​२५ वर्ष सिक्किम एकछत्र हल्लाएका पवन चाम्लिङ अब एक्लै, बाँकी दुई विधायकले पनि छाडिदिए


Wednesday, 14 Aug, 2019 2:29 PM
२९ साउन, काठमाडौं । १० जना विधायक भारतीय जनता पार्टी (भाजपा) प्रवेश गरेको भोलिपल्टै सिक्किम डेमोक्रेटिक फ्रन्ट (एसडीएफ) का २ जना विधायक पनि सिक्किम क्रान्तिकारी मोर्चा (एसकेएम) प्रवेश गरेका छन् । बुधबार एसडीएफका विधायकहरु अमप्रसाद शर्मा र जीटी ढुंगेल एसकेएममा प्रवेश गरेका हुन् ।

सिक्किमको सत्तारुढ दल एसकेएम प्रवेश गर्दै उनीहरुले भने, ‘हामीमा क्षेत्रीय भावना भएकै कारण क्षेत्रीय दलमा आवद्ध भएका हौँ ।’ पछिल्लो राजनीतिक उथलपुथलसँगै सिक्किममा २५ वर्ष मुख्यमन्त्री रहेका पवन चाम्लिङको राजनीतिक भविष्य संकटमा परेको छ । पार्टीका अधिकांश विधायक बीजेपीमा प्रवेश गरेसँगै सिक्किममा २५ वर्ष सरकार चलाएका पूर्वमुख्यमन्त्री पवन चाम्लिङको राजनीतिक भविष्यमा धक्का पुगेको छ ।

सिक्किम राज्यको विधानसभामा एक सिट पनि नजितेको बीजेपी अब प्रमुख प्रतिपक्ष दल बनेको छ । एसडीएफबाट गएको विधानसभा चुनाव जितेका १० जना विधायक बीजेपीका कार्यकारी अध्यक्ष जेपी नड्डा र बीजेपीका महासचिव तथा उत्तर पूर्वी राज्यका इञ्चार्ज राम माधवको उपस्थितिमा बीजेपीमा प्रवेश गरेका छन् ।

एउटा पार्टीका दुई तिहाई तथा त्यसभन्दा बढी विधायक नयाँ पार्टीमा प्रवेश गर्दा एन्टी डिफेक्सन कानुनको उल्लंघन हुँदैन । त्यसैले बीजेपीले सिक्किममा बलियो प्रतिपक्षको भूमिका निर्वाह गर्ने देखिन्छ ।

३२ सिट रहेको सिक्किम विधानसभामा चाम्लिङ नेतृत्वको एसडीएफले १५ सिट जितेको थियो । त्यस्तै पीएस गोले नेतृत्वको सिक्किम क्रान्तिकारी मोर्चाले १७ सिट जितेको थियो । एसडीएफका दुई जना विधायकले दुई ठाउँबाट चुनाव जितेका थिए । त्यस्तै एसकेएमका एक विधायकले दुई ठाउँबाट चुनाव जितेका थिए ।  उनीहरुले एक सिटबाट राजीनामा दिएका छन् । अहिले सिक्किम विधानसभामा ३ सिट खालि रहेको छ ।

सिक्किमको राजनीतिमा लामो इतिहास रहेको एसडीएफमा अब पूर्व मुख्यमन्त्री पवन चाम्लिङ मात्रै रहेका छन् ।

बीजेपी प्रवेश गर्नेहरुमा चाम्लिङ नेतृत्वको सरकारमा तीनपटक मन्त्री बनेका तथा पाँच कार्यकालका लागि विधायक बनेका दोर्जी छिरिङ लेप्चासमेत रहेका छन् । त्यस्तै तीन पटक विधायक बनेको उगेन ग्यात्सो पनि बीजेपीमा प्रवेश गरेका छन् ।

बीजेपीमा प्रवेश गरेका लेप्चा आफूहरु प्रधानमन्त्री नरेन्द्र मोदीको ‘लूक इस्ट’ नीतिबाट प्रभावित भएको बताएका छन् । उनले भने, ‘हामी सिक्किममा कमल फुलाउन चाहन्छौँ ।’

बीजेपीलाई मुख्य चुनौती भनेको अब हुने उपचुनावमा तीन सिटमा कस्तो प्रदर्शन गर्छ भन्ने हो । सिक्किमको पछिल्लो राजनीतिक घटनाक्रमलाई केही सिक्किमेली नागरिकले आफूहरुसँग धोका भएको बताएका छन् ।

 


global ime

Ruslan

runner bike

राजनीति

‘हिन्द प्रशान्त रणनीति’प्रति सकारात्मक हुन अमेरिकाको आग्रह

१९ मंसिर, काठमाडौं । उपप्रधानमन्त्री एवं रक्षामन्त्री ईश्वर पोखरेलसँग नेपाल भ्रमणमा रहेका एशिया प्रशान्त क्षेत्रका लागि सुरक्षा मामिलासम्बन्धी अमेरिकी सहायकमन्त्री ¥याण्डम जि स्च्रिभरले बिहीबार भेट गरी ‘हिन्द प्रशान्त रणनीति’प्रति सकारात्मक हुन आग्रह गरेका छन् । सहायकमन्त्र्री याण्डमले उक्त रणनीतिलाई अमेरिकी सहकार्यको नीतिका रुपमा बुझिदिन आग्रह गरेका थिए भने जवाफमा उपप्रधानमन्त्री पोखरेलले सो रणनीतिप्रति आफूहरु सकारात्मक भएको जनाएका थिए । उप्रधानमन्त्री पोखरेलले सार्वभौमिकता र स्वाधीनताका आधारमा दुई देशबीच रहँदै आएको मैत्रीपूर्ण सम्बन्ध अझ विस्तार हुनुपर्नेमा जोड दिए ।

जमिन फिर्ताका लागि कूटनीतिक पहल भइरहेको छः मन्त्री भट्ट

१९ मंसिर कैलाली । उद्योग, वाणिज्य तथा आपूर्तिमन्त्री लेखराज भट्टले कालापानी, लिपुलेक र लिम्पियाधुराको जमिन फिर्ता गर्न भारत सरकारसँग कुटनीतिक पहल भइरहेको बताएका छन् ।बिहीबार धनगढी विमानस्थलमा प्रेस संगठनले आयोजना गरेको पत्रकार सम्मेलनमा उनले सो कुरा बताएका हुन् । सरकारले नतिजा निकालेर देखाउने भन्दै मन्त्री भट्टले सोही अनुरुप आफ्नो जमिन फिर्ता गराउन कूटनीतिक र राजनीतिक पहल गर्ने बताए । 

सीमा रक्षाका विषयमा सबै दल एकजुट हुनुपर्छ : झलनाथ खनाल

१९ मंसिर इलाम । पूर्वप्रधानमन्त्री एवं सत्तारुढ नेकपाका वरिष्ठ नेता झलनाथ खनालले राष्ट्रियताका सवालमा सबै दल एकजुट हुनुपर्ने बताएका छन् । इलामको सूर्योदय नगरपालिकाले आयोजना गरेको प्रथम सूर्योदय नगर पर्यटन महोत्सवको समापन कार्यक्रमलाई आज सम्बोधन गर्दै उनले कसैलाई नेपालको भूमि एक इन्च पनि मिच्न दिइने छैन भन्दै पूर्व प्रधानमन्त्री खनालले मिचिएको भूमि फर्काउन सरकार लाग्नुपर्नेमा जोड दिए ।सरकारको मात्र प्रयासले सम्भव

अन्तर्राष्ट्रिय

राष्ट्रपति ट्रम्पविरुद्व महाअभियोग लगाउन प्रसस्त प्रमाण : अनुसन्धान समिति

१८ मंसिर, काठमाडौं ।  अमेरिकामा राष्ट्रपति डोनल्ड ट्रम्पविरुद्ध महाभियोगको अनुसन्धान गरिरहेको एउटा टोलीले उनलाई पदको दुरुपयोगमा महाभियोग लगाउन प्रशस्त प्रमाण रहेको जनाएको छ । ट्रम्प–युक्रेन महाभियोग अनुसन्धान नामक प्रतिवेदनलाई मङ्गलवार संसद्को तल्लो सदनको गुप्तचरीसम्बन्धी विषय हेर्ने समितिले सार्वजनिक गरेको छ । समितिले राष्ट्रपतिले व्यक्तिगत लाभका लागि पदको दुरुपयोग गरेको आरोप लगाउँदै महाभियोगसम्बन्धी उक्त प्रतिवेदन सार्वजनिक गरेको हो । प्रतिवेदनमा ट्रम्पमाथि न्यायमा अवरोध र्पुयाएको तथा आगामी चुनावमा आफ्नो हितका लागि यूक्रेनलाई मुछ्न खोजेको आरोप लगाइएका छन् । 

कतार–साउदी अरब तनाव : कतारका अमिरलाई साउदी राजाले गरे निम्तो

१८ मंसिर, काठमाडौं । कतारका सरकारी सञ्चारमाध्यमहरूले देशका अमिरलाई साउदी अरबका राजा सलमानले आगामी साता रियादमा आयोजना हुन लागेको एउटा क्षेत्रीय सम्मेलनमा भाग लिन निम्तो दिएको उल्लेख गरेका छन् । तर ती समाचारसंस्थाले कतारी अमिर शेख तामीम बिन हमाद अल–थानीले निम्तो स्वीकारिसकेका छन् या छैनन् भनेर पुष्टि गरेका छैनन् । यदि त्यसो भयो भने दुई देशबीच लामो समयदेखि विद्यमान कूटनीतिक विवाद अब समाधानतर्फ जान लागेको एउटा बलियो सङ्केत मिल्नेछ । साउदी अरबको नेतृत्वमा चार छिमेकी देशले सन् २०१७ देखि कतारमाथि आर्थिक नाकाबन्दी लगाएका थिए । 

विचार / ब्लग

सी चिनफिङ भन्छन् -हिमालय वारिपारिको मैत्रीलाई नयाँ उचाइमा पुर्याऔँ

सी चिनफिङ
राष्ट्रपति श्रीमती विद्यादेवी भण्डारीको निमन्त्रणामा म छिटै चीनको मैत्रीपूर्ण छिमेकी देश नेपालको राजकीय भ्रमण गर्दैछु । मैले नेपालको भ्रमण गर्न लागेको यो पहिलोपटक हो, तथापि मलाई नेपाल अपरिचित भने लाग्दैन । नेपालमा शानदार पहाड र नदीहरू छन्, विशिष्ट संस्कृति पनि छ । त्यसैले म नेपालको भ्रमण गर्न धेरै पहिलेदेखि लालायित थिएँ । मैले चीनको भ्रमण गर्नुभएका धेरै नेपाली नेताहरूसँग धेरैपटक भेटवार्ता गरेको छु र उहाँहरूसँग गहिरो मित्रता पनि गाँसेको छु ।

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 
Top