cg electronics
nlic

दिल्लीमा दिल खोलेका प्रचण्डको भ्रमण न उपलब्धिमुलक न विवादित


Sunday, 18 Sep, 2016 4:14 PM



एलिजा उप्रेती /टिप्पणी 

कुनैबेला विस्तारवादी भारतसँग सुरुङयूद्ध लड्ने  रटान लगाउने उनै प्रचण्ड यतिबेला भारतको चारदिने राजकीय भ्रमण सकेर स्वदेश फर्केका छन् । उनको यो भ्रमण हेर्दा लाग्छ उनले  आफैले खनेको सुरुङ पुरिसकेका छन अर्थात जस्ताको तस्तै छ दिल्ली र प्रचण्डको सम्बन्ध विचमा कुनै दरार आएकै छैन । अझ भनौ भारतसँग उनको दुस्मनी कहिल्यै थिएन । 

तर सुरुङयूद्धमा पुगेका उनै  प्रचण्डको  दिल्लीसँगको सामिप्यता कसरी भयो त ? यसबारे राजतीतिक बृत्तमा राम्रै बहस र टिका टिप्पणी  बनेको छ । हुनत उनको यो कनेक्सन विल्कुलै नयाँ भने होइन । बिचबिचमा आएका बदलाव र भारतसँगको ढुलमुले सम्बन्ध उनकै बोलीमा अडान नहँुदा र  बोल्दा बोल्दै आवेगमा आउने प्रबृत्तिको कारण हो । पहिलो पटक सरकारबाट बाहिरिदा दाहाल भारतप्रति निकै आक्रामक बनेका थिए । वि.सं. २०६६ सालमा उनले बानेश्वरको एक  कार्यक्रममा गर्जदै भारत विरुद्ध स्वाधिनताको संघर्ष गर्ने  उद्घोष नै गरेका थिए । 

प्रधानमन्त्री माधव नेपालको सरकारलाई उनले कठपुतलीको संज्ञा पनि दिएर सोझै मालिकसँग वार्ता गर्छौ हामी कसैको एस म्यान भएर बस्दैनौ भनेर उर्लिएका उनले बिस्तारै बुझ्दै गएकी भारतसँग पौठेजोरी खेलेर नेपाली राजनीतिमा टिक्न सकिदैन भनेर ।

न उपलब्धिपूर्ण सम्झौता न विवादित  कदम

नेपाली राजनीतिको दिल दिल्लीसँग यसरी जोडिएको छ की जो सूकै शुरुमा भारतको विरोध गरेर  जनताको मनमा बस्न खोजेपनि आखिर नेपाली राजनीतिको रिमोट त उत्तैबाट चल्ने रहेछ भन्ने कुरा पनि उनले बुझे र यसकारण उनको अहिलेको भ्रमणमा कुनै पनि महत्वपूर्ण सम्झौता भएनन् । उनको यो भ्रमण भारतलाई रिजाउन मात्र गरिएको देखिन्छ ।अहिले उनले दिल्लीसँग दिल खोलेर कुरा गरेको अभिव्यक्ति पनि दिएका छन् । भारत भ्रमणकैक्रममा प्रधानमन्त्री प्रचण्डले संविधानको विषयमा भारतसँग कुनै पनि असमझदारी बाँकी नरहेको पनि दाबी गरेका छन् । 

हरेक पटक भारत गएका नेपाली प्रधानमन्त्रीहरुले कुनै न कुनै राष्ट्रघाती सम्झौता गरेर आउँछन् भन्ने नेपाली जनताको आँकलनलाई उनले गलत सावित त गरे तर उनको भारत भ्रमण भारतलाई खुसी पार्न  शिवाय अरु कुनै कामका लागि थिएन् भन्ने कुरा छर्लङ्ग भएको छ । 

भारतलाई खुसी पार्न पहिलेदेखि नै प्रचण्डको अभ्यास 

उसो त भारतसँगको सम्बन्ध ओली सरकारले बिगारेको अरोप  नलागेको होइन् यद्यपी सो सरकारमा माओवादी केन्द्रपनि सामेल थियो । पछि सरकारको नेतृत्व गर्ने चाहनाले बाहिरियो । 

पहिलाको जस्तै अवस्था नआओस भन्नको लागि  भारतसँगको सम्बन्ध सुधार्न अझ भनौ भारतलाई आफुप्रति विश्वासिलो बनाउन प्रचण्डले बेला बेलामा भारतको गुनगान गाउन थालिसकेका थिए । पहिलो पटक सरकारबाट बहिरिदा तथानाम गाली गर्ने उनै प्रचण्डले भारतसँगको सम्बन्ध सुधानुपर्ने आवाश्यकता औल्याउँदै आए । केही महिना अघि मात्र  भारतीय पत्रिका “टाइम्स अफ इण्डियासँग” विशेष कुरा गर्दै भारतसँग नेपालको सम्बन्ध तोड्नै नसक्ने बिन्दुमा पुगेको बताएका थिए ।   

प्रचण्डको पनि आफ्नै बाध्यता छ कारण सदियौ देखिको नेपाल भारत सम्बन्धलाई (राजनीतिक ) उल्टाउन सहज छैन् । यसकारण पनि सम्बन्ध सुधार्नुको विकल्प छैन् । 


के सम्झौता भयो भ्रमणमा ?

प्रधानमन्त्री भारत भ्रमणको क्रममा तीन सम्झौता भएका छन् । 
१. नेपाल र भारतबीच भएको पहिलो सम्झौता हुलाकी राजमार्ग निर्माणबारे छ । 
सम्झौताको पहिलो बुँदामा ‘तराईका सडकको स्तरोन्नतिका लागि परियोजना व्यवस्थापन परामर्श सेवाका लागि समझदारी भएको’ उल्लेख छ  । साथै दुई देशबीच यसलाई नयाँ मोडालिटीबाट अघि बढाउने समझदारी भएको छ । 
२. भारतको पूर्वप्रतिवद्धता अनुसारको ७५० मिलियन डलर सहुलियतपूर्ण ऋणको सम्झौता भएको छ । 
३. यो समझदारी नयाँ अनुदान तथा ऋण सहयोगबारे छ । साथै नेपालले भारतीय प्रधानमन्त्रीका नेपाल भ्रमणका बेला घोषणा भएको १००० मिलियन डलर सहुलियतपूर्ण ऋण मध्ये ५५० मात्र लिने प्रस्ताव गरेको छ ।












 




 


Ruslan

sponserworldcup

राजनीति

प्रधानमन्त्री ओलीलाई चीनमा गार्ड अफ अनर प्रदान

७ असार, काठमाडौं । चीन भ्रमणमा रहेका प्रधानमन्त्री केपी शर्मा ओलीलाई चीनमा गार्ड अफ अनर प्रदान गरिएको छ । भ्रमणको तेस्रो दिन चीनको ग्रेट हल अफ दि पिपुल्समा उनलाई गार्ड अफ अनर दिइएको हो । उक्त कार्यक्रममा चिनियाँ प्रधानमन्त्री लि खछ्याङ पनि सँगै थिए । लगत्तै प्रतिनिधिमण्डलस्तरीय वार्ता सुरु भएको छ । बैठकमा प्रधानमन्त्री ओलीले आफ्नो प्रतिनिधिमण्डललाई गरेको स्वागतप्रति धन्यवाद दिँदै द्वीपक्षीय सम्बन्धलाई अझै प्रगाढ बनाउनेमा जोड दिए  । 

​नेपाली कम्युनिष्ट एकतालाई विश्व कम्युनिष्ट आन्दोलनले आत्मसाथ गर्ने –प्रधानमन्त्री

७ असार, काठमाडौँ । प्रधानमन्त्री केपी शर्मा ओलीले चिनियाँ कम्युनिष्ट पार्टीको केन्द्रीय पार्टी स्कुलद्वारा आज आयोजित कार्यक्रमलाई सम्बोधन गर्दै नेपालको कम्युनिष्ट आन्दोलनको एकता र सफलताले विश्व कम्युनिष्ट आन्दोलनलाई आत्मसाथ गर्ने विश्वास व्यक्त गरेका छन् ।चीनको औपचारिक भ्रमणमा रहेका प्रधानमन्त्री ओलीले ‘सुशासन र समृद्धिमा राजनीतिक पार्टीको भूमिका’ विषयमा सम्बोधन गर्दै नेपालको कम्युनिष्ट आन्दोलनको उतारचढाव 

​नेपाललाई योगको केन्द्रको रुपमा विकास गर्नुपर्ने : कावा प्रधानमन्त्री

७ असार, काठमाडौँ । कार्यवाहक प्रधानमन्त्री ईश्वर पोखरेलले नेपाललाई स्वस्थ आध्यात्मिक एवं योग केन्द्रको रुपमा विकसित गर्दै लैजान सरकारले पहल गर्ने बताएका छन् । चौथो अन्तर्राष्ट्रिय योग दिवसको अवसरमा पतञ्जलि योगपीठले आज बिहान राष्ट्रिय प्रहरी प्रशिक्षण प्रतिष्ठान, महाराजगञ्जमा गरेको कार्यक्रममा उनले आम जीवन पद्धतिका रुपमा योगको महत्वलाई उजागर गर्दै स्वस्थ नागरिक तयार पार्नका लागि नेपाललाई योग 

अन्तर्राष्ट्रिय

न्यूजिल्याण्की प्रधानमन्त्रीलाई पुत्रीलाभ, ६ दिन लिइन् सुत्केरी बिदा

केही महिनाअघि आफू गर्भवती भएको खुलासा गरेकी न्यूजिल्याण्डकी प्रधानमन्त्री जसिन्डा आर्डर्नले छोरीलाई जन्म दिएकी छिन्। अकल्याण्ड शहरको एक अस्पतालमा छोरीलाई जन्म दिएको जानकारी सामाजिक सञ्जालमार्फत दिँदै उनले अस्पतालका कर्मचारीलाई धन्यवाद दिएकी छिन्। नवजात शिशु स्वस्थ रहेको र उनको तौल ३.३१ किलोग्राम रहेको जानकारी दिँदै आर्डर्न र उनका प्रेमी क्लार्क गेफोर्डले लेखेका छन्, (वी वान् ) तिमीलाई हाम्रो गाउँमा स्वागत छ। अहिले हामी 

युद्ध अन्त्यको घोषणागर्दै दुई कोरिया

४ असार सोल  । उत्तर र दक्षिण कोरियाले बिगत लामो समयदेखि उनीहरुबीच जारी घोषित युद्ध अन्त्यको घोषणा गर्ने भएका छन् । यसै वर्षको अन्त्यतिर उसले युद्ध अन्त्यको घोषणा गर्ने भएको दक्षिण कोरियाली विदेशमन्त्रीले जानकारी दिनुभएको छ । उत्तर कोरियासँगको युद्ध अन्त्यको घोषणा गर्ने तयारी दक्षिणले गरेको जनाएको हो । दक्षिण कोरियाली विदेशमन्त्री काङ कियाङ् ह्वाले सोमबार सोलमा आयोजित पत्रकार सम्मेलनमा सो जानकारी दिएका हुन् । उनले उक्त 

ग्वाटेमालामा फेरि अर्को ज्वालामुखी विस्फोट, मृत्युहुनेको संख्या ७५ नाघ्यो, १७ लाख मानिस प्रभाव

२३ जेठ काठमाडौ । ग्वाटेमालामा फेरि ज्वालामुखी विस्फोट हुन थालेपछि आपत्‌कालीन सेवाका अधिकारीहरूले वरपरका मानिसहरूलाई सुरक्षित स्थानमा सारिरहेका छन्। फोएगो नामक ज्वालामुखीबाट ताजा लाभा निस्केर दक्षिणतिर खसिरहेको छ। आइतवार ज्वालामुखी विस्फोट भएयता कम्तीमा ७२ जनाको ज्यान गएको छ भने अन्य कैयौँ

विचार / ब्लग

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।

माइत जाने चेलीलाई ५ सय ८० शब्दको सुझाव

माइत भन्ने बित्तिकै हरेक महिलाको अनुहारमा रौनक आउँछ । माइतको मोह महिलाले जीवनभर भुल्दैनन् । पतिले घरमा जतिसुकै सुख दिएको होस्, माइतमा पाइने सुखका अगाडि ती सबै कम लाग्छन् । माइतबाट सानो बोलावट मात्रै आउनुपर्छ, जानका लागि तुरुन्त तयार नहुने को नै होला र ? माइत जानु नराम्रो होइन । तर, प्रायः के पनि देखिन्छ भने जुन खुसी र उत्साहले महिलाहरु माइत जान्छन्, त्यति नै खुसी लिएर भने फर्कदैनन् ।

अध्यक्ष पद नै एमाले–माओवादी एकताको बाधक ! ओली र दाहालको आ–आफ्नै रणनीति

निर्वाचनलगत्तै पार्टी एकीकरण गर्ने बताएका दुई नेताले एकता प्रयास ठोस रुपमा अघि नबढेको बेला यस्तो कुरा बताउँदा दुबै पार्टीको एकता चाहनेलाई हौसला मिलेको थियो । आशा जागेको थियो । तर, एतिका दिन बितिसक्दा पनि पार्टी एकताले गति लिन सकेको छैन । 
Top