cg electronics
nlic

वाम गठबन्धनविरुद्ध लागेका आठ आरोपमा रवीन्द्र अधिकारीको ‘काउन्टर अट्याक’


Monday, 9 Oct, 2017 1:58 PM
नेकपा एमाले, माओवादी केन्द्र र नयाँशक्ति पार्टीबीच भएको चुनावी तालमेल र पार्टी एकताको पहलले नेपाली राजनीतिमा ठूलो सैद्वान्तिक बहस पैदा गरेको छ । कतिपयले यस निर्णयको स्वागत गरेका छन् भने, केहीले विरोध । आ–आफ्नो कोणबाट बहस र व्याख्या जारी छ । तर मुलुकको प्रमुख राजनीति पार्टी नेपाली काँग्रेस भने वाम गठबन्धन विरुद्व जोडदार रुपले खनिएको छ । उसले यो गठबन्धनलाई औचित्यहीन र व्यवस्थामा नै खतरा पैदा गर्ने घटनाको रुपमा चित्रित गर्ने भरमग्दुर प्रयास गरिरहेको छ । काँग्रेस निकट बुद्धिजीविहरुले वाम गठबन्धन र विषेश गरी एमाले अध्यक्ष केपी शर्मा ओली एवं माओवादी केन्द्र अध्यक्ष पुष्पकमल दाहाललाई खुइल्याउन ‘पोलिटिकल डिक्स्नेरी’मा फेला पर्ने र नयाँ थप्न मिल्ने ‘जार्गन’ शब्दहरुको खोजी कार्य जारी राखेका छन् ।

वाम गठबन्धनलाई विभिन्न कोणबाट लगाइएका ८ आरोपको जवाफ न्यूजसेवाले एमाले नेता रवीन्द्र अधिकारीबाट खोजेको छ । अधिकारीले यसरी गरेका छन् आरोपको 'काउन्टर अट्याक' :

आरोप १ :  वाम गठबन्धनले शान्ति प्रक्रियाका बाँकी कामलाई धरापमा पार्छ
अस्ति भर्खरै प्रधानमन्त्री शेरबहादुर देउवाले अब शान्तिप्रक्रिया सबै टुंगियो भन्नु भएको छ । आज बाधा पु-याउँछ भन्दै हुनुहुन्छ । हाम्रो गठबन्धनले शान्ति प्रक्रियालाई टुंग्याउन बाधा हैन कि, झन सहज बनाउँछ । किनभने शान्तिप्रक्रिया एउटा ‘कोर्ष’ हो । गठबन्धन छुट्टै विषय हो । हाम्रो व्यवस्थामा गठबन्धन बनेन भने स्थायी बहुमत कसैको पनि आउन सक्दैन । अव अस्थिरता र अन्यौलबाट मुलुक अगाडि जान सक्दैन । त्यसकारण यो बेकारको कुरा हो ।

आरोप २ : गठबन्धन सत्ता कब्जाको प्रयास हो, यसले अधिनायकवाद जन्माउँछ
काँग्रेस र माओवादी मिल्दा सत्ता कब्जा नहुने, अनि माओवादी र एमालेको गठबन्धन बन्दा सत्ता कब्जा हुने ? यस्ता गलत तर्क गरेर जनतालाई तर्साउने काम कहिल्यै नगर्नुहोस् । अब मुलुक शान्तिपूर्ण र लोकतान्त्रिक प्रक्रियाबाट अगाडि बढ्छ । यहाँ कसैको पनि सत्ता कब्जा चल्दैन । संविधानअनुसार शासन व्यवस्था अगाडि जान्छ ।

आरोप ३ : पार्टी एकता भयो भने प्रचण्ड बाहेक माओवादी केन्द्रका अन्य नेताको अस्तित्व धरापमा पर्छ
त्यस्तो भनेर उहाँहरुले तर्साउन खोजिरहनुभएको छ । यो गठबन्धन पछि सबैभन्दा बढि माओवादीका दोस्रो–तेस्रो पुस्ताका नेताहरुको भविष्य सुनिश्चित हुन्छ । यि सब हावादारी तर्क हुन । यो केवल अंगुर अमिलो छ भन्ने तर्क हो । एकतालाई मन नपराईरहेकाहरुले लगाएको आरोप मात्र हो ।

आरोप ४ : गठबन्धले खोजेको मुलुकको स्थायित्व चिनियाँ मोडल हो
अब नेपालको संविधानअनुसार चिनियाँ मोडलको स्थायित्व सभ्भव छ ? त्यसो भए त भारतमा वीजेपीले लगातार जितिरहेको छ । के त्यो चिनियाँ मोडलको स्थायित्व हो ? अमेरिका, ब्रिटेनमा स्थायित्व छ । त्यसलाई चिनियाँ मोडल भन्ने ? तर्क पनि ठिक ढंगले गर्नुहोस् न । तथ्यमा आधारित भएर गर्नुहोस् । भन्न पाएँ बोल्न पाएँ भन्दैमा जे पनि बोल्दा त्यसको विश्वसनीयता हुँदैन । गलत तर्क गरेर आफ्नो कद आँफै होचो नपार्नुहोस ।

आरोप ५ : मधेशी, जनजाती, आदिवासी विरोधी छ गठबन्धन
यो गबन्धनबाट अत्तालिएकाहरुको डर बोलिरहेको छ । यस्तै, संक्रमणकालबाट फाइदा लिइरहेकाहरु मुलुकको अधोगतिमा रमाइरहेकाहरुको आरोप हो । यो गठबन्धन त उत्पीडित, पछाडि परेका, जनजाति, मधेशी, थारु लगायतकालाई अधिकार सम्पन्न बनाउने पक्षमा छ । आरोप लगाउनेहरु परिवर्तनको विरोधमा छन् । हामी त्यसलाई बदल्न चाहन्छौं । फरक त्यसैमा छ ।

आरोप ६ : गठबन्धन बनाउन उत्तरको हात छ
यो गठबन्धनमा उत्तरको, दक्षिणको, संसारकै शुभेच्छा छ नि ! तर, बनाएको हामीले हो । राम्रो कुराको लागि त सबैको सद्भाव हुन्छ ।  संघीय लोकतान्त्रिक गणतन्त्रको संस्थागत विकास र स्थायित्वका लागि यो गठबन्धन आवश्यक थियो । स्थायित्व नहुँदा लोकतन्त्र बदनाम भइरहेको छ । ६/६ महिनामा सरकार परिवर्तन हुने, २५ बर्षमा २६ वटा सरकार बन्ने ! यसले जनतामा आक्रोश र निराशा पैदा गरेको छ । पार्टीहरुप्रति जनताको भरोसा टुट्दै गएको थियो । नेताहरु बद्नाम भए ।  विकृति र विसंगति रोक्न नसक्ने गरी बढ्ने खतरा पैदा हुँदै थियो । लोकतन्त्रलाई पारदर्शी, स्वच्छ बनाउन, प्रतिस्पर्धाबाट अगाडि जान, व्यवस्थाप्रतिको विश्वास र आड कायम राख्न हामी एक हुन खोजेको हो । यहाँ त जवाफदेही नै बन्न नखोज्ने अवस्था छ । मेरो सरकारले होइन अर्को सरकारले गरेको हो भन्दै पन्छिन खोज्ने प्रवृति छ । त्यसकारण हामी जवाफदेहितालाई बढाउन एकजुट भएका हौं ।

आरोप ७ : अप्रत्यासित निर्णय भयो
पहिलादेखि भइरहेका प्रयासहरु थाहा नपाउनेलाई मात्र अप्रत्यासित लागेको हो । माओवादीलाई शान्तिप्रक्रियामा ल्याउनका लागि कस्को भूमिका थियो ? एमालेको थियो । एमाले र माओवादीलाई छुटयाउनका लागि धेरै प्रयासहरु भए । तर, अहिले ‘रिअलाइजेशन’ भयो । लामो प्रयास र अभ्यास पछि यो एकता सम्भव भएको छ । थाहा नपाउनेलाई त एकै दिनमा देखेजस्तो भयो । संसारमा कुनै पनि घटना आकस्मिक हुँदैन ।

आरोप ८ : चुनावी एकता सम्भव होला तर पार्टी एकता सम्भव छैन
पर्खैर हेर्ने हो । हामी पार्टी एकताको पक्षमा छौं । हामी यो प्रक्रियालाई त्यहाँसम्म पु-याउन चाहन्छौ । माले र माक्र्सवादीलाई पनि त्यहि ठाउँबाट पु-याएको हो । र, आज त्यो ‘स्टेवल’ भएको छ । मलाई विश्वास छ हामी त्यहाँ पुग्छौं । त्यो त अभ्यासबाट देखिदै जाने कुरा हो ।

 


Ruslan

sponserworldcup

राजनीति

प्रशासकीय अदालतसम्बन्धी विधेयक पेश

३ असार काठमाडौँ । राष्ट्रियसभाको आजको बैठकमा कानून, न्याय तथा संसदीय व्यवस्थामन्त्री शेरबहादुर तामाङले ‘प्रशासकीय अदालतका सम्बन्धमा बनेको विधेयक, २०७५’ पेश गरेका छन् । विधेयक प्रस्तुत गर्दै उनले कर्मचारीका सरुवा, बढुवा र अवकाशका विषयमा प्रशासकीय अदालतले नै छिनोफानो गर्न सक्ने बनाउन विधेयक ल्याइएको बताए । यसअघि राष्ट्रियसभाको विशेष समयमा नरपति लोहार, जीतेन्द्रनारायण देव, विमला राई, कमल ओली, हरिचरण 

सरकार मधेशसँग अनुदार भएको आरोप

३ असार काठमाडौं । प्रतिनिधिसभाको आजको बैठकमा विनियोजन विधेयक २०७५ का विभिन्न शीर्षकमाथिको छलफल जारी छ ।  विनियोजन विधेयक, २०७५ अन्तर्गत महिला, बालबालिका तथा ज्येष्ठ नागरिक, संघीय मामिला तथा सामान्य प्रशासन, शहरी विकास र वन तथा वातावरण मन्त्रालयअन्तर्गतका विषयमा भएको छलफलमा भाग लिँदै सांसद दुर्गाबहादुर रावलले सरकार नीति, विधि र थितिअनुसार नचलेको आरोप लगाए । सांसद राजकिशोर यादवले सरकार 

​संविधान संशोधन नभएसम्म सरकारमा जाँदैनौं : महतो

२ असार, लहान । राष्ट्रिय जनता पार्टी नेपालका अध्यक्षमण्डलका सदस्य राजेन्द्र महतोले संविधान संशोधन नभएसम्म आफ्नो दल सरकारमा नजाने बताएका छन् । सिरहाको चोहर्वामा शनिबार आयोजित कार्यकर्ता भेटघाटमा महतोले संविधान संशोधन, नेता कार्यकर्तामाथि लगाइएको झुटो मुद्दा फिर्ता र रेशम चौधरीलाई शपथग्रहण नगराएसम्म सरकारमा नजाने कुनै सम्भावना नरहको बताएका हुन् ।

अन्तर्राष्ट्रिय

ग्वाटेमालामा फेरि अर्को ज्वालामुखी विस्फोट, मृत्युहुनेको संख्या ७५ नाघ्यो, १७ लाख मानिस प्रभाव

२३ जेठ काठमाडौ । ग्वाटेमालामा फेरि ज्वालामुखी विस्फोट हुन थालेपछि आपत्‌कालीन सेवाका अधिकारीहरूले वरपरका मानिसहरूलाई सुरक्षित स्थानमा सारिरहेका छन्। फोएगो नामक ज्वालामुखीबाट ताजा लाभा निस्केर दक्षिणतिर खसिरहेको छ। आइतवार ज्वालामुखी विस्फोट भएयता कम्तीमा ७२ जनाको ज्यान गएको छ भने अन्य कैयौँ

अमेरिकी विदेशमन्त्री मनुसीनमाथि जवाफी हमला, व्यापार युद्धका लागि तयार रहन चेतावनी

अमेरिकी विदेशमन्त्री स्टिभ मनुसीनले स्टील र एलुमिनियममा कर लगाउने आफ्नो सरकारको निर्णयलाई लिएर क्रुद्ध बनेका औद्योगिक राष्ट्रहरूको समूह जी सेभेनका अर्थमन्त्रीहरूबाट कडा आलोचनाको सामना गरेका छन्। जी सेभेनमा आबद्ध सात देशका अर्थमन्त्रीहरूको बैठक संयुक्त राज्य अमेरिकासँग व्यापार युद्ध रोक्न केही दिन मात्रै बाँकी रहेको चेतावनी दिँदै सकिएको थियो। क्यानडाको विस्लरमा भएको बैठकमा इयु र क्यानडाले प्रतिकार गर्ने चेतावनी दिए भने 

रूसी राष्ट्रपति पुटिनका कट्टर आलोचक खोज पत्रकारको हत्या

१६ जेठ काठमाडौ । रूसी राष्ट्रपति भ्लादिमिर पुटिनका कट्टर आलोचक रहेका एकजना चर्चित रुसी खोज पत्रकारको युक्रेनको राजधानी किएभमा गोली हानी हत्या गरिएको छ।प्रहरीको विज्ञप्तिमा आर्काडी बाब्चेन्कोलाई मंगलवार साँझ गोली हानिएको र त्यसको केहीबेरपछि नै उनको ज्यान गएको उल्लेख गरिएको छ। अहिलेसम्मका प्रमाणहरूले सुनियोजित हत्या भएको संकेत गरेका छन्। बाब्चेन्कोकी श्रीमतीले मंगलवार साँझ बाहिर गोली चलेको सुनिन्। 

विचार / ब्लग

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।

माइत जाने चेलीलाई ५ सय ८० शब्दको सुझाव

माइत भन्ने बित्तिकै हरेक महिलाको अनुहारमा रौनक आउँछ । माइतको मोह महिलाले जीवनभर भुल्दैनन् । पतिले घरमा जतिसुकै सुख दिएको होस्, माइतमा पाइने सुखका अगाडि ती सबै कम लाग्छन् । माइतबाट सानो बोलावट मात्रै आउनुपर्छ, जानका लागि तुरुन्त तयार नहुने को नै होला र ? माइत जानु नराम्रो होइन । तर, प्रायः के पनि देखिन्छ भने जुन खुसी र उत्साहले महिलाहरु माइत जान्छन्, त्यति नै खुसी लिएर भने फर्कदैनन् ।

अध्यक्ष पद नै एमाले–माओवादी एकताको बाधक ! ओली र दाहालको आ–आफ्नै रणनीति

निर्वाचनलगत्तै पार्टी एकीकरण गर्ने बताएका दुई नेताले एकता प्रयास ठोस रुपमा अघि नबढेको बेला यस्तो कुरा बताउँदा दुबै पार्टीको एकता चाहनेलाई हौसला मिलेको थियो । आशा जागेको थियो । तर, एतिका दिन बितिसक्दा पनि पार्टी एकताले गति लिन सकेको छैन । 
Top