siddhartha
pradhikaran

सत्ताको भोका कमल थापा र विजय गच्छदार, प्रचण्ड सरकारमा भित्रिने भयो ‘मुसा प्रवृत्ति’


Thursday, 12 Jan, 2017 3:41 PM
 
• प्रशान्त ओझा / टिप्पणी


नेकपा एमालेका अध्यक्ष केपी ओली नेतृत्वको तत्कालिन सरकारबाट समर्थन फिर्ता लिएर आफ्नो नेतृत्वमा सरकार गठनका लागि नेपाली कांग्रेससँग गरिएको ‘भद्र सहमती’ अनुसार पुष्पकमल दाहाल ‘प्रचण्ड’ले अबको ३ महिनापछि प्रधानमन्त्री पद छाड्नु पर्ने छ । कांग्रेससँग भएको सहमतीअनुसार उनी ९ महिना (साउन १९ देखि चैत १९ सम्म) का लागि प्रधानमन्त्री भएका हुन् । र, त्यसपछि उनले कांग्रेस सभापति शेरबहादुर देउवालाई पद हस्तान्तरण गर्नु पर्ने छ । तर, सरकारको आयु ३ महिनाभन्दा कम रहेका अवस्थामा पनि केही व्यक्तिलाई भने मन्त्री नभइ भएको छैन ।

सरकारको आयु छोट्टिदै जाँदा राप्रपा नेपालका अध्यक्ष कमल थापा र फोरम लोकतान्त्रिकका अध्यक्ष विजय गच्छदारलाई मन्त्री हुने हतारो छ । बिजय गच्छदारले त सरकार गठनकै बेला मन्त्री बन्नका लागि ड्रेस सिलाइ सकेका थिए । त्यतिबेला सत्तारुढ दलभित्रको विवाद र मधेसी मोर्चाको दवावका कारण गच्छदारको मन्त्री बन्ने चाहाना पूरा हुन सकेन । तर, अहिले संसदमा दर्ता भएको संविधान संशोधन प्रस्ताव पारित गराउन दुई तिहाइ मत चाहिए पछि  गच्छदारको मन्त्री बन्ने बाटो खुलेको छ । संशोधनको पक्षमा मतदान गर्ने सर्तमा मधेसी मोर्चा पनि गच्छदारलाई ‘हरियो घाँस’ खुवाउन राजी भएको हो । 

केपी ओलीको सरकार अल्पमतमा परे पनि अन्तिमसम्म साथ दिने सहयात्रीमध्ये कमल थापा प्रमुख पात्र हुन् । त्यतिबेला ओली सरकारबाट समर्थन फिर्ता लिएर प्रचण्डले गल्ती गरेको भन्ने थापा अहिले प्रचण्डकै नेतृत्वमा उपप्रधानसहित परराष्ट्र मन्त्रालय पड्काउने दाउमा छन् । सायद उतिबेलाको त्यो बोली अहिले उनले भुलिसकेका होलान् ।  



दुई राप्रपाबीच एकीकरण पछि कमल थापा संसदमा शक्तिशाली भएका छन् । त्यसैले उनलाई उपप्रधानसहित परराष्ट्र मन्त्रालय चाहिएको छ । ‘राजासहितको हिन्दु राष्ट्र’ चाहिन्छ भन्ने उनलाई गणतन्त्र नेपालको मन्त्री बन्न कुनै हिचकिचाहट छैन । केपी ओली नेतृत्वको सरकारमा परराष्ट्र र स्थानीय विकास मन्त्रालयको नेतृत्व गरीसकेपछि कमल थापाले अचेल राजतन्त्रको कुरा गर्न छाडिसकेका छन् । खाटी गणतन्त्रवादी प्रचण्डले नेतृत्व गरेको सरकारमा सहभागी भएपछि थापाले ‘हिन्दु राष्ट्र’को एजेण्डा पनि त्याग्न बेर लाउने छैनन् । किनकी उनलाई एजेन्डाको हैन पैसा र पावरको राजनीति गर्नु छ । 

यसअघि ११ पटक मन्त्री भइसकेका विजय गच्छदार अब सञ्चारमन्त्री बन्न राजी भएका छन् । र, अहिले उनी १२ औं पटक मन्त्री बन्ने लगभग पक्का पक्की भइसकेको छ । नेपालको सबैभन्दा बढी पटक मन्त्री हुने नेताको किर्तिमानी पनि गच्छदारले बनाउन लागेका छन् । यसमा उनलाई हिनताबोध हुँदैन, बरु गौरव महशुष गर्छन् ।  

  
प्रचण्ड सरकामा ‘मुसा प्रवृत्ति’ 


नेपाली राजनीतिको संसदीय इतिहासमा २०५४ सालदेखि ‘मुसा प्रवृत्ति’ चर्चित छ । कमल थापाले आफ्नै पार्टीका नेता लोकेन्द्र बहादुर चन्द नेतृत्वको (राप्रपा–एमाले) गठवन्धन सरकार ढाल्न मतदान गरे पछि ‘मुसा प्रवृत्ति’को चर्चा सुरु भएको हो । चन्द नेतृत्वको सरकारमा परराष्ट्र मन्त्री रहेका कमल थापाले नेपाली कांग्रेसको समर्थनमा सरकारविरुद्ध पेस भएको अविश्वास प्रस्तावको पक्षमा मतदान गरेर आफैं सहभागी सरकार ढालेका थिए । उक्त अविश्वास प्रस्तावमा राप्रपाकै अर्का नेता सूर्यबहादुर थापालाई प्रधानमन्त्रीको उम्मेदवार बनाइएको थियो  ।

त्यही बेला संसद्लाई सम्बोधन गर्दै चन्दले मुसा प्रवृत्तिको प्रसंग उठाएका थिए । जो अहिले पनि नेपालको राजनीतिक इतिहासमा बदनामीको एक सन्दर्भका रुपमा स्थापित छ । संसदलाई सम्बोधन गर्ने बेला चन्दले कमल थापालाई लक्षित गर्दै भनेका थिए, ‘मुसाले आज आफैँ सवार जहाज काटेर दुर्घटना गराएको छ र त्यो मुसा अर्को जहाजमा पुगेको छ । मुसाले मेरो जहाज दुर्घटना गरायो भनेर साथीहरू दंग हुनु जरुरी छैन । त्यो मुसाले भोलि तपाईंहरू सवार जहाजलाई पनि काटेर कुनै पनि बेला दुर्घटना गराइदिन सक्छ । किनभने, मुसा प्रवृत्तिले कसैलाई पनि फाइदा पुर्याउँदैन ।’

र, अब प्रचण्ड सरकारमा पनि मुसा प्रबृत्तिले स्थान पाएको छ । कांग्रेससँगको सम्झौताअनुसार अबको ३ महिनापछि प्रचण्ड सरकारबाट बाहिरिने लगभग पक्का पक्की छ । तर, विजय गच्छदार र कमल थापा जस्ता ‘मुसा’ भने आफ्नो स्थान सुरक्षित गर्न फेरि नयाँ भूमिकामा देखिने छन् । उनीहरुको हकमा राजनीतिक मूल्य मान्यता लागू नै हुँदैन । बस सत्ता चाहिन्छ, जसरी भए पनि ।   

 



Ruslan

jagadamba srawan 18

paicho

bussewa

राजनीति

​भट्टराईको नेतृत्वमा संमृद्धि आउँदैन : नेता श्रेष्ठ

६ कात्तिक, गोरखा । गोरखा २ बाट उम्मेदवार बनेका नेकपा माओवादी केन्द्रका नेता नारायणकाजी श्रेष्ठले नयाँ शक्ति पार्टीका संयोजक डा बाबुराम भट्टराईको नेतृत्वमा देशमा संमृद्धि नआउने दाबी गरेका छन् । श्रेष्ठ र भट्टराई गोरखा २ बाट चुनावी प्रतिष्पर्धामा छन् । गोरखा २ वामपन्थी क्रान्तिकारीको किल्ला भएको, संगठन राम्रो भएको, वाम गठबन्धनले गर्दा

ओखलढुंगामा ९ दलको उम्मेदवारी दर्ता, कांग्रेसका बागी उम्मेदवार

६ कात्तिक, ओखलढुंगा । पहिलो चरण अन्तरगत आगामी मंसिर १० गते हुने प्रतिनिधिसभा तथा प्रदेशसभा निर्वाचनका लागि ओखलढुंगामा ९ राजनीतिक दलले उम्मेदवारी दर्ता गराएका छन् ।

​निर्वाचन आचारसंहितामा कडाई : टोपी, टी–शर्ट, गम्छा उत्पादन, प्रयोग र प्रदर्शन गर्न निषेध

५ कात्तिक, काठमाडौं । निर्वाचन आयोगले आगामी प्रतिनिधिसभा र प्रदेशसभा निर्वाचनको प्रचारप्रसारमा प्रयोग गर्ने गरी निर्वाचन चिह्नअंकित टोपी, स्टीकर, टि–शर्ट, झोला ट्याटु, गम्छाजस्ता सांकेतिक सामग्रीको उत्पादन, वितरण र प्रयोगलाई निषेध गरेको छ । 

अन्तर्राष्ट्रिय

​दुई पूर्व राष्ट्रपति बुश र ओबामा परम्परा तोड्दै ट्रम्प विरुद्ध

५ कात्तिक, वासिङ्टन । पूर्व अमेरिकी राष्ट्रपतिहरुले आफ्ना उत्तराधिकारीहरुलाई आलोचना नगर्ने परम्परा तोड्दै नाम नखुलाइकन राष्ट्रपति डोनाल्ड ट्रम्प, ह्वाइट हाउस र सेना प्रमुखको तीक्ष्ण आलोचना गरेका छन् । त्यसै दिनका टिप्पणीमा पूर्र्व राष्ट्रपतिहरू जर्ज डब्लुबुस र बाराक ओवामाले राष्ट्रपति ट्रम्प र उनको नीति

क्याटलोनिया विवाद केन्द्र सरकारले प्रजातान्त्रिक ढंगले समाधान गर्ने स्पेनका राजाको भनाइ

स्पेन । स्पेनका राजा फेलिपे छैठौंले क्याटलोनिया देशको महत्वपूर्ण भाग रहेको र रहिरहने प्रष्ट पारेका छन् । देशको उत्तरी शहर ओविएदोमा भएको एक समारोहमा राजा फेलिपेले क्याटलोनिया सरकारले सिर्जना गरेको समस्यालाई केन्द्र

​अफगानिस्तानको दक्षिणी प्रान्त कान्दाहारमा उच्च सैनिक सतर्कता

अफगानिस्तानको दक्षिणी प्रान्त कान्दाहारको एक सैनिक पोष्टमा बिहीबार तालिबानको आक्रमणबाट दर्जनौँ सैनिक मारिएपछि सो क्षेत्रमा शुक्रबार उच्च सैनिक सतर्कता अपनाइएको समाचार छ । दक्षिणी कान्दाहार प्रान्तको मेयान्द जिल्लामा अवस्थित अफगान सैनिक पोष्टमा तालिबान सशस्त्र हतियारधारीहरुले बिहीबार हमला गरेका थिए । सो आक्रमणमा परी ४३ जना सैनिक मारिएका थिए । 

विचार / ब्लग

तिहारको टिका, माला र भाइमसला छिमेकीमा निर्भर

नेपालको दोस्रो ठुलो पर्वको रुपमा मनाउँदै आईएको तिहारका लागि चाहिने ९० प्रतिशत सरसमान भारत र चीनबाट आएको छ । तिहारमा दाजु भाइलाई दिदी बहिनीले सप्तरङगी टिका सहित खेतवारी तथा घरदैलो अगाडि उत्पादन भएको मखमली गुर्दाउली फूलको माला लगाई दिदी बहिनी दाजुभाई बीचको पे्रेम सम्वन्ध बलियो बनाउने मौलिकता हराउदै गएको छ ।

अप्ठ्यारो मोडमा ‘अस्थिर’ बाबुराम

नजिकबाट संगत गर्नेहरु भन्छन्– बाबुराम भट्टराई स्वभावत निकै अस्थिर छन् । आफू अप्ठ्यारोमा पर्दा साथ माग्ने, तर आफूलाई फाइदा मिल्दा साथमा रहेकाहरुलाई पनि बेमतलव गर्ने ‘राजनीतिक अवगुण’ बाबुराममा छ । तर, बाबुराम आफ्नो स्वभावमाथि फरक टिप्पणी गर्छन् । ‘विज्ञानलाई विश्वास गर्ने बाबुराम संसार गतिशिल छ भन्ने ठान्छ र सँधै गतिशिल रहन्छ,’ उनी तर्क गर्छन् ।

केआई सिंहका बडीगार्डको स्मरण : सिंहदरबार कब्जादेखि चीन निर्वासनसम्मको भित्री कथा

केआई सिंह अर्थात् कुँवर इन्द्रजीत सिंह । विद्रोही नेता तथा नेपालका पूर्वप्रधानमन्त्री । उनी होमियोप्याथी डाक्टर थिए । २००७ सालको क्रान्तिमा पश्चिम तराईबाट सक्रीय सिंह दिल्ली सम्झौतालाई धोका भन्दै आन्दोलन नछाडेका व्यक्ति हुन् । आन्दोलनकै क्रममा उनी पक्राउ परे र काठमाडौं ल्याइए । सिंहदरबारभित्रै कैद गरियो । तर, पछि त्यहाँ कार्यरत सिपाहीहरूलाई नै प्रभावमा लिई सिंहदरवार नै नियन्त्रण गरे सिंहले ।
Top