HIMALAYAN HYDRO
nlic

सरकार संचालनमा आलोपालोको सूत्र : वाम गठबन्धनलाई लाग्न सक्छ दाग

राजु ढकाल


Monday, 18 Dec, 2017 3:34 PM
वाम गठबन्धनको बहुमत आएपछि अब धेरैको जिज्ञासा छ प्रधानमन्त्री को बन्ला ? पार्टी एकता होला कि न होला ? एकता भएपछि को अध्यक्ष बन्ला ? यो चासो नेकपा एमाले र माओवादीका कार्यकर्तालाई मात्र होइन सर्वसाधारणलाई पनि छ । तर वाम गठबन्धनका शीर्ष नेताहरुले यसको ठोस जवाफ अहिलेसम्म दिन सकेका छैनन् वा चाहेका छैनन् । केही नेताहरुले बिस्तारै ओठ खोल्दैछन्, तर नेताहरुका भनाई आउनासाथ त्यसले सकारात्मक भन्दा नकारात्मक तरंगहरु छोड्न थालेको छ । एमाले र माओवादीका दोस्रो तहका नेताहरुको अभिव्यक्तिमा संगती छैन । परस्पर विरोधी जस्ता देखिन्छन् । उनीहरुको भनाईमा अस्पस्टता, दम्भ र भय सबै मिश्रित जस्तो देखिन्छ । एमाले र माओवादीका नेताहरुले एक अर्कालाई हिजोका दिनमा भएका सहमति सम्झाउन खोजे जस्तो देखिन्छ ।

राष्ट्रिय सभा निर्वाचन सम्बन्धी विवाद बढ्दै गएपछि वाम गठबन्धनका नेता नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डले आइतबार काठमाडौंमा पत्रकार सम्मेलन गरे । पत्रकार सम्मेलनका क्रममा उनीहरुले प्रधानमन्त्री शेरबहादुर देउवाको आलोचना गर्न मै  आफ्नो अधिकांश समय खर्चेका थिए : देउवाले सत्तालिप्सा देखाए, सरकार गठनका लागि बाटो खोलिदिएनन्, नयाँ नियुक्तिहरु गरेर प्रजातान्त्रिक आचरण देखाएनन् आदि आदि । आरोपका सूचि लामै थिए । उनीहरुले सरकार गठनका लागि वाम गठबन्धनलाई जनादेश आएको तर देउवाले त्यसको अपमान गरिरहेको समेत भन्न छुटाएनन् । पत्रकारहरुले जिज्ञासा राखे पार्टी एकता कहिले हुन्छ ? अध्यक्ष को हुन्छ ? सरकार कसको नेतृत्वमा बन्छ । तर ओली र प्रचण्डले त्यसको सिधा जवाफ दिन चाहेनन् । ओलीले प्रचण्डतिर देखाउँदै भने, ‘उहाँ पनि पार्टी कै अध्यक्ष हो म पनि पार्टी कै अध्यक्ष हो अध्यक्ष बन्ने रहर होइन मुलुकलाई समृद्वि र विकासतिर लैजाने हो ।’ ओलीको कुरा नसकिदै प्रचण्डले ओलीतिर देखाउँदै भने, ‘उहाँ पनि प्रधानमन्त्री म पनि प्रधानमन्त्री भइसक्यौ हामीलाई अब प्रधानमन्त्रीको लोभ छैन ।’ दुबै नेताका कुरा सुन्दा महान त्यागी नेताको भन्दा कम थिएन । तर ओली र प्रचण्डले पत्रकारहरुको प्रश्न छल्न मात्र यो दृष्टान्त दिएको प्रस्ट थियो । नत्र उनीहरुले प्रश्नको सिधा जवाफ दिन्थे प्रसंगलाई अन्त मोड्न आवश्यक थिएन । उनीहरुको संयुक्त विज्ञप्तीमा पनि पार्टी एकताबारे अहिले उठेका जिज्ञासाहरुलाई शान्त पार्ने कुनै शब्द छैनन् । यसले अझै पनि ओली र प्रचण्डमा सरकारको नेतृत्व कसले गर्ने, पार्टी एकता कसरी हुने पार्टीको नेतृत्व कसले गर्ने भन्नेमा अन्यौल रहेको संकेत गर्छ । एमाले र माओवादीको गठबन्धन चुनावसम्मका लागि मात्र हो, यो गठबन्धन लामो समयसम्म टिक्न सक्दैन भन्नेका लागि यसले थप बल दिइरहेको छ ।

आलोपालोको बहस
ओली र प्रचण्डले सरकार संचालन र पार्टी एकताबारे चित्तबुझ्दो जवाफ नदिइरहेको बेला एमाले र माओवादीका दोस्रो बरियताका नेताहरुले भने विस्तारै कुरा खोल्न थालेका छन् । केही दिन अघि गठबन्धनका सुत्रधार एमाले नेता वामदेव गौतमले सरकार र पार्टीको नेतृत्व आलोपालो गर्ने सहमति भएको अभिव्यक्ति दिए । तर उनले आलोपालोको स्वरुपबारे भने स्पस्ट पारेनन् । त्यो आलोपालो भनेको एउटा प्रधानमन्त्री बन्दा अर्को पार्टी अध्यक्ष बन्ने वा ५ बर्षभित्र पालैपालो प्रधानमन्त्री र अध्यक्ष बन्ने स्पस्ट छैन । गौतमको भनाई द्विअर्थी छ । गठबन्धन कै सूत्रधारमा देखिएको अन्यौलले एमाले र माओवादीका कार्यकर्तामा अन्यौल छाएको छ । माओवादीका अर्का प्रभावशाली नेता वर्षमान पुन ‘अनन्त’ले एक राष्ट्रिय दैनिकमा दिएको अन्र्तवार्तामा सरकार र पार्टीको नेतृत्व आलोपालो गर्ने सहमति भएको बताएका छन् । उनको भनाईले पनि अन्यौललाई चिर्न सकेको छैन । अनन्तको भनाईको आशय दुई अध्यक्षले ५ बर्षभित्रै पालैपालो प्रधानमन्त्री हुने र पार्टीको अध्यक्षता गर्ने संकेत गरेको छ । यि दुई नेताका अभिव्यक्तिले सरकार संचालन भागवण्डामा हुने संभावनालाई बढावा दिएको छ ।

त्यसो गरिए 
यदि गौतम र अनन्तले भने झै ५ बर्षभित्र दुई पार्टीका नेताले पालैपालो सरकार संचालनको नेतृत्व गर्ने गोप्य सहमति गरेका हुन भने त्यो एमाले र माओवादीका लागि घातक परिणाम ल्याउने सम्झौता हुन सक्छ । पार्टी एकता भए वा नभए पनि । गठबन्धन बनाउँदाखेरि नै दुई पार्टीका नेताहरुले यो गठबन्धन मुलुकमा राजनीतिक स्थिरता र समृद्विका लागि भएको बताएका थिए । उनीहरुले यो गठबन्धनलाई चुनावी मात्र भनेनन् पार्टी एकताको लागि भएको विश्वास दिलाए । हरेक चुनावी सभाहरुमा ओली र प्रचण्डले अब दुई पार्टी एक भइसकेको भन्दै गठबन्धनका उमेद्वारहरुलाई सघाउन आग्रह गरे । पटक–पटक सरकार परिवर्तन हुँदा मुलुकमा अस्थिरता आएको भन्दै उनीहरुले गठबन्धनमार्फत राजनीतिक स्थिरता दिने प्रतिज्ञा गरेका छन् । आज गठबन्धले जे परिणाम ल्याएको छ त्यो ओली र प्रचण्डको वचनलाई जनताले विश्वास गरेकै कारणले हो । यसमा शंका गर्ने ठाउँ छैन । किनकी लामो समयदेखिको राजनीतिक अस्थिरताबाट जनता मुक्ति चाहन्छन् र समृद्विको दिशातर्फ मुलुक हिँड्न खोजेको हेर्न चाहेका छन् । विगतका सबै कमिकमजोरीलाई सच्याउने बलियो आधार जनताले वाम गठबन्धनलाई दिएका छन् । तर फेरि पनि प्रधानमन्त्री पदलाई भागवण्डाको विषय बनाउने हो भने त्यसले जनताको विश्वासमाथि ठेस लाग्न सक्छ । यसले दलका नेताहरु फेरि पनि नसच्चिएको सन्देश जानेछ । वाम गठबन्धनप्रति जनताको विश्वास खण्डित हुने छ ।

स्पस्ट बहुमतका साथ सरकार संचालनको जनादेश दिँदा पनि सरकार फेरबदलको काममा लाग्दा त्यसले जनताले खोजेको राजनीतिक स्थिरताको आकांक्षालाई सम्बोधन गर्न सक्नेछैन । किनकी प्रधानमन्त्री पद केही नेताका लागि भागवण्डाको विषय हुन सक्दैन । यदि साँच्चै नै ओली र प्रचण्डबीच प्रधानमन्त्रीको कार्यकाल आलोपालो गरेरै चलाउने सहमति छ भने उनीहरुले निर्वाचनका दौरान  भन्नुसक्नु पथ्र्यो हामी दुईजनाले पालैपालो सरकार चलाउँछौ मत दिनुहोस । मुलुकलाई राजनीतिक अस्थिरताबाट मुक्ति दिन्छौ भनेर मत माग्ने अनि सरकार पनि फेरबदल गर्दै जाने हो भने त्यो जनतालाई धोका हो । यसले नेपालको भविष्य त सुन्दर बनाउँदैन नै राजनीतिक दलप्रति जनताको विश्वास पनि हट्छ अनि एमाले, माओवादी र समग्र गठबन्धनको विकल्प खोज्न जनतालाई बाध्य पनि बनाउने छ ।

 


Ruslan

machha bank

ime

राजनीति

संस्कृतिको संरक्षणबाट सभ्य समाज निर्माण– मुख्यमन्त्री गुरुङ

१ माघ, काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङले संस्कृतिको संरक्षण संवर्द्धनबाट मात्रै सभ्य समाजको निर्माण गर्न सकिने बताएका छन् । माघे सङ्क्रान्ति (मकर सङ्क्रान्ति) पर्वको अवसरमा पोखरा–१७ ढुङ्गेसाँघु मेलास्थलमा सदा शिवजी हरिहर मन्दिर सिद्धगुफा वेदविद्याश्रम गुठी व्यवस्थापन समितिद्वारा आज आयोजित भजन प्रतियोगिता, सम्मान तथा वेदपाठ कार्यक्रममा उनले चार्डपर्व, जात्रा, मठमन्दिरसँग जोडिएका सभ्यतालाई समृद्धिसँग जोडनुपर्ने बताए

मुख्यमन्त्री पोखरेल : शुभकामना

१ माघ, काठमाडौं । प्रदेश नं ५ का मुख्यमन्त्री शङ्कर पोखरेलले सङ्घीय लोकतान्त्रिक गणतन्त्र नेपालको संविधानले सबै जाति र समुदायको उत्थान र विकासका लागि ढोका खोलेको बताएका छन् ।मकर सङ्क्रान्ति तथा माघी पर्वको अवसरमा जारी गरेको शुभकामना सन्देशमा मुख्यमन्त्री पोखरेलले सांस्कृतिक विविधतायुक्त नेपाली समाजमा माघी पर्वले बन्धुत्व, एकता, सद्भाव र सहिष्णुता कायम गर्न सघाउ पुर्याउँदै आएको विश्वास व्यक्त गरेका छन् ।शुभकामना सन्देशमा विविधतायुक्त

पर्यटन क्षेत्रको नीतिगत सुधार गर्न सङ्घीय संसद् तयार : सभामुख महरा

१ माघ, काठमाडौं । सभामुख कृष्णबहादुर महराले पर्यटन क्षेत्रको विकासमा आवश्यक कानूनी सुधारका लागि आफ्नो पूर्ण सहयोग रहने बताएका छन् ।नेपाल एशोसियशन अफ टुर्र एण्ड ट्राभल एजेन्ट (नाट्टा)को ५२औँ वार्षिक साधारणसभाको अवसरमा आज काठमाडौंमा आयोजित कार्यक्रममा उनले मुलुकको समग्र आर्थिक विकासमा पर्यटन क्षेत्रको योगदान महत्वपूर्ण रहेको बताए । ‘विश्वभरका पर्यटकलाई नेपालका बारेमा प्रचारप्रसार गरी नेपाल आउन अभिप्रेरित गर्ने कार्यमा सक्रिय नाट्टाले

अन्तर्राष्ट्रिय

काबुलमा भिषण हमला, चारको मृत्यु, ९० जना घाइते

१ माघ, काबुल । अफगानिस्तानको राजधानी काबुलमा सोमबार साँझ भएको शक्तिशाली ट्रक बम बिस्फोटमा परी चार व्यक्तिको मृत्यु हुनुका साथै अन्य ९० जना घाइते भएका छन् । घाइते भएकामा २३ जना बालबालिका पनि छन् । गृह मन्त्रालयका प्रवक्ता नाजिब दानिसले बिस्फोटमा भएको क्षतिको विवरण सङ्कलन भइरहेको बताएका छन्  । विस्फोटबाट मारिएकाहरुमा तीन जना सैनिक र एक जना सर्वसाधारण छन् । घाइते भएकामा १२ जना महिला पनि छन् । उक्त बिस्फोट निकै

राष्ट्रसङ्घीय प्रतिबन्धका कारण चीन–उत्तर कोरिया व्यापारमा मन्दी

३० पुस, बेइजिङ । संयुक्त राष्ट्रसङ्घको नाकाबन्दीका कारण उत्तर कोरियासँग चीनको व्यापारमा गत वर्ष ठूलो कमी आएको छ ।उत्तर कोरियासँग चीनको घनिष्ठ सम्बन्ध रहिआएको छ र चीन नै उत्तर कोरियाको व्यापार एवं सहायताको मुख्य स्रोत हो । तर, सन् २०१७ मा उत्तर कोरियाको आणविक तथा ब्यालिस्टिक क्षेप्यास्त्र कार्यक्रम पश्चात चीनले पनि राष्ट्रसङ्घीय प्रतिबन्धलाई आत्मसात गरेको थियो । व्यापारमा प्रतिबन्धहरु लागेसँगै सन् २०१७ को तुलनामा गत 

इरानमा कार्गो विमान दुर्घटना, १५ जनाको मृत्यु भएको आशंका

३० पुस, तेहरान । इरानको राजधानी शहर तेहरान नजिकै सेनाको एक कार्गो विमान दुर्घटनाग्रस्त भएको स्थानीय सञ्चार माध्यमले जानकारी दिएका छन् । उक्त विमान कार्गो विमान रहेको भए पनि त्यस विमानमा १६ जना व्यक्ति रहेको आशंका गरिएको छ । तर त्यस विमानमा १० व्यक्तिमात्र सवार रहेका अर्को एक समाचारमा जनाइएको छ । तर इरानी सेनाले दिएको जानकारीअनुसार सो विमानमा १६ व्यक्ति सवार रहेका थिए र तीमध्ये त्यस उडानका एकजना उडान

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 
Top