cg electronics
nlic

​पत्रकार महासंघको अध्यक्षका तीन प्रत्यासीलाई उस्तै तीन प्रश्न


Friday, 18 Aug, 2017 3:13 PM
आगामी तीन वर्षका लागि नेतृत्व चयन गर्न भदौ ४ र ५ गते पत्रकार महासंघको अधिवेशन हुँदैछ । अध्यक्षका लागि तीन जना प्रत्यासी मैदानमा देखिएका छन् । तीनै प्रत्यासी तीर्थ कोइराला, गोविन्द आचार्य र उजिर मगरलाई न्यूजसेवाका राजु ढकालले उस्तै तीन प्रश्न गरेका छन् । उनीहरुले यस्तो जवाफ दिए :

पत्रकार महासंघको अध्यक्षमा तपाईंको उम्मेदवारी किन ?

तीर्थ कोइराला : पत्रकार महासंघलाई अलि बढी व्यवसायिक बनाएर लैजान नै हो । यसअघि पत्रकार महासंघले धेरै लामो राजनीतिक लडाईं लड्दै आयो । अब अहिले आएर राजनीतिक लडाईं लगभग लगभग अन्त्य गरेका छौ ।  राजनीतिमा अहिले विवादै छैन भन्ने त होइन तर मुख्य विवाद सिद्वियो । अव प्रेस स्वतन्त्रताका लागि फ्रिडम फाइट गर्ने, या अरु खालको लडाईं छैन । त्यसकारणले अलिकति व्यवसायिकताको विकास गर्ने, पत्रकारिताको विश्वसनीयता बढाउने त्यो क्षेत्रमा काम गरौं र पत्रकार महासंघलाई एउटा दलीय आधारबाट होइन पेशागत आधारबाट चलाउँ भन्ने मूल एजेण्डा हो । 

गोविन्द आचार्य : सिधा रुपमा भन्दा पत्रकारहरुको हकहित अधिकारको निम्ति संघर्ष गर्ने साझा संस्था पत्रकार महासंघ हो । यसअघि म केन्द्रीय उपाध्यक्षसम्म भएर काम गरिसकेको छु । त्यहाँ रहँदा मैले पत्रकारहरुको हकहित र अधिकार, प्रेस स्वतन्त्रताको रक्षा र पेशागत मुद्दाहरुको सम्वद्र्धनको लागि  सकारात्मक भूमिका खेलेको छु । अहिले म अध्यक्ष बने भने पत्रकारिता क्षेत्रको सबै समस्या समाधानको लागि मबाट सबैभन्दा महत्वपूर्ण भूमिका हुनसक्छ भन्ने ठानेर उमेद्वारी दिएको हुँ । 

उजिर मगर : व्यवसायिक पत्रकारिता, श्रमजीवि पत्रकारहरुको हकहित र प्रेस तथा अभिव्यक्ति स्वतन्त्रतालाई थप व्यवस्थित गर्नका लागि मेरो उमेद्वारी हो । दोस्रो कुरा नेपाल पत्रकार महासंघको इतिहासमा जिल्लादेखि केन्द्रसम्म निरन्तर १८ बर्ष काम गरेँ । म पत्रकार महासंघको महासचिव पनि भइसकेँ । महासंघमा महासचिवपछि अध्यक्ष हुने चलन पनि छ । मुख्यतः मेरो उमेद्वारी व्यवसायिक पत्रकारहरुको हकहितका लागि नै हो । मेरो पहिचान नै यही विषयमा भएको हुनाले म मेरो पहिचान स्थापित गराउन चाहन्छु साथै नेपाली मिडिया समावेशी हुनुपर्छ भन्ने मुख्य ध्येय नै हो । 


पत्रकार महासंघप्रति आमसञ्चारकर्मीहरुको साझा संस्था त भनिन्छ, तर यसमा धेरैको भरोसा टुट्दै गएको छ । यसलाई कसरी पुर्नस्थापित गर्नुहुन्छ ? 

तीर्थ कोइराला : धेरैको गुनासो मैले सुनेको छु । त्यो गुनासोलाई सम्बोधन गर्ने क्रियाकलापद्वारा नै हो । अहिले मैले शब्दले भनेर म यसो गर्छु, त्यसो गर्छु भनेर पनि खासै अर्थ हुन्छ जस्तो लाग्दैन । यसले गर्न सक्ने धेरै ठूला काम छन् । पत्रकारिता पढेर धेरै जना आएका छन् । उनीहरुको एजुकेशन आएको छ, स्किल आएको छैन । सीप विकासको काम गर्छौ । भोलि राजनीतिक समस्या आयो भने हामी त्यहाँ सहजिकरण गर्न सक्छौं । अहिले पत्रकारिताको कम्यूनिकेशन टेक्नोलोजीमा धेरै ठूलो विकास आएको छ । त्यसमा पत्रकारहरुलाई अलिकति परिचित गराउने, पत्रकारितामा यत्रो ठूलो पुँजी आएको छ । ६ सय भन्दा धेरै एफएम खुलेका छन् । हजारको संख्यामा अनलाईन छन् त्यहाँ कत्रो पुँजी छ । कति पत्रकारहरु छन् । ती दुईवटैको संरक्षण गरेर जानुपर्ने स्थिति छ । गर्नुपर्ने कुरा थुप्रै छन् जस्तो लाग्छ मलाई । 

गोविन्द आचार्य : वास्तवमा टुटेका मन र भरोसाहरुलाई जोड्ने पुलको काम गर्नका लागि म पत्रकार महासंघको अध्यक्षको उमेद्वार बनेको छु । म अध्यक्षमा निर्वाचित भएँ भने पहिलो काम श्रमजीवी पत्रकारहरुको हातहातमा नियुक्तिपत्र जसरी पनि दिलाउने छु । दोस्रो काम न्यूनतम पारिश्रमिक दिलाउने छु । तेस्रो काम, श्रमजीवी पत्रकारहरु बिरामी पर्दा निःशुल्क उपचारको व्यवस्था र  उनीहरु माँरिदा कम्तिमा २० लाखको बिमा गर्ने छु ।

चौंथो काम पत्रकार जागिरबाट निस्क्यो भने उनीहरुले पेन्सन पाउने संभावना त छैन तर हामी पत्रकार महासंघको पहलमा उनीहरुलाई पेन्सनको ब्यवस्था गर्ने छौँ । त्यो कसरी भने अहिले सामाजिक सुरक्षा ऐन पारित भएको छ । सामाजिक सुरक्षा ऐनमा सामाजिक दायित्व निर्वाह गरेका महत्वपूर्ण भूमिका निर्वाह गरेका क्षेत्रबाट पनि एउटा सामाजिक सुरक्षा कोष बनाएर पेन्सन, बेरोजगार भत्तासम्म दिने प्रावधानहरु छन् । सामाजिक क्षेत्रमा पनि महत्वपूर्ण भूमिका खेलेका पत्रकारहरुलाई त्यो अभियानमा समावेश गरिन्छ । सुरुमा उनीहरुले पनि एक प्रतिशत आफ्नो तलबबाट योगदान गर्छन । उनीहरु निस्कदा पेन्सन पाउने व्यवस्था पत्रकार महासंघमार्फत गर्न चाहन्छौ । 

यसबाहेक प्रेस स्वतन्त्रतालाई पनि कँहिबाट हस्तक्षेप हुन नदिने र प्रेस स्वतन्त्रताको सवालमा सम्झौता नगरिकन खबरदारी गर्ने संस्था बनाउँछौ । पत्रकार महासंघ आफैमाथि उठेका सबै प्रश्नको जवाफ दिन्छौ । पत्रकार महासंघले गरेका राम्रा कामहरुलाई निरन्तरता दिन्छौ । सञ्चार माध्यमका समस्याहरुलाई हामीले उठाउने छौं । यसलाई राष्ट्रिय सेवामूलक उद्योगको मान्यता दिएर यो राष्ट्रिय सेवामूलक उद्योगले के–कस्ता सेवा–सुविधा पाउँछ । कर छुटको व्यवस्था हुन सक्छ । मिडियालाई पनि बलियो बनाउन हामी लाग्छौं । नेपालमा संख्यात्मक ढंगले मिडिया संस्था र पत्रकारको वृद्धि भएको छ । यसलाई गुणात्मक बनाउनको लागि सातै प्रदेशमा पत्रकारहरुको तालिम सेन्टर खोलेर हामी  पत्रकारहरुको क्षमता अभिवृद्धिका लागि काम गर्नेछौं । म के विश्वस्त बनाउन चाहन्छु भने हामी आयौं भने कुनै पनि पत्रकारले पत्रकारितामा लागेर गल्तिगर्यौ भनेर निराश हुनु पर्दैन ।

उजिर मगर : हो अहिले महासंघप्रति धेरैको भरोसा गुम्दै गएको छ । जुन ढंगले चुनावी चलखेल बढेको छ, त्यसले अविश्वास बढेको पुष्टि गर्दछ । त्यही रक्षा गर्न, नागरिक समाज र पेशाकर्मीहरुको साझा संस्था बनाउनको लागि र व्यवसायिक पत्रकारिताको भूमिका, श्रमजीवी पत्रकारहरुको पक्षमा गरेको लडाईं, प्रेस स्वतन्त्रताको पक्षमा गरेको लडाईं, २०६२/६३को पुरै कमाण्ड मैले गरेको हो । व्यवसायिक पत्रकारितामा लागेकाहरुले छर्लङ्गै चिन्नुहुन्छ नि मलाई । पत्रकारिता एउटा अर्काइभ पनि त हो । तपार्इंहरुले मेरो बारेमा केही सोच्नु पर्ला र ? यो व्यवसायिक र श्रमजीवि पत्रकार होइन, यसले प्रेस तथा अभिव्यक्ति स्वतन्त्रताको पक्षमा काम गरेको छैन भन्ने पुष्टि छ र तपाईंहरुसँग ? छैन नी । नागरिक समाजले पत्रकार महासंघले केही पनि गरेर भनेर गर्ने प्रश्नहरुलाई रोक्नको लागि म अगाडि बढेको हो । 


समाजमा सञ्चारकर्मीहरुलाई हेर्ने दृष्टिकोण पनि नकारात्मक बन्दै गएको छ । सञ्चारकर्मीहरुको गरिमा कसरी उँचो बनाउनुहुन्छ ?

तीर्थ कोइराला : मलाई के लाग्छ भने यो व्यक्तिगत र संस्थागत दुईवटा पक्षहरु छन् । हरेक व्यक्ति आँफै सचेत हुनुपर्छ जस्तो लाग्छ । जब हामी पहिले पत्रकार हौं भन्ने आत्मसाथ गरिदैन, तबसम्म गाह्रो हुन्छ । पत्रकारितामा किन लाग्यो भन्ने हिसाबले उसले आफूलाई क्लिएर गर्दै जानुपर्छ । अब संस्थाले उसलाई मोटिभेसन गर्नुपर्यो । पेशालाई शुद्विकरण गर्न संस्थाले पनि पहल गर्नुपर्यो । हेर हाम्रो पेशा त यस्तो हो यो हो । यसको काम त कुनै राजनीतिक एजेण्डा सेट गरेर जाने होइन की यसको सामाजिक दायित्व छ भन्ने सबंैले बुझ्ने र बुझाउन सक्नुपर्छ । राष्ट्रिय उत्तरदायित्व बहन गर्दै अगाडि बढ्नुपर्ने स्थिति छ भनेर एजुकेट गर्नुपर्ने छ । पत्रकारभन्दा बढि एजुकेट त कोही पनि छैन तर पनि कहिले काँही हामीले जानीजानी पनि गल्ती गरिराखेका हुन्छौ नी । कहिले अन्जानमा गल्ति गरिराखेका हुन्छौं । त्यो के हो भन्ने खुट्याएर सहीबाटोमा ल्याउनुपर्छ भन्ने लाग्छ मलाई । 

गोविन्द आचार्य : गुणस्तरीयता वृद्धिभित्र नै पत्रकारको गरिमा बढाउने, पेशागत मर्यादाका कुराहरु, आचारसंहिता पालनाका कुराहरु आउँछन् । यसका पत्रकार महासंघले के गर्न सक्छ भने हरेक मिडिया हाउसलाई सरकारले बनाईदिएको आचारसंहिता लाद्ने होइन आफै मिडिया हाउसले आचारसंहिता बनाउने र त्यो आचारसंहिता मिडिया हाउसबाटै, हामीबाटै उलंघन भएको भएको छ की छैन भनेर सुनुवाई गर्ने पहल गर्नेछौँ । जस्तो छापा मिडिया छ भने त्यही तपाईलाई लेखिएको समाचारबारे केही गुनासो छ ? प्रतिक्रिया छ ? मर्का परेको छ भने यो ठाउँमा प्रतिक्रिया पठाउनुहोस भनेर इमेल पनि राखिदिने र त्यहाँ एउटा एम्ब्युड्स म्यानजस्तो हरेक मिडियाले खडा गर्ने हो भने धेरै सुधार गर्न सकिन्छ । 

वास्तवमा समाजको आशा मिडियामा हुन्छ । किनभने राज्यको चौंथो अंग  भनेर त्यतिकै भनेको होइन । यो चौंथो अंगले तीनवटै अंगको बाचडगको भूमिका खेल्छ र फेरी यहाँ समाजका अरु अंगबाट पनि आशा गर्ने क्षेत्र यहि भएको हुनाले यसलाई चौंथो अंग भनिएको हो । यसको गरिमालाई बचाउन  यसको अझै व्यवसायिकता यसको पेशागत आचरणलाई शुद्ध बनाउन पनि महासंघले पहल कदमी लिने कुरामा म विश्वस्त तुल्याउन चाहन्छु ।  

उजिर मगर : व्यवसायिक पत्रकाररिता भनेको त्यही होला नी । जब हामी आफ्नो व्यवसायप्रति इमान्दार रहन्छौ, आफ्नो धर्म निर्वाह गर्छौ र आफ्नो मर्यादालाई कायम राख्छौं भने स्वभाविक रुपमा समाज सकारात्मक भइहाल्छ । मैले त्यही काम गर्नु पर्यो भन्या न हो । त्यसको अभाव खट्किएला भन्ने डरले त्यही रोक्नका लागि म मैदानमा उत्रिएको हो । व्यवसायिक पत्रकारहरुलाई सक्षम, समृद्व बनाउन, उनीहरुको क्षमता अभिवृिद्ध गर्ने यसका लागि आमसञ्चार प्रतिष्ठान गठन गर्ने अहिले भएका मिडियाहरुलाई सामाजिक रुपमा उत्तरदायी बनाउने यी लगाएतका कामहरु गर्न खोज्या हो । मैले पत्रकार महासंघमा रहँदा वा नरहँदा गरको काम सवैको सामु प्रष्ट नै छ । मैले मेरै बारेमा भन्नुपर्छ जस्तो लाग्दैन । हिजो लोकतन्त्रको लागि सबै ठाउँका साथीहरु चुप लाग्दा यहाँको कमाण्ड मैले नै गरेको हो । यो कुरा क्लियर छ । दोस्रो कुरा सशस्त्र संघर्षमा लागेका साथीहरुलाई पनि रुकुम, रोल्पा पुगेर समाचार ल्याएर मध्यस्थकर्ताको भूमिका मैले खेलेको हो । यो कुरा कसैले नकार्न सक्दैन नी त ? मेरो आफ्नै पहिचान छ । 
 


Ruslan

paicho

bussewa

राजनीति

राष्ट्रियसभाबाट सरकारको नीति तथा कार्यक्रम पारित

१३ जेठ, काठमाडौ ।  राष्ट्रियसभाको बहुमतले आगामी आर्थिक वर्ष २०७५\७६को नीति तथा कार्यक्रम पारित गरेको छ । बानेश्वरस्थित संघीय संसद् भवनमा आज बसेको राष्ट्रियसभा बैठकले यही जेठ ७ गते संसद्को दुवै सदनमा प्रस्तुत आगामी आवको नीति तथा कार्यक्रम पारित भएको हो । बैठकमा प्रधानमन्त्री केपी शर्मा ओलीको जवाफपछि सदस्य राधेश्याम अधिकारी, वृषेशचन्द्र लाल, जीतेन्द्रनारायण देव, प्रमिला कुमारी र अनिता देवकोटाले प्रधानमन्त्रीले 

राष्ट्रियसभा बैठक शुरु

१३ जेठ, काठमाडौ । राष्ट्रियसभाको आजको बैठक शुरु भएको छ । बैठकमा प्रधानमन्त्री केपी शर्मा ओलीले यही जेठ ७ गते संसद्को दुवै सदनमा प्रस्तुत गरिएको आगामी आर्थिक वर्ष २०७५÷७६ को नीति तथा कार्यक्रममाथि उठेका प्रश्नको जवाफ दिँदै छन् । प्रधानमन्त्री ओलीले यही जेठ १० गते राष्ट्रियसभामा नीति तथा कार्यक्रममाथि छलफल गरियोस् भन्ने प्रस्ताव गरेका थिए । छलफलका क्रममा तीन संशोधनसहित राष्ट्रियसभा सदस्यले आफ्ना धारणा राखेका

​ट्रेड युनियन काँग्रेस प्रदेश–३ मा कार्की

१२ जेठ काठमाडौँ  । नेपाल ट्रेड युनियन काँग्रेस प्रदेश नं ३ का अध्यक्षमा विनोद कार्की निर्वाचित भएका छन् । ट्रेड युनियन काँग्रेस प्रदेश नं ३ को शुक्रबार राति सम्पन्न मतपरिणामानुुसार २६६ मत ल्याएर कार्की विजयी भएका हुन् । उनका निकटम प्रतिद्वन्द्वी गणेश भट्टराईले २५४ मत प्राप्त गरे । यस्तै उपाध्यक्ष (खुल्ला)मा गोविन्द डंगोल र घनश्याम चापागार्इं, उपाध्यक्ष )महिला)मा ईश्वरीदेवी लौडारी, उपाध्यक्ष )सेवा) मा लीलानाथ चौलागार्इं, उपाध्यक्ष (उत्पादन)मा वीरेन्द्रबहादुर लामा, 

अन्तर्राष्ट्रिय

ट्रम्प-किम बैठक रद्द हुनुमा को जिम्मेवार ?

अमेरिकी राष्ट्रपति डोनल्ड ट्रम्पले मे २४ मा उत्तर कोरियाली नेता किम जोन उनलाई पत्र पठाउँदै सिंगापुरमा जुन १२ का लागि प्रस्तावित शिखर बैठक रद्द गरेको जानकारी गराए। शिखर बैठक रद्द गरिएको खबर त्यतिबेला आयो जतिबेला उत्तर कोरियाले पुङ्गेरीस्थित आफ्नो पारमाणविक परीक्षणस्थललाई नष्ट पारिसकेको थियो। उत्तर कोरियाको त्यो कदमले धेरैलाई आश्चर्यमा पारेको थियो र पछिल्ला हप्ताहरूमा त्यसप्रति प्रतिक्रियाहरू आउने क्रम जारी थियो।

उत्तर कोरियाले दक्षिण र अमेरिकासँग सम्बन्ध सुधार्न गर्यो यस्तो ‘ब्रेक थ्रु’

१० जेठ, काठमाडौं । उत्तर कोरियाले आफ्नो एकमात्र परमाणु परीक्षण स्थलमा रहेको सुरुङलाई ध्वस्त बनाएको छ । अन्तर्राष्ट्रिय सञ्चारमाध्यममा आएका खबरअनुसार उत्तर कोरियाले कोरियाई प्रायद्विपमा रहेको तनाव कम गर्न यो कदम उठाएको हो । परमाणु परीक्षण स्थलको नजिक उपस्थित कयौं विदेशी पत्रकारहरुले त्यसक्रममा एक ठूलो विस्फोट देखेको बताएका छन् । 

विचार / ब्लग

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।

माइत जाने चेलीलाई ५ सय ८० शब्दको सुझाव

माइत भन्ने बित्तिकै हरेक महिलाको अनुहारमा रौनक आउँछ । माइतको मोह महिलाले जीवनभर भुल्दैनन् । पतिले घरमा जतिसुकै सुख दिएको होस्, माइतमा पाइने सुखका अगाडि ती सबै कम लाग्छन् । माइतबाट सानो बोलावट मात्रै आउनुपर्छ, जानका लागि तुरुन्त तयार नहुने को नै होला र ? माइत जानु नराम्रो होइन । तर, प्रायः के पनि देखिन्छ भने जुन खुसी र उत्साहले महिलाहरु माइत जान्छन्, त्यति नै खुसी लिएर भने फर्कदैनन् ।

अध्यक्ष पद नै एमाले–माओवादी एकताको बाधक ! ओली र दाहालको आ–आफ्नै रणनीति

निर्वाचनलगत्तै पार्टी एकीकरण गर्ने बताएका दुई नेताले एकता प्रयास ठोस रुपमा अघि नबढेको बेला यस्तो कुरा बताउँदा दुबै पार्टीको एकता चाहनेलाई हौसला मिलेको थियो । आशा जागेको थियो । तर, एतिका दिन बितिसक्दा पनि पार्टी एकताले गति लिन सकेको छैन । 
Top