syangyong
cg

​लोग्ने मान्छे भएर रुनु हुँदैन ?

विष्णु पोखरेल


Thursday, 23 Nov, 2017 1:55 PM
एउटा गीत छ, ‘भन्छन् लोग्ने मान्छे भएर रुनु हुन्न रे...’ । नेपाली समाजको पुरानो भनाई पनि हो यो । साँच्चै लोग्ने मान्छेले रुनु हुन्न किन भनियो होला ? माओवादी केन्द्रका अध्यक्ष प्रचण्डका पछिल्ला केही दिनले यो प्रश्नलाई झन् अगाडि ल्याइदियो । 

गत आइतबार प्रकाशको निधनमा आमा सीता दाहाल रोइन्, श्रीमती रोए, दिदी–बहिनी रोए, आफन्तहरु रोए, तर प्रचण्ड सकेसम्म नियन्त्रणमा रहे । 

पशुपति आर्यघाटमा छोराको अन्तिम संस्कारमा प्रचण्डको पीडा राम्रैसँग छाम्न सकिन्थ्यो । छोरालाई दागबत्ती दिँदै गर्दा उनको अनुहार नराम्रोसँग अमिलिएको थियो । आँखाभरी आँशु भरिइसकेको थियो । तर, भित्रै दबाए, बाहिर खस्न दिएनन् । अमिलो अनुहार लिएरै उनले उपस्थिततिर फर्किएर दुवै हात उठाए । 

साँझ लाजिम्पाट फर्किएपछि पनि सम्हालिए र परिवार सम्हाल्ने कोसिस गरे । पीडा भएपनि आँशु थाम्नुपरेको संकेत सोमबार शुभचिन्तकमाझ प्रचण्डले गरे । निन्याउरो अनुहार लगाएका शुभचिन्तकमाझ प्रचण्डले सहाससाथ बाहिर निस्केर सम्बोधन गरे । 

उनी आफू सम्हालिँदै पत्नी सीतालाई पनि सम्हाल्दै छन् । प्रकाशजस्ता छोराछोरी देशमा धेरै भएको र जनताले आफूहरुबाट अभिभावकको भूमिका खोजेको भन्दै पत्नीलाई सम्झाइरहेका छन् । 

मंगलबार उनी पत्नी सीतालाई साथमै लिएर चुनावी सभा कार्यक्रमका लागि चितवन गए । छोरो बितेको दुई दिनमै उनी पीडा पचाएर चितवन पुगेका थिए । भरतपुर चुनावी सभामा प्रकाशलाई श्रद्धान्जली दिँदै गर्दा पत्नी सिता एकाएक भक्कानिइन् । भक्कानो त प्रचण्डको मनमा पनि परेको थियो होला, तर उनी सम्हालिए, पत्नीलाई सम्झाउनतिर लागे । 

त्यही कार्यक्रममा आफ्नै पार्टीका पोलिट्ब्युरो सदस्य तथा जनवादी गायक खुसीराम पाख्रिन पनि हृदयघात भएरै गए । पीडामाथिको पीडामा पनि सम्हालिए प्रचण्ड । छोराको मृत्युको पीडा मनमा थेगेर उनी मंगलबार साँझ नै रौतहट गोली काण्डमा परी घाइते भएकालाई उपचार भइरहेको भरतपुरस्थित अस्पतालमै गएर पनि भेटे । नआत्तिन सान्त्वना दिन भ्याए । आफू यत्रो पीडामा हुँदा पनि उनी अरुको पीडामा मल्हम लगाउन तयार भए  ।  

केही दिन प्रचण्डलाई पछ्याएपछि उही गीतको प्रसंग फेरि उठ्छ, के लोग्ने मान्छे भएर रुनु हुँदैन ? सत्य यो हो भन्ने लाग्छ कि लोग्ने मान्छे पनि रुन्छन्, पीडाले चौपट पोल्छ । प्रचण्डलाई पनि यस्तो पक्कै भयो, भएको छ । पार्टी कार्यालयमा कोठाभित्रै रोए, छोराको दाहसंस्कार सकाएर निवास फर्किएपछि कोठाभित्र एक्लै केहीबेर रोए रे । तर, परिवार र आफन्तसामु भने सम्हालिए । किनभने, उनी रुँदा परिवारमा पीडा झन् बढ्थ्यो । परिवारमा लिनुपर्ने यो जिम्मेवारी हाम्रो सामाजिक मान्यताले लोग्ने मान्छेलाई नै दिएको छ । 

आइतबार प्रचण्डको मनमा पनि पक्कै पीडा उर्लिएको थियो, धर्ती छाडेर गएको छोरोको शवलाई अंगालो हालेर ग्वाँ–ग्वाँ रोऊँ । तर, उनी सम्हालिए । अरुको पीडा कम गर्न पनि आफ्नो पीडा दबाए । लोग्ने नै रुन थालिदियो भने स्वास्नी झन् रुन्छिन्, अनि परिवारका सबै सदस्य । त्यहाँ, आँशु र पीडा सम्हालिसाध्ये हुँदैन । आफ्नो एकथोपा आँशु खस्दा परिवार, आफन्त र शुभचिन्तकका आँखाबाट सागर उर्लिन्छ भन्ने सायद प्रचण्डलाई पनि थाहा थियो । 

आफ्नो मनमा भक्कानो फुटेपनि आँशु छुटाउन नसकेको व्यहोरा उनले सार्वजनिक पनि गरिसकेका छन् । प्रकाशको निधनको भोलिपल्ट लाजिम्पाट निवासमा पुगेका शुभचिन्तकमाझ उनले यो वेदना पोखेका थिए । भनेका थिए, ‘पीडा त ठूलै छ, तर सम्हालिनु परेको छ ।’ उनले यसो भन्दै गर्दा उपस्थितका आँखा रसाएका थिए, तर आफू सम्हालिए । सायद, उनको मनमा पनि एउटा सोंच बलियो छ, लोग्ने मान्छे भएपछि सम्हालिनै पर्छ, लोग्ने मान्छे भएर रुनु हुँदैन...। 

हो हाम्रो सामाजिक चित्र र लय नै यस्तै छ । त्यसैले त भनिन्छ, लोग्ने मान्छे भएर रुनु हुँदैन । 


 


Ruslan

machha bank

ime

MEGA COLLEGE

राजनीति

​‘कोलम्बो प्रोसेस’को बैठक बिहीबारदेखि काठमाडौँमा

२८ कात्तिक, काठमाडौँ । आप्रवासी श्रमिकका साझा हकहित र चासोबारे परामर्श एवं अन्तर्राष्ट्रिय आप्रवासन र अनुबन्धमा आधारित श्रमका विषयमा छलफल गर्न भोलिदेखि राजधानीमा ‘कोलम्बो प्रोसेस’को बैठक हुँदैछ । बैठकमा १२ देशका मन्त्री, उच्च अधिकारी एवं सरोकारवालाले गहन छलफल गर्दैछन् । एशिया क्षेत्रका श्रमिक आपूर्ति गर्ने देशको साझा मञ्च ‘कोलम्बो प्रोसेस’ वैदेशिक रोजगारीसम्बन्धी उत्कृष्ट अभ्यास, सिकाइ र अनुभव आदानप्रदान गर्ने 

​नेकपाको बैतडीमा समायोजनको काम टुङ्गियो

२८ कात्तिक, बैतडी । बैतडीमा तत्कालीन नेकपा (एमाले) र नेकपा माओवादी केन्द्र (माओवादी केन्द्र) मिलेर बनेको नेपाल कम्युनिष्ट पार्टी (नेकपा) को स्थानीय तहमा पार्टी समायोजनको काम टुङ्गिएको छ। पार्टी जिल्ला कार्यदल बैठकले चार नगरपालिका र छ गाउँपालिकासहित १० स्थानीय तहमा पार्टी समायोजनको संयुक्त खाका तयार गरेको हो । छ स्थानीय तहमा तत्कालीन एमालेले नेतृत्व पाएको छ भने चार स्थानीय तहमा माओवादी केन्द्रले नेतृत्व पाएको कार्यदलका 

विद्यमान ​शिक्षा नीति परिवर्तन गर्न आवश्यक रहेको छ – अध्यक्ष दाहाल

२८ कात्तिक, म्याग्दी । नेपाल कम्युनिष्ट पार्टी (नेकपा)का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले संविधानमा उल्लेखित समाजवादी व्यवस्थाको लक्ष्य हासिल गर्न विद्यमान शिक्षा नीतिमा परिवर्तन गर्नुपर्ने बताएका छन् । बेनीमा रहेको म्याग्दी बहुमुखी क्याम्पसले आज आयोजना गरेको कार्यक्रममा अध्यक्ष दाहालले केन्द्रीकृत र एकात्मक नीतिका कारण नेपालमा शैक्षिक बेरोजगारको समस्या बढेको उल्लेख गरे। शिक्षा, स्वास्थ्य, रोजगारी राज्यको दायित्व 

अन्तर्राष्ट्रिय

श्रीलंकाका प्रधानमन्त्री राजपाक्षेले संसदमा पाएनन् विश्वासको मत, झन् गहिरियो राजनीतिक संकट

२८ कार्तिक, काठमाडौं । श्रीलंकामा राष्ट्रपति मैत्रीपाला सिरिसेनाले नियुक्त गरेका प्रधानमन्त्री माहिन्दा राजपाक्षे संसदबाट विश्वासको मत प्राप्त गर्न असफल भएका छन् । यो घटनाक्रमसँगै श्रीलंकाको राजनीतिक संकट झन् गहिरिएको छ । श्रीलंकाको संसदमा विश्वासको मतका लागि भएको मतदानमा राजपाक्षेले मत पाउन सकेनन् ।

​अमेरिका–जापान व्यापार सम्झौता “नमुना” हुन्छ –अमेरिकी उपराष्ट्रपति पेन्स

२८ कात्तिक, टोकियो । अमेरिकी उपराष्ट्रपति माइक पेन्सले जापान र संयुक्तराज्य अमेरिकाबीच हुने नयाँ द्विपक्षीय व्यापार सम्झौता उदाहरणीय किसिमको हुने बताएका छन् । जापानी प्रधानमन्त्री शिन्जो आबेसँगको वार्तापछि सञ्चारकर्मीसँग बोल्दै उपराष्ट्रपति पेन्सले जापानसँग अमेरिकी व्यापार असन्तुलित किसिमको रहेको वासिङ्टनको धारणा रहेको दोहो¥याएका हुन् । “संयुक्तराज्य अमेरिकाको जापानसँग लामो समयदेखि व्यापार असन्तुलन रहिआएको

राष्ट्रपतिको निर्णयमा श्रीलंकाको सर्वोच्च अदालतको रोक

कोलम्बो । श्रीलंकाको सर्वोच्च अदालतले संसद् विघटन र मध्यावधि निर्वाचन गर्ने राष्ट्रपतिको निर्णयमा रोक लगाइदिएको छ । राष्ट्रपति मैत्रीपाला सिरिसेनाले संसद् विघटन गर्दै निर्वाचन गर्ने घोषणा गरेकोमा सर्वोच्च अदालतले त्यसलाई तत्कालका लागि रोक लगाएको हो ।अदालतले राष्ट्रपतिद्वारा अर्को बर्ष हुने गरी घोषणा गरेको आकस्मिक निर्वाचनलाई पनि रोक्न निर्देशन दिएको छ ।

विचार / ब्लग

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।
Top