syangyong
nlic

दिनमा १६ घण्टा प्रचारमा व्यस्त गगन भन्छन्– पार्टी, युवा र महिला चुनाव जित्ने मेरा अस्त्र


Sunday, 12 Nov, 2017 11:44 AM
चुनावी प्रचार अभियान कसरी अघि बढिरहेको छ ?
करिब दुई हप्ताजति हाम्रो घरदैलो कार्यक्रम सञ्चालन हुन्छ । त्यसपछि बल्ल सभाको कार्यक्रम गर्छाैं । अहिले बिहानदेखि साँझसम्म घरदैलो कार्यक्रममै छौं । 

दिनमा कति घण्टा प्रचारमा बिताउनु हुन्छ ?
बिहान ६ देखि राति १० बजेसम्म १६ घण्टा चुनावी प्रचार अभियानमै खटिरहेको छु । 

घरदैलोलाई प्राथमिकता दिनु भएको छ कि आमसभालाई ?
फरक–फरक ठाउँमा फरक–फरक कुरा प्रभावकारी हुने रहेछ । जहाँ हामीले आफ्ना केही विषयलाई स्पष्ट पार्नुपर्ने हुन्छ ती ठाउँमा स–साना समूह बनाएर छलफल गर्नु नै प्रभावकारी देखियो । आमसभा त मैले एक–दुईवटा मात्रै गर्छु । सानो समूह बनाएर गरिने छलफलमा मतदाताले प्रश्न सोध्न पाउँछन् । उहाँहरुले के सोचिराख्नु भएको छ भन्ने मैले पनि थाहा पाउँछु । यस्तो तरिकाले मतदाताको मन बुझ्न र सही बाटो तय गर्न मलाई सजिलो हुन्छ । 

तपाईंले मतदातालाई दिएका आश्वासन के–के हुन् ? 
यो पटक मैले पाँचवटा विषय भनेको छु । पहिलो : दुःखसाथ आएको संविधान कार्यान्वयनमा समस्या पर्नु हुँदैन र मेरो प्रमुख प्रयास यसैमा हुनेछ । दोस्रो : अघिल्लो संसदमा मैले जनताको शिक्षा र स्वास्थ्यको अधिकारको लागि जुन लडाईं लडेँ, अब निरन्तरता दिन्छु । अझै बढ परिणाममुखी बनाउँछु । तेस्रो : म सांसदहरुको समूह नै बनाएर युवाहरुलाई नेपालमा नै रोजगारीको अवसर सिर्जना गर्न संसदलाई सरकारमाथि  निरन्तर दबाब सिर्जनाका लागि नेतृत्व गर्छु । चौंथो : काठमाडौं उपत्यकाका जतिपनि समस्याहरु छन्, ती कुनै टोल विशेषको समस्या होइन । काठमाडौंमा कुनै पूर्वाधार समयमा बनेन भनेर भनिरहँदा कुनै एक ठाउँको समस्या मात्र होइन, सिंगो ‘भ्याली’कै समस्या हो । त्यसैले मैले योभन्दाअघि सुरु गरेको ‘बस्न योग्य काठमाडौ’ को जुन अभियान छ, त्यसलाई निरन्तरता दिन्छु । पाँचौ : ४ नम्बर  क्षेत्रमा मैले विकास निर्माणका कामहरु सुरु गरेको छु । केही भर्खरै प्रारम्भ भएका छन् । केही बीचमा पुगेको छ । केही अधुरै छ । तुरुन्त टुंग्याउने पर्ने र केही नयाँ कुराहरु थप्नु पर्ने छ । म त्यसको छिनोफानो गर्छु । 

 मतदाताले तपाईंलाई सबैभन्दा धेरै सोध्ने प्रश्न र गर्ने गुनासो के हो ?
ठाउँ–ठाउँमा पूर्वाधारका विषयहरु जुन अहिले निर्माणाधिन छन्, त्यो अलि छिटो सम्पन्न भए हुन्थ्यो भन्ने छ । कतिपय ठाउँहरुमा असाध्यै साना गल्छेडाहरु छन्, हिँड्न मिल्ने बाटाहरु बनाउन पर्यो भन्ने पनि छ । थुप्रै ठाउँमा खानेपानीको समस्याहरु मतदाताले सुनाउँछन् । कतिले सुझावको रुपमा राख्नुहुन्छ । केहीले अझै बढि अग्रसरता लिनु पर्यो भन्नुहुन्छ । 

गगन थापालाई टक्कर दिने राजन भट्टराई भन्छन्– ‘व्यक्तिगत हिरोइजमको संसदमा केही काम छैन’

 चुनावी घोषणापत्रबारे मतदाताको कुनै जिज्ञासा पाउनु भएको छ ?
अहिलेसम्मको अन्तरक्रियाहरुमा पार्टीको घोषणापत्र वा पार्टीको मुल विषयमा खासै चासो देखाएर छलफल गरेको पाएको छैन । आफ्नै वरिपरि घुमेका विषयहरुमा मतदाताले चासो राखेको पाएको छु । 

मतदाताको पहिलो रोजाई पार्टी हुँदो रहेछ या उम्मेदवार ? के पाउनु भयो ?
काठमाडौंमा यो एकदम मिश्रित हुन्छ । पहिला पनि मेरो त्यो अनुभव छ । मत माग्न जाँदाखेरि केही मतदाताहरुले हामी बाजेको पालदेखि काँग्रेस हो भन्ने पनि हुनुहुन्छ । केहीले खुलेर भन्नुहुन्छ– तपाईँलाई नै दिने हो, पहिला पनि दिएको हो, अहिले पनि भोट दिन्छौं भन्नुहुन्छ । योभन्दा अघिल्लो पटक पनि मैले काँग्रेसबाहेक एमाले, माओवादी मतदाताको पनि ठूलो संख्यामा मत प्राप्त गरेको थिएँ । त्यसकारण यो एकदम मिश्रित हुन्छ । कसैले पार्टीको कारणले हाल्नुहुन्छ, कसैले व्यक्तिलाई हेरेर ।

मत माग्न जाँदा अन्य प्रतिस्पर्धी दल र उमेद्वारको आलोचना गर्नुहुन्छ या आफ्नै कुरा राख्नु हुन्छ ?
म आफ्नै कुराहरु नै राख्छु । मेरो एजेण्डा के छ, कसरी जाने भन्ने कुरा नै राख्छु । 


अन्य प्रतिस्पर्धीहरुको चुनावी प्रचारलाई कसरी हेर्नुभएको छ ? 
दुईटा कुरा छ । एउटा, मसँग प्रतिस्पर्धा गर्ने साथी पनि मसँगै संसदमा हुनुहुन्थ्यो । तर, अहिले प्रतिस्पर्धामा जाँदैगर्दा गएको चार बर्षमा म पनि सांसद थिएँ भन्ने कुराको जिम्मेवारी लिने सवाल पूर्णरुपमा अस्विकार गरेको पाउँछु । बिभिन्न सन्दर्भमा मैले राखेका कुराहरु, ४० मिनेटको मेरो एउटा उद्घाटन कार्यक्रमको ‘स्पिच’ थियो । त्यो ‘स्पिच’बाट कुन अंश चाहिएको हो त्यही अंश मात्रै तानेर मेराविरुद्ध भिडियोहरु बनाइएका छन् । तर, केही छैन चुनाव हो त्यसलाई मैले सहज रुपमै लिएको छु । 

सबै उमेद्वारहरुले चुनाव प्रचारप्रसार महंगो भयो भनेर गुनासो गरेको सुनिन्छ, यहाँलाई कस्तो लागिरहेको छ ? 
सायद म नेपालकै सबैभन्दा भाग्यमानी उम्मेदवार हुँला । अघिल्लोपटक पनि यस्तै थियो, अहिले पनि यस्तै छ । घरदैलोबाट आयौ, सबैजना आ–आफ्नो घरतिर खाना खान जानुभयो । आफ्नै गाडी चढेर आउनु भएको थियो । हामीले लिएर आएको भनेको झण्डा र घोषणापत्र मात्रै हो । एक रुपैयाँ पनि खर्च नगरिकन हाम्रो हरेक दिनको कार्यक्रम सम्पन्न हुन्छ । 

 चुनावी खर्च कसरी जुटाउनु भएको छ ?
हामी पोष्टर टाँग्दैनौं, गाडीमा माइकिङ गर्दैनौं । हामी र्याली  गर्दैनौ । घरदैलो गर्छौं । स–साना कार्यक्रम गर्छौं । सबैजसो ठाउँमा कि हामी घर गएर खाना खान्छौं, कि स्थानीय साथीले घरमै बोलाउनु हुन्छ । त्यसैले खर्चको कुनै जोहो गर्नु परेको छैन । 

१२.कुन तप्का र वर्गका मतदाताबाट यहाँलाई बढी आशा लागेको छ ?
त्यस्तो ‘स्पेसिफिक’ भन्ने छैन ।  सहरी मध्यम वर्गकै जमात भएको ठाउँ हो यो । तर, मेरो पुरानो अनुभवमा जाँदाखेरि त्यस्तो विशेष पाउँदिनँ । ‘रेन्ज’ फराकिलो छ । खासमा युवा साथीहरु मेरो ठूलो आधार हुन् । महिलाहरुको पनि उत्तिकै साथ छ । मेरो आफ्नो पुरानो अनुभवको आधारमा भन्दैछु, कतिपय ठाउँम श्रीमान् एउटा फरक पार्टीको मतदाता हुनुहुन्छ, तर परिवारका सदस्यहरुले मलाई मत हाल्नु भएको छ । त्यो मेरा ‘स्ट्रेन्थ’ हो । ‘इकोनोमिक क्लास’का आधारमा हेर्ने हो भने सबैतिर मेरा मतदाता छन् । 

१३. मुख्य प्रतिस्पर्धी कसलाई ठान्नु भएको छ ?
मुलतः अहिले नेकपा एमाले नै हो । योभन्दा पहिले पनि प्रतिस्पर्धा एमालेसँगै भएको थियो । यो ठाउँमा प्रतिस्पर्धा काँग्रेस र एमालेकै बीचमा हुने हो । 
१४. तपाईंको जितको आधार के हो ?
एउटा त म नेपाली काँग्रेसको तर्फबाट उम्मेदवार हुँ । यो ठाउँमा प्रजातान्त्रिक बिचार राख्नेहरुको बहुलता छ । त्यो नै मुख्य आधार हो । दोस्रो, गएको चार बर्ष, संविधानसभाको सदस्य, यहाँको सांसद र मन्त्री भएर निर्वाह गरेको भूमिका मतदाताले हेर्ने हो । तेस्रो कुरा, मैले गरेको कामको आधारमा अबको  पाँच बर्ष संसदमा गएर जे काम गर्न खोज्दै छु । योभन्दा अघिल्लो पटक मैले काम गर्न खोज्दै गर्दा मप्रति एउटा आशा थियो, त्यसलाई प्रमाणित गरेको थिइनँ । अहिले त मैले चार बर्ष संसदमा काम गरेर आएको छु । मन्त्री भएर आएको छु । त्यो नै जित्ने आधार हुन्छ भन्नेमा विश्वस्त छु ।

यो पनि पढ्नुहोस् 
गगन थापालाई टक्कर दिने राजन भट्टराई भन्छन्– ‘व्यक्तिगत हिरोइजमको संसदमा केही काम छैन’


Ruslan

machha bank

ime

samajik surachhya

राजनीति

परराष्ट्रमन्त्री अमेरिका भ्रमणमा जाँदै

१ पुस, काठमाडौं । परराष्ट्रमन्त्री प्रदीपकुमार ज्ञवाली यही पुस २ गते बिहान संयुक्त राज्य अमेरिकाको भ्रमणमा जाने भएका छन् । उनले अमेरिकी विदेशमन्त्री माइकल आर पोम्पियोसँग पुस ३ गते वासिङ्टन डिसीमा द्विपक्षीय वार्ता गर्ने कार्यक्रम रहेको परराष्ट्र मन्त्रालयले जनाएको छ । भ्रमणका क्रममा मन्त्री ज्ञवालीले राष्ट्रपति कार्यालय, अन्तर्राष्ट्रिय विकासका लागि अमेरिकी नियोग ९युएसएआइडी० र मिलेनियम च्यालेञ्ज कर्पोरेशनका उच्च अधिकारीसँग पनि बेग्लाबेग्लै भेटवार्ता गर्ने 

श्रमिकको समस्या समाधान गर्नु सरकारको पहिलो प्राथमिकता : मन्त्री थापा

१ पुस, काठमाडौं । महिला, बालबालिका तथा ज्येष्ठ नागरिकमन्त्री थममाया थापाले जुनसुकै क्षेत्रमा काम गर्ने श्रमिकको समस्या समाधान गर्नु सरकारको पहिलो प्राथमिता रहेको बताइन् । स्वतन्त्रता अभियान नेपालले आज आयोजना गरेको अनौपचारिक क्षेत्रमा काम गर्ने महिला श्रमिकविरुद्ध हुने हिंसा विषयक राष्ट्रिय विचार गोष्ठीमा मन्त्री थापाले यस क्षेत्रमा हुने समस्या समाधान गर्न सरकाले धेरै ऐन कानून निर्माण गरिसकेको बताइन् ।निर्माण भएका ऐन कानूनलाई प्रभावकारी 

कांग्रेस महासमिति बैठक : भित्र बन्दसत्र, बाहिर हिन्दूराष्ट्रका लागि हस्ताक्षर संकलन

१ पुस, काठमाडौं । नेपाली कांग्रेसको महासमिति बैठकको बन्द सत्र जारी छ । बन्द सत्रमा महामन्त्री डा. शशाङ्क कोइरालाले ‘साङ्गठनिक प्रतिवेदन’ कोषाध्यक्ष सीतादेवी यादवले  ‘लेखा प्रतिवेदन’ र सहमहामन्त्री डा प्रकाशशरण महतले ‘आर्थिक प्रस्ताव’ पेश गर्नुभएको छ । तीन वटै प्रस्तावमाथि आज छलफल हुनेछ । प्रतिवेदनमा छलफलपछि महासमिति सदस्यले राखेका विचारका आधारमा संशोधनसहित पारित हुने पार्टी प्रवक्ता विश्वप्रकाश शर्माले जानकारी दिए । विधान संशोधनको

अन्तर्राष्ट्रिय

कम्बोडियामा तीन टन अफ्रिकी हात्तीको दाह्रा बरामद

१ पुस, नोहपेन्ह । कम्बोडियाका भन्सार अधिकारीहरुले अफ्रिकी मुलुक मोजाम्बिकबाट पठाइएको कन्टेनरभित्र लुकाएको अवस्थामा ३ दशमलब २ टन भन्दा बढी हात्तीको दाह्रा बरामद भएको जनाएका छन् । कम्बोडियामा बरामद गरिएको अफ्रिकी हात्तीको दाह्रा आजसम्मकै यो सबैभन्दा बढी हो । नोमपेन्ह स्वायत्त बन्दरगाहमा बिहीबार एक हजार २६ थान हात्तीका दाह्रा फेला परेका थिए । विगत केही समयदेखि नै कम्बोडियालाई अर्बौं डलरको वन्यजन्तुको अबैध चोरीशिकारी 

काँग्रेस नेता कमलनाथले डिसेम्बर १७ मा मुख्यमन्त्रीको सपथ लिने

२८ मंसिर, भोपाल । भारतीय काँग्रेस पार्टीका प्रख्यात नेता कमलनाथले यही डिसेम्बर १७ मा मध्य प्रदेशको मुख्यमन्त्रीको सपथ ग्रहण गर्ने भएका छन् । डिसेम्बर १३ मा मध्य प्रदेशको मुख्य मन्त्री नियुक्त भएका कमलनाथले ‘लाल परेड ग्राउन्ड’ मा सपथ ग्रहण गर्ने समाचारमा जनाइएको छ । मध्य प्रदेशको काँग्रेस समिति (एमसीसी) का अध्यक्ष समेत रहेका कमलनाथलाई मुख्यमन्त्री बनाउने निर्णय बिहीबार अबेर राति घोषणा भएको थियो । हालैमात्र सो राज्यमा सम्पन्न विधान 

कोइला खानीमा बाढी पस्यो, १३ जना मजदूरको मृत्यु भएको आशङ्का

२८ मंसिर, नयाँ दिल्ली ।  उत्तरपूर्वी भारतको मेघालय राज्यमा अवैध रुपमा सञ्चालन हुँदै आएको एक कोइला खानीमा बाढी पसेपछि कम्तीमा १३ जना कामदार बेपत्ता भएका छन् । खानीको अत्यन्त साँघुरो सुरुङमा बाढी पसेका कारण कामदारहरु भित्रै थुनिएकाले उनीहरु सबैको मृत्यु हुन सक्ने आशङ्का गरिएको छ । दर्जनौं अरु कामदारले बाढीको पानी फाल्न कोसिस गरिरहेका छन् । मेघालय राज्यमा भएको वर्षापछि बिहीबार बिहान खानीमा पानी पसेको थियो । खानीमा बेपत्ता 

विचार / ब्लग

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।
Top