HIMALAYAN HYDRO
nlic

को हुन् वहालवाला अर्थमन्त्री कार्कीलाई टक्कर दिने गणेश ? यस्ता छन् चुनावी एजेण्डा


Monday, 13 Nov, 2017 3:30 PM
दोस्रो चरणको निर्वाचनका लागि उम्मेदवारहरुको प्रचार पहिलो चरणको निर्वाचनका उम्मेदवारहरुकै दाँजोमा छ । दोस्रो चरणमा पनि कयौं निर्वाचन क्षेत्रमा ‘हेविवेट’ नेताहरु भिडन्तमा छन् । रोचक पक्ष त कतिपय क्षेत्रमा ठूला दलका गठबन्धन उम्मेदवारलाई साना दलका उम्मेदवार टाउको दुखाई बनेका छन् । काठमाडौं १ मा विवेकशील साझा पार्टीका रविन्द्र मिश्र काँग्रेस र माओवादी उम्मेदवारका लागि चुनौति बनेका छन् । मिश्रले जित्ने दाबी गरिरहेका छन् । राजधानीमा विवेकशील साझाका मिश्र र उज्जल थापाको चर्चा भइरहँदा पूर्वको सुनसरी क्षेत्र नं. ४ मा पनि सोही पार्टीका गणेश विष्टले वहालवाला अर्थमन्त्री ज्ञानेन्द्रबहादुर कार्कीको पसिना छुटाइरहेका छन् । कार्कीलाई टक्कर दिने विष्ट  नामुद अडिटर मानिन्छन् । सुनसरी क्षेत्रमा इमान्दार र सफल  अडिटर तथा समाजसेवी मानिएका विष्ट कार्कीका लागि निकै महंगा सावित भइरहेका छन् । न्यूजसेवाले उम्मेदवार विष्टसँग केही चुनावी प्रश्न गरेको छ  :

विवेकशील साझा पार्टीबाट तपाईको उम्मेदवारी किन ?
सुनसरी क्षेत्र नं. ४ मा सबै पार्टीबाट पाहुना उमेद्वार बनेका छन् । ठूला पार्टीले पाहुनालाई उठाएका छन् । यो पटकमात्र होइन, विगत २० वर्षदेखि निरन्तर यही चलिरहेको छ । यसकारण यो क्षेत्रका जनताले आफ्नै ठाउँको केन्द्रीय नेतृत्व पाइरहेको अवस्था छैन । जसले गर्दा, यहाँ विकास निर्माण हुन सकेको छैन । जनताका थुप्रै समस्या छन्, तर धनवाद र डनवाद गर्ने राजनीतिकर्मीको बोलबाला छ । यहाँ विगतदेखि नै ठेक्काजस्तै गरेर उम्मेदवारी दिइन्छ । धन नभएका र गुण्डागर्दी नगर्नेले टिकट पाउनै गाह्रो छ । जहिल्यै बाहिरबाट आएकाहरु उम्मेदवार बन्छन्, जित्छन् र आफ्नै ठाउँमा फर्किन्छन् । यो क्षेत्रको समस्या भने जस्ताको तस्तै । काल आयो भन्दा पनि काल पल्कियो भन्ने डर भो । हाम्रो क्षेत्रका भावी पुस्ताले क्षमता हुँदाहुँदै पनि नेतृत्व नपाउने अवस्था सिर्जना भएकाले मैले उम्मेदवारी दिएको हुँ । 

सुनसरी ४ मा तपाईंका अन्य प्रतिश्पर्धी को–को हुनुहुन्छ ?
वहालवाला अर्थमन्त्री ज्ञानेन्द्रबहादुर कार्की काँग्रेसका तर्फबाट र वाम गठनबन्धनका रमेश श्रेष्ठ मेरा प्रतिश्पर्धी हुनुहुन्छ । कार्की भोजपुरका स्थायी हुन् भने, श्रेष्ठ पनि यहाँका होइनन् । राजपाका उम्मेदवार पनि स्थानीय होइन । सबै पार्टीले पाहुना उम्मेदवार खडा गरेका छन् । 

तपाईंका प्रतिश्पर्धी निकै ‘हेविवेट’ देखिए, तपाईंले कसरी भोट माग्नुहुन्छ ? तपाईंलाई किन जिताउने जनताले ?
म नष्ट हुँला, तर भ्रष्ट हुन्न । यो मेरो मुख्य शर्त हो । म  यो शर्त अंगिकार गरेर जनताको सेवामा लाग्नेछु । अहिले चलिरहेको लुटतन्त्रलाई रोक्ने मेरो प्रतिबद्धता छ । आफ्नै पालामा सम्वृद्धि देखाउने गरी काम गर्छु । आफू यहीँको स्थानीय भएकाले पनि समस्या के छन् र कसरी विकास गर्न सकिन्छ भन्ने पूर्ण जानकारी छ । सांसद भएँ भने पारिश्रमिक परोपकारमा खर्च गर्छु । त्यहाँको कोशीटापु, चराचुरूंगी, अर्ना, सिमसार क्षेत्रको प्रचारप्रसार, धार्मिक क्षेत्र मस्जिद, बराहक्षेत्र मन्दिरको प्रचार (जसलाई विष्णुको अवतारको रूपमा लिइन्छ), रामधुनी (राम आएर धुनी बसेको ठाउँ)लगायतको प्रचार, संरक्षण र जिर्णोद्वार गिर्छु । सडक, खानेपानी, ढललगायत पूर्वाधार निर्माण गर्छु । यो क्षेत्रको सबै समस्या र सम्भावनाको जानकारी भएकाले केही गर्न सक्छु भन्ने आत्मविश्वास छ । पाहुना उम्मेदवारले जिते भने आफ्नै व्यवस्थापनमा लाग्ने हुनाले जनताले उहाँहरुकै हित हेरेर मलाई मत दिनुहुन्छ भन्नेमा विश्वस्त छु । 

अहिले तपाईंको क्षेत्रका समस्या के हुन्, कसरी समाधान गर्नुहुन्छ ? 
मेरो क्षेत्रमा देखिएको मुख्य समस्या वन्यजन्तुले कृषिमा पुर्याइरहेको ठूलो क्षति होह । यसको रोकथाम गर्नुपर्छ । दोस्रो ः ०४०÷०४१ सम्म रहेका हाम्रा नम्बरी जग्गामा अहिले कोशी बगिरहेको छ । तर, पीडितले क्षतिपूर्ति पाएका छैनन् । भण्टावारी, लौकही, हरिपुर, हरिनागा क्षेत्रको कयौं जमिन कोशीले बगाएको छ । तर, पीडितले क्षतिपूर्ति पाएका छैनन् । उनीहरुका लागि क्षतिपूर्ति दिलाउन पहल गर्नेछु । त्यहाँ भित्री क्षेत्रमा सडक निर्माण, पिच तथा अन्य सबै स्थानीय अवश्यकताअनुसार पूर्वाधार निर्माण गर्नेछु । 

तपाईंको जितको आधार के हो ?
राजनीतिक कुसंस्कृति विकास भएको छ । ठूला पार्टीले २ करोडभन्दा, ५ करोडदेखि १० करोडसम्म चुनावमा खर्च खर्छन् । सबैभन्दा पहिले बुझ्नुपर्ने कुरा यही हो । आखिर, यत्रो पैसा कहाँबाट आयो ? सांसद भएपछि कानुनी रुपमा पाउने पारिश्रमिक भनेको ५ वर्षमा ४०–५० लाख रुपैयाँ हो । बाँकी पैसा कसरी र कहाँबाट व्यवस्थापन गर्छन् ? लुटेरबाहेक यो सम्भव नै छैन । तर, म पैसाबिना राजनीतिमा आएको छु । पैसाबिना राजनीति गर्न सकिन्छ भन्ने देखाउनु मेरो पहिलो काम हुनेछ । डनवाद र धनवादले होइन, इमान्दारिता र लगनशिलतासहितको एजेण्डा जनताकोमा लैजान्छु । यिनीहरुले (अरुले) राष्ट्र लुट्छन्, म तपाईंकै आँगनमा बसेर विकास निर्माणका काम गर्छु भन्दै जनतालाई बुझाउँदैछु । यो नै मेरो जितको आधार हो । 

आफ्नो जित कत्तिको सुनिश्चित देख्नुहुन्छ ?
मेरो जित सुनिश्चित छ । त्यो क्षेत्रका सबै जनताले बुझेका छन् । युवावर्गमा उत्साह छ मप्रति । अहिलेको राजनीतिक पद्धती र भ्रष्ट्राचारका कारण मानिस निरास छन् । योग्यताभन्दा पैसा खाएर नियुक्ती गर्नेजस्ता कुरा चिर्नुपर्ने छ । यो जनताले बुझेका छन् । त्यसैले मलाई उनीहरुले मतदान गर्छन् र म जित्छु ।  


Ruslan

machha bank

ime

राजनीति

कमजोर सरकार र निरीह प्रतिपक्षले जनता निराशः नेता सिटौला

२ माघ, काठमाडौं । नेपाली काङ्ग्रेस नेता कृष्णप्रसाद सिटौलाले कमजोर सरकार र निरीह प्रतिपक्षका कारण जनतामा निराशा बढ्दै गएको बताएका छन् । गृह नगर भद्र्रपुरमा आज पत्रकारसँग कुरा गर्दै नेता सिटौला बहुमत पाएको बलियो वर्तमान सरकारले जनचाहनाअनुसार काम गर्न नसकेको विचार व्यक्त गरे । ‘दुई तिहाइको सरकार आएपछि जनतामा ठूलो आशा जागेको थियो’, उनले भने, ‘तर, अपेक्षाकृत काम भएको छैन, प्रतिपक्षमा रहेको काङ्ग्रेसले पनि गतिलो भूमिका 

देशमा अशान्ति र अस्थिरता युगको अन्त्य : वरिष्ठ नेता नेपाल

२ माघ, काठमाडौं । नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले देशमा अशान्ति र अस्थिरताको युगको अन्त्य भएको बताएका छन् । भक्तपुरबाट प्रकाशित हुने समय समाज साप्ताहिकको आज आयोजित १४ औँ वर्ष प्रवेश कार्यक्रममा उनले अब देशमा शान्ति र स्थिरता स्थापना भइसकेको बताए । दुई तिहाइको वर्तमान सरकार र नेकपाबाट जनताले विकास र समृद्धिको ठूलो आशा राखेको बताउँदै उनले सरकारले अघि सारेको समृद्ध मुलुक र सुखी 

पहिचान ‘मागेर या बिन्ती चढाएर’ पाइँदैन : प्रचण्ड

२ माघ, धादिङबेँसी । पूर्वप्रधानमन्त्री एवं नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले कुनै पनि जातीय भाषीले आप्mनो पहिचान ‘मागेर वा बिन्ती चढाएर’ नपाइने धारणा व्यक्त गरेका छन् । लिःल फङ (घले समाज) केन्द्रीय समितिले आज धादिङ बेँसीमा आयोजना गरेको  ल्होसार कार्यक्रममा उनले घले जातिलाई आदिवासीमा सुसूचित गराउन आफूले सक्दो प्रयास गर्ने विश्वास दिलाए । पूर्व प्रधानमन्त्री प्रचण्डले घले जातिको आफ्नै परम्परा, संस्कृति, वेशभूषा

अन्तर्राष्ट्रिय

फिलिपिन्समा शक्तिशाली भूकम्प

२ माघ, दाभाओ सिटी । दक्षिण फिलिपिन्समा बुधबार बिहान सबेरै ५.९ म्यानिच्युडको भूकम्प आएको छ । तर यस भूकम्पको कारण मानवीय भौतिक क्षतिको भने हालसम्म कुनै समाचार प्राप्त नभएका यहाँको भू विज्ञान विभागले जानकारी दिएको छ । स्थानीय समयानुसार बुधबार बिहान ४ बजे सो भूकम्प आएको थियो । सो भूकम्पको केन्द्रविन्दु दाभाओ ओरिएन्टल प्रान्तको जेनेरोसो शहरबाट १४९ किलोमिटर दक्षिणपूर्वमा ४८ गहिराईमा रहेको सो विभागले जानकारी दिएको 

केन्याको होटल परिसरमा आक्रमण, पन्ध्र जनाको मृत्यु

२ माघ, नैरोबी । केन्याको राजधानी शहर नैरोबीको एक होटेल परिसरमा मङ्गलबार आत्मघाती बम आक्रमण र गोलाबारीमा परी कम्तीका १५ जनाको मृत्यु भएको प्रहरी स्रोतले जानकारी दिएको छ । एक सय एक कोठा, रेष्टुरेन्ट, कार्यालय भवनहरु र स्वास्थ्य केन्द्रसमेत रहेको यस होटेल परिसरमा मङ्गलबार अपराह्न अल शबाब इस्लामिक आतङ्ककारी समूहले आक्रमण गरेको दाबी गरेका छन् । विस्फोटक पदार्थ बोकेको एक आत्मघाती आक्रमणकारी होटेलमा छिरेको र 

काबुलमा भिषण हमला, चारको मृत्यु, ९० जना घाइते

१ माघ, काबुल । अफगानिस्तानको राजधानी काबुलमा सोमबार साँझ भएको शक्तिशाली ट्रक बम बिस्फोटमा परी चार व्यक्तिको मृत्यु हुनुका साथै अन्य ९० जना घाइते भएका छन् । घाइते भएकामा २३ जना बालबालिका पनि छन् । गृह मन्त्रालयका प्रवक्ता नाजिब दानिसले बिस्फोटमा भएको क्षतिको विवरण सङ्कलन भइरहेको बताएका छन्  । विस्फोटबाट मारिएकाहरुमा तीन जना सैनिक र एक जना सर्वसाधारण छन् । घाइते भएकामा १२ जना महिला पनि छन् । उक्त बिस्फोट निकै

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 
Top