esewa

भारतीय राजनेताहरुको गोप्य प्रेम प्रसङ्ग : कसैको घरबार उजाडियो, कोही अविवाहित बसे


Friday, 1 Jun, 2018 9:17 AM
जब मामिला निजी जीवनको गोपनीयताको आउँछ तब भारतीय राजनीतिज्ञ संसारकै सबैभन्दा ठूला तानाशाहामा बदलिन्छन् । राजनेताहरुले एक अर्काको जति नै विरोध गरे पनि अरुको प्रेम प्रसंग, विवाहेत्तर सम्बन्ध तथा तथाकथित ‘दोस्रो महिला’ का बारेमा सार्वजनिक चर्चा नगर्ने एक खालको अघोषित सम्झौता भएजस्तो देखिन्छ । 
एक दुईवटा अपवादलाई छोडेर भारतीय राजनीतिज्ञले यो परम्परालाई निर्वाहा पनि गरेका छन् । यसको एउटा कारण हुन सक्छ हर कोही सिसाको घरमा बसेका छन् । तर ‘गर्भनेन्स नाउ’का सम्पादक अजय सिंह यसको पछाडि दोस्रो कारण मान्छन् । उनी भन्छन्,‘ सिसाको घरमा त विदेशीहरु पनि बस्छन् तर त्यहाँ पत्थर फ्याँकिन्छ । यहाँको एक सामन्ती अतीत छ जहाँ राजाहरुलाई केही चिजमा उनीहरुको विशेषाधिकार छ भन्ने सोचेर हामीहरु हिँडिरहेका छौं । उनी भन्छन्,‘ एक इटालियन शब्द छ ‘ओमार्टा’ जसको अर्थ हो अपराधिहरुमा एक गुप्त सम्झौता हुन्छ । जसमा म तपाईंको बारेमा केही बताउँदिन र मेरो बारेमा पनि तपाईंले पनि केही नबोल्नुहोस । भारतीय राजनीति पनि अलि–अलि ओमार्टा जस्तै छ । केही मामिलामा यति धेरै मौनता छ जुन कुरामा नहुनु पर्दथ्यो । 

ब्रम्हचर्यको प्रयोग
मिडिया र राजनीतिज्ञहरुको बीच उनको निजी जीन्दगीलाई लिएर एक खालको सामाजिक सम्झौता भएजस्तो देखिन्छ । एक हदभन्दा पर सार्वजनिक चर्चा या बहस हुने छैन । भ्रस्टाचार, धोखाधडी, भाइ–भतिजावादको मुद्दामा आममानिस र मिडिया निकै नृशंस छन् तर निजी जीवनका तथाकथित ‘स्केंडल्स’लाई मिडियाले नजरअंदान गर्छ । 
टाइम्स अफ इन्डियाका पूर्वसम्पादक इंदर मल्होत्रा भन्छन्,‘ आज संसारमा हरेक चिज खुला छ । सोशल मिडिया पनि छ । तर, त्यतिबेला नेताहरुको निजी जीवनको बारेमा अखबारहरुमा कत्ति पनि छापिन्नथ्यो । रेडियो र टेलिभिजन सरकारकै थिए’
उनी भन्छन्,‘ अब पंडित नेहरुलाई नै लिउँ न, तमाम देशमा उनको लेडी माउंटबेटनसँग सम्बन्ध छ भनेर चर्चा हुन्थ्यो । अर्की एक शारदा माता थिइन । जसको बारेमा जिउँदो र मरेपछि पनि चर्चा भइरह्यो । उनको मृत्युपछि उनको बारेमा किताब पनि छापियो । उनीभन्दा पहिले गान्धीको बारेमा पनि, जसले कुनै पनि चिज लुकाउँदैनथे । उनको एक अनुयायीले किताब लेखे कि उनी आफ्नो ब्रम्हचर्यको प्रयोगको दौरान आफ्नो दुबैतर्फ युवतीहरुलाई सुताउँथे । ’
इंदर मल्होत्रा यो पनि भन्छन्, कि साठीको दशकमा गान्धीको सेक्स र ब्रम्हचर्यको प्रयोगमा निर्मल कुमार बोसको किताब छापिनुभन्दा पहिला यसको बारेमा मान्छेहरुलाई शायद थाहा पनि थिएन । यसभन्दा पहिले यो विषयमा लेख्ने कुराको कल्पना पनि गर्न सकिँदैनथ्यो । 

नेहरु–एडविनाको प्रेम
जवाहरलाल नेहरुको एडविना माउंटबेटनसँगको सम्बन्धका बारेमा पनि विदेशमा निकै चर्चा भयो । इंदर भन्छन्,‘ यस बिषयमा इंगल्यान्डमा एउटा किताब छापियो । माउंटबेटन ट्रस्टले यो किताब छाप्न बकायदा इजाजत दियो । नेहरुले जति पनि पत्र एडविनालाई लेखेका थिए, त्यससलाई त्यो किताबमा शामेल गरियो । उनी भन्छन्,‘माउंटबेटनको जीवनीमा पनि नेहरुको एडविनाका साथ रोमांसको जिकिर गरिएको छ । तर, जब जेनेट मोर्गनले एडविनउपर किताब लेखिन तब उनले एडविनाले नेहरुलाई लेखेको पत्र छाप्ने कोशिस गरिन त्यतिखेर ती पत्रहरुलाई छाप्न उनलाई अनुमति मिलेन । 

इंदिरा–फिरोजको वैवाहिक जीवन
इंदिरा गान्धीको वैवाहिक जीवनमा पनि सार्वजनिक रुपले बहुत कम भनिएको छ । केवल, उनको आफ्नो पति फिरोज गांन्धीसँग सम्बन्ध राम्रो थिएन भन्नु बाहेक । इंदर मल्होत्राले बीबीसीसँग कुरा गर्दै भने,‘ फिरोज गान्धी मेरा अनौठा साथी थिए । उनकोमा जुन महिला आउने गर्थिन उनीले मलाई पनि चिन्थिन् । उनको दोस्ती हम्मी नामकी एक निकै राम्री महिलासँग थियो । उनको बाबु उत्तर प्रदेशको सरकारमा मन्त्री हुने गर्दथे । इंदिरा नेहरुको रेखदेख गर्न बच्चाहरुलाई लिएर दिल्लीमा प्रधानमन्त्री निवासमा बस्न थालिन । त्यहीबाट फिरोजको रोमान्स सुरु भयो । फिरोज हैड अ काइंड अफ ग्लैड आई । ’
हम्मीलाई लिएर इंदिरा गान्धीको जीन्दगीभर गुनासो रह्यो । यसबारे इंदर मल्होत्राले भने,‘ ‘जब फिरोज जिउँदो थिएनन् त्यतिखेर इंदिरा गान्ध्ी प्रधानमन्त्री बनिन् । इन्दीरा गान्धीले संकटकाल लगाउनुभन्दा पहिला प्रधानमन्त्री कार्यालयमा हम्मी कुनै एउटा विषमा निवेदन दिन आइन । त्यतिखेर उनी प्रधानमन्त्री कार्यालयबाट निस्कन लागेकी थिइन । त्यहिबेला काँग्रेस अध्यक्ष देवकांत बरुवा अफिसमा प्रवेश गरिरहेका थिए । इंदिरा गान्धीले बरुआसँग भनिन्, बाहिर हेर त । जुन महिलालाई तिमीले देखिरहेको छैै, यसको लागि फिरोजले मेरो सारा जीन्दगी खराब गरदियो । 

राजीव–सोनियाको प्रेम कहानी
राजीव गान्धी र सोनिया गान्धीको प्रेम प्रसंगका बारेमा पनि राष्ट्रिय मिडियामा बहुत कम चर्चा भएको छ । राशिद किदवईले सोनिया गान्धीको बारेमा लेखेको जीवनीमा यस मुद्दामा आफ्नो नजर जरुर दौडाएका छन् । किदवईले बीबीसीसँग भने,‘ सुरुमा सोनिया गान्धीलाई यो पनि थाहा थिएन कि राजीव गान्धी जवाहरलाल नेहरुका सन्तान हुन । उनी पहिलोपटक केम्ब्रिजको एक ग्रीक रेस्टुरेन्ट‘वरसिटी’मा भेटिएका थिए । उनी आफ्नो एक साथीसँग बसेकी थिइन । राजीव गान्धी पनि आफ्नो साथीसँग थिए । ’
किदवाई भन्छन्,‘ सोनिया गान्धीले स्वयम आँफैले भनेकी छन् कि जुन नजरले राजीवले उनलाई हेरे.....पहिलो हेराइमा नै उनीसँग प्रेम भयो । अनि, राजीव गान्धीले उनलाई एक कविता लेखेर पठाए । सोनिया गान्धीलाई त्यो कविता साह्रै मन पर्यो । यसपछि दुबै जनाको भेटधाट हुन थाल्यो । एक पटक इंदिरा गान्धी ब्रिटेन यात्रामा गइन । त्यहाँको अखबारमा उनको तस्वीर छापिए अनि उनलाई थोरै डरको महशुस भयो । ’ किदवईले भने,‘ एकपटक उनी आधा बाटोबाटै फर्केर आइन । इंदिरासँग भेट गर्न उनले हिम्मत जुटाउन सकिनन् । जब सोनियाले पहिलोपटक भेट गरिन त्यतिखेर उनले फ्रेंच भाषामा कुरा गरिन । किनकी इंदिरालाई फ्रेन्च आउँथ्यो । सोनियालाई अंग्रेजीमा बोल्न अफ्ठेरो लाग्थ्यो । पछि जब सोनियाका बुबालाई उनले राजीवसँग विवाह गर्न गइरहेकी छन् भन्ने थाहा भयो त्यतिबेला बुबाले यसको विरोध गरे । जब राजीव विवाहको प्रस्ताव लिएर सोनियको बाबुसामु पुगे उनले मैले तिमीहरुबीच कत्तिको प्रेम छ भनेर जाँच्न चाहन्छु भने । बाबुले उनीहरुलाई एक बर्ष एकदोस्रोसँग नभेट्न भने । एक बर्षपछि सोनिया गान्धीले फेरी विवाहको पहल गरिन । फेरी पनि उनका बाबु विवाहका लागि तयार भएनन् । सोनिया र राजीवको विवाहमा उनले खासै गुनासो पनि गरेनन् । ’
राजीवका कान्छा भाइ संजय गान्धीको नाम पनि कयौ महिलाहरुसँग जोडियो । ती मध्येकी एक रुख्साना सुल्ताना पनि थिइन । राशिद किदवाई भन्छन्,‘ रुख्साना सुल्तान कुनै ठूलो पब्लिक फिगर थिइनन । तर त्यो सम्बन्धलाई संजयले अघि बढाए । उनको जुन लाइफस्टायल थियो, त्यो जमानामा मेकअप गरेर हाई हिल्स लगाएर बाहिर निक्लिन्थिन । उनको एक ‘डोमिनेटर क्यारेक्टर’ थियो । काँग्रेसका कयौ मान्छेहरु भन्छन, उनले संजयसँग आफ्नो हक जमाउँथिन । र यो एक यस्तो हक थियो जसलाई सम्बन्धको नाम दिइएन । संजयको अनेक केटीहरुसँग उठबस थियो । जतिखेर संजयको मेनका गान्धीसँग विवाह हुने निश्चित हुँदै धेरै मान्छेले यो कसरी सम्भव भयो भनेर आश्चर्यता प्रकट गरेका थिए । कयौ केटीहरुको चित्त दुखेको थियो । 

वाजपेई–राजकुमारी कौल प्रकरण
पूर्वप्रधानमन्त्री अटलबिहारी वाजपेईको परिवारलाई लिएर केही खराव टिप्पणी भएकै हुन तर यसले उनको लोकप्रियतामा बिल्कुल फरक परेन । वाजपेईले कलेज पढ्ने बेला आफ्नो साथी राजकुमारी कौलसँग विवाह त गरेनन् तर उनको विवाह पछि उनी उनकै पतिको घरमा बस्न थाले । सैवी पत्रिकालाई दिएको अन्तवार्तामा श्रीमति कौलले भनेकि छन्,‘ मैले र अटल विहारी बाजपेईले यो सम्बन्धको बारेमा कुनै सफाइ दिनुपर्ने जरुरत नै ठानेनौं ।
श्रीमति कौलको केही समयअघि निधन भयो तर राष्ट्रिय मिडियामा उनको यो सम्बन्धको बारेमा कुनै चर्चा भएन । किनकी यी दुईको सम्बन्धका बारेमा मान्छेहरुलाई केही थाहा थिएन । बीबीसीले श्रीमती राजकुमारी कौलकी साथी तलत जमीरसँग कुराकानी गर्यो । 
तलत भन्छिन्,‘ उनी साँच्चिकै निकै राम्री कश्मिरी महिला थिइन... निकै ओजनदार । साह्रै राम्रो बोल्थिन । उनले बोल्ने उर्दू भाषा निकै मिठो थियो । जब म उनीलाई भेट्न प्रधानमन्त्री निवास जान्थे त्यहाँ मान्छे उनलाई माता भन्थे । अटलजीको खानपानको सबै जिम्मेवारी उनकै थियो । भान्सेहरु आएर उनलाई सोध्थे, आजको खानमा के–के बनाउने । उनलाई टेलिभिजन हेर्ने साह्रै शोख थियो । टेलिभिजनमा आउने सिरियलको बारेमा कुराकानी गर्थिन । उनी भन्थिन, प्रख्यात गीतकार जावेद अख्तर जब जन्मिए त्यतिबेला उनी अख्तरलाई हेर्न अस्पताल गएकी थिइन । अख्तरका बाबु जानिसार अख्तर ग्वालिएरको भिक्टोरिया कलेजमा उनलाई पढाउने गर्थे । उनी जावेदसँग निरन्तर सम्पर्कमा पनि रहने गर्थिन । 

मुलायमको दोस्रो विवाह
मुलायम सिंह यादवको दोस्रो विहेको बारेमा पनि मानिसहरुलाई निकै पछि मात्र थाहा भयो । जव मुलायमले अकूत सम्पत्ति जम्मा गरेको आरोपमा सुप्रिम कोर्टमा एक बयान दिए ।
अजय सिंह भन्छन्,‘ हामी जब लखनउमा काम गथ्र्यौं त्यतिबेला हामीलाई यस बारेमा थाहा थियो । उनको पत्नी त होइन तर पत्नी जस्तै थियो व्यवहार, उनी त्यहाँ जान्थे । तर, यस बारेमा कुनै चर्चा हुँदैनथ्यो । एक पटक सुप्रिम कोर्टमा उनलाई एउटा बयान दिन पर्यो कि उनको पहिलो पत्नी छैन भनेर । त्यतिखेर मात्र थाहा भयो, उनको दोस्रो पत्नी पनि छिन र उनीबाट एक छोरा पनि छ भनेर ।’


जिन्नाको ‘हैम’ प्रेम
यसैगरी धेरै कम मान्छेहरुलाई मात्र थाहा छ की पाकिस्तानका संस्थापक मोहम्मद अली जिन्नको हैम सैंडविचेज खानसँग निकै हिमचिम थियो । उनको असिस्टेंट समेत रहेका र पछि भारतको शिक्षा र विदेशमन्त्री बनेका मोहम्मद करीम चागलाले आफ्नो आत्मकथा‘ रोजेज इन डिसेम्बर’मा लेखेका छन्,‘ जिन्ना बाम्बे म्यूनिसिपल कर्पोरेसनको चुनाव लडिरहेका थिए । म र जिन्ना टाउन हलका थियौं जहाँ एक मतदान केन्द्र हुने गर्दथ्यो । लंच इंटरवलको दौरान जिन्ना पत्नी रुटी एउटा ठूलो गाडीमा एक टिफिन बास्केट लिएर उत्रिइन अनि हलको सिंडी चढ्दै भनिन्, ‘जे’ गेस गर मैले तिम्रो लागि लंचमा के ल्याएको छु ? जिन्नाले भने मलाई के थाहा ! यति सुनेपछि उनले जवाफ दिइन, मैले तिम्रो लागि निकै मिठो हैम स्यान्डविच ल्याएको छु । यो सुन्नेवित्तिकै जिन्नाको होश उड्यो । उनले भने, तिमीले के गरेको ? के तिमी म यो चुनाव हारुँ भन्ने चाहन्छौ ? यस्तो कुरा सुने भने मानिसहरुले मलाई भोट देलान ? रुटी रिसाउँदै फर्किइन । 
 



Ruslan

runner bike

ime

citizens bank

राजनीति

प्रदेश ३ : मन्त्रीमुखी बजेट ल्याएको भन्दै नेकपा सांसदकै विरोध

११ असार, हेटौंडा । प्रदेश ३ को आर्थिक वर्ष २०७६र७७ को बजेटको विरोधमा सत्तारुढ दलकै सांसदहरु नै उत्रिएका छन् । नेकपा संसदीय दलको बैठकमा उनीहरुले बजेट मन्त्रीमुखी भएको आरोप लगाएका छन् । मन्त्रीहरुको क्षेत्रमा मात्र बजेट पारिएको, सांसदको मागलाई अवमुल्यन गरिएको भन्दै उनीहरुले सरकारप्रति आक्रोश पोखे । नेकपा सांसदहरुले मुख्यमन्त्री डोरमणि पौडेलसहित प्रदेशका मन्त्रीहरुले र पहुँचका आधारमा कार्यक्रमहरु समेटिएको भन्दै असन्तुष्टि व्यक्त गरेका छन् । सांसदहरुले आफ्नो क्षेत्रमा परेका योजना पनि आफूले भनेअनुसार 

कांग्रेसको केन्द्रीय प्रतिनिधिसँगको छलफल १५ घण्टा २५ मिनेटसम्म चल्ने

११ असार, काठमाडौं । नेपाली कांग्रेसले पार्टीको ‘जागरण अभियान’मा देशभर खटेका केन्द्रीय प्रतिनिधिसँग बुधबारदेखि छलफल सुरु गरेको छ । ‘राष्ट्रिय जागरण अभियान’ को पहिलो चरणमा खटिएका ७७ वटै जिल्लाका केन्द्रीय प्रतिनिधिसँग छलफल सुरु गरेको हो । कांग्रेसले पहिलो चरणमा वैशाख २५ देखि जेठ २५ गते एक महिनासम्म ‘हिमाल, पहाड, तराइ(मधेश’ नाम दिएर राष्ट्रिय जागरण अभियान चलाएको थियो । अभियानमा खटिएका केन्द्रीय प्रतिनिधिका अनुभव र उनीहरुले तयार पारेको प्रतिवेदनमा रहेर छलफल सुरु गरिएको कांग्रेस सभापति 

संघीय निजामति सेवाको पदपूर्तिका लागि शत प्रतिशतलाई भागबण्डा गर्न सकिँदैन : मन्त्री पण्डित

११ असार, काठमाडौं । संघीय मामिला तथा सामान्य प्रशासनमन्त्री लालबाबु पण्डितले संघीय निजामति सेवाको पदपूर्तिका लागि शत प्रतिशतलाई भागबण्डा गर्न नसकिने बताएका छन् । संघीय संसद, प्रतिनिधिसभा अन्तरगत राज्यव्यवस्था तथा सुशासन समितिको बुधबारको बैठकमा उनले ५५ र ४५ प्रतिशतको आधार भित्रबाटै छलफल गरेर अघि बढ्नुपर्ने बताएका हुन् । संघीय निजामती सेवाको पदपूर्तिका क्रममा संंविधानले व्यवस्था गरे अनुसार समावेशी समानुपातिक प्रतिनिधित्व गराउनै पर्ने विषय धेरै संवेदनशील भएकाले तत्काल शत प्रतिशतलाई भागबण्डा

अन्तर्राष्ट्रिय

बङ्गलादेशकी प्रधानमन्त्रीले चीन भ्रमण गर्दै

११ असार, बेइजिङ । बङ्गलादेशकी प्रधानमन्त्री शेख हसिनाले आगामी महिना चीन भ्रमण गर्ने भएकी छन् । ‘चिनियाँ प्रधानमन्त्री ली खछ्याङको निमन्त्रणामा हसिना जुलाई ३ मा दुई दिने औपचारिक भ्रमणका लागि बेइझिङ आउने कार्यक्रम तय भइसकेको  छ,’ चिनियाँ विदेशमन्त्रालयका प्रवक्ता गेङसुवाङले पत्रकारसँगको नियमित भेटमा मङ्गलबार बताए । चीनको औपचारिक भ्रमणपूर्व हसिनाले उत्तरपूर्वी चीनको दलियानमा हुने १३ औँ गृष्मकालीन डेभोस फोरममा

भारत: मध्यरातमा २ कार ठोक्किँएर थिन्दा फुटपाथमा सुतिरहेका ३ बालबालिकाको मृत्य

११ असार, पटना । भारतको पटनामा मध्यरातको समयमा तिब्र गतिका दुई कार ठोक्किएर थिच्दा फुटपाथमा सुतिरहेका तीन जना बालबालिकाको ज्यान गएको छ। फुटपाथमा सुतिरहेका बालबालिकाको मृत्यु भएसँगै आक्रोशित स्थानीयको कुटाईबाट एक कार चालकको ज्यान गएको छ । कारमा सवार अर्का एक व्यक्ति र फुटपाथमा सुतिरहका एक बालक गम्भीर घाईते भएका छन्। मध्यराति २ बजेतिर अगमकुआँको पार्कको अगाडि पट्टी फुटपाथमा दुई कार एक आपसमा ठोक्किएर पल्टिएको प्रहरीले जनाएको छ। प्रहरीका अनुसार कार जुधेर पल्टिएसँगै तीन

ट्रम्पको भ्रमणअघि दुई कोरियाबीच वार्ता हुने सम्भावना न्यून

१० असार, सियोल । अमेरिकी राष्ट्रपति डोनाल्ड ट्रम्पको यसै साताको अन्त्यमा दक्षिण कोरियाको भ्रमण हुनुअघि दुई कोरियाबीच शीर्ष तहमा तत्काल वार्ता सम्भव नरहेको दक्षिण कोरियाली एकीकरण मन्त्री किम इयोन चुलले बिहीबार बताएका छन् । संसदमा विदेश मामिला र एकीकरण सम्बन्धमा सांसदहरुले राखेको जिज्ञासाको जवाफ दिँदै मन्त्री किमले तत्काल दुबै कोरियाका नेताहरुबीच भेटवार्ता होला भन्ने आफूलाई नलागेको स्पष्ट पारे । यसअघि दक्षिण कोरियाली राष्ट्रपति मुन जाए इनले उत्तर कोरियाली नेतासँग भेटवार्ता हुन सक्ने बताएका थिए । राष्ट्रपति ट्रम्पले 

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 
Top