cg electronics
nlic

​विश्वका चर्चित १० अनसन : एकसाथ २९ हजार व्यक्ति बसेकोदेखि १६ वर्षसम्म नखाएको रेकर्ड !


Saturday, 13 Jan, 2018 3:06 PM
नेपालमा खास चर्चा अनसनकै छ । जब डा. गोबिन्द केसी अनसन बस्छन्, तब देशका राजनीतिक दलमात्रै होइन जनता नै समर्थन र बिरोधमा बाँडिन्छन् । यसपटक त केसीको अनसनले सर्वोच्च अदालतसम्म हलचल ल्याइदियो । जे होस् डा. केसीले सरकारसँग पाँच बूँदे सहमतिमा १४औं अनसन तोडेका छन्, तर आफ्नो माग पूरा नभए अनसन सुरु गर्ने चेतावनीसहित । प्रधानन्यायाधीश गोपाल पराजुलीको राजीनामा उनको अहिलेको प्रमुख माग छ । नेपालमा केसी धेरै पटक आमरण अनसन बस्ने व्यक्तिमा पर्छन् । तर, लामो समयसम्म निरन्तर अनसन बस्ने व्यक्ति भने गंगामाया अधिकारी हुन् । उनी वीर अस्पतालमा अहिले पनि निरन्तर अनसनमै छिन् । उनका श्रीमान् नन्द्रप्रसाद अधिकारीको अनसन सुरु गरेको ३ सय २९ दिनमा ६ असोज ०७१ मा मृत्यु भएको थियो । त्यसपछि पनि गंगामाया अनसनमै रहिन् । तर, तत्कालीन सरकारले दिएका कतिपय बाचा स्विकार्दै २ कात्तिक ०७१ मा उनले ३ सय ५८ दिन लामो अनसन तोडिन् । यद्यपि उनका माग पूरा भएनन् । केही समयपछि उनले फेरि सुरु गरेको अनसन अहिलेसम्म निरन्तर जारी छ । नेपालमा बिभिन्न राजनीतिक आन्दोलनमा छिटफुट आमरण अनसन त भएकै छन् जुन खासै चर्चा गर्ने खालका भने छैनन् । नेपालमा अधिकारी दम्पत्ति नन्दप्रसाद र गंगामाया तथा डा. केसीको अनसन बढी चर्चामा छ । तर, विश्वमा चाहिँ कस्ता–कस्ता आमरण अनसन भए होलान् ? यस्ता छन् विश्वका चर्चित १० आमरण अनसन :

  • –१६ वर्षसम्म आमरण अनसन बसेकी भारतीय नागरिक इरोम शर्मिला 

सेजर चावेज ‘फास्ट फर लाइफ’
सन् १९२७ मा अमेरिकाको गरिब परिवारमा जन्मेका सेजर चावेज म्याक्सिकन मुलका प्रवासी हुन् । उनको परिवार एउटा ग्यारेज, पुल र किराना पसल चलाउँथ्यो । तर, यो परिवारल धोकाधाडीमा आफ्नो खेत गुमायो । अनि, चावेजले ७ कक्षादेखि नै आफ्नो पढाई छोड्नु पर्यो । त्यहाँका धेरै किसान परिवारले क्यालिफोर्निया र एरिजोनामा गएर प्रवासी श्रमिकको रुपमा काम गर्नुपथ्र्यो । चावेजले पनि आफ्नो पढाई छोडेर श्रमिकको रुपमा खेतमा काम गरिरहेका थिए । तत्कालीन समयमा श्रमिकहरुलाई दास सरह व्यवहार गरिन्थ्यो । अति भएपछि १९६२ मा चावेजले यसको विरुद्धमा आवाज उठाए र राष्ट्रिय कुषि श्रमिक संघको स्थापना गरे । उनले गाउँ–गाउँ र शहर–शहर गएर कृषि श्रमिकको बारेमा जनचेतना फैलाउँदै श्रमिकहरुलाई आफ्नो हक अधिकारका लागि लड्न आह्वान गरे । 

शान्तिपूर्ण रुपमा आफ्नो आन्दोलन क्यालिफोर्नियाभर फैलाए । हजारौं श्रमिकसहित उनले मार्च, पिकेट्स, धर्ना र भोकहड्ताल गरे । उनको आमरण अनसन ३६ दिनसम्म चलेको थियो । फास्ट फर लाइफ नामको उक्त भोक हड्तालको मुख्य उदेश्य कृषि श्रमिकहरुको स्वास्थ्यमा आउनले खतरा र उनीहरुका बच्चालाई किटनाशकको प्रदर्शनबारे कानुन बनाउनु थियो । अन्ततः चावेजको माग पुरा भएको थियो । साथै किसानहरुलाई विमा, ज्याला र अन्य लाभहरु दिइएको थियो ।  सन् १९९३ मा सुतेकै अवस्थामा उनको मृत्यु भयो । 

प्यालेन्टेनी भोक हड्ताल
नागरिकमाथि अत्याचार र इजराइलका प्रमुखहरुको विरुद्धमा २ हजार व्यक्तिहरुले २०१२ मा इजराइलमा आमरण अनसन गरेका थिए । १ महिनासम्म चलेको उक्त अनसनमा मानिसहरुले ‘कि त स्वतन्त्रता पाउने छौं, कि ज्यान गमाउनेछौं’ भन्ने नारा लिएका थिए । अनसनकर्ताहरुको मुख्य माग शिक्षामा पहुँच र एक्लो कारावास तथा प्रशासनिक रोकको अन्त गर्नु थियो । एक महिनाको अथक प्रयासपछि प्यालेस्टाइनीहरुले आफ्नो लक्ष्य प्राप्त गरेका थिए । करिव ४०० कैदीहरुका परिवारले जेलमा गएर आफ्नो आफन्तलाई भेट्ने छुट पाएका थिए । योबाहेक अन्य सामान्य सुधारहरु पनि भएका थिए । यसका साथै अतिरिक्त सेवाको रुपमा टेलिफोन कल र टेलिभिजन सुरु गरिएको थियो । जन सहभागितालाई आधार मान्ने हो भने विश्व इतिहासमै ठूलोमध्येको एक भोक हड्ताल हो । 

सोल्लेन्ज फर्नेक्स ‘फास्ट फर लाइफ’ 
१५ जुलाई १९३४ मा स्ट्रासबर्ग, फ्रान्समा जन्मेकी सोल्लेन्ज फर्नेक्स एक समाजवादी तथा  राजनीतिज्ञ थिइन् । १९७९ को युरोपेली चुनावमा उठेकी उनले मात्र ४.३९ प्रतिशत भोट पाएर ठूलो हार खेपेकी थिइन् । बिभिन्न गैर–सरकारी संस्था, किताब र प्रस्तुतीहरुमा आबद्ध भएकी  सोल्लेन्ज फर्नेक्सले महिलाको हक अधिकार र आणविक उर्जाका कारण वतावरणमा पर्ने क्षतिका विषयमा आवाज उठाएकी थिइन् ।

आणविक शक्ति निष्क्रिय गर्ने उद्देश्यका साथ उनले १९८४ मा पेरिसमा ‘फास्ट फर लाइफ’ नामक आमरण अनसन गरेकी थिइन् । उक्त भोक हड्ताल ४० दिनसम्म चलेको थियो । बन विनाश रोक्नका लागि यो एक शान्तिपूर्ण आन्दोलन पनि थियो । उनले पृथ्वीमा हरियाली कायम राख्ने उद्देश्यसहित ग्रीन पार्टीको पनि स्थापना गरेकी थिइन् । उनलाई आफ्नो कदमले परिस्थितिक प्रणालीमा पनि सुधार ल्याउने विश्वास थियो । उनको उक्त भोक हड्तालको सफलतास्वरुप पछि उनी ‘न्यूक्लियर फ्रिरी अवार्ड’ ले संमानित भएकी थिइन् ।

क्यालिफोर्नियाका कैदी भोक हड्ताल
८ जुलाई २०१२ मा क्यालिफोर्नियाको जेलका २९ हजार कैदीहरुले भोक हड्ताल सुरु गरेका थिए । यो विश्वको इतिहासको सामुहित भोक हड्तालमध्ये सबैभन्दा लामो समय चलेको हड्ताल हो । यो भोक हड्तालको प्रमुख कारण निर्जन कारावास थियो । ६० दिनसम्मको हड्ताल पेलिकन बे स्टेट जेलको सुरक्षा हाउसिङ यूनिटममा चलेको थियो । यो हड्ताल क्यालिफोर्नियाको भोक हड्ताल मध्यको सबैभन्दा खामो हड्ताल थियो । यो अनसनमा कैदीहरुले खानपिन मात्र नभएर जेलका अधिकारीहरुसँग अभ्यास गर्न पनि छाडेका थिए । २०१२ को सेप्टेम्बरसम्म २ वटा जेलमा १०५ जना मात्र बाँचेका थिए । अनसन बस्नेमध्ये एक सय जनाले फेरि खानपिन सुरु गरे पनि अन्य कैदीले भने डाक्टरको सहायतामा जेलका अधिकारीहरुले नाक र मुखबाट जबर्जस्ती खाना खुवाएका थिए । 

बबी स्यान्डस ‘१९८१ आइरिस भोक हड्ताल’
उत्तरी आइल्याण्डमा सन् १९८१ मा आइरिस रिपब्लिकन कैदीहरुले बेलस्टास्टको लङ केस लेजमा आइरिस भोक हड्ताल गरेका थिए ।  मार्गरेट थेचरको सरकारले आफूहरुलाई आम कैदी नभएर राजनीतिक कैदीको समान्न दिनुपर्ने अनसनकारीको माग थियो । ६६ दिन लामो उक्त भोक हड्तालमा १० जना कैदीहरुले ज्यान गुमाएका थिए । बबी स्यान्डस पछि बेलायतका संसद सदस्यको रुपमा समेत चुनिएका थिए । 

जितेन्द्रनाथ दास ‘स्वतन्त्र भारत आन्दोलन’
जितेन्द्रनाथ दास २७ अक्टोबर १९०४ मा भारतमा जन्मेका थिए । उनी एक मेहनति र स्वतन्त्रता कार्यकर्ता थिए । उनी सानैदेखि आफ्नो हक अधिकारका लागि लड्थे । र, आफ्नो लक्ष्य प्राप्तीका लागि तत्पर हुन्थे । उनी १७ बर्षको उमेरमा गान्धीको ‘असहयोग आन्दोलन’मा  सहभागी भएका थिए । उनले सुरु गरेको लाहोर जेल भोक हड्ताल लामो समयसम्म चलेको थियो । उनलाई अन्य केही व्यक्तिले पनि साथ दिएका थिए । उक्त हड्तालमा उनीहरुले युरोपेली कैदी र भारतीय कैदीहरुलाई समान व्यवहार हुनुपर्ने माग गरेका थिए । तल्तकालीन समयमा भारतीयहरुलाई जेलमा अमानवीय व्यवहार गरिनुको साथै उनीहरुको स्वास्थ्यसँग पनि खेलवाड गरिन्थ्यो । जितेन्द्रले १० जुन १९२९ मा सुरु गरेको उक्त भोक हड्ताल  ६३ दिनसम्म चलेको थियो । जेल कर्मचारीहरुले उनलाई खाना खुवाउने धेरै प्रयास गरेपनि असफल भएका थिए । तल्तकालीन समयमा उनको रिहाइको लागि सरकारसँग अपिल गरिएता पनि त्यति बेलाको सरकारले अस्विकार गरेको थियो । फलस्वरुप १३ सेप्टेम्बर १९२९ मा उनको अनसनकै क्रममा मृत्यु भएको थियो । उनको शव कोलकाता लगेर अन्तिम संस्कार गरिएको थियो । उनको बलीदानको समर्थन गर्दै हजारौं मानिसहरुले श्रद्धान्जली दिएका थिए । 

भगत सिंह ‘स्वतन्त्र भारत आन्दोलन’
भगत सिंह भारतीय स्वतन्त्रता आन्दोलनमा सक्रिय भूमिका निभाएका व्यक्ति थिए । आफ्नो जीवनका धेरै बर्ष जेलमा बिताएका सिंह एक दृढ क्रान्तिकारी थिए । तर, उनलाई चन्दन सिंह र सौन्डर्सको हत्याको आरोपमा पक्रेर दिल्ली जेलमा हालियो र त्यहाँबाट केन्द्रीय जेलमा स्तान्तरण गरियो । तब उनले जेलको अनुचित कामको विरोधमा आवाज उठाए र त्यसको सुधारको लागि भोक हड्ताल नै गरे ।  उनको कपडा, खाना, कोठा सबै अशुद्ध थियो र उनलाई जेलमा धेरै नै शररीक श्रम गराइन्थ्यो । यो उनी र जेलका केही अन्य कैदीहरुलाई असैय भएकै कारण १९२९ मा भोक हड्तालको रुप लिएको थियो । उनलाई सार्वजनिक सहानुभूति र समर्थन धेरै मिलेको थियो । जवाहरलाल नेहरुले उनलाई जेलमा भेटेका थिए र उनले एउटा देशभक्तले जेलमा सास्ती खप्न परेकोमा दुःख व्यक्त गरेका थिए । सरकारले उनीहरुको धैर्यताको परीक्षणका लागि उनीहरुलाई राम्रा स्थानमा राख्ने प्रस्ताव गरे पनि अनसनकर्ता कसैले पनि खाना खाएनन् । लाहोर षडयन्त्रपछि उनलाई लाहोरको बोरस्टल जेलमा लगियो, तर त्यहाँ पनि उनले भोक हड्ताल कायमै राखे । त्यतिबेलासम्म उनको १४ पाउन्ड तौल घटिसकेको थियो । उनको लोकप्रियताले पन्जाबको हद पार गरिसकेको थियो । उनले ११६ दिन पछि ५ अक्टोबर १९२९ मा आफ्नो भोक हड्ताल तोडेका थिए ।

मेरीम अल्टून ‘डेथ फास्ट’
१९७६ मा टर्कीमा जन्मेकी  मेरीम अल्टून सानैदेखि कारावासलाई निकै नै रमाइलो तरिकाले बुझ्थिन् । उनले जेलका कैदीहरुको हक अधिकार सुनिश्चत गर्नका लागि शान्तिपूर्ण अन्दोलनको रुपमा भोक हड्ताल गरिन् । उनको विरोध टर्कीका सबै सुरक्षा जेल प्रणालीविरुद्ध थियो । उक्त भोक हड्ताल ३०२ दिन लामो थियो । पिपुल्स क्रान्तिकारी लिबरेशन पार्टी वा डीएचकेपीकी सक्रिय सदस्य रहेकी उनको भोक हड्तालकै क्रममा २००२ मा इस्तान्बुल अस्पतालमा निधन भएको थियो ।

अहमद जेड सलिम जुहैर ‘ग्वांटानामो बे’
१९६५ मा साउदी अरबमा जन्मेका अहमद जेड सलिम जुहैरले २००५ मा भोक हड्ताल सुरु गरेका थिए । तर, उक्त भोक हड्तालको चर्चा भने २००८ मा मिडियाले समाचार बनाएपछि मात्रै भयो । उनको भोक हड्ताल अमेरिकी सरकारविरुद्ध थियो । उनलाई ग्वांटानामो बे निरोध शिविरमा बन्धक बनाएर राखिएको थियो । उक्त शिविरका जेलरहरुले उनी लगायतका उनका साथीहरुलाई जबरजस्ती खाना खुवाउने प्रयास गरेपनि सफल भएका थिए । हड्तालको क्रममा उनको १६ किलो तौल घटेको थियो । जबर्जस्ती नाकबाट खाना खुवाउने प्रयास गरेका कारणले उनलाई बान्ता र एलर्जी भएको थियो । उनको भोक हड्ताल २००५ देखि २००९ सम्म गरेर १४५० दिनसम्म चलेको थियो जसले सिंगो विश्वलाई नै अच्चमित बनाएको थियो ।

इरोम चान्नु शर्मिला ‘मलुम नरसंहार’
इरोम चान्नु शर्मिला भारतीय हुन् । उनी एक कट्टरपंथी समाजवादी र राजनीतिक कार्यकर्ता थिइन् । विश्व इतिहासमा उनको भोक हड्ताल सबैभन्दा लामो भोक हड्तालको रुपमा चिनिएको छ । उनले २ नोबेम्बर  २००० मा सशस्त्र सेना अधिनिएम (एएफएसपीए) को विरोधमा आमरण अनसन सुरु गरेकी थिइन् । मलुम नरसंहारले २८ बर्षीया शर्मिलालाई विरोध प्रदशन गर्नका लागि प्रोत्साहन गरेको थियो । मलूम नरसंहारमा १० जना मानिसहरु बस स्टेशनमा बस कुर्दा मारिएका थिए । सशस्त्र सेना अधिनिएम (एएफएसपीए) को उन्मूलनको माग गरेर उनले भोक हड्ताल गरेकी थिइन् । भारतका ६ वटा राज्यमा मात्र सिमित १९५८ को  अधिनियम (विना जमानत दिने र वारेन्ट विना पक्राउ गर्ने) बाट उन्मुक्तीको लागि हड्ताल गरेकी उनले ५०० हप्तासम्म केही पनि खाइनन् । उनले १६ बर्षपछि आफ्नो भोक हड्ताल तोडेकी थिइन् । उनले भोक हड्ताल तोड्नुको कारण भने उनी राजनीतिमा आएर आएर लड्ने चाहाना नै थियो । पछि चुनाव लडे पनि उनले जितिनन् । 


 


Ruslan

sponserworldcup

राजनीति

​ऊर्जा, परराष्ट्र र गृहको बजेटमाथि छलफल

११ असार, काठमाडौँ । संघीय संसद्अन्तर्गत प्रतिनिधिसभाको विनियोजन विधेयक, २०७५ को विभिन्न शीर्षकमाथि जारी छलफलअन्तर्गत विभिन्न तीन मन्त्रालयका विभिन्न शीर्षकमाथि छलफल जारी छ । प्रतिनिधिसभाको आजको बैठकमा ऊर्जा, जलस्रोत तथा सिँचाइ मन्त्रालय, परराष्ट्र मन्त्रालय र गृहमन्त्रालयको विभिन्न शीर्षकमाथि छलफलमा सांसदहरुले आ–आफ्नो धारणा राखिरहेका छन् ।नेपाली काँग्रेसका सांसद देवप्रसाद तिमिल्सिनाले 

​स्थानीय तहको काममा, छायाँ सरकारको अनुगमन

१० असार, रुकुम । स्थानीय सरकारले गरेका विकास निर्माणको कार्यलाई नेपाली काँग्रेसको छायाँ सरकारले अनुगमन गर्न शुरु गरेका छन् ।बाँफीकोट गाउँपालिकाअन्तर्गत विभिन्न ठाउँमा भएका भौतिक पूर्वाधारको अवस्थाका बारेमा छायाँ सरकारले अनुगमन गरेको हो । विकास निर्माणको नाममा हुनसक्ने भ्रष्टाचार र अनियमिततालाई रोक्नका लागि विभिन्न योजनाको अनुगमन शुरु गरिएको छायाँ सरकार प्रमुख हर्कसिंह खत्रीले बताएका 

​प्रदेश नं ४ को नाम र राजधानी सम्बन्धमा छलफल हुँदै

१० असार, पोखरा । प्रदेश नं ४ को नाम र राजधानीका सम्बन्धमा आज प्रदेशसभा बैठकमा छलफल हुने भएको छ । यसअघि नामका विषयमा असार १० गते छलफल गर्ने मिति तय गरिएको थियो । गत जेठ २१ गते नामाङ्कन तथा प्रदेश राजधानी सुझाव संकलन समितिले विभिन्न विकल्पसहितको प्रतिवेदन प्रदेशसभामा बुझाएको थियो । पहिलो प्राथमिकतामा गण्डकी नाम राखिएको छ भने दोस्रोमा तमुवान–मगरात, तेस्रोमा गोरखा र चौथोमा

अन्तर्राष्ट्रिय

राष्ट्रपति लक्षित विस्फोटपछि जिम्बाब्वे स्तब्ध, बलाबाल बँचे एमरसन मनाङगाग्वा

जिम्बाव्वेमा राष्ट्रपति एमरसन मनाङगाग्वालाई लक्षित गरी गराइएको एउटा विस्फोटले पूरै देशलाई स्तब्ध बनाएको छ। विस्फोटमा कुनै चोट नलागेका राष्ट्रपति मनाङगाग्वालाई त्यसलाई आफ्नो ज्यान लिने प्रयासका रूपमा चित्रण गरेका छन्। उनले सत्तारूढ जानुपीएफ पार्टी आवद्ध आफ्ना प्रतिद्वन्द्वीहरू उक्त हमलाका लागि जिम्वेवार भएको हुनसक्ने आशङ्का व्यक्त गरेका छन्। बुलावायोमा चुनावी र्‍याली सकेर हिँडन लाग्दा गराइएको विस्फोटमा दुई मन्त्रीसहित कम्तीमा १० जना घाइते भएका छन्। 

न्यूजिल्याण्की प्रधानमन्त्रीलाई पुत्रीलाभ, ६ दिन लिइन् सुत्केरी बिदा

केही महिनाअघि आफू गर्भवती भएको खुलासा गरेकी न्यूजिल्याण्डकी प्रधानमन्त्री जसिन्डा आर्डर्नले छोरीलाई जन्म दिएकी छिन्। अकल्याण्ड शहरको एक अस्पतालमा छोरीलाई जन्म दिएको जानकारी सामाजिक सञ्जालमार्फत दिँदै उनले अस्पतालका कर्मचारीलाई धन्यवाद दिएकी छिन्। नवजात शिशु स्वस्थ रहेको र उनको तौल ३.३१ किलोग्राम रहेको जानकारी दिँदै आर्डर्न र उनका प्रेमी क्लार्क गेफोर्डले लेखेका छन्, (वी वान् ) तिमीलाई हाम्रो गाउँमा स्वागत छ। अहिले हामी 

युद्ध अन्त्यको घोषणागर्दै दुई कोरिया

४ असार सोल  । उत्तर र दक्षिण कोरियाले बिगत लामो समयदेखि उनीहरुबीच जारी घोषित युद्ध अन्त्यको घोषणा गर्ने भएका छन् । यसै वर्षको अन्त्यतिर उसले युद्ध अन्त्यको घोषणा गर्ने भएको दक्षिण कोरियाली विदेशमन्त्रीले जानकारी दिनुभएको छ । उत्तर कोरियासँगको युद्ध अन्त्यको घोषणा गर्ने तयारी दक्षिणले गरेको जनाएको हो । दक्षिण कोरियाली विदेशमन्त्री काङ कियाङ् ह्वाले सोमबार सोलमा आयोजित पत्रकार सम्मेलनमा सो जानकारी दिएका हुन् । उनले उक्त 

विचार / ब्लग

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।

माइत जाने चेलीलाई ५ सय ८० शब्दको सुझाव

माइत भन्ने बित्तिकै हरेक महिलाको अनुहारमा रौनक आउँछ । माइतको मोह महिलाले जीवनभर भुल्दैनन् । पतिले घरमा जतिसुकै सुख दिएको होस्, माइतमा पाइने सुखका अगाडि ती सबै कम लाग्छन् । माइतबाट सानो बोलावट मात्रै आउनुपर्छ, जानका लागि तुरुन्त तयार नहुने को नै होला र ? माइत जानु नराम्रो होइन । तर, प्रायः के पनि देखिन्छ भने जुन खुसी र उत्साहले महिलाहरु माइत जान्छन्, त्यति नै खुसी लिएर भने फर्कदैनन् ।

अध्यक्ष पद नै एमाले–माओवादी एकताको बाधक ! ओली र दाहालको आ–आफ्नै रणनीति

निर्वाचनलगत्तै पार्टी एकीकरण गर्ने बताएका दुई नेताले एकता प्रयास ठोस रुपमा अघि नबढेको बेला यस्तो कुरा बताउँदा दुबै पार्टीको एकता चाहनेलाई हौसला मिलेको थियो । आशा जागेको थियो । तर, एतिका दिन बितिसक्दा पनि पार्टी एकताले गति लिन सकेको छैन । 
Top