esewa

कस्तो होला बाबुराम बिना एमाओवादीको नम्बर वान बन्ने यात्रा !


Thursday, 24 Mar, 2016 12:36 PM
११,चैत,काठमाण्डौं ।  
माओवादी पार्टी एक भएको बेला पनि बहुमत ल्याउन नसकेको अवस्थामा पछिल्लो समय एमाओवादी कार्यकर्तालाई  ‘नम्वर वान ’बन्ने भाषणको व्यापार गर्दै हिडेको छ । जो पछिल्लो सयम ६ चिरामा विभाजित भइसकेको अवस्था छ ।  ६ टुक्रामा टुक्रिएको माओवादी पार्टीको एक प्रमुख पार्टी एमाओवादीका अध्यक्ष प्रचण्डले त पटक–पटक एक नम्बरको पार्टी बनाउने सार्वजनिक उद्घोष समेत गरेका छन् । माओवादी त्यत्तीबेला पावरफुल थियो जतिबेला बाबुराम,वैद्य,बादल,विप्लवहरुसंग संगै थिए ।



तर आज ठूलो प्रश्न छ, एमाओवादीको अघि के सवै माओवादी एक ठाउँमा आउदैमा वा नआएमा एमाओवादी नम्बर वान बन्ने हैसियतमा छ त ?  एकजना विश्लेषक भन्छन–‘माओवादी अब एक नम्बरको पार्टी बन्छ भन्नु र गधालाई धोएर गाई बनाउछु भन्नु उस्तै हो ।’ एक नम्बर पार्टी बनाउन दौडिरहेका प्रचण्डले किन बेलाबेला यस्तो कार्ड फ्याक्छन त्यो वुझिनसक्नु छ । त्यसो त दोश्रो संविधान सभा निर्वाचनमा पनि वैद्यले पार्टी छाडेको अवस्थामा प्रचण्डले मेचिकाली दौडाहामा एमाओवादीले २ तिहाई मत ल्याउने ठोकुवा नै गरेका थिए । अन्त्यमा प्रचण्डले कल्पनासम्म नगरेको २५ सीटमा खुम्चीयो, एमाओवादी । तर माओवादी अध्यक्ष प्रचण्डले आफ्ना कमजोरीहरु भने सच्च्याउने हिम्मत कहिल्यै गरेनन् । 



प्रचण्डका ५ कमजोरी यस्ता छन् । 
पहिलो: प्रचण्डले कहिल्यै पनि पार्टीलाई विधि र पद्धतीमा व्यवस्थित गर्न सकेनन् । अरुका लागि विधिका कुरा गर्ने तर उनी आफु विधीमा कहिल्यै चलेनन्,जो माओवादीभित्रको ठुलो समस्या हो । 

दोश्रो :  एमाओवादीमा गल्ती गर्नेलाई कार्वाही र राम्रो गर्नेलाई पुरस्कारको व्यवस्था अर्थात उपयुक्त मुल्याङ्कन छैन् । 

तेश्रो : प्रचण्ड सर्वाहारा वर्गका नेता हुन । तर उनको जीवन सदागिपुर्ण छैन । उनको लवज कुनै सम्भ्रान्त वर्गभन्दा कम छैन,प्रचण्डभन्दा कयौ गुणा सरल जीवन स्वर्गीय काग्रेस सभापति सुशील कोइरालाले जिउँथे ।

चौथौ: प्रचण्डको सबैभन्दा ठूलो समस्या हो नाता–गोता र निकटता । जसले प्रचण्डलाई सधैभरी बदनामित गरिरह्यो । उनले जहिल्यै पनि आफुनिकटका मान्छेलाई मात्रै बोक्दै आएको आरोप खेप्दैै आएका छन् ।

पाचौं: प्रचण्डको पाँचौ समस्या हो उनको आफ्नै मुखबाट निष्कने बोली । उनले आफ्नो बोलीमा लगाम नलगाउदा पार्टी भित्र र बाहीर जहिले पनि समस्या हुदै आएको छ भने प्रचण्डले माफी समेत माग्नुपरेको छ । भावाशेषमा वग्ने उनको बानीले प्रत्यक्ष मार पार्टीलाई परेको छ । 
कस्तो बनाउने पार्टी ?

एमाओवादी युवा नेता खगराज भट्टका अनुसार एमाओवादी नयाँ परिवेशमा नयाँ भएर आउन खोज्दैछ । मौलिक पहिचान सहितको मौलिक पार्टी बनाउन सक्ने कि नसक्ने माओवादीका अघि ठूलो चाइलेन्ज भएको उनको वुझाई छ । माओवादीले पहिचान र सामाथ्र्यका आधारमा आफुलाई रुपान्तरण गर्न सके माओवादी पहिलो पार्टी बन्न सक्ने उनको दावी छ । विचार र राजनीति एक ठाउमा आए पार्टी ठिक ठाउँमा आउने युवा नेता भट्ट बताउँछन् । 



बाबुराम बिनाको एमाओवादी 
बाबुराम एमाओवादी भित्रको मुख्य योजनाकार थिए । माओवादीको खाका लेख्नेदेखि अन्य कतिपय निति निर्माणको काम बाबुरामले नै गर्दै आएका थिए । यहाँसम्मकी एमाओवादीको पहिलो र दोश्रो संविधान सभा निर्वाचनको प्रतिवद्धतापत्र समेत भट्टराईले नै तयार गरेका थिए । तर उनी हाल एमाओवादी छैनन् । बाबुरामकै भनाईलाई आधार मान्ने हो भने एमाओवादी रातो स्टीकर लागेको घर हो । के त्यसो भए बाबुराम विनाको एमाओवादी नम्बर वानको बाटोमा आउँन सक्छ ? 

एमाओवादी नेता भट्टका अनुसार बाबुरामको बर्हिगमन ठुलो झट्का भएपनि माओवादीले आफुलाई रुपान्तरण गरे अवसर छ । उनको वुझाईमा वैद्यले पार्टीको आन्तरीक जीवनमा प्रभाव पार्छन भने बाबुरामले जनताको लेबलमा । चुनावी परिणाम जनताकै तहबाट आउँछ । भट्ट भन्छन्–‘हामीले आफुलाई एमाले,कांग्रेसभन्दा भिन्न देखाउन सक्ने कि नसक्ने हाम्रो भविष्य त्यसैमा निर्धारण हुन्छ  । 

सरकारमा गएकाले बदनाम गराए 
माओवादी भित्र पछिल्लो समय सबैभन्दा ठूलो समस्या हो ओली सरकारमा भोज खान गएका माओवादी मन्त्रीको । स्वयंम ओलीले केहि गर्न त सकेनन्,सकेनन्,माओवादीबाट सकारमा गएका मन्त्रीहरुले रिवन काट्नेदेखि अन्य काम गर्न सकेनन् । सरकारमा माओवादीले दक्ष मान्छे नपठाएको माओवादीभित्रै चर्चा छ ।

एमाओवादी उपाध्यक्ष नारायणकाजी श्रेष्ठले त सार्वजनिक रुपमै माओवादी मन्त्रीको कामको आलोचना गर्दै आएका छन् । माओवादी नेताका अनुसार माओवादी मन्त्रीको यस्तै हर्कत र काम हुने हो भने भएको माओवादी इज्जत पनि माटोमा मिल्न सक्छ । मुलुक संकटको बेला गृहर आपुर्तीमन्त्री सम्हाल्दा पनि जनताले सास्ती खेप्नुपरेको छ । आपुर्तीमन्त्री गणेशमान पुन त झन कार्टुन नै बन्न पुगेका छन् ।   



नम्बर ३ बाट नम्बर १ कसरी 
प्रचण्डले नम्बर ३ मा रहेको हालको एमाओवादीलाई अर्को निर्वाचनमा नम्बर वान बनाउने बताएपनि त्यसको तयारी भने देखिदैन् । अब माओवादी एक भएपनि त्यत्ती सजिलै माओवादी पहिलो बन्ने सम्भावना देखिदैन् । कारण हो,जनतामा माओवादीप्रतिको विश्वास गुम्नु । त्यो विश्वास माओवादीले आफ्नै कथनी करणीले गुमाएका हुन् । 

विभाजीत कार्यकर्ताको मनोविज्ञान,र नयाँ निती कार्यक्रम बिना भाषणमा मात्रै नम्बर १ राम्रो लाग्छ तर यथार्थमा त्यो तयारी देखिदैन् । अहिलेसम्मको माओवादी भनेको तत्कालीन नेकपा माओवादी नै एमाओवादी भएपनि ।  प्रचण्ड एक्लैले यो परिस्थितीसम्म ल्याइपुगाएका होइनन,सवैको योगदान छ ,तर अब सबै एकठाउमा हुने सम्भावना त्यत्ती देखिदैन् । यस्तो अवस्थामा एमाओवादीलाई ३ नम्बरमै टिकिरहन पनि मुस्कील पर्न सक्छ । 


Ruslan

runner bike

furniture expo

राजनीति

अराजक तत्वको प्रतिवाद गर्नुस् : प्रचण्ड

३० भदौ, काठमाडौं । नेपाल कम्युनिस्ट पार्टी (नेकपा) का अध्यक्ष प्रचण्डले जनतामा भ्रम छर्न खोज्नेको प्रतिवाद गर्न युवा तथा विद्यार्थीलाई निर्देशन दिएका छन् । तत्कालीन माओवादीका स्वर्गीय नेता पोष्टबहादुर बोगटीको स्मृतिमा सोमबार राजधानीमा आयोजित कार्यक्रमलाई सम्बोधन गर्दै प्रचण्डले भने, ‘जनतामा भ्रम छर्ने र हत्केलाले सूर्य छेक्न खोज्ने अराजक तत्वको प्रतिवाद गर्न र उनीहरूबाट सतर्क रहन विशेषगरी युवा र विद्यार्थी साथीहरूलाई

देशहरुबीच फाटो ल्याउने गतिविधि स्वीकार्य छैनः परराष्ट्रमन्त्री

२९ भदौ, ललितपुर । परराष्ट्रमन्त्री प्रदिप ज्ञवालीले देशहरुबीच फाटो ल्याउने कुनै पनि खालको सैन्य गतिविधि सरकारलाई स्वीकार्य नहुने बताएका छन् । नेपालले कुनै पनि देशसँग वैरभाव नराख्ने विदेश नीति लिएको पनि उनले स्पष्ट पारे।  आईतबार ललितपुरमा आयोजित ‘रोड एण्ड बेल्ट इनिसिएटिभ डाइलग’ विषयक विचार गोष्ठीमा बोल्दै उनले राष्ट्रिय हितलाई केन्द्रमा राखेर नेपालले आफ्नो विदेशी नीतिलाई अघि बढाएको उल्लेख गरे। उनले त्यसमा दायाँबायाँ हुन नदिने दृढता पनि जनाए ।
 

विमान ढिलाइ भएको विषयमा ज्ञानेन्द्र शाहीले गरेको पत्रकार सम्मेलनमा हात हालाहाल

२९ भदौ, ललितपुर । भ्रष्टाचार विरोधी अभियानमा लागेको भन्ने ज्ञानेन्द्र शाहीले आयोजना गरेको पत्रकार सम्मेलनमा हात हालाहाल भएको छ । ललितपुरको पुल्चोकमा शाहीले आयोजना गरेको पत्रकार सम्मेलनमा हात हालाहाल भएको हो । शाहीले शनिबार साँझ नेपालगञ्ज विमानस्थलमा संस्कृति पर्यटन तथा नागरिक उड्डयनमन्त्री योगेश भट्टराईका कारण विमान उडान एक घण्टा ढिलो भएको भन्दै मन्त्री भट्टराईविरुद्ध प्रदर्शन गरेका थिए । सोही विषयलाई लिएर उनले आइतबार दिउँसो १ बजे पुल्चोकमा पत्रकार सम्मेलन आयोजना गरेका थिए । 

अन्तर्राष्ट्रिय

​हङकङ आन्दोलन : प्रदर्शनकारीले पेट्रोल बम हान्ने, प्रहरीले अश्रुग्यास चलाउने

३० भदौ, काठमाडौं । हङकङमा आइतवार राति प्रहरी र प्रदर्शनकारीबीच पुनः झडप भएको छ। करिब चारमहिनादेखि हङकङमा सुपुर्दगी विधेयकको विरुद्ध प्रदर्शन हुँदै आएको छ। सरकारले विरोध चर्किँदै गएपछि विधेयक फिर्ता लिएपनि प्रदर्शनकारीहरुले भने सरकार विरुद्ध प्रदर्शन गर्दै आएका छन्।

अमेरिकी राष्ट्रपति ट्रमले गरे राष्ट्रिय सुरक्षा सल्लाहाकार बोल्नटलाई बर्खास्त

२५ भदौ, काठमाडौं । अमेरिकी राष्ट्रपति डोनल्ड ट्रम्पले राष्ट्रिय सुरक्षा सल्लाहकार जोन बोल्टनलाई आफूले पदमुक्त गरेको घोषणा गरेका छन् । उनले आफू बोल्टनसँग असहमत रहेका कारण राजीनामा माग गरेको ट्वीटमार्फत् बताएका हुन् । बोल्टनले भने आफूले नै राजीनामा गरेको बताउँदै उचित समयमा आफ्नो भनाइ सार्वजनिक गर्ने प्रतिक्रिया दिएका छन् । उनले अफगानिस्तानदेखि इरानसम्मका विभिन्न विषयका चुनौतीबारे राष्ट्रपति ट्रम्पसँग फरक मत राखेका थिए ।
 

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 
Top