syangyong
nlic

​विश्वचर्चित १५ कम्पनीका लोगोको अर्थ : आश्चर्यमा पार्ने वास्तविकता


Friday, 27 Oct, 2017 1:59 PM
विश्वका केही कम्पनीका लोगोहरु विश्वप्रसिद्ध नै छन् । हेर्दा सामान्य लाग्छन्, तर ती लोगोमा लुकेका अर्थ रोचक छन् । लोगो डिजाइन गर्दा महत्वपूर्ण भाव अंकित गरिएका छन् । लोगोमा कोरिएका रेखा, वृत्त र रंगको आ–आफ्नै अर्थ छन् । हामी विश्वका चर्चित १७ लोगोभित्र लुकेको अर्थ आज तपाईंहरुमाझ सार्वजनिक गर्दैछौं : 

हुन्डाई (Hyundai)

हुन्डाई कम्पनीले गाडी उत्पादन गर्छ । दक्षिण कोरियाको यो कम्पनी विश्वभर चर्चित छ । हुन्डाईको लोगो हेरेपछि लाग्छ, नामको पहिलो अक्षरलाई नै लोगो बनाइएको हो । तर, वास्तविकता फरक छ । हुण्डाईको लोगोमा केबल अंगे्रजी अक्षर एचमात्रै कोरिएको छैन । यो एच अक्षरको लोगोमा दुई व्यक्ति हात मिलाउँदै गरेको सन्देश दिइएको छ । गहिरिएर लोगोको अध्ययन गर्नुहोस् त दुई व्यक्ति हात मिलाउँदै गरेको महसुस तपाईंलाई पनि हुन्छ । यी दुई व्यक्तिमध्ये एकजना ग्राहक हुन् भने अर्को कम्पनीका प्रतिनिधी । 

एडिडास (Adidas)

एडिडास कम्पनीका उत्पादन विश्वभर पुगेका छन् । एडिडासका जुत्ता र लुगा हामी अधिकांशले पनि लगाएकै छौं । यसले विशेषतः स्पोर्ट्स जुत्ता तथा लुगा उत्पादन गर्छ । संस्थापक एडोल्फ डास्लरको नामबाट यो कम्पनीको नाम राखिएको छ । हुन त यो कम्पनीको लोगो समयसँगै परिवर्तन गरिदै आएको पाइन्छ । तर, हरेक लोगोमा तीनविटा धारहरु पनि समावेश गरिएकै छन् । हालका लोगोमा एउटै कोणमा तीन धारहरु छन् जुन एक साथ त्रिकोण बन्दछन् । यसलाई हिमालको प्रतिकको रुपमा लिइन्छ र यसले एथलेट्सहरुले पार गर्नै पर्ने चुनौतीहरुको प्रतिनिधित्व गर्छ ।

एप्पल (Apple)

विश्वप्रसिद्ध एप्पल कम्पनीका डिजाइनर रोब यानोभले आफूले एप्पल कम्पनीको लोगो बनाउँदा धरै शोधहरु गरेको बताएका छन् । उनले अलिकति टोकिएको स्याउलाई किन लोगो बनाए त ? यो लोगोको चित्र बनाउन मात्र उनलाई एक हप्ता समय लागेको थियो रे । यसक्रममा उनले विभिन्न समान्य चित्रहरुको पनि प्रयोग गरेछन् । तर, उनलाई कुनै पनि उचित लागेन र अन्तमा एकपटक टोकेको स्याउलाई आफ्नो कम्पनीको लोगो बनाए । यो लोगोको अर्थ कम्प्युटरको ‘बाइट’सँग जोडिएको छ । कम्प्युटर शब्द ‘बाइट’सँग मिल्निे भएकाले नै एप्पलले यसलाई आफ्नो लोगो बनाएको हो ।

सोनी भायो (Sony Vaio)

सोनी भायोका ल्यापटप नेपालमा पनि खुब चलेको छ । यसको लोगो भायोको अंग्रेजी शब्दजस्तै नै लाग्छ । भायोको सुरुका दुई अक्षरले लहर बनाएको छ जसले एनालग प्रतिकको प्रतिनिधित्व गर्छ भने पछाडिका १ र ० जस्तै देखिने दुई संख्या डिजिटल सिग्नलको एउटा प्रतिक हो । 

अमेजन (Amazon)
झट्ट हेर्दा खासै विशेष नदेखिने अमेजनको लोगोको पछाडि उक्त कम्पनीको दर्शन निकै रोचक तरिकाले प्रस्तुत गरिएको ट । लोगोमा रहेको पहेंलो तीर आकारको चिन्हलाई मुस्कानको प्रतिक मानिन्छ । यसको अर्थ ग्राहकको सन्तुष्टी भन्ने हो । यो तीरलाई अमेजनको अक्षर ‘ए’ र ‘जेड’को बीचमा पर्ने गरी कोरिएको छ । यसको अर्थ ‘ए टु जेड’ अर्थात् यहाँ सबै खालका सामान पाइन्छ भन्ने हो । 

बास्किन–रोबिनस (Baskin-Robbins)
बास्किन–रोबिनसको आइसक्रिम उत्पादन विश्भर लोकप्रिय छ । यो कम्पनीको लोगोमा बिआर लेखिएको छ ।  तर, लोगोमा गहिरिएर हेर्नुहोस् त बिआरमा गुलाबी रंग दिइएको क्षेत्रलाई हेर्दा ३१ संख्या देख्नुहुन्छ । यसको अर्थ हो, कम्पनीले बिक्री वितरण गर्दै आएका प्रसिद्ध ३१ छुट्टाछुट्टै स्वाद । त्यसैले झट्ट हेर्दा बिआर मात्रै देखिने लोगोले आफ्ना उत्पादनका ३१ स्वादलाई प्रतिनिधित्व गरेको छ । 

टोयोटा (Toyota)

धेरै मानिसहरुले जापानी कार उत्पादक टोयोटाको लोगोलाई एउटा फेसनेवल टोपीसँग तुलना गरेको पाइन्छ । तर, वास्तवमा यसले सियोको प्वालको स्टाइलिस छवीलाई प्रतिनिधित्व गर्छ जहाँ धागो वारपार गरिएको छ । यसले कम्पनीको अतीतलाई संकेत गरेको छ जतिबेला यो कम्पनीले सिलाई मेसिनको उत्पादन गर्ने गथ्र्यो । त्यस्तै टोयोटाको लोगोमा विभिन्न भागमा कम्पनीको नामको अक्षर पनि समावेश गरिएको छ ।

कन्टिनेन्टल (Continental)

कार टायर उत्पादनका लागि कन्टिनेन्टल निकै चर्चित कम्पनी हो । लोगोमा रहेको पहिलो दुई अक्षरले अटोमोबाइलको पांग्राको प्रतिनिधित्व गरेको छ । 

फर्मुला १ (Formula 1)

कार कम्पनी फर्मुला १ को लोगोको अंग्रेजी अक्षर ‘एफ’ र अर्कोतर्फको रातो भागबीचको सेतो स्थानलाई ध्यानपूर्वक हेर्नुहोस् त । त्यहाँ तपाईंले १ संख्या देख्नुहुन्छ । लोगोको रातो भागले कम्पनीले हासिल गरेको गरेको ग्राफिकल प्रस्तुति दर्शाएको छ । 

बिट्स (Beats)

अडियो उपकरण निर्माण गर्ने अमेरिकाको चर्चित कम्पनी हो बिट्स । यसको लोगोमा भएको अक्षर ‘बी’ले हेडफोन लगाएको एक व्यक्ति जस्तो दर्शाउँछ । 

टोबलरन (Toblerone)
स्विट्जरल्याण्डको बन्र्समा रहेको प्रसिद्ध चकलेट कम्पनी टोबलरनले आफ्नो लोगोमा एउटा भालुको छाँया देखाएको छ । यसको अर्थ हो, बन्र्स कुनैबेला भालुहरुको शहर थियो । 

बीएमडब्यू (BMW)

 


प्रायः मानिसहरुले बिएमडब्यूको लोगोको मध्यभाग हवाइजहाजको घुमिरहेको बिलेटको प्रतिक हो भन्छन् । तर, वास्तवमा यो जर्मनीको बाभरियन प्रान्तको झण्डाको प्रतिक हो । किनभने यो कम्पनीले पहिले यहीँ स्थापना भएको थियो ।

एलजी (LG)
 
दक्षिण कोरियाली इलेम्ट्रोनिक्स कम्पनी एलजीको लोगोमा एउटा व्यक्तिको मुखजस्तै चित्र छ । कम्पनीका अनुसार लोगोको अर्थ उनीहरुले आफ्नो ग्राहकहरुसँग सामान्य मानव नाता बनाउने आकांक्षाको प्रतिनिधित्व गर्छ ।

कोकाकोला (Coca-Cola)

कोकाकोला कम्पनीको विश्वप्रसिद्ध लोगोमा ‘ओ’ र ‘एल’को बीच भागमा स्पष्ट रुपमै डेनिसको झण्डा देखिन्छ । तर, वास्तवमा यो संयोग मात्र भएको कम्पनीले बताइसकेको छ । झण्डालाई विज्ञापनको रुपमा भने प्रयोग नगरेको उसले बताएको छ । 

पेप्सी (Pepsi)

सुन्दा विश्वास नलाग्न पनि सक्छ । तर, पेप्सीले आफ्नो गुप्त अर्थहरु खुलाउने गरी लोगो बनाउनमात्रै १० लाख डलर खर्च गरेको छ । पेप्सीको विशेष डिजाइन गरिएको नयाँ लोगोमा रहस्यमय र गोपनीय विषयहरुको संकेत गरिएको छ । जस्तैः पृथ्वीको चुम्बकीय क्षेत्र, फेङ सुई, पाइथागोरस, भू–गर्भ विज्ञान, सापेक्षताको सिद्धान्त र स्वर्ण अनुपात । लोगोमा मोनालिसा, पार्थेनान र रेने डेसकार्टेसको सन्दर्भ पनि रहेको डिजाइनरले दर्शाउन खोजेका छन् । साथै, रातो, सेतो र निलो रङले अमेरिकी झण्डाको प्रतिनिधित्व गराएको छ । 


Ruslan

machha bank

ime

samajik surachhya

राजनीति

परराष्ट्रमन्त्री अमेरिका भ्रमणमा जाँदै

१ पुस, काठमाडौं । परराष्ट्रमन्त्री प्रदीपकुमार ज्ञवाली यही पुस २ गते बिहान संयुक्त राज्य अमेरिकाको भ्रमणमा जाने भएका छन् । उनले अमेरिकी विदेशमन्त्री माइकल आर पोम्पियोसँग पुस ३ गते वासिङ्टन डिसीमा द्विपक्षीय वार्ता गर्ने कार्यक्रम रहेको परराष्ट्र मन्त्रालयले जनाएको छ । भ्रमणका क्रममा मन्त्री ज्ञवालीले राष्ट्रपति कार्यालय, अन्तर्राष्ट्रिय विकासका लागि अमेरिकी नियोग ९युएसएआइडी० र मिलेनियम च्यालेञ्ज कर्पोरेशनका उच्च अधिकारीसँग पनि बेग्लाबेग्लै भेटवार्ता गर्ने 

श्रमिकको समस्या समाधान गर्नु सरकारको पहिलो प्राथमिकता : मन्त्री थापा

१ पुस, काठमाडौं । महिला, बालबालिका तथा ज्येष्ठ नागरिकमन्त्री थममाया थापाले जुनसुकै क्षेत्रमा काम गर्ने श्रमिकको समस्या समाधान गर्नु सरकारको पहिलो प्राथमिता रहेको बताइन् । स्वतन्त्रता अभियान नेपालले आज आयोजना गरेको अनौपचारिक क्षेत्रमा काम गर्ने महिला श्रमिकविरुद्ध हुने हिंसा विषयक राष्ट्रिय विचार गोष्ठीमा मन्त्री थापाले यस क्षेत्रमा हुने समस्या समाधान गर्न सरकाले धेरै ऐन कानून निर्माण गरिसकेको बताइन् ।निर्माण भएका ऐन कानूनलाई प्रभावकारी 

कांग्रेस महासमिति बैठक : भित्र बन्दसत्र, बाहिर हिन्दूराष्ट्रका लागि हस्ताक्षर संकलन

१ पुस, काठमाडौं । नेपाली कांग्रेसको महासमिति बैठकको बन्द सत्र जारी छ । बन्द सत्रमा महामन्त्री डा. शशाङ्क कोइरालाले ‘साङ्गठनिक प्रतिवेदन’ कोषाध्यक्ष सीतादेवी यादवले  ‘लेखा प्रतिवेदन’ र सहमहामन्त्री डा प्रकाशशरण महतले ‘आर्थिक प्रस्ताव’ पेश गर्नुभएको छ । तीन वटै प्रस्तावमाथि आज छलफल हुनेछ । प्रतिवेदनमा छलफलपछि महासमिति सदस्यले राखेका विचारका आधारमा संशोधनसहित पारित हुने पार्टी प्रवक्ता विश्वप्रकाश शर्माले जानकारी दिए । विधान संशोधनको

अन्तर्राष्ट्रिय

कम्बोडियामा तीन टन अफ्रिकी हात्तीको दाह्रा बरामद

१ पुस, नोहपेन्ह । कम्बोडियाका भन्सार अधिकारीहरुले अफ्रिकी मुलुक मोजाम्बिकबाट पठाइएको कन्टेनरभित्र लुकाएको अवस्थामा ३ दशमलब २ टन भन्दा बढी हात्तीको दाह्रा बरामद भएको जनाएका छन् । कम्बोडियामा बरामद गरिएको अफ्रिकी हात्तीको दाह्रा आजसम्मकै यो सबैभन्दा बढी हो । नोमपेन्ह स्वायत्त बन्दरगाहमा बिहीबार एक हजार २६ थान हात्तीका दाह्रा फेला परेका थिए । विगत केही समयदेखि नै कम्बोडियालाई अर्बौं डलरको वन्यजन्तुको अबैध चोरीशिकारी 

काँग्रेस नेता कमलनाथले डिसेम्बर १७ मा मुख्यमन्त्रीको सपथ लिने

२८ मंसिर, भोपाल । भारतीय काँग्रेस पार्टीका प्रख्यात नेता कमलनाथले यही डिसेम्बर १७ मा मध्य प्रदेशको मुख्यमन्त्रीको सपथ ग्रहण गर्ने भएका छन् । डिसेम्बर १३ मा मध्य प्रदेशको मुख्य मन्त्री नियुक्त भएका कमलनाथले ‘लाल परेड ग्राउन्ड’ मा सपथ ग्रहण गर्ने समाचारमा जनाइएको छ । मध्य प्रदेशको काँग्रेस समिति (एमसीसी) का अध्यक्ष समेत रहेका कमलनाथलाई मुख्यमन्त्री बनाउने निर्णय बिहीबार अबेर राति घोषणा भएको थियो । हालैमात्र सो राज्यमा सम्पन्न विधान 

कोइला खानीमा बाढी पस्यो, १३ जना मजदूरको मृत्यु भएको आशङ्का

२८ मंसिर, नयाँ दिल्ली ।  उत्तरपूर्वी भारतको मेघालय राज्यमा अवैध रुपमा सञ्चालन हुँदै आएको एक कोइला खानीमा बाढी पसेपछि कम्तीमा १३ जना कामदार बेपत्ता भएका छन् । खानीको अत्यन्त साँघुरो सुरुङमा बाढी पसेका कारण कामदारहरु भित्रै थुनिएकाले उनीहरु सबैको मृत्यु हुन सक्ने आशङ्का गरिएको छ । दर्जनौं अरु कामदारले बाढीको पानी फाल्न कोसिस गरिरहेका छन् । मेघालय राज्यमा भएको वर्षापछि बिहीबार बिहान खानीमा पानी पसेको थियो । खानीमा बेपत्ता 

विचार / ब्लग

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।
Top