cg electronics
nlic

​हरेक नेपालीमा बैंकिङ सेवा पुर्याउने हो भने सरकारले नोक्सानीको केही प्रतिशत बेहोर्नुपर्छ


Friday, 21 Oct, 2016 4:06 PM

 
राष्ट्र बैंकले बैंक तथा वित्तिय संस्थाहरूको क्षमता बढाउन तथा वित्तिय संस्थाको संख्या घटाउन पूँजी बृद्धिको निर्देशन दिएपछि यतिबेला बैकहरु पूँजी वृद्धि गर्न कम्मर कसेर लागिरहेका छन् । हकप्रद र बोनस दिएर पूँजी पुर्याउन सक्ने वित्तिय संस्थाहरू बोनस र राइट सेयर घोषणा गरिरहेका छन् भने कतिपयले पूँजी पुर्याउन सँस्था मर्जर र एक्वायर गरिरहेका छन् । २०७४ असार मसान्तसम्ममा विकास बैंकहरुले २ अर्ब  ५० करोड चुक्तापूँजी पुर्याउनु पर्नेछ । चुक्ता पूँजी पुर्याउन दिएको निर्देशनको एक बर्ष पुरा भइसकेको छ । यस्तै रेमिट्यान्स्मा गिरावट, विकास  निर्माणको काम अपेक्षित् नहुँदा बजारमा तरलता केही कम भएको अवस्था छ ।  जसका कारण नै वित्तियसंस्थाहरूले ब्याजदर बढाइरहेका छन् । 
भmण्डै २९ बर्ष अघि नेपाल बैंक लिमिटेडबाट बैंकिङ यात्रा शुरु गरेका कृष्णराज लामिछाने अहिले कैलाश विकास बैंकको प्रमुख कार्यकारी अधिकृत हुन् । उनी विकास बैंकहरुको छाता संगठन विकास बैंक बैंकर्स सँघको अध्यक्ष समेत हुन् । पछिल्ला दिनहरुमा विकास बैंकको अवस्था , ब्याजदर परिवर्तन, तरलताको अवस्था, हरेक नेपालीमा बैंकङ पहुच पुर्याउन विकास बैंकले खेलेको भुमिका, बैंकको पुूँजी बृद्धि योजना लगायतका विषयमा लामिछानेसँग न्यूजसेवाका लागि एलिजा उप्रेतीले गरेकोे कुराकानीको अंश 


यतिबेला  बैंक तथा वित्तिय संस्थाहरूलाई राष्ट्र बैंकको निर्देशन अनुसार पुँजी बृद्धिको चटारो छ, अब एक वर्ष भन्दा पनि कम समय भएको अवस्थामा विकास बैंकहरुको अवस्था कस्तो छ ?

पूँजी बृद्धिकै लागि भनेर पछिल्ला दिनहरुमा धेरै बैंकहरु विशेष गरी विकास बैंकहरु मर्जरमा गएका छन् । केही समय अघि ८६ वटाको संख्यामा रहेका विकास बैंकहरु अहिले मर्जरकै कारण ५०/६० वटामा झरेका छन् । अहिले पनि धेरै विकास बैंकहरू मर्जर तथा एक्वायरकै क्रममा रहेकाले यो संख्यामा गिरावट आएर ३० वटा जति विकास बैंक हुने देखिन्छ । तर तीनका शाखाहरु जहाँ जहाँ थिए त्यहीँ त्यहीँ रहन्छन र डुप्लिकेसन भएको ठाउँमा रिलोकेसन मात्र हुन्छ  । 

धमाधम मर्जर हुदा तपाईले ३० वटा विकास बैक मात्र रहन्छ भन्नु भयो, राष्ट्रबैंकले सिधै मर्जरमा  जान नभनेपनि उसको लक्ष्य भनेको बैंकहरुको संख्या घटाउनुनै हो , शाखा यथावत रहेपनि बैंकहरूकै संख्या कम हुँदा विकास बैंकको भविष्य चाहि कस्तो देख्नुहुन्छ ? 

पूँजी बढाउन भनेपछि मर्जरबाहेक प्राय बैंकको अरु विकल्प पनि छैन । तर विकास बैंकको भविष्यनै धरापमा पर्छ भन्ने चाहिँ होइन । बाणिज्य बैंककै हाराहारीमा विकास बैंक पुग्छ । बाणिज्य बैंकहरु सबै सदरमुकाम केन्द्रित हुदा विकास बैकले आफ्नो भुमिका ग्रामिणस्तरमा पुर्याएको छ । यसकारण पनि सर्भिस डेलिभरीको हिसाबले गाउँ क्षेत्रमा सेवा पुर्याउन पनि विकास बैंकको आवश्यक पर्छ । तर पहिला एकजिल्ले ÷तिन जिल्लेका लागि लक्षित गरेर  खोलिएका विकास बैंकहरु प्जी पुर्याउनकै लागि मर्जरमा जाने भएपछि उनीहरुको संख्या  घट्छ र पूँजीका हिसाबले बलिया पनि बन्छन्  । जहाँ जहाँ जति शाखाहरु पुगेका छन् ती बन्द गर्न पनि पाइदैन र बन्द पनि हुदैन । संख्या घटेपनि नेटवर्क घट्दैन, सँस्था बलिया हुन्छन् । त्यसकारण भविष्य राम्रो छ ।  

तपाईले गाउँ गाउँमा बैंकिङ पहुँच पुग्न विकास बैंकको भुमिका हुन्छ भनिरहदा  यति धेरै विकास बैंक भएपनि  अझै कति जनसंख्या त बैंकिङ पहुँचबाटै टाढा छन् । यस्तो अवस्थामा विकास बैंकको भुमिकालाई कसरी हेर्ने ? 

हेर्नुस कुनै पनि कुरा शुन्यतामा चल्दैन, त्यसका लागि पूर्वाधारको आवश्यक पर्छ । पहिले त ती गाउँहरुमा जनसंख्याको आकार कस्तो छ भन्ने कुरा हुन्छ भने अर्को पूर्वाधार विकासको कुरा हो । नगद बोकेर ल्याउने अवस्था कस्तो छ , सुरक्षाको अवस्था  ,बिद्युतको उपलब्धता जस्ता कुराले पनि महत्व राख्छ ।  निश्चित मापदण्ड पुगेको ठाउँमा यति धेरै प्रतिस्पर्धा छ बैंकहरु आफै पुगिहाल्छन् । जसरी ओरालोमा पानी बग्छ त्यस्तै जहाँ आवाश्यकता र अवसर देख्छन् त्यहा बैंकहरु भागिहाल्छन् । 


हरेक नेपालीमा बैंकिङ सुविधा नपुग्नुमा बैंक होइन सरकारी उदासीनताको कारणले भएको हो भन्न खोज्नुभएको हो ?

सबै नेपालीको पहुँचमा बैकिङ सेवा पुग्न आवश्यक पूर्वाधार पुग्नु पर्छ । त्यसका लागि सरकारले कदम चाल्नै पर्छ । कतिपय अवस्थामा पूर्वाधार पुग्दा पुग्दै नोक्सानी हुन सक्छ बस्ती थोरै छ ,आर्थिक कारोबार कम हुन्छ भने, यस्तो अवस्थामा  सरकारले नोक्सानीको केही प्रतिशत बेहोर्नुपर्छ । यदि सेवा पु्र्याउने हो भने सरकारले पनि केही लगानी गर्नुपर्याे नी । 
बैंक भनेको नगद कारोबार हुने ठाउँ हो जसलाई सुरक्षाको आवाश्यकता पर्छ । त्यो क्षेत्रमा केही उद्यमशीलता भएको व्यक्ति  पनि चाहियो । विशेषगरी ग्रामीण जनतामा वित्तिय साक्षरता छैन् । जस्तै स्वास्थ्य मन्त्रालयले कति धेरै जनचेतनामुलक विज्ञापनमा खर्च गरिरहेको छ तर बैकिंङ क्षेत्रमा अर्थमन्त्रायको त्यो जागरुकता खोइ ? एउटा पनि विज्ञापन निकालेर भनेको छैन की तिमीहरु बैंकमा खाता खोल । बंैकहरुले विज्ञापन  गर्दा आफ्नो स्वार्थका लागि गर्यो भन्छन् तर त्यही कुरालाई अर्थमन्त्रालयद्धारा भन्यो भने जनहितका लागि भन्यो भनेर सर्वसाधारणले विश्वास गर्छन् । 

अहिले  वाणिज्य बैंकमा व्याजदर बृद्धि भइसकेको छ, त्यसले पहिले देखिनै वाणिज्य बैंक भन्दा बढी ब्याज दिँदै आएका विकास बैकलाई धक्का  लाग्दैन ?

अहिले बाणिज्य बैंक र डेभलपमेन्ट बैकमा व्याजदरमा खासै भिन्नता छैन  । दुई तिन महिना अगाडी फरक थियो तर अहिले छैन । हामी पनि साढे ६/ सात प्रतिशत व्याज दिइरहेका छा । बाणिज्य बैंकले पनि सँस्थागमा त्यस्तै दिइरहेको छ । सेभिङमा भने बाणिज्य बैंक भन्दा विकास बैंकले बढी दिन्छन् । 
कर्जाको हकमा पनि अहिले आएर बराबर हुन थालेको छ । सँस्थागत निक्षेपकर्ताहरुले व्याजदर बढाए त्यसले गर्दा वाणिज्य बैंकमा बढेको हो । जस्तै नागरीक लगानी कोष ,आर्मी ,सञ्चय कोष जस्ताले बाणिज्य बैंकमा निक्षेप राख्छन् , विकास बैंकमा राख्दैनन् त्यसले गर्दा खासै ठुलो धक्का लाग्दैन । 

पूँजी वृद्धिसँगै विकास बैंकहरुले   सुधार गर्नुपर्ने पाटा के हुन सक्छन् ? 

पूँजीको साइज बृद्धि गर्नुपर्ने महत्वपूर्ण कुरा छ  । ६०/६५ करोडमा चलेको विकास बैंकलाई साढे २ अर्ब पुर्याउनु आफैमा चूनौती छ । त्यही अनुसारको मेनपावरको क्षमता पनि हुनुपर्यो । आफैले गर्नु परेको भनेको मेनपावरको क्षमता अभिबृद्धि हो । पूँजी बढेपछि सेवामा पनि गुणस्तरता हुनुपर्छ । 

मर्जर राष्ट्रबैंकको संस्था बलियो बनाउने नीति हो कि अधिक संख्याका कारण  अनुगमन गर्न मुस्किल परेर हो जस्तो लाग्छ ? 

म त  भन्छु मर्जर आवश्यकता नै हो । एक करोड ४० लाखको विकास बैंक पनि छ यस्तो अवस्थामा पूँजी बृद्धिको एकदमै आवाश्यकता देखिइसकेको थियो । 
कैलाश विकास बैंकको कुरा गर्ने हो भने १ अर्ब ५८ करोडको विकास बैंक हो । त्यस्तै १ करोड ४० लाखको. पनि विकास  बैंक छन् । तर पनि राष्ट्र बैंकले मर्ज होउ त भनेको छैन नी ।  पुँजी बृद्धि जसरी पनि गर्नु मात्र भनेको हो । विदेशी लगानी ल्याएर हुन्छ या मर्ज गरेर हुन्छ । सँस्थालाई पुँजी पुर्याउन मर्जमा जानैपर्छ यसले संख्या घट्छ र राष्ट्रबैंकलाई सुपरभिजन गर्न पनि सहज हुन्छ । 

कैलाश विकास बैंकले चाहिँ कसरी आफ्नो पुँजी अबको एक बर्षभित्र पूर्याउँछ ? 

कैलाश विकास बैंकको  अहिले १ अर्ब ५८ करोड चुक्तापूँजी  छ ।  २० प्रतिशत राइट शेयरको प्रक्रिया पनि करिब करिब अन्तिम चरणमा छ । बोनस शेयरबाट २ अर्ब ३० करोड हुन्छ । चालुबर्ष २० प्रतिशत नाफा कमाउने लक्ष्य छ ।  साथै मर्जर व्यवस्थापन ,हरेक बर्ष ३÷४ ओटा शाखा खोल्दै जाने हाम्रो बैंकको लक्ष्य हो । हाम्रो पूँजी सजिलै पुग्छ । 


तस्बिर : गगन अर्याल


Ruslan

sponserworldcup

राजनीति

प्रधानमन्त्री ओलीलाई चीनमा गार्ड अफ अनर प्रदान

७ असार, काठमाडौं । चीन भ्रमणमा रहेका प्रधानमन्त्री केपी शर्मा ओलीलाई चीनमा गार्ड अफ अनर प्रदान गरिएको छ । भ्रमणको तेस्रो दिन चीनको ग्रेट हल अफ दि पिपुल्समा उनलाई गार्ड अफ अनर दिइएको हो । उक्त कार्यक्रममा चिनियाँ प्रधानमन्त्री लि खछ्याङ पनि सँगै थिए । लगत्तै प्रतिनिधिमण्डलस्तरीय वार्ता सुरु भएको छ । बैठकमा प्रधानमन्त्री ओलीले आफ्नो प्रतिनिधिमण्डललाई गरेको स्वागतप्रति धन्यवाद दिँदै द्वीपक्षीय सम्बन्धलाई अझै प्रगाढ बनाउनेमा जोड दिए  । 

​नेपाली कम्युनिष्ट एकतालाई विश्व कम्युनिष्ट आन्दोलनले आत्मसाथ गर्ने –प्रधानमन्त्री

७ असार, काठमाडौँ । प्रधानमन्त्री केपी शर्मा ओलीले चिनियाँ कम्युनिष्ट पार्टीको केन्द्रीय पार्टी स्कुलद्वारा आज आयोजित कार्यक्रमलाई सम्बोधन गर्दै नेपालको कम्युनिष्ट आन्दोलनको एकता र सफलताले विश्व कम्युनिष्ट आन्दोलनलाई आत्मसाथ गर्ने विश्वास व्यक्त गरेका छन् ।चीनको औपचारिक भ्रमणमा रहेका प्रधानमन्त्री ओलीले ‘सुशासन र समृद्धिमा राजनीतिक पार्टीको भूमिका’ विषयमा सम्बोधन गर्दै नेपालको कम्युनिष्ट आन्दोलनको उतारचढाव 

​नेपाललाई योगको केन्द्रको रुपमा विकास गर्नुपर्ने : कावा प्रधानमन्त्री

७ असार, काठमाडौँ । कार्यवाहक प्रधानमन्त्री ईश्वर पोखरेलले नेपाललाई स्वस्थ आध्यात्मिक एवं योग केन्द्रको रुपमा विकसित गर्दै लैजान सरकारले पहल गर्ने बताएका छन् । चौथो अन्तर्राष्ट्रिय योग दिवसको अवसरमा पतञ्जलि योगपीठले आज बिहान राष्ट्रिय प्रहरी प्रशिक्षण प्रतिष्ठान, महाराजगञ्जमा गरेको कार्यक्रममा उनले आम जीवन पद्धतिका रुपमा योगको महत्वलाई उजागर गर्दै स्वस्थ नागरिक तयार पार्नका लागि नेपाललाई योग 

अन्तर्राष्ट्रिय

न्यूजिल्याण्की प्रधानमन्त्रीलाई पुत्रीलाभ, ६ दिन लिइन् सुत्केरी बिदा

केही महिनाअघि आफू गर्भवती भएको खुलासा गरेकी न्यूजिल्याण्डकी प्रधानमन्त्री जसिन्डा आर्डर्नले छोरीलाई जन्म दिएकी छिन्। अकल्याण्ड शहरको एक अस्पतालमा छोरीलाई जन्म दिएको जानकारी सामाजिक सञ्जालमार्फत दिँदै उनले अस्पतालका कर्मचारीलाई धन्यवाद दिएकी छिन्। नवजात शिशु स्वस्थ रहेको र उनको तौल ३.३१ किलोग्राम रहेको जानकारी दिँदै आर्डर्न र उनका प्रेमी क्लार्क गेफोर्डले लेखेका छन्, (वी वान् ) तिमीलाई हाम्रो गाउँमा स्वागत छ। अहिले हामी 

युद्ध अन्त्यको घोषणागर्दै दुई कोरिया

४ असार सोल  । उत्तर र दक्षिण कोरियाले बिगत लामो समयदेखि उनीहरुबीच जारी घोषित युद्ध अन्त्यको घोषणा गर्ने भएका छन् । यसै वर्षको अन्त्यतिर उसले युद्ध अन्त्यको घोषणा गर्ने भएको दक्षिण कोरियाली विदेशमन्त्रीले जानकारी दिनुभएको छ । उत्तर कोरियासँगको युद्ध अन्त्यको घोषणा गर्ने तयारी दक्षिणले गरेको जनाएको हो । दक्षिण कोरियाली विदेशमन्त्री काङ कियाङ् ह्वाले सोमबार सोलमा आयोजित पत्रकार सम्मेलनमा सो जानकारी दिएका हुन् । उनले उक्त 

ग्वाटेमालामा फेरि अर्को ज्वालामुखी विस्फोट, मृत्युहुनेको संख्या ७५ नाघ्यो, १७ लाख मानिस प्रभाव

२३ जेठ काठमाडौ । ग्वाटेमालामा फेरि ज्वालामुखी विस्फोट हुन थालेपछि आपत्‌कालीन सेवाका अधिकारीहरूले वरपरका मानिसहरूलाई सुरक्षित स्थानमा सारिरहेका छन्। फोएगो नामक ज्वालामुखीबाट ताजा लाभा निस्केर दक्षिणतिर खसिरहेको छ। आइतवार ज्वालामुखी विस्फोट भएयता कम्तीमा ७२ जनाको ज्यान गएको छ भने अन्य कैयौँ

विचार / ब्लग

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।

माइत जाने चेलीलाई ५ सय ८० शब्दको सुझाव

माइत भन्ने बित्तिकै हरेक महिलाको अनुहारमा रौनक आउँछ । माइतको मोह महिलाले जीवनभर भुल्दैनन् । पतिले घरमा जतिसुकै सुख दिएको होस्, माइतमा पाइने सुखका अगाडि ती सबै कम लाग्छन् । माइतबाट सानो बोलावट मात्रै आउनुपर्छ, जानका लागि तुरुन्त तयार नहुने को नै होला र ? माइत जानु नराम्रो होइन । तर, प्रायः के पनि देखिन्छ भने जुन खुसी र उत्साहले महिलाहरु माइत जान्छन्, त्यति नै खुसी लिएर भने फर्कदैनन् ।

अध्यक्ष पद नै एमाले–माओवादी एकताको बाधक ! ओली र दाहालको आ–आफ्नै रणनीति

निर्वाचनलगत्तै पार्टी एकीकरण गर्ने बताएका दुई नेताले एकता प्रयास ठोस रुपमा अघि नबढेको बेला यस्तो कुरा बताउँदा दुबै पार्टीको एकता चाहनेलाई हौसला मिलेको थियो । आशा जागेको थियो । तर, एतिका दिन बितिसक्दा पनि पार्टी एकताले गति लिन सकेको छैन । 
Top