esewa
kantipur mall

​शुरु भयो एनसेलमाथिको कारबाही


Saturday, 16 Jul, 2016 4:03 PM
१ असार, काठमाडौँ । 
एनसेल कर प्रकरणलाई टुङ्ग्याउन ११ जनाको टिम बनाएको आन्तरिक राजश्व विभागले अन्तत लाभकर उठाउन नसकेपछि कारबाही प्रकृया अगाडि बढाउने भएको छ ।  लाभकर छल्न टेलियासोनेरा देखाउँदै पन्छिन खोजेको एनसेलमाथि ठूला करदाता कार्यालयले छानविन गरिरहेको छ । हिजोसम्म कर बुझाउने अन्तिम मिति भएपनि एनसेलले पैसा नबुझाएको ठूला करदाता कार्यालयका प्रमुख शोभाकन्त पौडेलले बताए । उनले भने–‘हामीले धेरै आशा गरिरहेका थियौं तर, एनसेललाई समय दिंदा पनि वेवास्ता गरेको हुँदा अब कानुन बमोजिम कारबाही अगाडि बढ्छ ।’

स्रोतका अनुसार अब राजश्वले एनसेलको खाता बन्द गर्नका लागि नियमन निकाय दूरसञ्चार प्राधिकरण र अर्थ मन्त्रालयललाई पत्राचार गर्ने छ । एनसेलको सेयर खरिद व्रिक्रीका लागि टेलियासोनेरा र एक्जियटाबीच भएको सेयर खरिद सम्झौता (एसपिए) समेत कर कार्यालयलाई नदिएपछि कर अधिकारीहरु अझ बढी आक्रोसित बनेका छन् ।



आयकर ऐनको दफा ५७ अनुसार शुक्रबार कर विवरण र बाँकी लाभकर बुझाउने अन्तिम दिन हो । तर, अब कर कार्यालले करमा शुल्क र व्याज जोडेर असुल गर्ने प्रक्रिया अगाडि बढाइसकेको छ । एक्जिएटाले सेयर खरिद कारोबार गरेको तीन महिना भित्र विवरण र बाँकी पुँजीगत लाभकर विवरण बुझाउनुपर्ने भएपनि एनसेलले अटेर गर्दै विज्ञप्ति प्रकाशित गरी नेपाल सरकारलाई ठाडो चुनौति दिंदै आएको छ । एनसेलले ८० प्रतिशत सेयर विक्रेता टेलियासोनेरा तथा २० प्रतिशतको सेयर बिक्रेता निरजगोविन्द श्रेष्ठले तीन छुट्टाछुट्टै विवरण अझै बुझाएको छैन ।

टेलियासोनेराले चैत २९ गते सेयर बिक्री भएर एक्जियटाले खरिद गरेको जानकारी वेभसाइट मार्फत दिएको थियो । एनसेलमा ८० प्रतिशत स्वामित्व टेलियाबाट एक्जियटा र २० प्रतिशत स्वामित्व निरज गोविन्दबाट भावनासिंह श्रेष्ठले खरिद गरेका थिए । एनसेलले वैशाख २६ गते पुँजीगत लाभकरवापत नौ अर्व ९६ करोड रुपैयाँ ठूला करदाता कार्यालयमा बुझाएको भएपनि बाँकी झण्डै ३५ अर्व बुझाउने यो अन्तिम समय हो ।

यो हिसावले कम्पनीको सम्पत्ति र दायित्वको मूल्यांकन गरेर दायित्वभन्दा बढी हुने सम्पत्तिलाई लाभ मानी एनसेल आफैले लाभकर बुझाउनु पर्दथ्यो । तर, अब समय सकिसकेको हु“दा कर तिर्नुपर्ने रकममा हर्जना जोडेर त्यसमा १५ प्रतिशतका दरले व्याज रकम समेत जोडि एनसेलबाट असुल उपर गर्नुपर्ने हुन्छ ।

तर, एनसेलले नेपालका ठूला मिडियालाई समाचार ब्लक गरेर तथ्यहरुलाई बंग्याउ“दै कर नतिर्ने अडान लिन थालेको छ । यतिसम्मकी संसदको अर्थ समितिले कर असुल गर्न निर्णय गरिसक्दा पनि एनसेलले भने टेलियासोनेराले नै लाभकर तिर्नुपर्ने भन्दै समाचार प्रवाह गरी मिडिया क्याम्पेन गर्दै आएको छ । अर्थ समितिले दूरसञ्चार प्रदायक कम्पनी एनसेल नेपालमा दर्ता भएको, नेपालमा लगानी गरेको र नेपालमा नेपालीहरुसँग कारोवार गरी नाफा कमाएको कम्पनी हो । 

सो कम्पनीको सेयर विक्रि गरी स्वामित्व हस्तान्त्रण भएपछि त्यसबाट पुँजी आर्जन गरेको अर्थात पुँजीगत लाभ प्राप्त गरेकोले तिर्नु पर्ने र असुल गर्नु पर्ने सम्पूर्ण कर तत्काल असुल गरी अर्थ समितिलाई जानकारी गराउन भन्दै अर्थमन्त्रालयलाई निर्देशन दिइसकेको छ ।
तर, कर उठाउन पहल गर्नुपर्ने उद्योग विभाग र दुरसञ्चार प्राधिकरण कानमा तेल हालेर बसेका छन् ।

 कर कार्यालयले उद्योग विभागलाई समेत एक्जियटा नियुक्त अधिकारीलाई भिसा सिफारिस रोक्न आग्रह गरेपनि एक्जिएटाका सिइओ सिमोन पार्किन्सनसहित दर्जनौ कर्मचारीहरु वर्क परिमिट नै नलिई विजनेश भिसामा काम गरिरहेको एनसेलका एक अधिकारीले बताए । 

एनसेलको लाभकरको विवाद नटुंगिन्जेलसम्म एक्जियटाले सिफारिस गरेका कर्मचारीको भिसा बदर गर्नु पर्नेमा उद्योग विभागका महानिर्देशक महेश्वर न्यौपानेले भिसाको म्याद थप गरी एक्जिएटालाई सहयोग पु¥याइरहेको एनसेल स्रोत बताउँछ ।


Ruslan

runner bike

राजनीति

परराष्ट्रमन्त्री ज्ञवाली न्यूयोर्क प्रस्थान

५ असोज काठमाण्डौ । परराष्ट्रमन्त्री प्रदीपकुमार ज्ञवाली संयुक्त राष्ट्रसङ्घको ७४औँ महासभामा भाग लिने नेपाली प्रतिनिधिमण्डलको नेतृत्व गर्दै शनिबार न्यूयोर्कतर्फ प्रस्थान गरेका छन् ।  मन्त्री ज्ञवालीका साथ उनकी धर्मपत्नी सरस्वती ज्ञवाली पनि छन् । मन्त्री ज्ञवाली नेतृत्वको प्रतिनिधिमण्डलमा राष्ट्रियसभा दिगो विकास समितिका सभापति तारादेवी भट्ट र सदस्य दीनानाथ शर्मा, राष्ट्रिय योजना आयोगका सदस्य कृष्णप्रसाद ओली, परराष्ट्र मन्त्रालयका सहसचिव भरतराज पौड्याल

कीर्तिपुर आउँदा माइती आएजस्तो लाग्छ : प्रचण्ड

४ असोज, काठमाडौं । सत्तारूढ नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले कीर्तिपुर आउँदा माइतीघर नै आएजस्तो लाग्ने बताएका छन् । शनिबार कीर्तिपुरको पाँगामा रहेको जनसेवा माध्यामिक विद्यालयमा नवनिर्मित भवन उद्घाटन गर्दै प्रचण्डले भने, ‘कीर्तिपुर आउँदा, अझ पाँगा आउँदा मलाई माइती आएजस्तो लाग्छ । मेरो माइतीघर नै हो भन्याजस्तो लाग्छ ।’ उनले आफू २०–२२ वर्षको उमेरमा कीर्तिपुरमा बसेकोले भावनात्मक सम्बन्ध पनि रहेको बताए । ‘तानाशाही पञ्चायतको आन्दोलनको बेलामा भूमिगत रूपमा बस्ने, प्रशिक्षणहरू चलाउने, संगठन बनाउने र जनतासँग अन्तर्क्िरया गर्ने थलो पाँगा, कीर्तिपुर थियो,’ उनले भने ।

संयुक्त राष्ट्र संघको महासभामा सहभागी हुन परराष्ट्र मन्त्री ज्ञवाली शनिबार न्यूयोर्क जाँदै

४ असोज, काठमाडौं । परराष्ट्र मन्त्री प्रदीप ज्ञवाली शनिबार अमेरिकाको न्यूयोर्क जाँदै छन् । संयुक्त राष्ट्र संघको ७४औं महासभामा सहभागी हुन उनी शनिबार राति साढे ९ बजे न्यूयोर्क जान लागेकोे परराष्ट्र मन्त्रालयले जनाएको छ ।  स्वास्थ्यका कारण प्रधानमन्त्री केपी शर्मा ओली महासभामा सहभागी नहुने भएपछि परराष्ट्र मन्त्री ज्ञवालीले नेपाली प्रतिनिधिमण्डलको नेतृत्व गर्न लागेका हुन । उनले महासभालाई असोज १३ गते सम्बोधन गर्ने कार्यक्रम छ ।न्यूयोर्कमा रहँदा परराष्ट्र मन्त्री ज्ञवालीले साकर्का विदेश मन्त्रीहरुको अनौपचारिक वार्ताको अध्यक्षता गर्ने, अल्पविकसित र भूपरिवेष्ठित देशका मन्त्रीस्तरीय बैठकमा सहभागी हुनेलगायत कार्यक्रम पनि रहेको परराष्ट्र मन्त्रालयले जनाएको छ । 

अन्तर्राष्ट्रिय

अवैध आप्रवासीलाई निकाल्ने भारतीय गृहमन्त्रीको घोषणा

२ असोज, काठमाडौं । भारतका केन्द्रीय गृहमन्त्री अमित शाहले नेसनल रजिस्ट्रर अफ सिटिजन्स (एनआरसी) लाई आसाममा मात्रै सीमित नराखी देशभर लागू गरिने बताएका छन् । उनले सबै अवैध आप्रवासीहरुलाई देशबाट बाहिर निकालिने पनि घोषणा गरे । भारतीय दैनिक पत्रिका हिन्दूस्तानले आयोजना गरेको एक कार्यक्रमलाई सम्बोधन गर्दै मन्त्री साहले भने, ‘तपाईंहरु ईंग्ल्याण्ड, नेदरल्यान्ड्स, अमेरिका गएर बस्नुस् । तपाईंलाई कसैले घुस्न दिने छैन । भारतमा आएर चाहिँ कोही कसरी बस्न सक्छ ? यसरी देश चल्दैन ।’ उनले समयको आवश्यकता भन्दै देशका सबै नागरिकले दर्ता हुनपर्ने बताए । 
 

तालिबानले अमेरिकालाई भन्यो–वार्ताका लागि हाम्रो ढोका खुला छ

१ असोज, काठमाडौं । तालिबानले आफ्नो तर्फबाट वार्ताको ढोका बन्द नरहेको बताएको छ । अमेरिकी राष्ट्रपति डोनाल्ड ट्रम्प वार्ता पुनः स्थापित गर्न चाहन्छन् भने आफ्नो तर्फबाट ढोका खुला नै रहेको तालिबानले बताएको बिबिसीले उल्लेख गरेको छ ।  तालिबानको तर्फका वार्ता प्रमुख शर मोहम्मद अब्बास स्तानिक्जाइले वार्ता नै आफगानिस्तानमा शान्ति स्थापनाको एक मात्र माध्यम रहेकोमा जोड दिएका छन् । ट्रम्पले गएको हप्ता अफगान तालिबानसँगको वार्ता अन्त्य भएको बताएका थिए ।

भारतीय विदेशमन्त्री जयशंकरको घोषणा– पाकिस्तान अधिनस्थ काश्मीर भारतको हिस्सा हुनेछ

१ असोज, काठमाडौं । भारतका विदेश मन्त्री एस जयशंकरले पाकिस्तान अधिनस्थ काश्मीर एक दिन भारतको हिस्सा हुने बताएका छन् । आफ्नो कार्यकालको सय दिन पूरा भएको अवसरमा उनले मंगलबार आयोजित एक पत्रकार सम्मेलनमा बोल्दै भारतका विदेश मन्त्री जयशंकरले भनेका छन, ‘पाकिस्तान अधिनस्थ काश्मीरको बारेमा भारतको दृष्टिकोण प्रष्ट छ । पाकिस्तान प्रशासित कश्मीर भारतको हिस्सा हो र हामीलाई लाग्छ एक दिन त्यो भारतको हिस्सा हुनेछ ।’ भारतीय विदेश मन्त्रीले संविधानको धारा ३७० को बारेमा भने,‘यो दुईपक्षीय मुद्दा होइन । यो भारतको आन्तरिक मुद्दा हो । 

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 
Top