cg electronics
nlic

१० वर्षको उमेरमै टुहुरो बनेका चार्ली चाप्लिन कसरी बनेका थिए विश्वविख्यात हाँस्यकलाकार ?


Saturday, 9 Sep, 2017 12:39 PM

१६ अप्रिल १८८९ मा बेलायतको लण्डनमा जन्मिए । चाल्र्स स्पेन्सर चाप्लिन उनको नाम रह्यो । उनै बालक अन्ततः विश्वभर चर्चित बने चार्ली चाप्लिनको नाममा । हाँस्य जगतकै विश्व विख्यात कलाकार चार्लीलाई मुत्युपछिका कयौं वर्षसम्म पनि मान्छेहरुले बिर्सिन सकेका छैनन् । इन्टरनेटमा भेटिने उनका प्रस्तुति हेरेर अहिलेको जेनेरेसनले समेत मेट मिचिमिचि हाँसिरहेको छ । 

चार्लीका बाबु एक गायक थिए, तर उनको अभिनय पनि कम थिएन । गायक र अभिनेताको छवी बाबुको थियो भने आमा गायिका तथा अभिनेत्री । चार्लीकी आमा रंगमञ्चमा लिली हार्लेको नामले चर्चित थिइन् ।

जन्म राम्रो परिवारमा थियो तर, दैवले चार्लीमा पितृत्व र मातृत्व प्रेम बाल्यकालमै खोसिदियो । उनी १० वर्षको छँदै बाबुले संसार त्यागे । बाबुको मृत्युसँगै आमाको हालत खराब भयो, दिमाग खल्बलियो । त्यसपछि उनी एक्लोजस्तो भए ।

सानै उमेरमा आमाबाबुको माया र ममताबाट बन्चित चार्ली दाजु सिडनेको बाल्यकाल दुःखद रह्यो । तर, होनहार आमाबाबुबाट जन्मजात पाएको प्राकृतिक प्रतिभालाई चाप्लिन दाजुभाइले उत्कृष्ट रुपमा आफ्नो कार्य प्रगतिको मार्ग बनाउन संघर्ष गरे । 

चार्लीले ‘द एट लंकाशायर लेड्स’ नामको एक किशोर समूहको सदस्य बनेर पेशा सुरु गरे । यहीँबाट उनको सफलताको कहानी सुरु भएको छ । उक्त समूहमा उनले निकै चर्चा कमाएका थिए । 

करिअर सुरुवात 
१२ वर्षको उमेरमा उनलाई लेजिटिमेट मञ्च शो मा अभिनय गर्ने पहिलो अवसर मिलेको थियो । उक्त शोमा उनले ‘शेरलक होम्स’ मा विलियम जिलेटको समर्थनमा ‘बिली’ केटाको भूमिका देखाएका थिए । त्यसपछि चार्लीले पेशेवर हास्य कलाकारको रुपमा करिअर सुरु गरेका थिए । अन्ततः उनी १९०९ तिर फ्रेड कार्नो पान्टोमिम ट्राउप कम्पनीमा आवद्ध भए । उनी एउटा कमेडिक स्केचको रुपमा अंग्रेजी म्यूजिक हलमा कमेडिक स्केचको रुपमा काम गर्न थाले ।

कार्यक्रमहरु गर्दै जाँदा उनी अमेरिकी दर्शकमाझ् रुचाइए । छोटो समयमै उनी हिट भए । विशेषगरी उनको ‘अ नाइट इन इंग्लिश म्यूजिक हल’ नामक एक स्चेचमा उनले निभाएको पात्रलाई निकै मन पराए । १९१२ मा फ्रेड कार्नो पुनः अमेरिका आएका थिए । त्यो बेला चार्लीलाई एउटा चलचित्रमा अभिनय गर्ने प्रस्ताव आयो । 

अन्ततः उनले नोभेम्बर १९१३ मा पिहलो पटक आफूलाई क्यामेराको अगाडि प्रस्तुत गराउन सफल भए । म्याक सेनेट र किस्टोन फिल्म कम्पनीमा प्रवेश गरेकै महिना उनले आफ्नो कदमलाई पहिलोपटक सिने जगतमा हालेका थिए । उनको प्रारम्भिक तलब प्रतिहप्ता एक सय ५० डलर थियो । तर, स्क्रिनमा रातारात सफलता प्राप्त गर्दै चार्लीले अन्य थुप्रै निर्माताहरुलाई आफूसँग काम गर्न प्रोत्साहित गरेका थिए । 

सेनेटसँगको आफ्नो सम्झौता सकिएलगतै चार्ली १९१५ मा ठूलो सेवासुविधासाथ एस्सेन कम्पनीमा प्रवेश गरे ।  त्यति नै बेला बेलायतबाट उनका दाजु सिडने अमेरिका आए र उनले किस्टोनसँग सम्झौता गरेर आफ्नो चार्लीको ठाउँमा आफूलाई मुख्य कमेडियनको रुपमा स्थिापित गरेका थिए ।

अर्को वर्ष चार्लीको माग झन् बढ्यो । म्युचुअल फिल्म कर्पोरेसनसँग उनले दुई रिल कमेडी बनाउन ठूलो राशिसहित हस्ताक्षर गरे । यसमा ‘द फोरवाकर’, ‘फायरम्यान’, ‘द वगाबण्ड’, ‘वन  एएम’ (जसमा उनले पूरै दुई रिलमा एक्लै अभिनय गरेका थिए), ‘द काउन्टेस’, ‘द पाउनशप’, ‘बिह्यान द स्क्रिन’, ‘द रिंक’, ‘इजी स्ट्रीट’ (त्यो समयसम्मकै उनको सबैभन्दा राम्रो निर्माणको रुपमा लिइएको थियो), ‘द क्यूर’, ‘द इमिग्रेन्ट’ र ‘द एडभेन्चर’ उनका चर्चित कमेडी फिल्म हुन् ।
स्वतन्त्रता पाउनको लागि
१९१७ मा म्युचुअलसँगको सम्झौताको समाप्तिपछि चार्लीले आफैँ फिल्म बनाउने सोंचमा पुगे । आफैँ फिल्म बनाउँदा धेरै स्वतन्त्रता मिल्ने भएकाले निर्माता बन्ने रहर चल्यो । उक्त समयसम्म उनी हलिउडको आवासीय क्षेत्र ला ब्रेआ एवेन्यूडे र डे लोङपेरको कुनामा आफ्नै स्टूडियो बनाउने काममा व्यस्त भएका थिए ।

१९१८ को सुरुवातमा चार्लीले आफ्नो तस्विरको फाइदा लिन बनाइएको एक नयाँ संस्था फस्र्ट नेशनल एक्सपिबिटर्स सर्किटसँग सम्झौता गरे । उक्त नयाँ सोंच र सम्झौताका साथ आफ्नो पिहलो फिल्म ‘अ डग्स लाइफ’ नामक फिल्म निमार्ण गरे । यो फिल्मपछि उनले ‘द बण्ड’ निर्माण गरे जसलाई अमेरिकी सरकारले ‘लिबर्टी लोन ड्राइभ’लाई लोकप्रिय बनाउन प्रयोग गरेको थियो । 

उनले युद्धलाई केन्द्रीत गर्दै १९१८ मा अर्को कर्मसियल फिल्म ‘सोल्डरस आर्म’ निर्माण गरेका थिए । सो फिल्म समयसापेक्ष भएकै कारण उक्त फिल्म बक्स अफिसमा निकै हिट भएकाले यो फिल्मले चार्लीको लोकप्रियतालाई दर्शकमाझ अझ बढाएको थियो ।

‘सोल्डरस आर्म’ को सफलतासँगै उनले १९१९ मा  ‘सन्नीसाइड’ र ‘अ डेइज प्लेजर’ दुवै फिल्महरु प्रर्दशन गरेका थिए । सोही बर्ष अप्रिलमा चार्लीले ‘मेरी पिकफोर्ड’, ‘डगलास फेयरबैंक्स’ र डिजे ग्रिफिथको साथ ‘युनाइटेड आर्टिस्ट कर्पोरेसन’ बनाउन हात मिलाएका थिए ।

यद्यपि, उनले युनाइटेड आर्टिस्ट कर्पोरेसनमा आफ्नो जिम्मेवारी ग्रहण गर्नुअगावै उनलाई आफुले ‘फस्र्ट नेशनल’सँग गरेको सम्झौता पूरा गर्नका लागि १९२१ मा ‘द किड’ नामक ६ रिलको ‘मास्टर पिस’ फिल्ममा काम गर्नु परेको थियो । यस फिल्ममा उनले विश्वकै सबैभन्दा चर्चित बाल कलाकार ज्याकी कोगनलाई पर्दामा पहिलो पटक उतारेका थिए । यसलगत्तै चार्लीले १९२१ मै अर्को फिल्म ‘द आइडल क्लास’ मा पनि काम गरे जसमा उनको दोहोरो चरित्रको चित्रण गरिएको थियो ।

१९२१ मा नै फिल्म ‘द आइडल क्लास’ सकाएपछि चार्लीले फिल्म लाइनलाई केही बिराम दिएर युरोपका लण्डन, पेरिस, बर्लिनमा छुट्टी मनाएका थिए । 

युरोपमा छुट्टी मनाएर आएलगतै उनले पुनः फिल्ममा काम गर्न सुरु गरेका थिए । ‘अ ओमेन अफ परिस’ (१९२३), ‘द गोल्ड रस’(१९२५), ‘द सर्कस’(१९२८), ‘सिटी लाइट’(१९३१), ‘मोर्डन टाइम्स’(१९३६), ‘द ग्रेट डिटेम्टर’(१९४०), ‘मान्सियर भेरडोक्स’(१९४७), ‘लेमलाइट’(१९५२), ‘अ किंग इन न्यू योक’(१९५७) र ‘अ काउन्टेस फर्म हङकङ’(१९६६)जस्ता थुप्रै फिल्ममा अभिनय गरेर दर्शकहरुलाई हँसाएका थिए ।

१९६६ मा निर्माण गरिएको ‘अ काउन्टेस फर्म हङ्गकङ्ग’ नै चार्लीको अन्तिमा फिल्म हो । यो उनको एकमात्र रंगिन फिल्म पनि हो । यस फिल्ममा उनलाई सोफिया लोरेन र मार्लोन ब्रेन्डोले साथ दिएका थिए । यो फिल्म ‘अ काउन्टेस फर्म हङकङ’ १९३० को दशकमा एक परियोजनाको रुपमा सुरु गरिएको थियो । यो फिल्मा चार्ली एक जहाजको प्रबन्धकको रुपमा देखिएका थिए । यद्यपि यो फिल्म बक्स अफिसमा हिट भएन, तर गीतहरु साउण्ड ट्रयाकमा हिट भएका थिए । 

जीवनका अन्तिम वर्षहरु
चार्ली एक बहुमुखी प्रतिभाका धनी व्यक्ति थिए । उनले आफुलाई हाँस्य कलाकारबाहेक लेखक, संगीतकार र खेलाडीको रुपमा पनि प्रस्तुत गरेका थिए । उनले माइ ट्रिप अबरोड, अ कमेडियन सिज द वोल्ड, माइ अटोबायोग्राफी, माइ लाइफ इन पिक्चर नामका किताब लेखेका थिए ।
 
उनी एक संगीतकार पनि थिए । थुप्रै गितहरु लेखेर प्रकाशित पनि गरेका थिए । तीमध्ये सिंग अ संग, विद यू डियर इन बम्बे, देयर्स अल्वेयज वन यू कान्ट फर्गेट, स्माइल, इर्टनल्ली, यू अर माइ हिट छन् । फिल्मका सबै साउन्ड ट्रयाकहरुमा पनि उनकै संगीत हुने गथ्र्यो । 

चार्ली यस्ता हाँस्य कलाकार हुन्, जसले आफैँले फिल्म लेख्ने, अभिनय गर्ने, निर्देशन गर्ने, संगीत भर्ने र फिल्म बनाउने गर्थे । दुनियाँका दर्शकलाई निराश बनाउँदै चार्ली १९७७ को क्रिसमस डे को दिन यो संसारलाई सधाका लागि छोडेर गए ।

 


Ruslan

sponserworldcup

राजनीति

डा देवकोटाप्रति राष्ट्र सँधै ऋणी : नेकपा

५ असार काठमाडौँ, ।  नेपाल कम्युनिष्ट पार्टीले न्युरो साइन्सका विख्यात चिकित्सक प्रा।डा। उपेन्द्र देवकोटाको निधनबाट पार्टी स्तब्ध भएको जनाएको छ । डा. देवकोटाले न्युरो सर्जरीका क्षेत्रमा प्राप्त गरेको उचाइँ कुनै एक व्यक्तिका लागि नभएर सिंगो नेपाल र नेपालीले गर्व गर्न लायक रहेको सो पार्टीका अध्यक्ष एवं प्रधानमन्त्री केपी शर्मा ओलीले जारी गरेको विज्ञप्तिमा जनाइएको छ । “स्रोत, साधन र प्रविधिको सीमितता भएको बेलामा खुल्ला प्रतिस्पर्धामार्फत योग्यताका

​पार्टीको विधान पालना गरे गुटउपगुटको अन्त्य : नेता सिंह

४ असार, चितवन । नेपाली काँग्रेसका नेता प्रकाशमान सिंहले पार्टीले विधानमा उल्लेखित कुरा अक्षरशः पालना गरे पार्टीभित्रको गुट उपगुट अन्त्य हुने बताएका छन् । प्रजातन्त्रवादी प्राध्यापक संघ नेपालको प्रदेश नं ३को प्रदेशस्तरीय भेलालाई  सम्बोधन गर्दै उनले पार्टीको वास्तविकतालाई आधार मानेर कमीकमजोरी सुधार्नुपर्ने आवश्यकता औल्याएका हुन् । प्रजातन्त्रिक पद्धति पार्टीभित्रबाट थाल्नुपर्नेमा जोड दिँदै उनले भने, “यो अवस्थामा पार्टी 

​काँग्रेस तत्काल महाधिवेशनमा जानुपर्नेमा नेत्री कोइरालाको जोड

४ असार, काठमाडौँ । नेपाली काँग्रेस नेत्री सुजाता कोइरालाले महासमिति बैठक बोलाएर काँग्रेस तत्काल महाधिवेशनमा जानुपर्ने बताएकी छिन्। 
रिपोर्टर्स क्लब नेपालले आज आयोजना गरेको साक्षात्कारमा उनले महासमिति बैठकमा आएका राय सुझावलाई समेटेर काँग्रेस चाँडो महाधिवेशनमा जानुपर्नेमा जोड दिएकी हन् ।“काँग्रेसभित्र हारको जिम्मा लिनेसम्म व्यक्ति नहुँदा समस्या परेको छ”, नेत्री कोइरालाले भनिन्, “संसद्मा बोल्ने विषयमा

अन्तर्राष्ट्रिय

युद्ध अन्त्यको घोषणागर्दै दुई कोरिया

४ असार सोल  । उत्तर र दक्षिण कोरियाले बिगत लामो समयदेखि उनीहरुबीच जारी घोषित युद्ध अन्त्यको घोषणा गर्ने भएका छन् । यसै वर्षको अन्त्यतिर उसले युद्ध अन्त्यको घोषणा गर्ने भएको दक्षिण कोरियाली विदेशमन्त्रीले जानकारी दिनुभएको छ । उत्तर कोरियासँगको युद्ध अन्त्यको घोषणा गर्ने तयारी दक्षिणले गरेको जनाएको हो । दक्षिण कोरियाली विदेशमन्त्री काङ कियाङ् ह्वाले सोमबार सोलमा आयोजित पत्रकार सम्मेलनमा सो जानकारी दिएका हुन् । उनले उक्त 

ग्वाटेमालामा फेरि अर्को ज्वालामुखी विस्फोट, मृत्युहुनेको संख्या ७५ नाघ्यो, १७ लाख मानिस प्रभाव

२३ जेठ काठमाडौ । ग्वाटेमालामा फेरि ज्वालामुखी विस्फोट हुन थालेपछि आपत्‌कालीन सेवाका अधिकारीहरूले वरपरका मानिसहरूलाई सुरक्षित स्थानमा सारिरहेका छन्। फोएगो नामक ज्वालामुखीबाट ताजा लाभा निस्केर दक्षिणतिर खसिरहेको छ। आइतवार ज्वालामुखी विस्फोट भएयता कम्तीमा ७२ जनाको ज्यान गएको छ भने अन्य कैयौँ

अमेरिकी विदेशमन्त्री मनुसीनमाथि जवाफी हमला, व्यापार युद्धका लागि तयार रहन चेतावनी

अमेरिकी विदेशमन्त्री स्टिभ मनुसीनले स्टील र एलुमिनियममा कर लगाउने आफ्नो सरकारको निर्णयलाई लिएर क्रुद्ध बनेका औद्योगिक राष्ट्रहरूको समूह जी सेभेनका अर्थमन्त्रीहरूबाट कडा आलोचनाको सामना गरेका छन्। जी सेभेनमा आबद्ध सात देशका अर्थमन्त्रीहरूको बैठक संयुक्त राज्य अमेरिकासँग व्यापार युद्ध रोक्न केही दिन मात्रै बाँकी रहेको चेतावनी दिँदै सकिएको थियो। क्यानडाको विस्लरमा भएको बैठकमा इयु र क्यानडाले प्रतिकार गर्ने चेतावनी दिए भने 

विचार / ब्लग

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।

माइत जाने चेलीलाई ५ सय ८० शब्दको सुझाव

माइत भन्ने बित्तिकै हरेक महिलाको अनुहारमा रौनक आउँछ । माइतको मोह महिलाले जीवनभर भुल्दैनन् । पतिले घरमा जतिसुकै सुख दिएको होस्, माइतमा पाइने सुखका अगाडि ती सबै कम लाग्छन् । माइतबाट सानो बोलावट मात्रै आउनुपर्छ, जानका लागि तुरुन्त तयार नहुने को नै होला र ? माइत जानु नराम्रो होइन । तर, प्रायः के पनि देखिन्छ भने जुन खुसी र उत्साहले महिलाहरु माइत जान्छन्, त्यति नै खुसी लिएर भने फर्कदैनन् ।

अध्यक्ष पद नै एमाले–माओवादी एकताको बाधक ! ओली र दाहालको आ–आफ्नै रणनीति

निर्वाचनलगत्तै पार्टी एकीकरण गर्ने बताएका दुई नेताले एकता प्रयास ठोस रुपमा अघि नबढेको बेला यस्तो कुरा बताउँदा दुबै पार्टीको एकता चाहनेलाई हौसला मिलेको थियो । आशा जागेको थियो । तर, एतिका दिन बितिसक्दा पनि पार्टी एकताले गति लिन सकेको छैन । 
Top