प्रचण्डलाई भेटेपछि ढुक्क भएका छौं : ठाकुर गैरे


Wednesday, 28 Nov, 2018 2:03 PM
१२ मंसिर, काठमाडौं । नेकपा सचिवालय बैठकले एकीकरणको प्रक्रियालाई मूर्तरुप दिन नसक्दा नेता–कार्यकर्ता जिम्मेवारविहीन भएका छन् । लामो समयदेखि केन्द्रीय कार्यसमितिको बैठक बस्न सकेको छैन । सदस्यहरुको कार्यविभाजन हुन सकेको छैन । सचिवालयको निर्णय एकपक्षीय रुपमा थोपर्न नहुने र कार्यविभाजन चाँडो टुंग्याउन माग गर्दै नेकपाका झण्डै दुई दर्जन केन्द्रीय सदस्यले पार्टीसँग लिखित माग गरेका छन् । त्यसो त केन्द्रीय समितिको माग गर्नेहरुले वरिष्ठ नेता माधवकुमार नेपालको उक्साहटमा ज्ञापनपत्र बुझाएको आरोप लगाइएको छ । ज्ञापनपत्र बुझाउने मध्येका एक केन्द्रीय सदस्य ठाकुर गैरे भने यो आरोपको ठाडै अस्विकार गर्छन । न्यूज सेवासँगको कुराकानीमा उनले आफुहरुको मागलाई विषयान्तर गर्न खोजेको टिप्पणी गरेका छन् :

   
  • केन्द्रीय समिति बोलाउन माग गर्दै तपाईहरुले महासचिवलाई ज्ञापनपत्र बुझाउनु भएको थियो । ज्ञापनपत्रकै सन्दर्भमा मंगलबार अध्यक्ष प्रचण्डलाई पनि भेट्नुभयो । यस विषयमा उहाँको प्रतिक्रिया के थियो ? 
हामीले ज्ञापनपत्र प्रस्तुत गर्नुको कारण, त्यसको आवश्यकता, औचित्य र सन्दर्भका बारेमा भन्यौ । जुन ६ वटा मूल विषय उठाएका छौं त्यसका बारेमा अनुरोध गर्यौं । उहाँले तपाईहरुले जे विषय उठाउनुभएको छ ती पार्टीका महत्वपूर्ण ‘एजेन्डा’ हुन् र छलफल गरेर टुंग्याउन आवश्यक छ भन्नुभयो । सचिवालय बैठकमा हामी यिनै विषय वरिपरि रहेर छलफल गरिरहेका छौ । पार्टीलाई नीति र विधिसंगत ढंगले चलाउनुको विकल्प छैन । तपाईहरुले जे गर्नुभएको त्यसमा हामीले ध्यान दिन्छौं भन्नुभयो । छलफल गर्छौं र तपाईहरुको जुन ‘स्पिरिट’ छ त्यसरी नै पार्टी चलाउँछौं भनेर आश्वस्त तुल्याउनुभएको छ । 
  • तपाईहरुले उठाएका मुद्दाप्रति जसरी उहाँले प्रतिक्रिया र प्रतिबद्धता जनाउनुभयो त्यसमा अध्यक्ष दाहालको गाम्भिर्यता कत्तिको पाउनुभयो ?
अध्यक्ष प्रचण्ड हामीले उठाउँदै आएका पार्टीका सवालप्रति अत्यन्त चिन्तित र गम्भिर रहेको पायौं । 
  • अर्का अध्यक्ष केपी ओलीले तपाईहरुलाई भेट्न नचाहिरहेको हो ?
उहाँसँग पनि हामीले समयको लागि अनुरोध गरिरहेका छौं र समय मिलाएर खबर गछौं भन्ने कुरा भएको छ । 
  • पार्टी अध्यक्षलाई नै भेटेर सबै कुरा राखिसकेपछि अब तपाईहरुले उठाएका विषयले प्राथमिकता पाउने कुरामा कत्तिको विश्वस्त हुनुहुन्छ ?
हामील के भनेका छौं भने यति ठूलो पार्टी विधि र पद्धतीसंगत ढंगले संचालन नगरेसम्म अगाडि बढ्न सक्दैन । अडाडि बढाउने प्रयत्न निरर्थक मात्र हुन्छ । त्यसैले हामीले पार्टीका नीति,सैद्धान्तिक,बैचारिक बिषयलाई पनि स्पस्ट गर्नु पर्यो । हामीले त स्वयम् पार्टीको विधानमा पार्टी संचालन पद्धतिको उल्लेख गरेका छौं । हामीले बनाएका विधिभित्र बस्नेबाहेकका कुरा हामीले खोजेको पनि हैन । त्यसमा नेताहरुलाई भेट्दा कसैको विमति पनि छैन । खाली कार्यान्वयमा जुन ढिलाई भएको छ त्यो ढिलाईको अन्त्य मात्रै खोजेको हो । सँगै हामीले के पनि भन्ने गरेका छौ भने पार्टीमा विधि र मापदण्ड बनाइएयो भने मात्र न्याय गर्न सकिन्छ । त्यसको कार्यान्वयन पनि हुन्छ । त्यसैले यो विधि र पद्धतिअनुसार चल्ने, संस्थागत निर्णयबाट अघि बढ्ने, पार्टीलाई सिद्धान्तनिष्ठ बनाउने, आमकार्यकर्तालाई पार्टीमा सामूहिक नेतृत्व व्यक्तिगत उत्तरदात्विको परिस्थिति निर्माण गर्ने कुराले स्वयम नेताहरुलाई पनि सजिलो बनाउँछ र यसले पार्टीलाई गति दिन्छ भन्ने अनुरोध गरेका छौं । यसमा सबै नेताहरु सकारात्कम हुन जरुरी छ । 
  • पार्टी एकताको सम्पूर्ण काम सकिएको छैन । फेरिसचिवालय बैठक तारन्तारजसो बस्दै पनि आएको छ । तपाईहरुले अलिकति धैर्य किन राख्न नसकेको ?
केन्द्रीय समितिको कार्यविभाजन र पोलिटब्यूरो गठन गर्न केन्द्रीय समितिको बैठक आवश्यक पर्छ । त्यसैले हामी जिल्ला, प्रदेश र गाउँमा पार्टी, जनसंगठनको एकीकरणको प्रक्रिया नटुंगिएको । केन्दं्रीय सदस्य, स्थायी कमिटी सदस्यको कार्यविभाजन नभएको यो अवस्थामा हामीले प्रश्न उठाएको हो । अर्को, लामो समयसम्म केन्द्रीय समितिको बैठक पनि बस्न नसकेकाले आजको सन्दर्भका राजनीतिक बैचारिक अभिमुखिकरण आवश्यक भएकाले हामीले बैठक बोलाउन माग गरेको हो ।
  • सचिवालय बैठकमा नेताहरु तीनतिर फर्किन्छन् । फेरि यही बेलामा केन्द्रीय समितिको बैठक बोलाउँदा विवादहरु झन बढ्ने खतरा देखेर नेतृत्वले बैठक बोलाउन कतै विलम्ब पो गरिराख्या हो कि ?
केन्द्रीय समितिको बैठक बोलाउँदा त विवाद किन बढ्छ र ? सचिवालयले नेताहरुको बीचमा राम्रो छलफल गरेर स्थायी कमिटीमा आवश्यक निर्णय गरेर केन्द्रीय समितिमा जाँदा त्यो त सहज कुरा हो । असहज परिस्थिति त बैठकहरु नगर्दा, संस्थागत निर्णयको परिपाटी नबस्दा, पार्टी विधि–पद्धतिअनुसार नचल्दा पो हुन्छ । त्यसअनुसार चल्दा समस्या हुने  कुरै भएन नि ।
  • त्यसो हो भने केन्द्रीय समिति बैठक बोलाउन किन ढिलाई भयो ?
हामीले आजसम्म के कारणले बैठक बस्न सकेन, त्यसमा को जिम्मेवार छ भन्ने विषय कोट्याउने भन्दा पनि यो एकीकरणको प्रक्रिया नटुंगिदा जुन अन्यौल उत्पन्न भएको छ । तल्लो तहमा जुन पार्टीविहिनताको परिस्थिति उत्पन्न भएको छ । त्यो छिटो अन्त्य होस् भन्ने कुरामा हाम्रो जोड छ ।  
  • पार्टी एकीकरण निकै सकसपूर्ण ढंगले अघि बढिरहेको छ । टुंगिन पर्ने विषय थुप्रै छन् । कहाँनिर समस्या देख्नुहुन्छ, केले अल्झायो ?
पार्टी एकताको घोषणाहुँदा तीन महिनाभित्र टुंग्याउने भनेर स्वयम् सचिवालयले निर्णय गरेको थियो । त्यसको प्रदेश र राष्ट्रिय स्तरको भेलाको मिति समेत तोकेको थियो । तर, त्योअनुसार त सचिवालयले गर्न सकेन । किनभने सचिवालयले एउटा कार्यदल बनाएर कार्यदलमार्फत एकीकरण गर्ने बाटो लियो र त्यसअनुसार कार्यदलले तल गएर सायद सचिवालयको स्पिरिटअनुसार काम गर्न सकेनन् । त्यसले गर्दा समस्याहरु उत्पन्न भए । त्यसैले हामीले के भनेका छौ भने यो जिल्ला कमिटिहरुको एकीकरणका विषयमा एउटा मापदण्ड र विधि बनाएर जिल्ला कमिटिहरुलाई यो विधिभित्र बसेर आफै एकीकरण गर्नुहोस् भन्दा त्यो स्वतःस्फूर्त हुन्छ । एकाध जिल्ला र केही जनसंगठनबाहेक सबैमा अत्यन्त सजिलैगरी एक हप्ताभित्र एकीकरण हुने संभावना छ । 
  • एकीकरण प्रक्रिया लम्बिदै जाँदा पार्टीलाई कस्तो क्षति भएको अनुभव गर्नुभएको छ ?
सबैभन्दा पहिलो कुरा हामीले बुझेको आज स्थानीय सरकार, प्रदेश सरकार जुन बनाएका छौं । त्यसको संचालन र प्रभावकारितका लागि ति सरकारले जनपक्षिय काम गर्नका लागि त्यहाँ पार्टीको ‘सपोर्ट’को आवश्यकता छ ।  त्यहाँ पार्टी नै छैन । त्यसैले यो सरकारलाई सफल बनाउको लागि अथवा सरकारको तर्फबाट कतिपय ठाउँमा भएका देखिएका कमिकजोरीलाई हटाउन पार्टीको एकीकरण तत्काल गर्नु आवश्यक छ । त्यसमा ढिलाई गर्नु हुँदैन । यसले पारेको सबैभन्दा ठूलो प्रभाव भनेको एक त एकीकरण सम्पन्न नहुँदा तल को जिम्मेबार भएर पार्टीको पक्षमा कसले के काम गर्ने भन्ने कुरा नै यसले अबरुद्ध गर्यो । प्रदेश, जिल्ला, गाउँपालिका, नगरपालिकामा आज औपचारिकरुपमा पार्टी भेट्टाउन सक्दैनौं । एकीकरण नभएकैले आज माथि पनि कार्यविभाजन हुन सकिरहेको छैन । जनसंगठनहरु पनि सविककै हिसाबले चलिराखेको छ । त्यो पनि एक ठाउँमा आउन सकिरहेको छैन । यसले सबैलाई अन्यौलता सिर्जना गर्यो । मैले के गर्ने भन्ने कुरा पनि थाहा भएन । संगठनभित्र जुन सांगठनिक अन्यौलता र पार्टीविहिनता उत्पन्न भएको छ । जसको कारणले आमजनतामा पनि यसले अन्यौलता उत्पन्न गर्यो र क्रमशः निराशा पनि थप्दै गयो । बढ्दो निराशा र अन्यौललाई अन्त्य गर्नका लागि एकीकरण छिटो हुनु पर्यो भनेर हामीले आवाज उठाएको हो
  • माधवकुमार नेपालले उक्साएर तपाईहरुले ज्ञापनपत्र बुझाएको भनिएको छ नि ? 
यो विषय हामी कुनै नेतालाई सोधेर अथवा कुनै नेताको योजनामा आग्रहमा गरेको हैन । हामी यो ज्ञापनपत्र बुझाएको एक हप्तापछि स्वयम् माधव नेपाललाई समेत भेटेर ज्ञापनपत्र बुझाएका छौं । अनुरोध गरेका छौं । हाम्रो मागका बारेमा अध्यक्ष दाहाललाई पनि भेटेर कुरा गरेका छौं । अन्य वरिष्ठ नेता झलनाथ खनाल, वामदेव गौतमलाई पनि भनेका छौं । त्यसैले यो कसैको भनेर गरियो भन्ने टिप्पणी मैले पनि सुनें । त्यो भनेको एजेन्डामा प्रवेश गर्न नचाहने र यसलाई विषयान्तर गर्ने खोज्ने निहुँमात्र हो । यसले कुनै अर्थ राख्दैन । 
  • प्रधानमन्त्रीले बेला बखत पार्टीका नेता र कार्यकर्ताले सरकारले गरेका राम्रा कामको प्रचार पनि गरेनन् । विपक्षीले लगाएको आरोपको प्रतिवाद पनि गरेनन् भनेर गुनासो गरिरहनुभएको छ । तपाईहरुले सरकारको पक्षमा किन ‘लबिङ’ नगरेको ?
प्रधानमन्त्रीले भन्ने गरेजस्तै सरकारले गरेका राम्रा कामहरुको बारेमा सिंगो पार्टी पंक्ति उभिनु पर्यो । पार्टीले त्यसको पक्षधरमा लिनु पर्यो भन्ने कुरा गर्नका लागि नै हामीले संस्थागत निर्णय, पार्टी र सरकारको सम्बन्ध नङ र मासुको जस्तो बनाउने, माटोको भर ढुंगो, ढुंगोको भर माटो बनाउन खोजेको हो । नेकपाको नेतृत्वमा समाजवाद सम्भव छ । हामीले भनेको समाजवाद यो हो । चुनावअगाडि हामीले घोषणापत्रमा जुन प्रतिबद्धता गरेका छौं त्यो प्रतिबद्धता नेकपा नेतृत्वको सरकारले पूरा गर्छ, सम्भव छ भन्ने कुरा दृढतापूर्वक उभिएर देशभरका कार्यकर्ताले एक स्वर भएर भन्ने परिस्थिति निर्माण गर्नका लागि नै एकीकरणको पूर्णताको आवश्यकता भएको हो । संस्थागत, विधिसम्मत निर्णय प्रक्रियाको आवश्यकता भएको हो । सामुहिक नेतृत्व र व्यक्तिगत उत्तरदायित्वको माग गरेको हो । यि सबै काम गर्न सकियो भने अध्यक्ष एवं प्रधानमन्त्रीको अपेक्षालाई पूरा गर्न सकिन्छ । 

 


global ime

runner bike

राजनीति

सभामुखमा पुष्पा भुसाललाई अघि सार्ने काँग्रेसको तयारी

६ माघ, काठमाडौं । प्रमुख प्रतिपक्ष नेपाली कांग्रेसले पनि सभामुखमा उमेदवारी दिने भएको छ । यसअघि कृष्णबहादुर महरालाई सभामुख बनाउँदा कांग्रेसले उमेदवारी दिएको थिएन । कांग्रेसले अहिले सभामुखमा कांग्रेस सचेतक पुष्पा भुसाललाई उमेदवार बनाउने तयारी गरेको छ । कांग्रेस स्रोतका अनुसार यस विषयमा पार्टीमा यसअघि पनि छलफल भइसकेको छ । ‘पार्टीमा यस विषयमा छलफल भइसकेको छ,’ कांग्रेसका एकजना नेताले भने,‘व्यक्ति हत्याको आरोप लागेकालाई सभामुख बनाउन हुँदैन ।’नेकपा सचिवालय बैठकले आइतबार स्थायी कमिटी सदस्य अग्नि सापकोटालाई उमेदवार बनाउने निर्णय गरेको थियो ।

राष्ट्रिय सभा चुनाव : आज राति १२ बजेदेखि मौन अवधि सुरु हुँदै

६ माघ काठमाण्डौ । आउँदो बिहीबार हुने राष्ट्रिय सभाको चुनावका लागि मौन अवधि आज रातिदेखि सुरु हुँदैछ ।आज राति १२ बजेदेखि मौन अवधि सुरु हुने भएकाले आज दिनभर मात्रै चुनावको प्रचारप्रसार गर्न पाइने निर्वाचन आयोगले जनाएको छ ।निर्वाचन आचारसंहिताअनुसार चुनाव हुनुभन्दा ४८ घण्टा अगाडिदेखि मौन अवधि सुरु हुन्छ । मौन अवधिमा आफ्ना वेबसाइट, ट्विटर, फेसबुक, भाइबर वा एसएमएसजस्ता सामाजिक सञ्जाल वा विद्युतीय माध्यमको प्रयोग 

एमसीसी देशको हितमा छ, स्वार्थीहरुले विरोध गरे : मन्त्री गुरुङ

५ माघ, डोटी । संघीय सरकारका महिला, बालबालिका तथा ज्येष्ठ नागरिक मन्त्री पार्वत गुरुङले अहिले चर्चामा रहेको अमेरिकी मिलेनियम च्यालेन्ज कर्पोरेसन (एमसीसी) संसदबाट पारित हुने बताएका छन् । छाउपडी प्रथाको अवस्थाबारे बुझ्न सुदूरपश्चिमको भ्रमणमा रहेका मन्त्री गुरुङले एमसीसीमा अनावश्यक विवाद भइरहेको बताए । आइतबार डोटी जिल्ला सदरमुकाममा सञ्चारकर्मीहरूसँग संक्षिप्त कुरा गर्दै मन्त्री गुरुङले एमसीसीबारे बहस हुनु राम्रो भए पनि अहिले देखिएको कतिपय विवाद अनुचित भएको दाबी गरे । ‘विषयले संसदमा प्रवेश पाएपछि बहस, छलफल हुन्छ,’ मन्त्री गुरुङले भने, ‘यो प्रस्ताव संसदले सहजै अनुमोदन गर्छ ।’

अन्तर्राष्ट्रिय

प्रशान्त महासागरमा अचानक तापक्रममा बृद्धि, १० लाख चरा मरे

६ माघ, काठमाडौं । पछिल्लो १२ महिनामा १० लाख भन्दा बढी समुद्री चराहरु मारिएकाबारे वैज्ञानिकहरुले विशेष चिन्ता व्यक्त गरेका छन् । चराहरुको एकसाथ मृत्युको यो इतिहासकै  सबैभन्दा ठूलो रेकर्ड भएको उनीहरुको भनाइ छ ।यसमा प्रशान्त महासागरको एउटा ठूलो सतही भाग अधिक तातो भएकाले नै यस किसिमका घटना भइरहेको अनुसन्धानकर्ताहरुले चेतावनी दिएका हुन् , जसलाई ‘ब्लब’ नाम दिइएको छ । सामान्य अर्थमा ब्लबको परिभाषा समुद्रको सतहबाट १६०० किलोमिटर सम्मको भूभाग ३ देखि ६ डिग्री बढीले तातिनु हो ।

भाजपा नेताको चेतावनी –५० लाख मुसलमानलाई लखेट्छौं

६ माघ, काठमाडौं । भारतको पश्चिम बंगालमा भारतीय जनता पार्टीका प्रमुख दिलीप घोषले मुसलमान घुसपैठियाहरुको पहिचान गरेर आवश्यक परेमा उनीहरुलाई भारतबाट बाहिर लखेटिने जनाएका छन् ।  एक र्यालीलाई आइतबार सम्बोधन गर्दै भाजपाका राज्यका प्रमुख घोषले भनेका छन, ‘५० लाख मुसलमान घुसपैठियाको पहिचान गरिनेछ र जरुरत परेमा उनीहरुलाई देशबाट बाहिर निकालिनेछ ।’ उनले अगाडि भनेका छन, ‘पहिला उनीहरुको नाम मतदाता सूचीबाट हटाइनेछ । जसले नागरिकता संशोधन कानुनको विरोध गरिरहेका छन् उनीहरु कि भारत विरोधी छन् कि बंगाल विरोधी हुन् । त्यसैले उनीहरु हिन्दु शरणार्थीलाई नागरिकता दिने कुराको विरोध गरिरहेका छन् ।’ 

यमनमा क्षेप्यास्त्र आक्रमण, ७० सैनिक मारिए

५ माघ, काठमाडौं । यमनमा भएको क्षेप्यास्त्र आक्रमणमा परी कम्तीमा ७० सैनिक मारिएका छन् । मरिब प्रान्तमा रहेको मस्जिदमा हुथी विद्रोहीहरुले गरेको आक्रमणमा परी शनिबार उनीहरुको मृत्यु भएको अस्पताल र  सैनिक स्रोतले जानकारी दिएको छ । शनिबार भएको यस आक्रमणमा परी ७० सैनिक मारिएका मरिब अस्पताल स्रोतले पुष्टि गरेको छ । यमनी राष्ट्रपति आबेद्राब्बो मानसुर हादीले कायर र आतङ्ककारी आक्रमण भनि निन्दा गरेका छन् । यस घटनामा परी अरु दर्जनौँ घाइते भएका छन् र तीमध्ये केहीको अवस्था गम्भीर रहेको बताइएको छ ।  घटनाका बारेमा हुथी विद्रोहीको तर्फबाट अहिलेसम्म कुनै प्रतिक्रिया आएको छैन । 

विचार / ब्लग

सी चिनफिङ भन्छन् -हिमालय वारिपारिको मैत्रीलाई नयाँ उचाइमा पुर्याऔँ

सी चिनफिङ
राष्ट्रपति श्रीमती विद्यादेवी भण्डारीको निमन्त्रणामा म छिटै चीनको मैत्रीपूर्ण छिमेकी देश नेपालको राजकीय भ्रमण गर्दैछु । मैले नेपालको भ्रमण गर्न लागेको यो पहिलोपटक हो, तथापि मलाई नेपाल अपरिचित भने लाग्दैन । नेपालमा शानदार पहाड र नदीहरू छन्, विशिष्ट संस्कृति पनि छ । त्यसैले म नेपालको भ्रमण गर्न धेरै पहिलेदेखि लालायित थिएँ । मैले चीनको भ्रमण गर्नुभएका धेरै नेपाली नेताहरूसँग धेरैपटक भेटवार्ता गरेको छु र उहाँहरूसँग गहिरो मित्रता पनि गाँसेको छु ।

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 
Top