syangyong
nlic

​वामदेव गौतमलाई गौतमकै चुनौती : उनीसँग दम्भमात्रै छ, मसँग जनता छन्


Wednesday, 15 Nov, 2017 2:33 PM
बर्दिया क्षेत्र नं. १ को चुनावी भिडन्त कम रोचक छैन । भावी प्रधानमन्त्रीको रुपमा चर्चा गरिएका एमाले उपाध्यक्ष वामदेव गौतम मैदानमा रहेकाले पनि चर्चा बढी नै भयो । अझ उनको प्रतिश्पर्धामा काँग्रेसले वहालवाला सिंचाइमन्त्री संजय गौतमलाई उम्मेदवार बनाएपछि टक्कर रोचक हुने भएको हो । दोस्रो संविधानसभामा बर्दिया र प्यूठानबाट निर्वाचित भएका वामदेवले उपनिर्वाचनमा प्युठान रोजेका थिए । तर, यसपटक फेरि बर्दिया नै झरे । तीनवटा निर्वाचन क्षेत्र रहेको बर्दियामा अहिले २ वटामात्रै निर्वाचन क्षेत्र छन् । यसअघि वामदेव १ र संजय गौतम २ बाट विजयी भएका थिए । अहिले दुवै गौतमको विजयी क्षेत्र १ नम्बर मा परेको छ । दुवैको आधार क्षेत्र एउटैमा मिसिएपछि प्रतिस्पर्धा झन् कडा हुने पक्का छ । वामदेव बर्दियामा लोकप्रीय छन् । उनी बर्दियाबाट ३ पटक निर्वाचित भइसकेका छन् । उता संजयको लोकप्रियता पनि कम छैन । जिल्ला राजनीतिमा लामो समय बिताएका संजयको व्यक्तिगत सम्पर्क र पकड मजबुत छ । जनतासँग सहज पहुँचमा रहने संजयसँग सरल नेताको परिचय छ । भावी प्रधानमन्त्रीको दौडमा रहेका वामदेवलाई टक्कर दिइरहेका संजयसँग न्यूजसेवाले चुनावी  अभियानवारे केही प्रश्न गरेको छ : 
–बर्दिया क्षेत्र नं. १ मा काँग्रेसको तर्फबाट प्रतिनिधिसभा सदस्य उम्मेदवार संजय गौतम
 
चुनावी प्रचार अभियान कसरी अगाडि बढाइराख्नु भएको छ ?
चुनावी प्रचार अभियान एकदमै राम्रोसँग अगाडि बढिरहेको छ । साथीहरु निकै उत्साहित देखिनुभएको छ । अहिलेको परिस्थितीमा मेरो उमेद्वारीले बर्दियावासीमा उर्जा दिएको छ । नेपाली काँग्रेसमा अभूतपूर्व एकता पनि देखिएको छ । लोकतान्त्रिक गठवन्धनका साथीहरुले मलाई सहयोग गर्नु भएको छ । चुनावी अभियान विजयी दिशामा अगाडि बढेको छ । 

घर–दैलोलाई प्राथमिकता दिनु भएको छ कि आमसभालाई ?
घरदैलो त संभव देखिदैन । तर, पनि म अधिकांश गाउँबस्ती, वडा र साथीहरुको बिचमा पुग्ने प्रयास गरिरहेको छु ।     

कस्ता विषयलाई चुनावी एजेण्डा बनाउनु भएको छ ?
पहिलो पटक संविधानसभाको सदस्यको रुपमा निर्वाचनमा म उम्मेदवार हुँदा जनतालाई  संविधान र समृद्विको बाचा गरेकोे थिएँ । अहिले मैले आम बर्दियाली साथीहरुलाई तिनै कुराहरुको पुनःस्मरण गराइरहेको छु । हामीले जितेर गयौं भने संविधान दिन्छौ भनेका थियौं । संविधान निर्माण गर्न सफल भयौं । तत्कालिन प्रधानमन्त्री सुशील कोइरालाको नेतृत्वमा बनेको काँग्रेसको सरकारले संविधान निर्माण ग-यो ।  आधा यात्रा पुरा ग-यौं । संविधान निर्माणको प्रक्रियामा हामीले खेल्नु पर्ने भूमिका सफलतापूर्वक बहन ग-यौं । त्यसपछि हाम्रो यात्रा समृद्विको लागि लक्षित थियो । हामीले संविधानको कार्यान्वयन सँगसँगै विकास निर्माण र यहाँका आवश्यकताहरुलाई संवोधन गर्नुपर्छ । गर्वका साथ भन्न सक्छु पछिल्लो कालखण्डमा मुलुकभरका विकसित केही निर्वाचन क्षेत्रलाई हेर्ने हो भने बर्दियाको मेरो निर्वाचन क्षेत्र पनि अग्रपंक्तिमा आउँछ  । मैले यहाँको विकास निर्माण, आवश्यकता र परिस्थितीलाई बुझेर अगाडि बढाएको छु । त्यसले आफ्नो गति लिएको छ । बर्दियाली जनता मसँग खुसी छन् । बर्दियाली जनताले मसँग आशा गरेका छन् । एउटा नयाँ संभावना देखेका छन् । उनीहरुले सोचे अनुसारले काम गरेकाले मैले फेरि एकपटक अवसर देउ भनेको छु । 

मतदाताले तपाईलाई सबैभन्दा धेरै सोध्ने प्रश्न र गुनासो के हो ?
जसलाई जिताएर पठायो उ फर्केर नआउने भन्ने नै यो क्षेत्रका जनताको मुख्य गुनासो छ । यहाँका पहिलाका जनप्रतिनिधिको चरित्र जनताले बुझिसकेका छन् । त्यसैले म अघिल्लो पटक विजय हुँदा जनतासँग सँधै जोडिएर बसेँ । फेरि पनि म उम्मेदवार बनेर आउँदा उनीहरुमा आशा जागृत गरेको छ । मैले जस्तो खालको भूमिका निर्वाहा गरेँ, जे प्रतिवद्वता गरेको थिएँ, त्यो पुरा गरेको छु । अहिले मसँग जनताको कुनै गुनासो छैन । मानिसहरुको मानवीय स्वभावअनुसार मबाट पनि केही भुलचुक भएको हुन सक्छ । तर, समग्र रुपमा हेर्दा मैले हरेक ठाउँबाट माया र सद्भाव नै पाएको छु । 

चुनावी घोषणापत्रबारे मतदाताहरुले कुनै जिज्ञासा राख्छन् ?
हिजो हामीहरुले बैचारिक यात्रा गथ्र्यौं । बैचारिक संवाद र छलफल गथ्र्यौं । अब नेपाली जनताले वास्तवमा समुन्नती, रोजगारी खोजेका छन् । हाम्रा युवाहरु जो कामको लागि बाहिर जान्छन्, उनीहरु कसरी हुन्छ यहीँ हुन्छ उद्योगधन्दा, कलकारखाना, बाटोघाटो होस् भन्ने चाहन्छन् ।  हामीले लेखेका कुराहरु, घोषणापत्रमा त्यति ठूलो चासो मैले पाईनँ । 

मतदाताको पहिलो रोजाई पार्टी हुँदो रहेछ कि उम्मेदवार ?
अहिले अलिकति केही परिवर्तन भएको छ । बीचमिा हामीले बैचारिक रुपले काम ग¥यौं । पार्टी पद्धतिले प्राथमिकता पाएको थियो । अहिले पार्टी मात्रै मान्छेले हेरेको छैन । व्यक्ति पनि हेर्न खोजिरहेको छ । भएका पार्टीहरुमा पनि राम्रो व्यक्तिले जितिदिए हुन्थ्यो भन्ने मतदाताहरुको चाहना छ । पार्टीगत नाममा मात्रै मतदान गर्न नपरे हुन्थ्यो भन्ने मनोविज्ञान विकसित भएजस्तो लाग्छ । 

मत माग्न जाँदा अन्य प्रतिस्पर्धीको आलोचनामा कत्तिको समय खर्चनुहुन्छ ?
मैले धेरै जोड आफ्नै कुरा राख्नमा दिन्छु । मेरो उमेद्वारी यसकारणले तपाईहरुलाई उचित छ र योग्य छु भनेर मतदातालाई सम्झाउँछु । प्रतिपक्षी र प्रतिस्पर्धीेबाट लागेको आरोप खण्डन गर्ने क्रममा मैले केही भन्नुपर्ने हुन्छ ।  होइन भने म अरुको आलोचनामा समय खर्चने मान्छे होइन । मेरो त्यस्तो स्वभाव पनि छैन । 

अन्य उम्मेदवारहरुको चुनावीशैली कस्तो पाउनु भएको छ । 
मसँग प्रतिस्पर्धामा रहनु भएका आदरणीय वामदेवले जुन स्तरबाट चुनावी प्रचार गरिरहुनु भएको छ, त्यति स्वस्थ्य र सकारात्मक छैन । तर, त्यसलाई मैले पर्वाह पनि गरेको छैन । म संस्कार र संस्कृती बोकेको मान्छे, राजनीतिक ढंगले नै प्रतिवाद गरेको छु । मलाई त्यो उच्छृङ्खलता र अराजकता मन पनि पर्दैन । मैले आफ्नो कुराहरु सभ्य ढंगले नै प्रस्तुत् गरेको छु । 

कुन तप्का र वर्गका मतदाताबाट यहाँले बढी आशा गर्नु भएको छ ?
मसँग सबै बर्गका मान्छेहरु छन् । मुक्त कमैया, सुकुम्बासी, दलित जनजातिका मान्छेहरुले पनि मलाई सहयोग गरिरहेका छन् । मध्यम वर्गीय मतदाताको पनि उत्तिकै साथ र सहयोग छ । अझ विशेष गरेर युवाहरु मेरो पक्षमा देखिनु हुन्छ । महिला दिदीबहिनीहरुको सद्भाव र समर्थन उल्लेखनीय पाएको छु । मैले मेरो क्षेत्रमा जुन लहर आएको देख्छु, आत्मविश्वासलाई अझै उचो बनाएको छ । 

मुख्य प्रतिस्पर्धी कसलाई ठान्नु भएको छ ?
मेरो प्रतिस्पर्धा बामदेव जीसँगै हो । उहाँ एमालेका शीर्ष नेता मध्येकै हुनुहुन्छ । अब आफूलाई भावी प्रधानमन्त्रीको रुपमा प्रस्तुत गर्दै हुनुहुन्छ । विभिन्न कालखण्डमा २२–२४ वर्षदेखि सत्तामा हुनुहुन्छ । ठूलो पदमा हुनुहुन्छ । उहाँमा एक खालको दम्भ पनि छ । म त भर्खर न हो । एक पटक चुनाव जितें । सकारात्मक भूमिका खेले । मैले काँग्रेस जिल्ला सभापतिको रुपमा काम गरें । जनआन्दोलनमा नेतृत्वदायी भूमिका निर्वाह गरें । चाहे द्वन्द्वको बेला होस् या दुःखको बेला, सधैँ जनतासँग नै जाडिएँ । मलाई यहाँको ‘ग्रासरुट’का मान्छेहरुले माया गर्छन् भन्ने आत्मविश्वास छ । 

तपाईंको जितको आधार के हो ?
म यहिँ जन्मिए, हुर्कें, बढेँ, यहीँको माटोमा खेलेँ । राजनीतिक यात्रा यहीँबाट सुरु गरें । यहाँका हरेक समस्या र सम्भावनासँग परिचित छु । बर्दियाको समग्र विकासमा मेरो भूमिका छ । बाटोघाटो निर्माण, कर्णाली र बबई नदी नियन्त्रण, बबई सिंचाई आयोजनाको व्यवस्थापन, दैनिक जीवनसँग जोडिएका तमाम पाटोमा म जनताकै बीचमा छु । संविधान निर्माणमा पनि यादगार योगदान गरें । आम बर्दियाबासीले यो बिचमा मैले निर्वाहा गरेका हरेक क्रियाकलापको मुल्यांकन गरेका छन् ।  त्यसैले म बर्दियाली जनताको माझमा, मन–मुटुमा छु । यसपाली उहाँहरुको प्रतिनिधिपात्र मै हो । उहाँहरुले मलाई नै विजयी गराउनुहुन्छ भन्नेमा ढुक्क छु । 

 


Ruslan

machha bank

ime

samajik surachhya

राजनीति

युवाको जीवन धरापमा राख्ने अवस्थाले अब निरन्तरता पाउँदैनः श्रममन्त्री विष्ट

३ पुस, काठमाडौं । श्रम, रोजगार तथा सामाजिक सुरक्षामन्त्री गोकर्ण विष्टले वैदेशिक रोजगारीमा रहेका लाखौँ युवाको जीवन ‘धराप’मा राख्ने अवस्थाले अब निरन्तरता नपाउने बताएका छन् । अन्तर्राष्ट्रिय आप्रवासन दिवस २०१८ का अवसरमा आज वैदेशिक रोजगार प्रवर्द्धन बोर्डको सचिवालयले आयोजना गरेको ‘वैदेशिक रोजगारीः अबको बाटो’ विषयक अन्तक्र्रिया कार्यक्रममा उनले भने, ‘अझै पनि वैदेशिक रोजगारीका क्षेत्रमा विकृति, विसङ्गति र अपारदर्शीता छन्, अब यस्तो 

नेकपाः राजनीतिक प्रतिवेदनमा छलफल

३ पुस, काठमाडौं । नेपाल कम्युनिष्ट पार्टी (नेकपा) स्थायी कमिटीको तेस्रो बैठकमा आज पनि राजनीतिक प्रतिवेदनमथिको छलफल भएको छ । पार्टी केन्द्रीय कार्यालयमा धूम्रबाराहीमा भएको बैठकमा केशवप्रसाद बडाल, टोपबहादुर रायमाझी, भीमबहादुर रावल, योगेश भट्टराई, शङ्कर पोखरेल, सत्यनारायण मण्डल, सोमनाथ प्यासी र पृथ्वीसुब्बा गुरुङले राजनीतिक प्रतिवेदनका सम्बन्धमा आआफ्नो विचार व्यक्त गरे । सोमबारको बैठकमा १० सदस्यले धारणा राख्दै सरकार र 

संसदीय दलको नेतामा मुख्यमन्त्री शाही

३ पुस, काठमाडौं । नेपाल कम्युनिष्ट पार्टी (नेकपा) कर्णाली प्रदेश संसदीय दलको नेतामा कर्णाली प्रदेश सरकारका मुख्यमन्त्री महेन्द्रबहादुर शाही चयन भएका छन् । सोमबार प्रदेश राजधानी सुर्खेतमा बसेको नेकपा संसदीय दलको बैठकबाट मुख्यमन्त्री शाही संसदीय दलको नेतामा सर्वसम्मत चयन भएका हुन् । नेकपा कर्णाली प्रदेश सह इञ्चार्ज तथा प्रदेशसभा सदस्य यामलाल कँडेल, अध्यक्ष गोरखबहादुर बोगटी र सचिव मायाप्रसाद आचार्यसहित बसेको बैठकले शाहीलाई 

अन्तर्राष्ट्रिय

तालिबानसँग वार्ता गर्न अफगान टोली युएई पुग्यो

३ पुस, काठमाडौं । अफगानिस्तानमा युद्धरत तालिबानसँग शान्तिवार्ता गर्न अफगान शान्ति मध्यस्थकर्ता टोली युएईको अबुधाबी पुगेको एक सरकारी अधिकारीले बताएका छन् । करिब १७ वर्षदेखि जारी सशस्त्र द्वन्द्वको शान्तिपूर्ण समाधानका लागि अमेरिकी र तालिबान प्रतिनिधिहरुबीच सोमबार पनि वार्ता भएको छ । प्रमुख मध्यस्थकर्ता अब्दुल सलाम राहिमीको नेतृत्वमा रहेको टोली तालिबानसँग वार्ता गर्न अबुधाबी आइपुगेको र दुई पक्षबीच धेरै समयपछि आमनेसामने वार्ता हुन लागेको 

चीनको विकासको मार्गलाई कसैले होच्याउन सक्दैन– चिनीया राष्ट्रपति

३ पुस, बेइजिङ । चिनीया राष्ट्रपति सी जिनपिङले चीनको आर्थिक विकासको मार्गका बारेमा कुनैपनि मुलुकले हस्तक्षेप गर्न नसक्ने बताएका छन् । 
चिनीया कम्युनिष्ट पार्टीले अबलम्बन गरेको ऐतिहासिक ‘सुधार एवं खुला नीति’को ४०औं वर्षका अवसरमा बेइजिङमा आयोजित विशेष समारोहमा सम्बोधन गर्दै राष्ट्रपति सीले चीनको विकास र प्रगति त्यही नीतिका आधारमा निरन्तर अगाडि बढेको र त्यसलाई छाड्न नसकिने बताए । चिनीया ग्रेट हल अफ द पिपुलमा आयोजित भव्य समारोहमा 

मेक्सिको सीमामा अमेरिकी सैनिक कटौती

३ पुस, वासिङ्टन । संयुक्तराज्य अमेरिकाले मेक्सिको सीमामा तैनाथ अमेरिकी सेनाको संख्या कटौती गरेको छ । अमेरिका प्रवेश गर्न चाहने आप्रवासीको ठूलो जत्थालाई सीमामै रोक्ने उद्देश्यले यसअघि करिब ६ हजार सेना तैनाथ गरिएकामा त्यसमा कटौती गरी हाल करिब तीन हजारमा सीमित गरिएको अमेरिकी रक्षा मन्त्रालयले जनाएको छ । मध्ये अमेरिकी देशहरु खासगरी होन्डुरसबाट ठूलो संख्यामा आप्रवासीहरु अमेरिका प्रवेशका लागि अघि बढेको भन्दै भन्सार तथा सीमा 

विचार / ब्लग

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।
Top