रेमिटयान्स कम्पनीका दसैंतिहार उपहार : डबलको डबलदेखि हेलिकप्टरमा भ्रमणसम्म


Thursday, 3 Oct, 2019 4:13 PM
१६ असोज, काठमाडौं । ठूला चाडपर्व नजिकिँदै गर्दा विभिन्न रेमिटयान्स कम्पनीहरूले आकर्षक उपहार योजनासहितका अफर ल्याएका छन् ।यो उपहार योजना अन्तर्गत रेमिटयान्स पठाउने भाग्यशाली ग्राहकले डबलको डबलदेखि हेलिकप्टरमा भ्रमण गर्ने अवसरसम्म पाउने छन् । दसैंतिहार, छठलगायतका चाडपर्वमा विदेशिएका नेपालीले देशमा रहेका आफन्तलाई खर्च पठाउने भएकाले अन्य समयभन्दा बढी रेमिटयान्स भित्रिने गर्छ । त्यसै अवसरमा विदेशबाट रकम पठाउने र स्वदेशमा रकम बुझ्ने सर्वसाधारणलाई आकर्षित गर्नका लागि रेमिटयान्स कम्पनीहरूले विभिन्न उपहार योजना सञ्चालन गरेका हुन् ।

रेमिटयान्स सेवा प्रदायक कम्पनीहरूले चाडपर्वलाई लक्ष्य गरी रकम पठाउने र लिने ग्राहकहरूलाई आकर्षक उपहार योजना सञ्चालन गरिरहेका छन् । दसैं नजिक आइसकेकाले धेरैजसो रेमिटयान्स कम्पनीले दसैंतिहार लक्ष्य गरेर उपहार योजना ल्याइसकेका छन् ।

प्रभु मनि ट्रान्सफर, आइएमई, सिटी एक्सप्रेस मनि ट्रान्सफर, वेस्टन युनियन मनि ट्रान्सफरलगायतका रेमिटयान्स कम्पनीहरूले उपहार योजना सार्वजनिक गरिसकेका छन् । दसैंतिहारमा विदेशबाट रकम पठाउने मध्ये लक्की ड्रमा विजयी हुने ग्राहकले त्यस्तो उपहार प्राप्त गर्ने छन् ।  गत वर्ष पनि दसैं र तिहारलाई लक्ष्य गरी रेमिटेन्स कम्पनीले यस्तै उपहार योजना ल्याएका थिए ।

प्रभु मनि ट्रान्सफरले दसंै, तिहार तथा छठ पर्वको अवसरमा आफ्ना ग्राहकलाई लक्षित गरी ‘चाडपर्वको उमंग, रमाऔं प्रभुसँग’ भन्ने नयाँ योजना ल्याएको छ । उक्त योजनामा प्रभु मनि ट्रान्सफरबाट कारोबार गर्ने हरेक व्यक्ति यस योजनामा सामेल हुन सक्नेछन् ।

यस योजनामा एक जोडी भाग्यशाली बिजेताले प्रभु हेलिकप्टरमा कालिञ्चोक भ्रमण गर्ने अवसर पाउनेछन् । साथै, अन्यले विभिन्न उपहारहरूमा टिसर्ट, क्याप र प्रभु टिभी सेटटप बक्स पाउने छन् ।

आइएमईले दसैं तथा दीपावली लक्षित सेवाग्राहीमुखी योजना ‘यो दशैमा खुसीलाई डबलको डबलको डबल गरौं’ योजना ल्याएको छ। कात्तिक ३० सम्मका लागि उक्त योजना ल्याएको आइएमई ग्रुपका जनसम्पर्क अधिकृत राजु पौडेलले बताए ।

उक्त अवधिसम्म रेमिटयान्सको कारोबार गर्ने ग्राहकलाई हरेक दिन आइएमई पेमार्फत् पैसा पठाउने सेवाग्राहीलाई आइएमई पे वालेटमा डबल रिवार्ड प्वाइन्ट, हरेक हप्ता २ जना सेवाग्राहीलाई पठाएको रकमको डबल (दुई गुणा), हरेक महिना दुई जना भाग्यशाली सेवाग्राहीलाई पठाएको रकमको डबलको डबल (चौगुणा) तथा बम्परमा एक जना भाग्यशाली सेवाग्राहीलाई पठाएको रकमको डबलको डबलको डबल (आठगुणा) सम्म रकम पुरस्कार स्वरूप प्रदान गरिने भएको छ ।

अफर अवधिमा भाग्यशाली विजेता छनौटका लागि कम्पनीले निश्चित सेवा र सर्तहरू निर्धारण गरेको छ । सेवा र सर्तअनुसार भाग्यशाली विजेताको छनौट प्रविधिमा आधारित ‘लक्की ड्र’मार्फत गरिने भएको छ ।

यसैगरी, सिटी एक्सपे्रसले ‘लखपति एक्सप्रेस २०७६ न यति न उति सीधै लखपति’ योजना ल्याएको छ । कात्तिक ३० सम्मका लागि उक्त योजना ल्याएको सिटी एक्सप्रेसले बताएको छ । उक्त योजनामा सिटी एक्सप्रेसबाट रेमिटयान्सको कारोबार गर्ने ग्राहकलाई हरेक महिना लक्की ड्रमार्फत् एक जनालाई १ लाख दिइने भएको छ ।

यस्तै, कम्पनीका ग्राहकले दशैं योजनामा दैनिक १० जनाले २०० रुपैयाँ रिचार्ज, हरेक साता १ जनाले १० हजार रुपैयाँ दिने कम्पनीले जनाएको छ । उपहार योजनाको अन्त्यमा बम्पर उपहार १० लाख दिइने भएको छ ।

वेस्टर्न युनियन मनि ट्रान्सफरले आफ्नो माताहतमा रहेर रेमिटयान्सको कारोबार गर्ने ग्राहकहरुलाई दशैंमा डबल पैसा योजना ल्याएको छ । योजना अन्तर्गत आफ्ना ग्राहकहरुलाई कात्तिक ३१ गतेसम्म रेमिटयान्सको कारोबार गर्दा कारोबार रकमको दोब्बर पाउने छन् । पैसा डबल योजनामा रकमको सीमालाई भने ५० हजार रुपैयाँ गरिएको छ ।

उक्त मनि ट्रान्सफरमार्फत् २५ हजार रुपैयाँसम्म आएको रकमलाई कम्पनीले २५ हजार थप गरी ५० हजार रुपैयाँ दिनेछ । साथै २५ हजार रुपैयाँभन्दा माथिको रकममा भने डबल योजना नभइ निश्चित रकम थप गरी ग्राकलाई दिइने कम्पनीले जनाएको छ । उपहार योजनाको अन्त्यमा बम्पर उपहारमा लक्की ड्रमार्फत् १ जनालाई १० लाख रुपैयाँ दिइने बताइएको छ ।

हाल करिब ४० लाख नेपालीहरु अध्ययन, व्यवसाय र रोजगारको सिलसिलामा विदेशमा छन् । उनीहरुले आफूले कमाएको रकम रेमिटेन्स कम्पनीमार्फत नेपाल पठाउँदै आएका छन् । चाडवाडमा नेपालीको नयाँ लगाउने, मिठो खाने संस्कृति भएकाले चाडपर्वका लागि भन्दै विदेशमा रहेका आफन्तले पैसा पठाउने गरेको रेमिटयान्स कम्पनीका सञ्चालकहरु बताउँछन् ।  ‘कहिल्यै पैसा नपठाउने व्यक्तिहरु पनि यो सयमा परिवारलाई खर्च भन्दै पैसा पठाउने गर्छन,’ एक रेमिटेन्स कम्पनीका सञ्चालकले भने, ‘त्यसैले सामान्य समयको तुलनामा यसबेला रेमिटेन्स आप्रवाह बढी हुन्छ ।’

गत आर्थिक वर्ष ८ खर्ब ७९ अर्ब रेमिटयान्स नेपाल भित्रिएको थियो। जसमा करिव ८९ अर्ब रुपैयाँ असोज महिनामा मात्रै भित्रिएको थियो ।


global ime

runner bike

राजनीति

वाग्मती प्रदेशको भौतिक योजना मन्त्री बन्दै रामेश्वर फुयाँल

९ माघ, काठमाडौं । सत्तारूढ नेपाल कम्युनिस्ट पार्टी (नेकपा) का नेता रामेश्वर फुयाँल वाग्मती प्रदेशको भौतिक योजना तथा विकासमन्त्री बन्ने भएका छन् ।  गत कात्तिक १६ गते मुख्यमन्त्री डोरमणि पौडेलले केशव स्थापितलाई बर्खास्त गरेपछि प्रदेशको भौतिक योजना तथा विकास मन्त्रालय मन्त्रीविहीन थियो । १५ महिनादेखि रिक्त मन्त्रालयमा प्रदेशका मुख्य सचेतक रहेका फुयाँललाई प्रस्ताव गरिएको नेकपा स्रोतले जानकारी दियो । यद्यपि फुयाँलले यसबारे कुनै जानकारी नभएको प्रतिक्रिया दिए । ‘पार्टीमा कुराकानी चलेको होला । तर मलाई कसैले केही भनेको छैन,’ उनले भने ।

​राष्ट्रियसभा निर्वाचन : १८ सदस्यका लागि मतदान हुँदै

९ माघ काठमाडौ । राष्ट्रियसभा सदस्यको निर्वाचन मुलुकका सातै प्रदेशमा बिहीबार बिहानदेखि हुँदैछ । कुल १८ पदका लागि बिहान १० देखि अपराह्न ४ बजेसम्म हुने मतदानका लागि मतदान अधिकृत र सुरक्षाकर्मीसहितको टोली मतदानस्थलमा पुगेर मतदान केन्द्रसमेत निर्माण गरिसकेको प्रमुख निर्वाचन आयुक्त दिनेशकुमार थपलियाले जानकारी दिए ।निर्वाचन आयोगका अनुसार मतदान हुने जिल्ला सदरमुकाममा प्रदेशसभा सदस्य तथा नगरपालिकाका प्रमुख र उपप्रमुख तथा

गोकर्ण रिसोर्ट अगाडि नेविसंघको विरोध प्रदर्शन

८ माघ, काठमाडौं । प्रमुख प्रतिपक्ष नेपाली कांग्रेसको भातृसंगठन नेपाल विद्यार्थी संघको एउटा समूहले काठमाडौंको गोकर्ण रिसोर्ट अगाडि बुधबार प्रदर्शन गरेको छ ।  प्रधानमन्त्री केपी शर्मा ओलीनिकट यति होल्डिङ्सलाई गोकर्ण रिसोर्ट कौडीको मूल्यमा दिएको भन्दै नेविसंघले प्रदर्शन गरेको छ ।  नेपाल ट्रष्टको नाममा रहेको उक्त जग्गा सम्झौता अवधि सकिन ६ वर्ष बाँकी रहँदै यती होल्डिङ्सलाई थप २५ वर्षका लागि दिइएको भन्दै चर्को आलोचना भइरहेको छ ।  यस्तोमा नेविसंघका विद्यार्थीहरु प्रदर्शनका लागि गोकर्ण रिसोर्ट अगाडि पुगेका नेता नवराज त्रिपाठीले जानकारी दिए । 

अन्तर्राष्ट्रिय

अमेरिकाको सियाटलमा अन्धाधुन्ध गोली प्रहार गरी आक्रमणकारी फरार

९ माघ, काठमाडौं । अमेरिकाको सियाटलमा बन्दुकधारीले अन्धाधुन्ध गोली चलाउँदा एकजनाको ज्यान गएको छ । सियातलको व्यस्त क्षेत्रमा स्थानीय समय अनुसार बुधबार बेलुका बन्दुकधारीले गोली चलाएका हुन् । गोली लगाएर सातजना गम्भीर घाइते भएका छन् । घाइते मध्ये एकजना बालक रहेको स्थानीय अधिकारीले बताएका छन् । आक्रमणकारी घटनास्थलबाट भागेको प्रहरीले बताएको छ । आक्रमणको कारण अहिलेसम्म खुलेको छैन । एक महिलाको घटनास्थलमै मृत्यु भएको र घाइतेहरुको स्थानीय अस्पतालमा उपचार भइरहेको स्थानीय अधिकारीले बताएका छन् ।

कोरोनाभाइरस : चीनको वुहान नगरमा सार्वजनिक यातायात सेवा बन्द

९ माघ, काठमाडौं । श्वाप्रश्वास सम्बन्धी नयाँ स्वास्थ्य समस्या उत्पन्न गराउने भाइरसको सङ्क्रमण थप फैलिन नदिन चिनियाँ अधिकारीहरूले वुहान सहरका सबै सार्वजनिक यातायात तथा उडानहरू स्थगित गर्ने निर्णय गरेको छन्। कोरोनाभाइरसको सङ्क्रमणबाट चिनियाँ सहर वुहानबाट अन्यत्र फैलिइसकेको छ । पाँच सयभन्दा बढी मानिसहरू प्रभावित भइसकेका छन् भने कैयौँको ज्यान गइसकेको छ । कोरोनाभाइरसको पछिल्लो संक्रमण चीनको वुहान सहरको एक बजारमा जनावरबाट सुरु भएको अधिकारीहरूको भनाइ छ । अहिले चिनियाँ अधिकारीहरूले वुहान सहरका दशौँ लाख बासिन्दालाई जरुरी काम नभई शहर नछोड्न निर्देशन दिएका छन् ।

आगो निभाउने क्रममा अस्ट्रेलियामा अमेरिकी एयरक्राफ्ट दुर्घटना

९ माघ, काठमाडौं । अस्ट्रेलियामा आगो निभाउने क्रममा अमेरिकी विमान दुर्घटनामा पर्दा केही अमेरिकी नागरिकको मृत्यु भएको अधिकारीहरूले पुष्टि गरेका छन् ।  ठूलो एयर ट्यांकर र क्रुहरू दक्षिणी न्यु साउथ वेल्समा बिहीबार स्थानीय समयअनुसार १ बजेर ३० मिनेटमा हराएको जनाइएको थियो । दुर्घटनाको कारण खुलेको छैन । न्यु साउथ वेल्सका प्रधानमन्त्री ग्याडिज बेरेजिक्लियनले सो विमान हिउँ परेको पर्वत क्षेत्रमा क्यानबेराबाट दुई घण्टाको दूरीमा दुर्घटनामा परेको जनाएका छन् । तीन क्रु मेम्बरको पहिचान नखुलेको र तर उनीहरू अमेरिकी नागरिक भएको जनाइएको छ । 

विचार / ब्लग

सी चिनफिङ भन्छन् -हिमालय वारिपारिको मैत्रीलाई नयाँ उचाइमा पुर्याऔँ

सी चिनफिङ
राष्ट्रपति श्रीमती विद्यादेवी भण्डारीको निमन्त्रणामा म छिटै चीनको मैत्रीपूर्ण छिमेकी देश नेपालको राजकीय भ्रमण गर्दैछु । मैले नेपालको भ्रमण गर्न लागेको यो पहिलोपटक हो, तथापि मलाई नेपाल अपरिचित भने लाग्दैन । नेपालमा शानदार पहाड र नदीहरू छन्, विशिष्ट संस्कृति पनि छ । त्यसैले म नेपालको भ्रमण गर्न धेरै पहिलेदेखि लालायित थिएँ । मैले चीनको भ्रमण गर्नुभएका धेरै नेपाली नेताहरूसँग धेरैपटक भेटवार्ता गरेको छु र उहाँहरूसँग गहिरो मित्रता पनि गाँसेको छु ।

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 
Top