syangyong
nlic

एकता गर्ने विषयमा एमालेको सक्रियता अलिक कमजोर देखियो : देवेन्द्र पौडेल, नेता माओवादी केन्द्र


Friday, 5 Jan, 2018 3:08 PM
नेकपा एमाले र माओवादी केन्द्रबीचको एकताले अझै मूर्तरुप पाउन सकिरहेको छैन । दुवै पार्टीका नेताहरु एकताको लागि प्रतिवद्व रहेको बताइरहँदा पनि ठोस योजनाका साथ काम हुन सकिरहेको छैन । जसले गर्दा वाम एकताको कुरा भावना मात्र सीमित हुने त होइन भन्ने शंकाहरु पनि उब्जिन थालेका छन् । नेतृत्वको व्यवस्थापनको प्रश्न र एमाले भित्रकै गुटउपगुटका कारण एकतामा बिलम्ब भइहरको अनुमान पनि गरिन थालेको छ । यसै सन्दर्भमा न्यूजसेवाले माओवादी केन्द्रका नेता देवेन्द्र पौडेलसँग पार्टी एकतामा भइरहेको ढिलाईबारे कुराकानी गरेको छ ।

नेकपा एमाले र माओवादी केन्द्रबीचको पार्टी एकतामा निकै अलमल देखियो के कुराले एकता प्रक्रियामा बाधा खडा गरिरहेको छ ?
दुई पार्टीको बीचमा हामीले वाम गठबन्धन बनाएर चुनावमा गयौं । जनताले त्यसलाई अनुमोदन गरिसकेका छन् ।  त्यसैले एकता गर्नै पर्दछ भन्ने कुरा हाम्रो तर्फबाट दृढतापूर्वक राख्न चाहन्छौं । दोस्रो विचारको प्रसंग, नेतृत्व र संगठनात्मक प्रणालीको प्रश्न छ । एकता भन्ने वित्तिकै एक अर्कामा अन्तरसम्बन्धित आउँछ । विचारको सन्दर्भमा दुइटै पार्टीले विगतमा लिएका विचारलाई तलसम्म लिएर लैजाने र बहस गर्ने भन्ने कुरा छ । अहिले नै विचार छोडियो भन्दाखेरी राम्रो सन्देश जाँदैन । त्यसरी विचारको व्यवस्थापन गर्न आवश्यक छ । हामीले त्यही भनेका छौं । अर्को कुरा मुख्य नेतृत्वको व्यवस्थापन र तत्काल कार्यसम्पादन गर्नका लागि केन्द्रीय कमिटीको व्यवस्थापन गर्नु पर्दछ । दुईटा पार्टी अध्यक्ष पूर्व प्रधानमन्त्रीहरु र केन्द्रीय कमिटिको व्यवस्थापन पनि गर्नु पर्ने छ । केन्द्रीय कमिटि त एउटा मात्र हुनु प-यो दुईटा केन्द्रीय कमिटी त हुँदैन  । यो भनेकै संगठनात्मक प्रश्न हो ।  अरु महाधिवेशनबाट तल्लो कमिटीलाई हल गरेर ल्याउने भन्ने विषय बाँकी नै हुन्छ । यो एक डेढ वर्षमा गर्दा हुन्छ । तर केन्द्रीय कमिटी र मुख्य नेतृत्वको व्यस्थापन  मिलाउन प-यो । त्यसको लागि दुईवटा महत्वपूर्ण पद छन् । एउटा प्रधानमन्त्री र अर्को पार्टी अध्यक्ष । यी दुईटा महत्वपूर्ण जिम्मेवारी दुई पार्टीका अध्यक्षले लिँदा एक अर्कामा सम्मानजनक हुन्छ । यी दुई नेता बसेर थुप्रै पार्टी पंक्ति मिलाउनुपर्ने कुराको व्यवस्थापन गर्छन् । त्यसरी संगठनात्मक विषय मिलाउनु पर्छ भनेका छौं ।

तपाईंहरु सम्माजनक रुपमा पार्टी एकता गर्नुपर्छ भन्दै हुनुहुन्छ । तपाईंहरुको मनमा एमालेले अलिकति तल पारेर एकता गर्न खोज्दै छ भन्ने खालको बुझाई बाक्लिन थालेको हो ?
त्यस्तो होइन । हामीले गर्ने औपचारिक–अनौपचारिक भेटघाट र छलफल र उहाँहरुसितका कुराकानीमा त्यस्तो भन्नु भएको छैन । एकता गर्ने हो सम्मानजनक रुपमै हुन्छ । दुईटा पार्टी मिलेर गर्नुपर्दछ भन्ने कुरा उहाँहरुले गरेको हामी पाउँछौ । तर जति सक्रियता हाम्रो वृत्तबाट भयो त्यति सक्रियता एमालेको तर्फबाट अलि नपुगेको हो कि भन्ने महशुस पछिल्लो अवस्थामा भएको हामीलाई लागेको छ । उहाँहरुको सक्रियता पनि त्यत्तिकै हुनु जरुरी छ । केपी ओलीजीको स्वास्थ्य प्रतिकुलताले पनि केही ढिलाई भएको होला तर ठूलो पार्टी भएको नाताले बढि सक्रियता एमाले र केपी ओलीको तर्फबाट हुन आवश्यक छ ।

तपाईंको यी विचारहरु सुन्दा एमाले र माओवादी बीचको एकताको प्रयास ठोस  योजना भन्दा पनि भावनात्मक रुपमा मात्रै अघि बढेजस्तो देखियो । भावना त जुनसुकै बेला परिवर्तन हुन सक्छ ?
मलाई अझै पनि त्यस्तो लाग्दैन । एकताको कुरा विषयान्तर भएको छैन । एकता गर्नै पर्दछ । एकाध साथीहरु हुनुहुँदैन भन्ने पक्षमा हुनुहुन्छ । सिंगो दुइटै पार्टीको मुल पंक्ति आधारभूत रुपमा पार्टी एकता गर्नु पर्दछ र टुंग्याउँ भन्ने कुरामा प्रतिवद्ध हुनुहुन्छ । सरकार गठनको प्रसंग केही लम्बिने स्थिति देखा परेको हुनाले त्यसले पनि केही न केही असर ग¥यो । एकता हुन्छ भन्ने कुरामा निकै आशावादी र सक्रिय छौं ।

एमालेका केही नेता प्रधानमन्त्री र पार्टी अध्यक्ष एकै व्यक्ति हुनुपर्दछ नत्र पार्टीमा अनेक शक्ति केन्द्र बन्छ भन्दै हुनुहुन्छ । एमालेको यो भनाईलाई तपाईंरुले कसरी लिनु भएको छ  ?
कम्युनिष्ट पार्टी भन्ने वित्तिकै सामूहिकताको केन्द्रीकृत अभिव्यक्ति भन्छौं हामी । राजा महाराजामा एउटै व्यक्तिमा केन्द्रीत हुन्छ । कम्युनिष्ट पार्टी भन्ने वित्तिकै त्यो एउटा कम्युन समुह, सामुहिकताको केन्द्रीकृत अभिव्यक्तिको रुपमा बुझ्नु पर्दछ ।  गुह्य र आधारभूत कुरा नै त्यही हो । व्यक्ति विशेषको पनि उहाँहरुले त्यसरी कुरा उठाउनु भएको छैन । एउटै व्यक्तिमा नहुँदा बहुकेन्द्र हुन्छ भन्ने कुरा सिद्धान्त गलत छ । कम्युनिष्ट पार्टी सामुहिकताको केन्द्रीकृत अभिव्यक्ति भनेको हुँदाखेरी त्यो कसले कसरी उठाउनु भयो मलाई थाहा छैन । व्यक्ति विशेषको कुरा नगरौं ।

अन्तर्राष्ट्रिय रुपमा हेर्दा पार्टी, सरकार र सेनाको अलग–अलग रुपमा नेतृत्व गरेका कुराहरु छन् । जस्तो चीनको उदाहारण पनि हामी दिन सक्छौं । सरकार, पार्टी र सेनाको नेतृत्व अलग–अलग व्यक्तिले गरेका पृष्ठभूमीहरु पनि छन् । हामी पुरानो -याडिकल कम्युनिष्ट पार्टीको संरचनामा छैनौं । लोकतन्त्रको अभ्यासमा लोकतन्त्रको प्रणालीमा कम्युनिष्ट पार्टीको अवतरण भएर पछिल्ला परिस्थितिअनुरुप कम्युनिष्ट आन्दोलनलाई प्रतिस्पर्धाको राजनीतिमा उभ्याउने गरी हामी अगाडि बढेका छौं । त्यसलै एउटै व्यक्ति सबै ठाउँको नेतृत्वमा नहुँदा बिग्रन्छ कि भन्ने कुरा सहि होइन । त्यसो गरियो भने झन बिग्रन्छ । सबैभन्दा बढि माओवादीका साथीहरुले एमाले र एमालेका अध्यक्ष केपी ओलीलाई विश्वास गर्नु पर्दछ । एमाले वृतका साथीहरुले प्रचण्ड र माओवादीलाई विश्वास गर्नु पर्दछ । अनि मात्रै एकतामा भावनात्मक सम्बन्ध हुन्छ । त्यसरी मात्रै हामीले एकतालाई अघि बढाउन सक्छौं । जुनकुरा चुनावको क्रममा प्राप्त भइसकेको छ । कार्यकर्ताहरुले आफ्नो ठाउँमा त्यसको अभ्यास गरिसकेका छन् । त्यसो भएको हुँँदाखेरि पार्टी र सरकारको नेतृत्व कुन गर्दा आफूलाई सहज हुन्छ त्यो केपी ओली जीले विचार गर्ने कुरा हो । उहाँलाई जे लिँदा सहज हुन्छ त्यसको नेतृत्व गर्नु पर्दछ । त्यसपछि बाँकी रहेको पदको नेतृत्व प्रचण्डले गर्नु पर्दछ । पद्दति, प्रणालीमा मिल्ने कुरा नै गरिरहेका छौं हामीले ।

एमालेभित्रको गुट–उपगुटको टकरावले पार्टी एकतामा बाधा पुगेको भन्दैछन् । तपाईंहरुले पनि त्यस्तै अनुभव गरिराख्नु भएको हो ?
हामी एमालेलाई सहयोग गर्न तयार छौं । गुट–उपगुटबाट कहीँ पुगिदैन भन्ने कुरा उहाँहरुले पनि बुझ्नु पर्दछ । हामीले पनि बुझ्नु पर्दछ । नेपालको सिंगो कम्युनिष्ट आन्दोलनमा लागेको सबै कमरेडहरुले बुझ्न जरुरी छ । सत्तरी बर्षको अन्तरालमा हामीले धेरै अभ्यास ग-यौ । गुट–उपगुटका कुराहरुले हामीलाई कहीँ पनि पु¥याएन । हाम्रो जनमत विकेन्द्रित भयो । हामीले समाजवाद ल्याउन सकेनौं । हामी टुटफुट र विभाजनको श्रृङ्खलाबाट नकारात्मक कुराहरुको महशुस कहीँ न कहीँ गर्नुप-यो । त्यो भएको हुँदाखेरी यो गुट उपगुटबाट अघि बढ्न सकिँदैन । एमालेभित्र त्यस्तो हो भने हामीले भन्ने कुरा भएन । अलग पार्टी भएको हँुदाखेरी । उहाँहरुले त्यसको सकुशल ‘म्यानेज’ गर्नुपर्दछ । सबै छरिएर रहेका, एमाले भन्दा बाहिरका वामपन्थीलाई समेट्ने गरी एमाले पंक्ति बाहिर आउनु पर्दछ । माओवादीभित्रका पनि गुट छन् भने त्यसलाई अन्त्य गरेर सिंगो वामपन्थीलाई समेट्ने गरी रिङ बाहिर आउनु पर्दछ । त्यसो गर्दामात्रै छरिएर रहेका वामपन्थीहरुलाई गोलबन्द गर्न सक्छौं ।

केपी ओली र प्रचण्डले बेलाबखत आन्तरिक र बाह्य शक्तिले पार्टी एकतालाई रुचाएका छैनन् भनेर भनिराख्नु भएको छ । त्यो आन्तरिक शक्ति भनेको दुवै पार्टीभित्रका दोस्रो तहका नेताहरु त होइनन् ? जसले अध्यक्षहरुलाई अघि बढ्नको लागि तगारो  हालेको ?
एकाध केही साथीहरुको रुची नहुन सक्छ । उहाँहरुको नाम अहिले नखोलौं । हाम्रो र मेरो व्यक्तिगत कुरा कुरा गर्नुहुन्छ भने हामी एकताको पक्षमा छौं । एकता पक्षधरहरुको कुरा के हो भने हामी कहाँ पर्छौ भन्ने विषय मुख्य होइन । हामी जिल्ला कमिटी, गाउँ वा नगर कमिटीमा परौंला । भोलि, एउटा प्रणाली सुनिश्चित गरिरसकेपछि त्यो प्रणालीमा आउन तयार हुनु पर्दछ । कुनै पनि पनि हैसियत नभएको ठूलो नेता हुनुभन्दा जनताले सम्मान गर्ने र जनताको सेवा गर्न पाए सक्ने, गर्व गर्न लायक पार्टीको सदस्य बन्नु ठूलो कुरा हो । त्यो भएको हुनाले एकता गर्नु पर्दछ भन्ने कुरामा हामी छौं । म व्यक्तिगत रुपमा पनि छु । बृहत ध्रुविकरणको कुरा, छरिएका वामपन्थी प्रगतिशील एकै ठाउँमा हुनुपर्दछ भन्ने कुरा उठाएको हुँदाखेरी नेतृत्वलाई परेका समस्या सहजिकरण गर्न, मद्दत गर्न कहाँबाट के गर्न सकिन्छ भन्ने कुरामा हामी तयार छौं ।

त्यसो हो भने पार्टीभित्रबाट कुनै रोकावट आयो भने त्यसलाई चिरेर अघि बढ्न दुबै पार्टीका अध्यक्षहरु स्वतन्त्र र सक्षम छन् अहिलेको स्थितिमा ?
एमालेभित्रको कुरा उहाँहरुले  जान्ने हो । माओवादीभित्र हामीले यतिधेरै अधिकार दिएका छौं  अध्यक्ष प्रचण्डलाई, जे सहज हुन्छ त्यही रुपमा निर्णय गर्नुहोस भनेर भनेका छौं । यद्यपी निर्णयहरु गर्दा कमिटीमा आएर कमिटीको स्वीकृतीमा जाने कुरा त विधि–पद्दतिको रुपमा अपनाउनु पर्दछ । तर फेरी पनि एकता टुंग्याउन सरकारलाई वामपन्थीको नेतृत्वमा अगाडि बढाउन, विकास निर्माण र समृद्विको पहल गर्नका निम्ती कसरी जाँदा ठिक हुन्छ हामी सहयोग गर्न तयार छौं भनेर अध्यक्ष प्रचण्डलाई भनेका छौं ।

एमाले र माओवादीलाई संसदीय गणितले नयाँ गठबन्धन बनाउने सुविधा पनि दिएको छ र त्यही सुविधाले गर्दा नयाँ सम्भावनाको खोजीमा दुवै पार्टी रहेकाले पनि एकता प्रक्रियाले गति लिन नसकेको भनेर टिप्पणी सुरु भएको छ नि ?
यो जनअनुमोदित विचार होइन । जनताले त पार्टी एकता गर, एउटै पार्टी बनाएर आउ, स्थायी सरकार बनाएर विकास निर्माण र समृद्विको नेतृत्व गर भनेर आदेश दिएको छ । अब ‘साइड’मा कतिपय ‘ललिपप’हरु प्रलोभन आएका हुन सक्छन् । त्यसकारण जनताको यो आदेशलाई आत्मसाथ गर्न आवश्यक छ । गणितीय रुपमा सदनमा उपस्थित भएको संख्यालाई आधार मान्ने कुरा भन्दा पनि जनताको मुख्य जनमतलाई आधार मानेर अगाडि बढ्ने कुरा नै अहिलको आवश्यकता हो ।

त्यसो भए माओवादीले नयाँ गठबन्धनको बारेमा सोचेको छैन ?
अहिले हामी त्यो ठाउँमा पुगेका छैनौं । भोलि अपवादमा अर्कै स्थिति पैदा भएछ भने सोच्ने कुरा त बेग्लै हो । पार्टी एकता, स्थायी सरकार र समृद्धिको नेतृत्व नै अहिले हाम्रो पहिलो प्राथमिकता हो ।

तपाईंहरुको पहिलो प्राथमिकता सरकार निर्माण वा पार्टी एकीकरण वा यी प्रक्रियालाई सँगसँगै लैजानु पर्छ भन्ने हो ?
हाम्रो चाहना र हाम्रो निर्णय भनेको पहिला पार्टी एकता त्यसपछि सरकार अनि ‘डेलिभरी’ हो । हामीले यसरी सूत्रबद्ध गरेका छौं । किनभने पार्टी एकता सहि रुपमा भयो भने सरकार निर्माण पनि सहि हुन्छ । हाम्रो मात्रै चाहना भन्ने कुरा भएन । त्यसो हुन सकेन भने सरकार र पार्टी एकता एकैचोटी भनेका छौं ।

पार्टी एकता संयोजन समितिको बैठक पनि बस्न सकेको छैन । यसरी दिनहरु लम्बिँदै गए भने पार्टी एकताको स्पिरिट कमजोर हुने खतरा पनि त बढ्ला नि ?
लम्बिँदै गयो भने आशंकाहरुको बीचबाट अर्कै स्थिति पैदा हुन सक्छ । यसलाई छिटो भन्दा छिटो सहजीकरण गरेर छोट्याउने दिशातर्फ जानु पर्दछ । र संभवत केही दिन भित्र त्यो समाचार आउने छ ।

 


Ruslan

machha bank

ime

samajik surachhya

राजनीति

भूमि समस्या निराकरणका लागि योजनाबद्ध काम हुँदै : मन्त्री अर्याल

२७ मंसिर, काठमाडौं । भूमि व्यवस्था, सहकारी तथा गरीबी निवारणमन्त्री पद्मा अर्यालले सरकार भूमिसम्बन्धी सबै समस्या निराकरण गर्न योजनाबद्ध काममा लागेको बताईन् । आज महोत्तरीको बर्दिवास नगरपालिका–३ गौरीडाँडामा आयोजित अव्यवस्थित बसोबास व्यवस्थापनसम्बन्धी संवाद कार्यक्रममा मन्त्री अर्यालले अहिले भूमिबारे नीति निर्माण र कानूनसम्बन्धी काम भइरहेको बताईन । महोत्तरी जिल्लाका बर्दिवास र भङ्गाहा एवम् धनुषा जिल्लाको मिथिला नगरपालिकाका 

भूमि समस्या निराकरणका लागि योजनाबद्ध काम हुँदै : मन्त्री अर्याल

२७ मंसिर, काठमाडौं । भूमि व्यवस्था, सहकारी तथा गरीबी निवारणमन्त्री पद्मा अर्यालले सरकार भूमिसम्बन्धी सबै समस्या निराकरण गर्न योजनाबद्ध काममा लागेको बताईन् । आज महोत्तरीको बर्दिवास नगरपालिका–३ गौरीडाँडामा आयोजित अव्यवस्थित बसोबास व्यवस्थापनसम्बन्धी संवाद कार्यक्रममा मन्त्री अर्यालले अहिले भूमिबारे नीति निर्माण र कानूनसम्बन्धी काम भइरहेको बताईन । महोत्तरी जिल्लाका बर्दिवास र भङ्गाहा एवम् धनुषा जिल्लाको मिथिला नगरपालिकाका 

शहीदको सपना पूरा गराउन लागिपरेका छौँ : अध्यक्ष दाहाल

२७ मंसिर, काठमाडौं । नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ ले नेपाली जनक्रान्तिका शहीदको सपना पूरा गराउन आफ्नो पार्टी प्रयासरत रहेको बताएका छन् । थारू भाषाको पत्रिका ‘मुक्तिक डगर’(मुक्तिको बाटो) को आज काठमाडौंमा आयोजित कार्यक्रममा विमोचन गर्दै उनले शहीद, बेपत्ता तथा घाइते योद्धाको सपना पूरा गराउन आफूले कोही कसैसँग पनि सम्झौता गर्न नसक्ने बताएका हुन् । नेपालको समग्र परिवर्तनका लागि शहीदले बगाएको रगत

अन्तर्राष्ट्रिय

ब्रेक्जिट सम्झौता बचाउन बेलायती प्रधानमन्त्रीको दौडधुप

२७ मंसिर, ब्रसेल्स । बेलायतको सत्तारुढ कन्जरभेटिभ पार्टीको नेतृत्वविरुद्ध ल्याइएको अविश्वास प्रस्ताव बिफल भएसँगै ब्रेक्जिट सम्झौता र आफ्नो करिअर जोगाउन सङ्घर्षरत बेलायती प्रधानमन्त्री थेरेसा मे तीन दिनको बीचमा दोस्रो पटक ब्रसेल्स आइपुगेकी छिन् । युरोपेली युनियनको मुख्यालयमा हुने वार्तामा युरोपेली मध्यस्थकर्ताहरुले प्रधानमन्त्री मेका पछिल्ला धारणाहरुका बारेमा विचारविमर्श गर्नेछन् । तर, यसअघि नै युरोपेली युनियनसँग भएको ५८५ पृष्ठको बहिर्गमनसम्बन्धी सम्झौतामा 

भियतनाममा बाढीका कारण १३ जनाको मृत्यु

२७ मंसिर, हनोइ ।  भियतनाममा यसैसाता आएको भारी वर्षा र त्यसपछिको बाढीमा परी कम्तीमा १३ जनाको मृत्यु भएको छ । देशको मध्य भूभागमा आएको बाढीका कारण ठूलो भौतिक क्षति पुगेको भियतनामको प्राकृतिक प्रकोप नियन्त्रण समितिले जानकारी दिएको छ । मध्य भियतनामका पाँच ओटा प्रान्तमा बाढीले १४ जना व्यक्तिलाई बगाएर लगेको र तीमध्ये १३ जनाको शव भेटिएको तथा एकजना अझै बेपत्ता रहेको समितिले जनाएको छ । सो बाढीले करिब १२ हजार 

पपुआ विद्रोहीबाट आत्मसमर्पणको प्रस्ताव अस्वीकार

२६ मंसिर, जकार्ता ।  इन्डोनेसियाली सेनाले आत्मसमर्पण गर्न गरेको आग्रहलाई पृथकतावादी पपुआ विद्रोही समूहले बुधबार अस्वीकार गरेको छ । पपुआ विद्रोहीले गत साता निर्माण कार्यमा संलग्न कम्तीमा १६ जना कामदारको नृशंस हत्या गरेका थिए । कामदारको हत्यापछि सेनाले गरेको कारबाहीमा निर्दोष गाउँले मारिएको विवरण सार्वजनिक भएको छ । पपुआ विद्रोही समूह र सेनाबीच पछिल्लो एक दशकदेखि सङ्घर्ष जारी छ । यद्यपी दुबै पक्षबाट मानव अधिकारको गम्भीर 

विचार / ब्लग

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।
Top