esewa

सत्ता छाड्नु पहिले ओली र दाहाल फुटाउन चाहान्छन् कोइराला


Thursday, 1 Oct, 2015 11:23 AM
कुमार भण्डारी १४, असोज काठमाडौं । 
प्रधानमन्त्री सुशील कोइरालाको सत्तामोहका कारण संविधानसभाको दुई तिहाईबढी बहुमतबाट पारित नेपालको संविधान कार्यान्वयनमा चुनौति देखिएको छ । जारी संविधानलाई असफल बनाएर भएपनि प्रधानमन्त्री कोइराला आफु प्रधानमन्त्री पदबाट राजिनामा दिनेबित्तिकै पुन प्रधानमन्त्री बन्ने दाउमा लागेका छन् । 

उनले यसको लागि बनमन्त्री महेश आचार्यलाई अघि सारेका छन् । स्वच्छ छबिका प्रधानमन्त्री कोइरालाका अधिकांस भ्रष्ट मन्त्रीलाई संविधानसभाबाट संविधान बनाउनु भन्दा पनि सत्ताको आयु लम्ब्याउने चाहाना बढेपछि प्रधानमन्त्री कोइराला पनि पुन सत्तामा टिकिरहने दाउमा लागेका छन् । बनमन्त्री आचार्यको डिजाइनमा कोइरालाले संविधानको घोषणासँगै आफुले भने बमोजिम पदबाट राजिनामा दिने र पुन प्रधानमन्त्री बन्ने दाउ खोजेका छन् । उनलाई मन्त्री आचार्यसहित सहयोगीहरुले मधेशबादी दलको  साथ र सहयोगमा एमालेलाई एक्ल्याउने र सरकार बनाउन सुझाव दिएका छन् । 

मधेशबादी दलहरुलाई सत्तामा नल्याएसम्म जारी भएको संविधान कार्यान्वयन नहुने, मधेशको आन्दोलन नसेलाउने र नाकाबन्दी लम्बिएर जनताले दुख पाउने भन्दै एमालेलाई सत्ता कुनैं पनि हालतमा नदिने रणनीतिमा पुगेका हुन् । कोइरालाको यस्तो रणनीतिलाई कोइराला परिवारका सदस्य बीपी पुत्र डा. शसांकले साथ थिएका छन् । संविधानसभाबाट सविधान जारी भएकोले अब दोश्रो ठूलो दल एमालेलाई सत्ताको नेतृत्व दिनु भन्दा प्रमुख प्रतिपक्षमा राख्नु पर्ने सुझाव डा. शसांकले दिएका छन् । ब्यबस्थापिका संसदमा पहिलो र दोस्रो ठूलो दल मिलेर करिब दुई बर्ष सत्तामा सहकार्य गरेर तेस्रो दल एमाओवादीलाई प्रमुख प्रतिपक्षीमा राखिएको भन्दै उनले अब एमाओवादी सत्तामा आउने भएपछि दोस्रो दल एमालेलाई सत्ताको नेतृत्व दिन नहुने अडान राखेका छन् । 

तीन बर्षपछि हुने संसदीय निर्वाचन, दुई बर्षमा हुने प्रदेशको निर्वाचन र एक बर्षभित्र हुने स्थानिय निकायको निर्वाचनमा एमालेसँग नैं प्रतिष्पर्धी गर्नुपर्ने भएकोले सत्ताको सहकार्य गर्न नहुने पक्षमा कोइराला पुगेका छन् । कोइरालाको यस्तो रणनीतिलाई अर्थमन्त्री डा. रामशरण महत, कानुनमन्त्री नरहरि आचार्य र निर्माण तथा यातायात मन्त्री बिमलेन्द्र निधिले साथ र समर्थन गरेको बालुवाटार स्रोतले जनाएको छ । मधेशको समस्या समाधानको लागि पार्टी बरिष्ठ नेता शेरबहादुर देउवा, उपसभापति रामचन्द्र पौडेल, महामन्त्रीद्धय प्रकाशमान सिंह र कृष्णप्रसाद सिटौला र सहमहामन्त्री पूर्णबहादुर खड्कालाई थाहै नदिई कोइरालाले अमेरिकास्थित संयुक्त राष्ट्रसंघको महासभामा भाग लिने कार्यक्रमलाई एक्कासी रद्ध  गरका थिए । 

उनको भ्रमण रद्ध गराउन मन्त्रीपरिषद्मा रहेका कांग्रेसकै मन्त्रीहरुको दबाब परेको थियो । उनीहरुले अमेरिका प्रस्थान गरे मधेशमा आन्दोलन चर्कने र मधेशबादी दल तर्कने भन्दै नजान दबाब दिएका थिए । उनीहरुले एमालेसँग राजनीतिक समिकरण गर्दै सत्ता समिकरणको योजनामा रहेको एमाओवादीलाई आफुकहाँ तान्न समेत यस्तो रणनीति अपनाएको बुझिएको छ । सोही प्रयोजनका लागि मन्त्री महेश आचार्यलाई कोइरालाले मधेशबादी दलसग बार्ता गर्ने कार्यदलमा राखेका छन् । 

मन्त्री आचार्य मन्त्रीपरिषद् र पार्टीमा कनिष्ठ मानिन्छन् । उनले मधेशमा आन्दोलनरत मधेशबादी दलहरु र एमाओवादीलाई मनाएर कांग्रेस नेतृत्वमै सरकार बनाउन प्रयास गरिरहेका छन् । कोइरालाको नेतृत्वमा पुन सरकार बनाउने बिकल्प असफल भए उनीहरुले कांग्रेसकै रामचन्द्र पौडेललाई प्रधानमन्त्री बनाउन दोस्रो बिकल्पको रुपमा अघि सारेका छन् । केही नलागे एमाले अध्यक्ष ओलीको सट्टामा नेता माधवकुमार नेपाललाई वा एमाओवादी अध्यक्ष पुष्पकमल दाहाललाई प्रधानमन्त्रीको रुपमा अघि सार्ने भएका छन् । एमाले अध्यक्ष ओलीलाई मित्र राष्ट्र भारतले समेत सकारात्मक रुपमा नहेरेका कारण बिकल्पको रुपमा अन्य नेतालाई प्रधानमन्त्रीको रुपमा अघि सार्न लागिएको बालुवाटार स्रोतले जनायो । 

प्रधानमन्त्री कोइरालाले आफु पुन प्रधानमन्त्री बन्न नपाए राष्ट्रपति पद नछाड्ने योजना बनाएका छन् । तर उनलाई त्यति सजिलै राष्ट्रपति दिने पक्षमा एमाले र एमाओवादी दल रहेका छैनन् । उनीहरुले एमाले र एमाओवादीबीचको सत्ता समिकरण र राजनीतिक समिकरणलाई सफल हुन नदिने कोइरालाको रणनीतिलाई असफल बनाउने बताई सकेका छन् । कांग्रेस सभापति कोइरालाको यस्तो षडयन्त्रलाई चिर्नकै लागि एमाओवादी अध्यक्ष पुष्पकमल दाहालले मधेशबादी दल र एमालेको सहयोगमा कांग्रेसलाई सत्ताबाट हटाएर नयाँ राजनीतिक समिकरणको तयारी समेत गरेका छन् । उनले कांग्रेस सभापति कोइरालले धोका दिन खोजेमा कांग्रेसलाई नैं सत्ता समिकरणबाट बाहिर पु¥याउने रणनीति बनाएका छन् । 

कोइरालालाई राष्ट्रसंघको  महासभामा भाग लिन जान कांग्रेसका पदाधिकारी, एमाले र एमाओवादीका शीर्ष नेताले अनुमति दिएको थिए । महासभामा भाग लिएर नेपालले शान्ति प्रकृयालाई तार्किक निष्कर्षमा पु¥याउँदै गणतन्त्रलाई संस्थागत गर्ने गरी संविधानसभाबाट संविधान जारी भएको सन्देश अन्तराष्ट्रिय समुदायलाई पु¥याउन पनि प्रधानमन्त्री कोइरालालाई सुझाव दिएका थिए । तर कोइराला परिवारका सदस्य र मन्त्रीत्रय महेश आचार्य, नरहरि आचार्य र डा. रामशरण महतको सुझाव र सल्लाह बमोजिम अमेरिका भ्रमण नैं रद्ध गरेका थिए । 

तर, तिनै मन्त्रीहरुले भारतीय प्रधानमन्त्री नरेन्द्र मोदीसँग अमेरिकामा दुई पक्षिय वार्ता हुने सम्भावना नरहेकोले अमेरिका नजात दबाब दिएका थिए । कांग्रेस पदाधिकारीलाई थाहै नदिई कोइरालाले शुक्रबार बस्ने ब्यबस्थापिका संसदको हिउँदे अधिबेसनमा मधेशबादी दलका नेताहरुको मागलाई संवोधन गर्न संविधान शसोधनको प्रस्ताव ल्याउने भन्दै मधेशबादी दललाई हावादारी सन्देश दिएका छन् । 

संघिय संसदको राष्ट्रिय सभा वा प्रतिनिधिसभामध्ये कुनैं एक सदनमा संविधान संशोधनको बिधेयक प्रस्तुत गरेपछि मात्र संविधान शसोधनको प्रक्रिया अघि बढ्छ । तर ब्यबस्थापिका संसदबाटै संविधान संशोधनको प्रस्ताव गर्ने संवैधानिक बाटो नभई कोइरालाले संविधान शसोधनको प्रस्ताव संसदमा लाने भन्दै मधेशबादी दललको आखामा छारो हालेका छन् । ब्यबस्थापिका संसदबाट संविधान शसोधन गरी मधेशबादी दलका कुन–कुन माग पूरा गर्ने भन्ने बिषय स्पस्ट नभइ कोइरालाले सत्ताकै चिन्तामा मधेशबादी दलका नेतासँग ब्यर्थको बार्ता गरिरहेका छन् । 
महाभूकम्पबाट अर्बौंको धनजनको क्षति भएपछि बिदेशी दातृ मुलुक र निकायले नेपाललाई चार खर्बको सहयोगको प्रतिबद्धा ब्यक्त गरेपनि एउटा पुनः निर्माण बिधेयक संसदमा पेश गर्न र पास गर्न बिर्सने सरकारले भारतले अघोषित रुपमा नाकाबन्दी गरेर जनतालाई त्रास र बिजोगमा छोडेपछि कोइराला बालुवाटारमा रमाएर बसेका छन् । 

उनले नाकाबन्दीलाई रोक्न कुटनीतिक पहल नगरेर सरकारको निकम्मा र नालायकिपन प्रस्तुत गरेका छन् । प्रमुख प्रतिपक्षी दलका नेता पुष्पकमल दाहाल प्रचण्डले नेपालस्थित चिनियाँ राजदूतसँग भारतले गरेको अघोषित नाकाबन्दीको बिषयमा कुरा उठाएका थिए । उनले चिनियाँ राजदूतलाई भारतले गरेका अन्यायको जानकारी दिएपछि नैं चिनिया राष्ट्रपति सि जिङ पिङले अमेरिकामा ठूला राष्ट्रले साना मुलुकलाई हस्तक्षेप गर्ने गरेकोप्रति असन्तुष्टी ब्यक्त गरेका थिए । दाहालको यो कदमलाई आमनागरिकले स्वागत गरेपनि प्रधानमन्त्री कोइरालाले भारतीय प्रधानमन्त्री नरेन्द्र मोदी त के बिदेशमन्त्री, बिदेश सचिब राजदूत आदिसग कुरा पनि गर्न नसकेको युनाईटेड पोष्ट साप्ताहिकमा समाचार छ ।  

प्रधानमन्त्री कोइरालाले भ्रष्टाचारको आरोप लागेका एमाले मन्त्रीहरु राधा ज्ञवली, पुरुषोत्तम पौडेल, उर्जा सचिवलाई जोगाएका छन् । उर्जा सचिव राजेन्द्र बहादुर क्षेत्रीलाई जोगाउन कानुन मन्त्री नरहरि आचार्यले ठूलै दक्षिणा र भेटी बुझेको बालुवाटारमा हल्ला छ । कानुनी पृष्ठभूमिका सचिव क्षेत्रीलाई कानुनसँग सम्बन्धित मन्त्रालय वा निकायमा नलगी आचार्यले दर्जनौं जलबिद्युत आयोजनाबाट महिनाबारी उठाउँदै आएका क्षेत्रीलाई जोगाएका थिए । सचिव क्षेत्रीले मन्त्रीपरिषद्ले गरेको निर्णयलाई समेत अबज्ञा गर्दै पाँच वटा आयोजनाको लाईसेन्स खारेज गरेका थिए । 


Ruslan

runner bike

furniture expo

राजनीति

अराजक तत्वको प्रतिवाद गर्नुस् : प्रचण्ड

३० भदौ, काठमाडौं । नेपाल कम्युनिस्ट पार्टी (नेकपा) का अध्यक्ष प्रचण्डले जनतामा भ्रम छर्न खोज्नेको प्रतिवाद गर्न युवा तथा विद्यार्थीलाई निर्देशन दिएका छन् । तत्कालीन माओवादीका स्वर्गीय नेता पोष्टबहादुर बोगटीको स्मृतिमा सोमबार राजधानीमा आयोजित कार्यक्रमलाई सम्बोधन गर्दै प्रचण्डले भने, ‘जनतामा भ्रम छर्ने र हत्केलाले सूर्य छेक्न खोज्ने अराजक तत्वको प्रतिवाद गर्न र उनीहरूबाट सतर्क रहन विशेषगरी युवा र विद्यार्थी साथीहरूलाई

देशहरुबीच फाटो ल्याउने गतिविधि स्वीकार्य छैनः परराष्ट्रमन्त्री

२९ भदौ, ललितपुर । परराष्ट्रमन्त्री प्रदिप ज्ञवालीले देशहरुबीच फाटो ल्याउने कुनै पनि खालको सैन्य गतिविधि सरकारलाई स्वीकार्य नहुने बताएका छन् । नेपालले कुनै पनि देशसँग वैरभाव नराख्ने विदेश नीति लिएको पनि उनले स्पष्ट पारे।  आईतबार ललितपुरमा आयोजित ‘रोड एण्ड बेल्ट इनिसिएटिभ डाइलग’ विषयक विचार गोष्ठीमा बोल्दै उनले राष्ट्रिय हितलाई केन्द्रमा राखेर नेपालले आफ्नो विदेशी नीतिलाई अघि बढाएको उल्लेख गरे। उनले त्यसमा दायाँबायाँ हुन नदिने दृढता पनि जनाए ।
 

विमान ढिलाइ भएको विषयमा ज्ञानेन्द्र शाहीले गरेको पत्रकार सम्मेलनमा हात हालाहाल

२९ भदौ, ललितपुर । भ्रष्टाचार विरोधी अभियानमा लागेको भन्ने ज्ञानेन्द्र शाहीले आयोजना गरेको पत्रकार सम्मेलनमा हात हालाहाल भएको छ । ललितपुरको पुल्चोकमा शाहीले आयोजना गरेको पत्रकार सम्मेलनमा हात हालाहाल भएको हो । शाहीले शनिबार साँझ नेपालगञ्ज विमानस्थलमा संस्कृति पर्यटन तथा नागरिक उड्डयनमन्त्री योगेश भट्टराईका कारण विमान उडान एक घण्टा ढिलो भएको भन्दै मन्त्री भट्टराईविरुद्ध प्रदर्शन गरेका थिए । सोही विषयलाई लिएर उनले आइतबार दिउँसो १ बजे पुल्चोकमा पत्रकार सम्मेलन आयोजना गरेका थिए । 

अन्तर्राष्ट्रिय

​हङकङ आन्दोलन : प्रदर्शनकारीले पेट्रोल बम हान्ने, प्रहरीले अश्रुग्यास चलाउने

३० भदौ, काठमाडौं । हङकङमा आइतवार राति प्रहरी र प्रदर्शनकारीबीच पुनः झडप भएको छ। करिब चारमहिनादेखि हङकङमा सुपुर्दगी विधेयकको विरुद्ध प्रदर्शन हुँदै आएको छ। सरकारले विरोध चर्किँदै गएपछि विधेयक फिर्ता लिएपनि प्रदर्शनकारीहरुले भने सरकार विरुद्ध प्रदर्शन गर्दै आएका छन्।

अमेरिकी राष्ट्रपति ट्रमले गरे राष्ट्रिय सुरक्षा सल्लाहाकार बोल्नटलाई बर्खास्त

२५ भदौ, काठमाडौं । अमेरिकी राष्ट्रपति डोनल्ड ट्रम्पले राष्ट्रिय सुरक्षा सल्लाहकार जोन बोल्टनलाई आफूले पदमुक्त गरेको घोषणा गरेका छन् । उनले आफू बोल्टनसँग असहमत रहेका कारण राजीनामा माग गरेको ट्वीटमार्फत् बताएका हुन् । बोल्टनले भने आफूले नै राजीनामा गरेको बताउँदै उचित समयमा आफ्नो भनाइ सार्वजनिक गर्ने प्रतिक्रिया दिएका छन् । उनले अफगानिस्तानदेखि इरानसम्मका विभिन्न विषयका चुनौतीबारे राष्ट्रपति ट्रम्पसँग फरक मत राखेका थिए ।
 

विचार / ब्लग

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 
Top