीचमा भजनी नगरपालिका–१ बजारमा बिहे सकेर महेन्द्रनगरतर्फ फर्कदै गरेको म१ख ४४१ नम्बरको बसमा आगो लगाइएका हुन् । ८–९ जनाको समूहले सडकमा रुख ढालेर अवरोध गरी बिहान पौने ४ बजेतिर जन्ती ओरालेर बसमा आगो लगाएका हुन् । ‘आज बन्द हो भन्ने थाहा छैन’ भन्दै जवर्जस्ती बसमा रहेका व्यक्तिहरुलाई झर्न लगाई उनीहरुले बसमा आगो लगाएका प्रत्यक्षदर्शीले बताए । यसैबीच, बसमा आगजनी गरेको आशंकामा प्रहरीले तीन जनालाई पक्राउ गरेको छ । कैलाली गोदावरी नगरपालिका–४ गोदावरी स्थित पहाडबाट तराईतर्फ जाँदै गरेका सवारी साधनहरू रोकेर जलाई दिन्छौ भन्ने तीन जनालाई पक्राउ गरेको प्रहरीले जनाएको छ । पक्राउ पर्नेमा कंचनपुर बेतकोट नगरपालिका–२ दैजी बस्ने ३३ वर्षका कोषराज भट्ट, कंचनपुर भिमदत्त नगरपालिका–५ कटान बस्ने २२ वर्षका शुशिल चन्द र डोटी बिपिनगर ७ बस्ने १८ वर्षका धनबहादुर बम रहेको प्रहरी उपरीक्षक आभुषण तिम्सिनाले जानकारी दिए ।

उदयुरको कटारीमा बम  

उदयपुरको कटारी नगरपालिका–२ देवीधापस्थित सडकमा बम भेटिएको छ । मारुती सिमेन्ट उद्योगलाई कच्चा पर्दाथ सप्लाई गर्ने शिवम मल्टिर्पस प्रालिको गेटे अगाडि बम फेला परेको इलाक प्रहरी कार्यालय कटारीले जनाएको छ । बम डिस्पोजको लागि नेपाली सेनाको डिस्पोजल टोलीलाई खबर गरिएको प्रहरी निरीक्षक ललनप्रसाद कुर्मीले बताए । यसैबीच, बिप्लव नेतृत्वको नेकपाले आज आव्हान गरेको बन्दको कारण उदयपुरको जनजीवन प्रभावित बनेको छ । बन्दका कारण सदरमुकाम गाईघाटलगायत कटारी, वेल्टार, रामपुरलगायतका स्थानबाट सञ्चालन हुँदै आएको लामो तथा छोटो दुरीका सवारी साधन चलेको छैन । 

नेपालगञ्जमा सकेट बम, सेनाले निष्क्रिय पार्यो

नेपालगञ्ज–कोहलपुर सडक खण्डको राँझाचोक नजिकै अज्ञात समूहले राखेको बम नेपाली सेनाले निष्क्रिय पारेको छ । बुधबार राति राखिएको बमलाई नेपाली सेनाको बम डिस्पोजल टोलीले बिहीबार बिहान डिस्पोज गरेको थियो । नेपाली सेनाले त्यसलाई ‘बकेट बम’ भनेको छ । सडकछेउमा बम देखिएपछि त्यस क्षेत्रको जनजीवन त्रसित बनेको थियो । नेपालगञ्ज–कोहलपुर सडक नेपालगञ्ज भित्रिने र बाहिरिने सडक हो । चारलेनको सडकछेउमा बम राखेपछि यातायात प्रभावित भएको थियो । नेपालगञ्जमा बन्दको प्रभाव आंशिक परेको छ । शिक्षण संस्था बन्द भएका छन् । लामो दूरीका सवारी साधन चलेका छैनन् । छोटो दूरीका सवारी साधन चलेका छन् । बजारहरु खुलेका छन् । बाँके प्रहरीले अप्रिय घटना हुन नदिन सुरक्षा सतर्कता अपनाएको जनाएको छ ।

दाङमा बम भनिएको बस्तु खाली बोतल

कागजले बेरिएको बस्तु भेटिएपछि हल्ला खल्ला भयो । बम हुन सक्ने भन्दै प्रहरीलाई खबर गरियो । घटना स्थलमा प्रहरी पुग्यो । तुलसीपुर स्थित विपि चोकको अनुपकुमार श्रेष्ठको घर अगाडि र वीरेन्द्र चोकको पश्चिम तर्फ भेटिएको शंकास्पद बस्तु खाली बोतल भएको प्रहरीले जनाएको छ । प्लाष्टिकले बेरिएको बस्तुहरुलाई पातुखोलामा लगेर हेर्दा खाली बोतल रहेको पुष्टि भएको प्रहरीले जनाएको छ । यसैगरी, प्युठानका दुई स्थानमा बम जस्तै देखिने शंकास्पद बस्तु फेला परेपछि नेपाली सेनाले डिस्पोज गरेको छ । त्यसैगरी रुकुम पूर्वको सिस्ने गाउँपालिका ५ मा प्लाष्टिकमा पोको पारेर राखेको अवस्थामा भेटिएको शंकास्पद बस्तु पनि डिस्पोज गरिएकोछ ।

बाजुरामा बिभिन्न ठाउँमा शंकास्पद वस्तु भेटिए 

बाजुराको बुढीनन्दा नगरपालिकाको डाब बजारमा शंकास्पद वस्तु फेला परेको छ । जिल्ला प्रहरी कार्यालय बाजुराका प्रहरी नायब उपरीक्षक उद्धप सिंह भाटका अनुसार कपडामा केही बेरेर बमजस्तो देखीने वस्तु सडकमा भेटिएको भन्ने खबर अनुसार आफु उक्त स्थलतर्फ जाँदै गरेको उनले बताए । बन्दको कारण बिहानैदेखि सदरमुकामबाट छुट्ने लामो तथा छोटो दुरीका यातायात साधन चल्न नसकेको प्रदेश ट्राफिक प्रहरी कार्यालय अत्तरियाले जनाएको छ । प्रदेश ट्राफिक प्रहरी कार्यालयका प्रमुख केदार रजौलेले बिहान यातायातका साधन नछुटेपनि रात्रि बसहरुलाई स्कर्टिङ गरेर गन्तव्य तर्फ पठाइएको बताए । बन्दलाई लक्षित गरेर विभिन्न ठाउँमा सुरक्षा व्यवस्था कडा पारिएको प्रहरीले जनाएको छ ।

पाल्पामा बन्दको पूर्ण असर
पाल्पामा विप्लव नेतृत्वको नेकपाको असर पूर्णरुपमा परेको छ । सदरमुकाम तानसेनसहित अन्य बजार क्षेत्रहरुमा समेत बिहानैबाट सवारी साधन चलेको छैन् । अत्यावश्क बाहेक लामो तथा छोटो दुरीका सवारी साधन नचल्दा यात्रुले सास्ती पाएका छन् ।

प्यूठानमा दुई स्थानमा संकास्पद वस्तु फेला 
प्यूठानका दुई स्थानमा संस्कास्पद वस्तु फेला परेको छ । माण्डवी गाउँपालिका–३ देविस्थान र स्वर्गद्धारी नगरपालिका ४ भिग्रीमा संस्कासपपद वस्तु फेला परेको जिल्ला प्रहरी प्रमुख डिएसपी निर्मण बुढाथोकीले जानकारी दिए । प्रहरीले विहान ४ः३० बजे सडक निगरानीको क्रममा उक्त संस्कासपद वस्तु भेटाएको थियो ।  

अछाममा बन्दले यात्रु मारमा 
अछाममा बन्दका कारण बिहानैदेखि मुख्य सडकहरुमा गाडी चल्न सकेका छैनन् । सदरमुकामदेखि गाउँ जाने ग्रामीण सडकको विभिन्न स्थानहरुमा विप्लवका कार्यक्रताहरुले विभिन्न ठाउँमा ढुङ्गा तथा रुख ढालेर सडक अवरुद्ध गरेका छन् । नेकपा जिल्ला इन्चार्ज शेरबहादुर विश्वकर्माका अनुसार अछाम सदरमुकाम मङ्लसेन र साफेबगरबाट गाउँ जाने कुनै सबारी साधन चल्न दिएको छैन। तर विद्यालय र अस्पतालमा भने कुनैपनी प्रतिबन्ध लगाइएको छैन । बन्दको कारण मंगलसेन, साफे, विनायक, कमलबजार, बेलखेत र चौखुट्टेमा रोकिएका यात्रुहरू समस्यामा परेका छन । बन्दलाई मध्यनजर गर्दै जिल्लाभर व्यापक सुरक्षाकर्मी परिचालन गरिएको प्रहरी निरीक्षक कलेन्द्र बिक्रम शाहीले बताए ।

गुल्मीमा विद्यालय र बजार पूर्णरुपमा बन्द  
गुल्मीमा पनि जनजीवन प्रभावित बनेको छ । गुल्मीका बजार र विद्यालय पूर्ण रुपमा बन्द रहेका छन् । जिल्लाबाट छुट्ने लामो तथा छोटो दुरीका सवारी साधन बसपार्कमै रोकिएका छन् । सेवाग्राहिहरुको उपस्थिती न्यून छ । जसका कारण सरकारी कार्यालयहरु पनि सुनसान रहेका छन् । बन्दकर्ता बजारमा नदेखिए पनि बन्दको प्रभाव भने रहेको छ । एसइई र विद्यालयका वार्षिक परीक्षा नजिकै आएको बेला बन्दले विद्यार्थीहरुको पढाई प्रभावित भएको अभिभावकको गुनासो रहेको छ । बन्दले कुनै पनि क्षति नहोस् भनेर जिल्लामा सुरक्षा व्यावस्था कडा बनाइएको प्रजिअ यदुनाथ पौडेलले बताए । 

बुटवलमा सडकमै शक्तिशाली बम, सेनाले डिस्पोट गर्यो 

सिद्धार्थ राजमार्गअन्तर्गत बुटवलको कालीकानगरमा बाल्टीमा कालो प्लाटिकले बेरेर राखिएको बम डिस्पोज गरेको छ । बुटवल—भैरहवा सडक खण्डको कालीकानगरमा स्पिड ब्रेकरमा राखिएको बम ‘इन्प्रोभाइस एक्सप्लोसिभ डिभाइस’ (बम) भएको डिस्पोजका क्रममा पत्ता लागेको छ । नेपाली सेनाको बम डिस्पोजल टोलीले विष्फोट गर्दा निकै ठूलो आवाज आएकाले उक्त वस्तु शक्तिशाली बम भएको पुष्टि भएको प्रहरी निरीक्षक हेमबहादुर केसीले जानकारी दिए । प्रहरीले बेलैमा सेनाको टोलीबाट डिस्पोज गराएकाले ठूलो क्षति हुनबाट जोगिएको प्रहरी निरीक्षक केसीले बताए । 

गोरखाका दुई स्थानमा भेटिएका शंकास्पद वस्तु सेनाद्वारा डिस्पोज

गोरखाका दुई स्थानमा भेटिएको शंकास्पद वस्तु नेपाली सेनाले निष्क्रिय पारेको छ । गोरखा नगरपालिका–६, भीआईपी टोल र वडा नम्बर १० को बाह्रकिलोमा भेटिएको शंकास्पद वस्तु नेपाली सेनाको बम डिस्पोजल टोलीले निष्क्रिय पारेको हो । गोरखाका प्रहरी प्रमुख एसपी भोला रावलले भने २ स्थानमा भेटिएका शंकास्पद वस्तु पोखराबाट आएको नेपाली सेनाको डिस्पोजल टोलीले डिस्पोज गरेको जानकारी दिए । शंकास्पद वस्तु फेला परेसँगै प्रहरीले जिल्लाको सुरक्षा व्यवस्था थप कडा पारेको छ ।

 


Ruslan

runner bike

ime

citizens bank

राजनीति

नेपाली कांग्रेसको कार्यवाहक सभापतिको जिम्मा विमलेन्द्र निधिलाई

१० जेठ, काठमाडौं । नेपाली कांग्रेसका सभापति शेरबहादुर देउवाले उपसभापति विमलेन्द्र निधिलाई पार्टीको कार्यवाहक सभापतिको जिम्मेवारी दिएका छन् । सभापति देउवा विदेश प्रस्थान गरेकाले निधिलाई कार्यवाहक सभापति तोकिएको मुख्यसचिव कृष्णप्रसाद पौडेलद्वारा जारी विज्ञप्तिमा उल्लेख छ । नेपाली काङ्ग्रेसको विधान, २०१७ (संशोधनसहित) को धारा २५ को उपधारा (१३)को व्यवस्थाअनुसार निधिलाई कार्यवाहक सभापति तोकिएको हो । सभापति देउवा उपचारका लागि बुधबार सिङ्गापुर प्रस्थान गरेका छन । उनी आगामी सोमबार स्वदेश

ढल्यो २५ वर्षदेखि सिक्किममा रहेको चाम्लिङ सरकार

१० जेठ, भारत । सिक्किममा २५ वर्षदेखि एकछत्र सरकार चलाइरहेका पवन चाम्लिङको सत्ता यस पटक पल्टिएको छ । लोकसभा चुनावसँगै भएको सिक्किम विधानसभा चुनावमा चाम्लिङ नेतृत्वको पार्टी सिक्किम डेमोक्रेटिक फ्रन्ट(एसडीएफ) लाई सिक्किम क्रान्तिकारी मोर्चा(एसकेएम) ले २५ वर्षपछि सत्ताबाट बहिर्गमन गराएको हो । सिक्किममा रहेका ३२ वटा विधानसभा क्षेत्रमध्ये एसकेएमले १७ सिटमा जित हात पार्दै सरकार बनाउने भएको छ भने एसडीएफ १५ सिटका साथ २५ वर्षपछि विपक्षमा बस्ने पक्का भएको छ । मुख्यमन्त्री पवनकुमार चाम्लिङ

अन्तर्राष्ट्रिय

​अमेठीमा राहुल गान्धी पतनको संकेत, मतान्तर बढाउँदै स्मृति इरानी

९ जेठ, काठमाडौं । रोमाञ्चक प्रतिस्पर्धा भइरहेको अमेठी सिट राहुल गान्धीका लागि खतरामा परेको छ । अमेठीको सुरुवाति मतगणनादेखि राहुल पछि परेका छन् । राहुलले केहीबेर अग्रता लिएपनि भाजपा उम्मेदवार तथा केन्द्रीय मन्त्री स्मृति इरानीले उनलाई फेरि पछि पारेकी छन् । 

पश्चिम चीनमा अनावृष्टि, सात लाख हेक्टर जमिनमा असर

९ जेठ, कुनमिङ । चीनको दक्षिणपश्चिम युनान प्रान्तमा निरन्तरको सुख्खा र अनावृष्टिका कारण सात लाख ३७ हजार हेक्टर खेतीबालीमा नराम्रो असर परेको प्रान्तीय कृषि विभागले जनाएको छ। विभागका अनुसार करिब दुई लाख ३२ हजार हेक्टरको खेतीमा नोक्सानी पुगेको तथा १३ हजार हेक्टरको बालीनाली पूर्णरुपमा नष्ट भएको छ। यस प्रान्तमा केही महिनादेखि वर्षा नभएको र तापक्रम निकै उच्च भएको छ। अति गर्मीका कारण झिसुआङबान्नामा विद्यालयहरु पनि बन्द गरिएको छ। स्थानीय सरकारहरुले बढ्दो तापक्रमलाई ध्यानमा राखेर नागरिकलाई

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 
Top