syangyong
nlic

किन सहज बन्न सकेन ट्रम्पसँग दक्षिण अमेरिकी सम्बन्ध ?


Saturday, 13 Jan, 2018 4:29 PM
२९ पुस काठमाडौ । अमेरिकी पूर्व राष्ट्रपति बाराक ओबामाले आफ्ना क्युबाली समकक्षीसँग अङ्गालोमार्दै भनेका थिए ‘अमेरिका र क्यूबा एक अर्काको सहयोगी बन्नेछन् र मित्रताको व्यवहार गर्नेछन् । ’
आफ्नो आठवर्षे कार्यकालको उत्तरार्धमा सम्बन्ध सुधारको महत्वपूर्ण लक्ष्यका साथ ओबामाले आफ्ना समकक्षी राहुल क्यास्ट्रोसँग गम्भीर विषयमा वार्ता र सम्वाद मात्रै गरेनन्  ५० वर्षभन्दा लामो समयदेखि बन्द रहेको एक अर्काको दूतावास खोल्ने समेत सम्झौता भयो । 
हवानाको सडकमा अमेरिका र क्युबाका झण्डा फहराउँदा दुई मुलुकबीच मैत्रीसम्बन्ध नयाँ दिशामा पुगेको अनुमान गरिएको थियो । तर एकाध महिनापछि अमेरिकी सर्वोच्च निकायमा आइपुगेका ओबामाका उत्तराधिकारी डोनाल्ड ट्रम्पले ह्वाइट हाउसको सत्ता सम्हाल्दा नसम्हाल्दै क्युबासँगको सम्बन्ध अगाडि बढ्न नसक्ने घोषणा गरिदिए । धेरै मानिसहरुले सोचेको भन्दा फरकरुपमा ट्रम्प प्रस्तुत भएपछि ओबामाले सुरु गरेको सम्बन्ध सुधारको यात्रामा गत्यावरोध पैदा भएको छ । अमेरिका र दक्षिणी मुुलुकको सम्बन्धलाई नजिकबाट नियाल्ने हो भने ट्रम्पको पछिल्लो कदमलाई सकारात्मक कदमको रुपमा लिन नसकिने अन्तरराष्ट्रिय सञ्चार माध्यमको टिप्पणी छ । 

ओबामाले हवानामा भनेका थिए – मेरो महत्वपूर्ण भ्रमण भएको छ र यसबाट अमेरिका र क्युबाबीच दशकौँदेखि देखिँदै आएको शीतयुद्धको अवशेष अन्त्य हुने विश्वास छ । उनले क्युबाली जनतालाई अमेरिकाले पछिल्लो समय विश्वास लिएर अघि बढेको बताएका थिए । 
राष्ट्रपति बाराक ओबामाका विदेशमामिलासम्बन्धी सल्लाहकार बेन रोड्सले यो भ्रमणलाई सार्थक तुल्याउन तथा क्युबाली नागरिकसँगको प्रत्यक्ष सम्पर्क र सम्बन्ध बढाउनका लागि भ्रमण सबैभन्दा महत्वपूर्ण अवसर भएको त्यतिबेला बताएका थिए । तर दुःखद पक्ष त के भयो भने ट्रम्पको उदयपछि ओबामाले सुरु गरेको यस्तो महत्वपूर्ण सम्बन्ध विस्तारको यात्रामा पूर्णविराम लागेजस्तै भएको छ । 

कम्तीमा पनि ८८ वर्षपछि क्युबाको औपचारिक भ्रमण गर्ने ओबामा पहिलो राष्ट्रपति थिए ।  विगतका तिता अनुभवलाई पखाल्ने र आगामी दिनलाई थप सुमधुर बनाउन सघाउने लक्ष्यका साथ सम्बन्ध विस्तारको अध्याय सुरु भएको थियो । 

क्युबाको राजधानी हवानामा दुवै देशको झण्डा उठाएर सम्बन्धमा नयाँपनको सन्देश दिइएको थियो । अमेरिकी राष्ट्रपतिका रुपमा उनको यो भ्रमण सन् १९२८ पछि पहिलो पटक भएको थियो । आधा शताब्दिभन्दा पनि लामो समयपछि भएको उनको यो भ्रमणका क्रममा महत्वपूर्ण विषयमा छलफल वा सम्झौताभन्दा पनि सम्बन्धको सुधारका क्षेत्रमा प्रगति हुने अपेक्षा थियो । 

सन् २०१४ को डिसेम्बरमा अमेरिकी राष्ट्रपति ओबामा र क्युबाली राष्ट्रपति क्यास्त्रोबीच सम्बन्धको सुधार गर्ने विषयमा सहमति भएको थियो । तर ट्रम्पले पूर्व राष्ट्रपति ओबामा र क्युबा सरकारबीच भएको केही सम्झौता रद्द गरिदिएका छन् । उनले क्युबाप्रतिको आफ्नो प्रशासनको नयाँ नीति अघि सारे । त्यसमा कम्युनिस्ट नेतृत्वको टापू मुलुक क्युबासँग द्विपक्षीय आदान प्रदानसम्बन्धी ओबामा प्रशासनले लागू गरेका नीतिका केही महत्वपूर्ण पक्ष ट्रम्प प्रशासनले उल्ट्याएको छ । 

यो कुरा पहिल्यैदेखि स्पष्ट थियो कि राष्ट्रपति ट्रम्पले आफ्ना पूर्ववर्ती ओबामाको तुलनामा क्युबाली सरकारसँग अझबढी आक्रामक नीति अवलम्बन गर्न चाहिरहेका छन् ।  मायामीको एक समारोहमा उनले भनेका थिए ‘ओबामा प्रशासनले क्युबासँग गरेको पूर्णतः एकतर्फी सम्झौता तत्काल लागू हुनेगरी मैले रद्द गर्दैछु । ओबामा प्रशासनले खुकुलो पारेको यात्रा प्रतिबन्ध र व्यापारमाथिको कडाइको अवस्थालाई ट्रम्पले यथास्थितिमा फर्काएका छन् ।  यद्यपि कडा कदम चालिएपनि क्युबासँगको द्विपक्षीय आदानप्रदानको नीतिलाई चाहिँ पूर्णरुपमा उल्ट्याइएको छैन् हालसम्म । 

क्युबा भ्रमणमा जाने अमेरिकीले त्यहाँको यात्रामा जानुपर्ने उद्देश्यबारे थप प्रश्नको सामना गर्नु परिरहेको छ । पछिल्ला दुई वर्षमा कीर्तिमानी संख्यामा अमेरिकी नागरिकले क्युबाको यात्रा गरेका थिए । ट्रम्पको घोषणापछि व्यक्तिगतरुपमा भन्दा संगठित समूहमा अमेरिकीहरु क्युबाको भ्रमणमा जानुपर्ने हुन्छ । अमेरीकी डलरले क्यास्ट्रो सरकारलाई सघाइरहेको भन्दै ट्रम्पले क्युबाली सेनाको व्यापारिक शाखाहरुसँग मिलेर लगानी गर्न अमेरिकी कम्पनीमाथि प्रतिवन्ध लगाएका छन् । अमेरिकाले गत अक्टाबेरमा आफ्ना ६० कर्मचारीलाई हवानाबाट फिर्ता बोलाएको थियो । कर्मचारी फिर्ता बोलाएको केही दिन पछि १५ क्युबाली अधिकारीलाई सातदिन भित्र अमेरिका छाडन आदेश दिएको थियो । ओबामाले सुरु गरेको सहकार्यको यात्रामा ट्रम्प प्रशासनको सो कदम एउटा खराब दिनको सुरुवाताको रुपमा अथ्र्याइएको छ । 

गत नोभेम्बरमा एक सूचनामार्र्फत अमेरिकी नागरिकलाई क्युबाको भ्रमण नगर्न समेत आदेश दिइयो । सन् २०१५ को जुलाइमा पुनःस्थापना भएको दूतावासमा कर्मचारी कटौती गर्नेदेखि लिएर अनेकन कदम चालेपछि शीतयुद्धकालीन अवस्थामा अमेरिका र क्युबा सम्बन्ध पुगेको छ । 

यस्तै चुनावी अभियानदेखि नै मेक्सिकोसँगको सीमाना नियमन गर्ने दावीगर्दै आएका ट्रम्पले अगाडि सारेका केही नीतिका कारण दुई देशबीच विगतको जस्तो सुमधुर सम्बन्ध रहन सकेको छैन । सन् २०१७ मा आशङ्का र विवादको वर्षको रुपमा मेक्सिकोले अमेरिकासँगको सम्बन्धलाई अथ्र्याएको छ । सीमामा लगाउने पर्खालको खर्च मेक्सिकोले तिर्नुपर्छ भनेर ट्रम्पले भाषणगर्दै हिँडेको भन्दै मेक्सिकोले आफूहरु खर्च व्यहोर्न तयार नभएको प्रतिक्रिया दिएको छ । सीमानामा बार लगाउने सम्बन्धी विवाद हालसम्म पनि यथावत् नै छ । 

राष्ट्रपति निर्वाचनको अभियानमा घोषणा गरेको वाचाअनुसार मेक्सिकोको सीमामा पर्खाल बनाउने घोषणा गरियो र सान डियागोमा निर्माणाधीन पर्खालका केही नमुना समेत केही समय पहिले सार्वजनिक गरियो । ट्रम्पको घोषणालाई कार्यान्वयन गर्नेभन्दै आठ प्रकारका नमुना सार्वजनिक गरिएको र कामसमेत सुरु भएको जनाइएको छ । मेक्सिकोले आप्रवासी पठाउन सहयोग गरेको अमेरिकी आन्तरिक सुरक्षा निकायको आरोप छ । त्यसैलाई लिएर ट्रम्पको आफ्नो घोषणा कार्यान्वयन गरेरै छाड्ने जिकिर छ । 

कार्यभार सम्हालेलगत्तै अमेरिकाको राष्ट्रपति कार्यालय ह्वाइट हाउसले छ महत्वपूर्ण आप्रवासीका नाममा आदेश जारीगर्दै मेक्सिकोसँगको सीमानामा पर्खाल लगाउने घोषणा गरेका थिए । राष्ट्रपति ट्रम्पले अमेरिकाको राष्ट्रिय सुरक्षालाई ध्यानदिँदै छ मुस्लिम राष्ट्रका आप्रवासीलाई अस्थायी प्रतिबन्ध लगाउन आदेश दिए ।  जुन हालसम्म पनि विवादको घेरामा परिरहेको छ । 

राष्ट्रपति ट्रम्पले ट्विटगर्दै भनेका थिए –राष्ट्रिय सुरक्षाको लागि भोलि ठूलो दिन हुन्छ । यसका साथै हामी अरु कुरासँगै सीमामा पर्खाल बनाउनेछौ ।’ 

मेक्सिकोको सीमामा पर्खाल बनाउन अमेरिकी संघीय सरकारले रकम निकासा गर्नेछ । सीमामा पर्खाल लगाउनेबारे मेक्सिकोका राष्ट्रपति एनरिक पेना नियटोसँग पनि छलफल भएको थियो । तर कुनै निकास हालसम्म निस्किएको छैन । ट्रम्पले घोषणा गरेको मुख्य योजनाले धेरैभन्दा धेरै शरणार्थीलाई अमेरिका प्रवेशमा कठिनाई हुने सञ्चारमाध्यमले दाबी गरेका छन् । तर अमेरिका प्रवेश गर्न चाहने सयौँको संख्यामा आप्रवासी मेक्सिकोको विभिन्न सहरमा अझै पनि छन् । यस्तै अर्को दक्षिण अमेरिकी राष्ट्र भेनेजुयलासँग पनि अमेरिकी सम्बन्ध राम्रो छैन । नागरिक माथि दमन गरेको र प्रजातन्त्र हरण गरेको भन्नेजस्ता आरोप भेनेजुयलाका राष्ट्रपति निकोलस माधुरोमाथि लागेको छ । 

भेनेजुयलामा देखिएको राजनीतिक सङ्कट समाधान गर्न गतवर्ष सम्पन्न भएको संविधानसभाको निर्वाचनमा विपक्षीले बहिस्कार गरेको, २०० बढी नागरिकको प्रहरीको गोलीका कारण मृत्यु भएको, विपक्षी नेतालाई नजरबन्दमा राखिएको जस्ता आरोप लागेको छ । 

भेनेजुयलाको प्रतिपक्षी गठबन्धन समूह डेमोक्रेटिक युनिटी राउन्ड टेबल (एमयूडी)ले वर्तमान राष्ट्रपति निकोलास माडुरोले भेनेजुयलामा राजनीतिक सङ्कट चरम बन्दासमेत समाधान गर्न नसकेको तथा राजनीतिक अन्यौलका कारण आर्थिक सङ्कटसमेत चुलिएको भन्दै अमेरिकाले चासो व्यक्त मात्रै गरेन । राष्ट्रपति माधुरोलगायतको सम्पत्ति कालोसूचीमा राख्ने र यात्रामा समेत प्रतिबन्ध लगाएको छ । 

तेल निर्यातक राष्ट्रको रुपमा रहेको सो मुलुकमा विगत तीन वर्षदेखि राजनीतिक सङ्कट गहिरिदै गएको छ । तर राष्ट्रपति माधुरोले भने अन्तरराष्ट्रिय मञ्चमा अमेरिकाले आफ्नो मुलुकमा हिंसा भडकाएको आरोप लगाएका छन् । 

माडुरोले राजनीतिक सङ्कटलाई निकास नदिएको र प्रतिपक्षी दलको भावनाविपरित अघि बढेको भन्दै अन्तरराष्ट्रिय समुदायबाट समेत निर्वाचनको आलोचना भएको छ । उक्त आलोचना गर्नेमा अमेरिका र ट्रम्प प्रशासन नै अग्रपंक्तिमा रहेको छ । माडुरोले संविधानसभाको निर्वाचन गराएरै छाड्ने अठोट लिएको भनी निर्वाचन प्रक्रियाप्रति आलोचना व्यक्त गरिको हो । 

कुल ५४५ सदस्यीय संविधानसभाका लागि छ हजारभन्दा बढी उम्मेदवार मैदानमा खडा भएपनि एकजना पनि उम्मेदवारले विपक्षी दलको तर्फबाट भाग नलिएको भन्दै अमेरिकाले उक्त निर्वाचनलाई अवैध घोषणा गरेपछि अमेरिकाले भेनेजुयला विरुद्ध प्रतिबन्धसम्म लगाउने कदम चालेको हो । ट्रम्पका पूर्ववर्ती ओबामाले क्षेत्रीय शान्तिका लागि भन्दै दक्षिण अमेरिकी मुलुकसँगको सम्बन्ध विस्तारका लागि चालेका सबै कदमहरु अहिले निस्क्रिय भएका छन् । 

ट्रम्प प्रशासनसँग सम्बन्ध सुधारको प्रतिक्षामा रहेका दक्षिण अमेरिकी अन्य मुलुक पनि क्युबा, भेनेजुयला, मेक्सिकोसँगको खराब सम्बन्धका कारण दुखित छन् । ब्राजिलले भने क्षेत्रीय शान्ति र स्थिरताका लागि अमेरिकासँग मिलेर काम गर्ने प्रतिवद्धता सन् २०१८ को सुरुवातीसँगै जनाएको छ । अर्जेन्टिनासँग पनि सुमधुर सम्बन्ध नभएको टिप्पणी प्रकासमा आइरहेकै छन् । क्यानडा र भेनेजुयलाको सम्बन्ध पनि खराब अवस्थामा रहेको छ । एक अर्काका कूटनीतिक अधिकारीको देश निकालाको घोषणाले यो अवस्था देखाउँदछ । 

अमेरिका पहिला’ नीतिमा अगाडि बढेका ट्रम्पका कारण खराब दिन सुरु भएको भेनेजुआली राष्ट्रपति माडुरोको प्रतिक्रिया रहेको छ । गत वर्षको जनवरी २० मा शक्तिशाली मुलुकको बागडोर सम्हालेपछि सम्बन्ध सुधारको प्रतिक्षामा रहेका मुलुक पनि उनका दोहोरो अर्थ लाग्ने खालका ट्वीट र आक्रोशयुक्त अभिव्यक्तिका कारण चिढिएको उनका आलोचकहरुको टिप्पणी छ । 

सन् २०१७ भर नै विवादको घेरामा रहेका शक्तिशाली देशका शक्तिशाली कार्यकारी प्रमुखलाई अहिले देशभित्रै सोधिने धेरै प्रश्नमध्ये एक हो मेक्सिकोको सीमामा पर्खाल कहिले र कताबाट बन्दैछ ? तर उत्तर भने उनले दिइसकेका छैनन् ।  विवाद, संशय र अविश्वासको घेरामा उनको  प्रशासन र दक्षिणी अमेरिकी राष्ट्रहरु परिरहेका छन् । यसबाट पार पाउन उनले आगामी दिनमा कस्तो कदम चाल्नेहुन् भन्ने प्रतिक्षा भने अझै सकिएको छैन ।–रमेश लम्साल रासस


Ruslan

machha bank

ime

samajik surachhya

राजनीति

युवाको जीवन धरापमा राख्ने अवस्थाले अब निरन्तरता पाउँदैनः श्रममन्त्री विष्ट

३ पुस, काठमाडौं । श्रम, रोजगार तथा सामाजिक सुरक्षामन्त्री गोकर्ण विष्टले वैदेशिक रोजगारीमा रहेका लाखौँ युवाको जीवन ‘धराप’मा राख्ने अवस्थाले अब निरन्तरता नपाउने बताएका छन् । अन्तर्राष्ट्रिय आप्रवासन दिवस २०१८ का अवसरमा आज वैदेशिक रोजगार प्रवर्द्धन बोर्डको सचिवालयले आयोजना गरेको ‘वैदेशिक रोजगारीः अबको बाटो’ विषयक अन्तक्र्रिया कार्यक्रममा उनले भने, ‘अझै पनि वैदेशिक रोजगारीका क्षेत्रमा विकृति, विसङ्गति र अपारदर्शीता छन्, अब यस्तो 

नेकपाः राजनीतिक प्रतिवेदनमा छलफल

३ पुस, काठमाडौं । नेपाल कम्युनिष्ट पार्टी (नेकपा) स्थायी कमिटीको तेस्रो बैठकमा आज पनि राजनीतिक प्रतिवेदनमथिको छलफल भएको छ । पार्टी केन्द्रीय कार्यालयमा धूम्रबाराहीमा भएको बैठकमा केशवप्रसाद बडाल, टोपबहादुर रायमाझी, भीमबहादुर रावल, योगेश भट्टराई, शङ्कर पोखरेल, सत्यनारायण मण्डल, सोमनाथ प्यासी र पृथ्वीसुब्बा गुरुङले राजनीतिक प्रतिवेदनका सम्बन्धमा आआफ्नो विचार व्यक्त गरे । सोमबारको बैठकमा १० सदस्यले धारणा राख्दै सरकार र 

संसदीय दलको नेतामा मुख्यमन्त्री शाही

३ पुस, काठमाडौं । नेपाल कम्युनिष्ट पार्टी (नेकपा) कर्णाली प्रदेश संसदीय दलको नेतामा कर्णाली प्रदेश सरकारका मुख्यमन्त्री महेन्द्रबहादुर शाही चयन भएका छन् । सोमबार प्रदेश राजधानी सुर्खेतमा बसेको नेकपा संसदीय दलको बैठकबाट मुख्यमन्त्री शाही संसदीय दलको नेतामा सर्वसम्मत चयन भएका हुन् । नेकपा कर्णाली प्रदेश सह इञ्चार्ज तथा प्रदेशसभा सदस्य यामलाल कँडेल, अध्यक्ष गोरखबहादुर बोगटी र सचिव मायाप्रसाद आचार्यसहित बसेको बैठकले शाहीलाई 

अन्तर्राष्ट्रिय

तालिबानसँग वार्ता गर्न अफगान टोली युएई पुग्यो

३ पुस, काठमाडौं । अफगानिस्तानमा युद्धरत तालिबानसँग शान्तिवार्ता गर्न अफगान शान्ति मध्यस्थकर्ता टोली युएईको अबुधाबी पुगेको एक सरकारी अधिकारीले बताएका छन् । करिब १७ वर्षदेखि जारी सशस्त्र द्वन्द्वको शान्तिपूर्ण समाधानका लागि अमेरिकी र तालिबान प्रतिनिधिहरुबीच सोमबार पनि वार्ता भएको छ । प्रमुख मध्यस्थकर्ता अब्दुल सलाम राहिमीको नेतृत्वमा रहेको टोली तालिबानसँग वार्ता गर्न अबुधाबी आइपुगेको र दुई पक्षबीच धेरै समयपछि आमनेसामने वार्ता हुन लागेको 

चीनको विकासको मार्गलाई कसैले होच्याउन सक्दैन– चिनीया राष्ट्रपति

३ पुस, बेइजिङ । चिनीया राष्ट्रपति सी जिनपिङले चीनको आर्थिक विकासको मार्गका बारेमा कुनैपनि मुलुकले हस्तक्षेप गर्न नसक्ने बताएका छन् । 
चिनीया कम्युनिष्ट पार्टीले अबलम्बन गरेको ऐतिहासिक ‘सुधार एवं खुला नीति’को ४०औं वर्षका अवसरमा बेइजिङमा आयोजित विशेष समारोहमा सम्बोधन गर्दै राष्ट्रपति सीले चीनको विकास र प्रगति त्यही नीतिका आधारमा निरन्तर अगाडि बढेको र त्यसलाई छाड्न नसकिने बताए । चिनीया ग्रेट हल अफ द पिपुलमा आयोजित भव्य समारोहमा 

मेक्सिको सीमामा अमेरिकी सैनिक कटौती

३ पुस, वासिङ्टन । संयुक्तराज्य अमेरिकाले मेक्सिको सीमामा तैनाथ अमेरिकी सेनाको संख्या कटौती गरेको छ । अमेरिका प्रवेश गर्न चाहने आप्रवासीको ठूलो जत्थालाई सीमामै रोक्ने उद्देश्यले यसअघि करिब ६ हजार सेना तैनाथ गरिएकामा त्यसमा कटौती गरी हाल करिब तीन हजारमा सीमित गरिएको अमेरिकी रक्षा मन्त्रालयले जनाएको छ । मध्ये अमेरिकी देशहरु खासगरी होन्डुरसबाट ठूलो संख्यामा आप्रवासीहरु अमेरिका प्रवेशका लागि अघि बढेको भन्दै भन्सार तथा सीमा 

विचार / ब्लग

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 

अनशनको शक्ति जुटाउने सन्त चिकित्सक

► अतृप्त
प्राध्यापक डाक्टर गोबिन्द के.सी. को पन्ध्रौँ अनशन शृंखला भर्खरै अन्त्य भएको छ । जोरजुलूम गर्दा पनि पार नलागेपछि देशकै कार्यकारी प्रमुखको प्रत्यक्ष निगरानीमा पछिल्लो अनशन शृंखला सताइसौं दिनमा आएर टुङ्गोमा पुग्यो । बितेका ६ बर्षमा सन्त चिकित्सकका अनशन शृंखलाले राजधानी काठमाडौंदेखि मोफसलमा अवस्थित जुम्लासम्मको अविस्मरणीय यात्रा तय गरेका छन् । डा. के.सी. को निराहार यात्रा भोग्नेलाईभन्दा देख्नेलाई पट्यारलाग्दो प्रतित हुन्छ । 

लालबाबु पण्डितको ‘सेलिब्रेटी’ मोह, आफ्नै कर्मचारीलाई पागल भन्न मिल्छ ?

कर्मचारी समायोजन अन्र्तगतको स्वेच्छिक अवकाशको विषयलाई लिएर यतिबेला प्रधानमन्त्री, मन्त्री र कर्मचारीबीच जुहारी चलिरहेको छ । अवकाशको विषयलाई लिएर दुवै पक्ष एकअर्काप्रति तिखो टिप्पणीमा उत्रिएका छन् । उनीहरुबीचको आरोप–प्रत्यारोपलाई सुन्दा दुवै पक्ष एकअर्काप्रति पूर्णरुपमा सशंकित् र अविश्वस्त देखिएका छन् ।
Top