esewa
kantipur mall

​महरा पुत्रको आक्रोश नेम्वाङमाथि, अन्तर्राष्ट्रिय मिडियामा महराको चर्चा


Wednesday, 2 Oct, 2019 10:02 AM
१५ असोज, काठमाडौं । यौन दुव्र्यवहारको आरोप लागेपछि मंगलबार पदबाट राजीनामा दिएका निवर्तमान सभामुख कृष्णबहादुर महराले सांसद पदबाट राजीनामा दिन्छन् कि दिँदैनन् भन्ने प्रश्न उठेको छ । मंगलबार बिहानसम्म एक हिसाबले अघि बढेको घटनाक्रम साँझ आरोप लगाउने महिलाले आफ्नो भनाइ फेरेपछि महराले केही सहज महसुस गरेको बताइएको छ । 

पीडित महिलाका पति काठमाडौं बाहिरबाट राजधानी फर्किएपछि नयाँ वातावरण बनाइएको हो । महरा निकट स्रोतका अनुसार सांसद पदबाट राजीनामा दिनु नपरोस् र महिलाले प्रहरीमा उजुरी  नदिउन् भन्ने उद्देश्यबाट नै पछिल्ला गतिविधिहरु केन्द्रित थिए । महिलाले उजुरी हालेको अवस्थामा महरा पक्राउ नै पर्न सक्ने अवस्था समेत थियो । 

त्यसैले साँझ पीडित महिलाको भनाइ फेरिएको भिडियो सार्वजनिक भएको थियो ।  महराले राजीनामापछि भने सो प्रकरणका बारेमा मुख खोलेका छैनन् उता महरा पुत्र निर्मल महराले भने सामाजिक सञ्जालमा लगातार विभिन्न स्ट्याटस लेखेका छन् । उनले पूर्वसभामुख नेम्वाङ्गले भनेको ‘महरालाई अब नेकपाले सांसदका रुपमा चिन्दैन’ भनेको समाचारबारेमा टिप्पणी गर्दै भनेका छन,‘महरा पदको भोगी होइनन् । आरोपित घटनाक्रम पुष्टि गर्न नैतिकताका आधारमा राजीनामा लेखेका हुन् । कति छिटो आँ गरेर बसेको ? कमरेडहरु नै आफ्ना कमरेडको अस्तित्व छिटो समाप्त होस् भन्ने कामना गर्न लागेपछि षडयन्त्र केलाई बुझ्ने ? धैर्य गर्नुस् ।’

उनले महरालाई आरोप लगाउने महिलाले सच्याएको भनाइ पनि फेसबुकमा सेयर गरेका छन् । पीडित महिलाले फेसबुकबाट महरालाई गाली गरेका सामग्रीहरु हटाएकी छन् । 

महरापुत्रको अर्को स्ट्याटसमा भनिएको छ,‘समीकरण नयाँ बनाउ, सभामुख नयाँ बनाउ, बाँडीचुँडी खाने प्रधानमन्त्रीको नयाँ भाग लगाउ, षडयन्त्रको शिकार इमान्दारलाई बनाएका छौ, तिम्रो फट्याईँ टिक्ने समय पनि लामो मैले देखेको छैन ।’

कसरी दिनुपर्यो राजीनामा ?

प्रधानमन्त्री निवास बालुवाटार स्रोतले बताएअनुसार प्रधानमन्त्री केपी शर्मा ओलीले मंगलबार बिहान महरालाई फोन गरेर घटनाको बारेमा जिज्ञासा राख्दा महराले त्यस्तो केही नभएको बताएका थिए । त्यतिबेला प्रधानमन्त्रीले प्रहरीसँगबाट सूचना लिइसकेका थिए । त्यसकारण ढाँटेको बुझेर उनले महरालाई राजीनामाको निर्देशन दिएपछि महरा दिउँसो राजीनामा दिन बाध्य भएका हुन् । 

अन्तर्राष्ट्रिय चर्चा 

यौन दुव्र्यवहारकोे आरोपमा नेपालका सभामुखले राजीनामा दिएको प्रसंगले  आजका अन्तर्राष्ट्रिय मिडियामा पनि निकै चर्चा पाएको छ ।
न्यूयोर्क टाइम्सले बलात्कारको आरोपमा नेपालका सभामुखले पदबाट राजीनामा दिएको जनाएको छ ।

त्यस्तै अल जजिरा, मियामी हेराल्डलगायतका दर्जनौं मिडियामा समाचार प्रकाशन गरेका छन् । समाचारहरुमा उनी प्रभावशाली कम्युनिस्ट नेता भएको समेत जनाइएको छ । एशोसिएट प्रेस (एपी)ले समाचार बनाएकोले सो समाचार विश्वका विभिन्न मिडियाले सोही एजेन्सीबाट लिएर समाचार बनाएको पाइएको छ । 

न्यूयोर्क टाइम्समा प्रहरी अधिकारी उत्तमराज सुवेदीलाई उद्धृत गर्दै बनाइएको समाचारमा महरा निगरानीमा भएको र घटना भएको अपार्टमेन्टबाट केही सामान लिइएको समेत जनाएका छन् । त्यसैगरी राष्ट्रिय मानवअधिकार आयोगका सदस्य मोहना अन्सारीलाई उद्धृत गर्दै सोही समाचारमा घटनापछि महराले राजीनामा गर्नुलाई सकारात्मक रुपमा टिप्पणी गरिएको छ ।  


global ime

Ruslan

runner bike

bhatbhateni

राजनीति

केपी ओलीले इन्डो–प्यासिफिक रणनीतिको सेवा गरे : मोहनविक्रम सिंह को आरोप

४ कात्तिक, काठमाडौं । नेकपा मसालका महामन्त्री मोहनविक्रम सिंहले चिनियाँ राष्ट्रपति सी चिनफिङको विचारधारालाई दक्षिणपन्थी विचलन भनेर टिप्पणी गरेका छन् । यद्यपि सी विचारधाराको आलोचना गरे पनि चीनसँगको सम्बन्ध विस्तारलाई नेकपा मसालले महत्व दिने उनले बताएका छन् ।
चिनियाँ राष्ट्रपति सी चिनफिङ दुईदिने नेपाल भ्रमण सकेर स्वदेश फर्किएको एक सातापछि प्रेस विज्ञप्ति जारी गर्दै महामन्त्री सिंहले भनेका छन, ‘सीको विचारधारा वास्तवमा मार्क्सवादी–लेनिनवादी सिद्धान्तबाट विचलन नभएको दक्षिणपन्थी संशोधनवादी विचारधारा हो । त्यहाँको कथित नयाँ ढाँचाको समाजवादी व्यवस्था वास्तवमा पूँजीवादी व्यवस्था हो र त्यसले अब साम्राज्यवादको रुप लिइसकेको छ ।’

प्रधानमन्त्री बिहीबार बाकु जाने, मुख्य सन्देश–असंलग्न आन्दोलनलाई महत्व

३ कात्तिक, काठमाडौं । प्रधानमन्त्री केपी शर्मा ओली अजरबैजानको बाकुमा हुने असंलग्न आन्दोलनको १८ औं शिखर सम्मेलनमा भाग लिन यही कात्तिक ७ गते (बिहीबार) त्यसतर्फ प्रस्थान गर्ने भएका छन् । उनी कात्तिक १० गते आइतबार स्वदेश फर्किनेछन् । यद्यपि परराष्ट्र मन्त्रालयले भ्रमणको औपचारिक कार्यतालिका सार्वजनिक गरिसकेको छैन । प्रधानमन्त्रीका विदेश मामिला सल्लाहकार डा. राजन भट्टराईले नेपालले सधैँ असंलग्न आन्दोलनलाई महत्व दिँदै आएको बताउँदै यसपालि पनि महत्व दिएर नै प्रधानमन्त्री स्तरबाट भ्रमण हुन लागेको जनाए । 

महराले सांसदबाट राजीनामा नदिने, नेकपामा नभएको भन्दै दलको निर्देशन नमान्ने

३ कात्तिक, काठमाडौं । संसद् सचिवालयकी एक महिला कर्मचारीलाई यौन दुव्र्यवहार गरेको आरोपमा हिरासतमा रहेका निवर्तमान सभामुख कृष्णबहादुर महराले आफू नेकपाको सदस्य नभएको भन्दै पार्टीको निर्देशन नमान्ने बताएका छन् । आफूले सभामुख निर्वाचनसँगै पार्टीको साधारण सदस्यसमेत त्याग गरेको बताउँदै उनले आफू नेकपामा नभएकाले राजीनामा नदिने बताएका हुन् । दुव्र्यवहारको घटना सार्वजनिक भएसँगै सभामुख र सांसद पदबाटसमेत राजीनामा दिन नेकपाले महरालाई निर्देशन दिएको थियो । तर, उनले सांसद पदबाट राजीनामा नदिई सभामुख पदबाट मात्रै राजीनामा दिए । उनले राजीनामा नदिँदा उनी संसद्मा स्वतन्त्र सांसदका रूपमा रहन सक्छन् । 

अन्तर्राष्ट्रिय

​कश्मीरको सीमा क्षेत्रमा गोलाबारी : दुई भारतीय सैनिकको मृत्यु

३ कात्तिक, काठमाडौं । जम्मू–कश्मीरको कुपवाडा जिल्लामा रहेका सैन्य पोष्ट र गाउँमा पाकिस्तानले गोलाबारी गरेको भारतले आरोप लगाएको छ । तांघर सेक्टरमा भएको भारी गोलीबारीमा आफ्ना दुई सैनिकले ज्यान गुमाएको भारतले जानकारी दिएको हो । उक्त घटनामा एक सर्वसाधरणले पनि ज्यान गुमाउनका साथै अन्य तीन जना गम्भीर घाइते भएका छन् । अधिकारीहरुका अनुसार सीमा क्षेत्रमा भएको गोलाबारीका कारण दुई घर पूर्ण रुपमा नष्ट भएको छ भने अन्य घरहरुमा पनि क्षति पुगेको छ ।

ब्रेक्जिटमा ढिलाईको माग गर्दै बेलायती प्रधानमन्त्रीद्वारा ईयूलाई पत्राचार

३ कात्तिक, काठमाडौं । बेलायतका प्रधानमन्त्री बोरिस जोहन्सनले ब्रेक्जिटलाई ढिलो गर्न आग्रह गर्दै युरोपेली संघ (ईयू)लाई पत्राचार गरेका छन् । ब्रेक्जिट प्रक्रियाको अन्तिम टुंगो लगाउने म्याद यही अक्टोबर ३१ सम्मको रहेपनि शनिबार हाउस अफ कमन्समा भएको मतदानले सो समयावधीलाई अस्वीकार गरेको थियो । त्यसैले जोहन्सनले ईयूलाई पत्राचार गरेका हुन् । तर उनले समयावधी थप्न आग्रह गर्दै पठाएको पत्रमा हस्ताक्षर भने गरेका छैनन् । ईयू काउन्सिलका अध्यक्ष डोनाल्ड टस्कले ट्विट गर्दै जोहन्सनको पत्र पाएको उल्लेख गरेका छन् । कसरी प्रतिक्रिया जनाउने भनेर अब ईयूका नेताहरुसँग छलफल गर्ने उनले जनाएका छन् । 

कुर्द नहटेमा टाउको फुटाइदिने टर्कीका राष्ट्रपतिको चेतावनी

३ कात्तिक, काठमाडौं । टर्कीका राष्ट्रपति रिचेप तैयप अर्दोआनले यदि उत्तरी सिरियाको सीमामा प्रस्तावित ‘सेफ जोन’बाट कुर्द लडाकु नहटेमा उनीहरुको टाउको फुटाइदिने चेतावनी दिएका छन् । टर्की विहीबार सो क्षेत्रमा सैनिक कारवाही स्थगन गर्नका लागि राजी भएको थियो । यद्यपि यो रोक ५ दिनका लागि मात्रै हो । तर शनिबार दुवै पक्षले युद्धविराम उल्लंघन गरेको आरोप एक अर्कालाई लगाएका थिए । टर्कीले कुर्दहरुलाई आतंककारी मान्दै आएको छ र सिरियाको सीमा क्षेत्रमा ‘सेफ जोन’ बनाउने उसको लक्ष्य रहेको छ । अस्थायी युद्धविरामको बावजुद सीमा शहर रास अल अएनमा शनिबार छिटपुट हिंसा भएको थियो । 

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 
Top