​युएईमा आममाफी सुरु, बस्न चाहनेले काम खोज्न ६ महिनाको भिसा पाउने


Wednesday, 1 Aug, 2018 2:26 PM
१६ साउन, काठमाडौं । युएई सरकारले घोषणा गरेको तीन महिने आममाफी बुधबारदेखि सुरु भएको छ । यो अवधिमा युएई सरकारले तोकेका केन्द्रमा गएर अभिलेखविहीन रहेका आप्रवासी कामदारले दर्ता भएर पुनः वैध हुन अथवा स्वदेश फर्किन पाउने छन् ।

पहिलो दिन नै त्यहाँका केन्द्रहरुमा आप्रवासीहरु दर्ता हुने क्रम सुरु भएको स्थानीय सञ्चारमाध्यमले जनाएका छन् ।

यसरी अवैधानिक रुपमा बसिरहेका आप्रवासीलाई वैधानिक हुन वा स्वदेश फर्किन युएईका ९ ठाउँमा केन्द्रहरु तोकिएका छन् । ती केन्द्रमा गएर भिषाको म्याद सकिएकाहरु पुनः वैध हुन अथवा जरिवानाबिनै स्वदेश फर्किने कागजात तयार गर्न पाउने छन् । यो प्रक्रियामा सहभागी भएर फर्किनेहरु फेरि युएई जान सक्नेछन् । स्वदेश फर्किन चाहनेहरुले आवेदन दिएको भोलीपल्टै कागजात प्राप्त गर्ने जनाइएको छ ।

स्वदेश फर्किन चाहनेले २ सय २१ दिराम शुल्क बुझाउनु पर्छ भने, म्याद सहितको पासपोर्ट र स्वदेश फर्किने टिकट पनि हुनुपर्छ । यस्तै हाल भागेर काम गरिरहेकाहरुले ५ सय २१ दिराम तिरेर भगौडाको सूचीबाट नाम हटाउन सक्ने छन् ।

अहिले भिसा सकिएका कामदारले व्यक्तिगत स्पोन्सरसीप ६ महिनाको लागि लिन सक्नेछन् । यो अवधिमा कागजात तयार गरेर उनीहरुले अर्को ठाउँमा रोजगारी खोज्न सक्ने छन् ।

आममाफीको समय सकिएपछि भने अवैधानिक कामदारमाथी धरपकड सुरु हुनेछ । यसरी पक्राउ पर्नेहरुले जरीवाना तिर्नु पर्ने र उनीहरुलाई पुनः युएई जान समेत रोक लगाइने युएई सरकारले चेतावनी दिएको छ ।

प्रक्रियामा सहभागी हुने आप्रवासीले अवुधाविको साहमास्थीत अध्यागमन कार्यालयमा, अल ऐनको अध्यागमन कार्यालय, अल घर्वियाको अध्यागन कार्यालय, दुवईको अल अवीर र ईमिरेट्सहरुका मुख्य अध्यागन कार्यालयहरुमा आवेदन दिन सक्नेछन् । यी कार्यालय बिहान ८ बजेदेखि बेलुकी ८ बजेसम्म खुल्ला रहनेछन् ।

यस्तै युएई सरकारले त्यहि बसेर रोजगारी खोज्न चाहनेहरुका लागि ६ महिने भिसा दिने घोषणा गरेको छ । यसअघिका आममाफीमा भने युएईले यस्तो व्यवस्था गरेको थिएन । आममाफीको समयमा ६ महिनासम्मको भिसा दिने व्यवस्था गरेको यो नै पहिलो पटक हो । यसरी भिसा पाउनका लागि वैधानिक रुपमा युएई गएको हुनु पर्ने छ । अवैधानिक रुपमा पुगेकाहरु विनाजरिवाना स्वदेश फर्किन पाए पनि उनीहरुलाई दुई वर्ष प्रतिवन्द लाग्ने छ ।

यसअघि अवैधानिक रुपमा कुनै कम्पनीमा काम गरिरहेका हरुले भने त्यहि कम्पनीमा वैध भएर काम गर्ने मौका पाउने छन् ।

६ महिनाको भिसा पाउने आप्रवासीले सरकारी क्षेत्रमा समेत रोजगारी खोज्न सक्ने छन् । तर यो अवधिमा रोजगारी नपाउने आप्रवासी भने आफ्नै देश फर्किनु पर्ने छ ।

राहदानीका लागिः
– पुरानो राहदानीको कपी
– नेपाली नागरिकताको कपी
– पुलिस रिपोर्ट (पुरानो राहदानी हराएको अवस्थामा)
– राहदानीको लागि नियमानुसारको दस्तुर  लाग्ने
– नियमितको लागि दिरहाम २००
– हराएर वा बिग्रिएर राहदानी बनाउनु परेमा  ४०० 
– नाबालको लागि  दिरहाम १००

  ट्राभल डकुमेन्टका लागिः
– पुरानो राहदानीको कपी
– निशुल्क जारी गरिने

अवसरको उपयोग गर्न दूतावासको आग्रह 
१ अगष्ट देखि ३१ अक्टोवर, २०१८ सम्म लागूहुने यूएइको Federal Authority for Identity and Citizenship (ICA) को “Protect Yourself By Modifying Your Status” कार्यक्रम अन्तर्गत अवैधानिक बनेका आप्रवासीहरुलाई वैध रुपमा यूएईमा रहन तथा स्वदेश फर्कन पाउने व्यवस्था भएकोले यूएईमा गैर(कानुनी रुपमा रहनुभएका नेपालीहरुलाई यस अवसरको सक्दो उपयोग गर्नुहुन अनुरोध गरिन्छ ।

यस एमनेष्टीका फाइदाहरुः
Immigration को जरिवाना मिनाहा हुने
Ban नलागी यूएई छोड्न पाइने
पुनः यूएई आउनको लागि प्रतिवन्ध (Permanent Ban) नलाग्ने
दिरहाम ५०० सहित आवेदन दिएर नयाँ काम खोजी वैधानिक रुपमा यूएईमा रहन सकिने
Six Month Jobseekers’ भिषाको लागि मानव संशाधन तथा इमिरताइजेसन मन्त्रालयको वेभसाइटमा Virtual Job Market मा दर्ता गर्न सकिने ।

धेरै सोधिएका प्रश्नहरु र तिनको जवाफ

प्रश्न नं १ : आममाफि कसले पाउने ?
उत्तर : भिषाको अवधि सकिएर म्याद भन्दा बढी बसेका  (Overstay)  र कम्पनी छोडेर भागेका (Absconding) ब्यक्तिहरू यस आममाफीबाट लाभान्वित हुन सक्नेछन् ।

प्रश्न नं २ : आममाफीबाट के फाइदा लिन सकिन्छ ?
उत्तर : यस व्यवस्था अन्तर्गत युएइको अध्यागमनको नियमानुसार लाग्ने जरिवाना तथा शुल्क समेत मिनाहा हुनेछ। भविष्यमा युएइमा आउनको लागि हुने संभावित प्रतिवन्ध वाट समेत छूटकारा पाइने छ । साथै, युएईमै बस्न चाहनेहरूले काम खोज्नको लागि युएई सरकारले तोकेको ५०० दिरहाम शुल्क तिरी ६ महिनाको अस्थायी भिषा प्राप्त गर्न सकिने छ ।

प्रश्न नं ३ : यो आममफिवाट युएइ मै काम खोजी वस्न चाहनेहरूको लागि के के कागजात आवश्यक हुन्छ ?
उत्तर : वैध रुपमा काम गरी बस्नको लागि अवधी बाँकी रहेको राहदानी  (Valid MRP)  आवश्यक हुन्छ ।

प्रश्न नं ४ : राहदानी नभएमा के गर्ने  ?
उत्तर : राहदानी नभएमा यदी नेपाल फर्कने हो भने Travel Document  बनाउन र यूएई मै काम खोजेर बस्न चाहने हो भने राहदानीको लागि आवेदन गर्न नेपाली नागरिकता, पुरानो राहदानीको प्रतिलिपि र Police Report  लिएर दुतावासमा आउनु पर्ने छ ।

प्रश्न नं ५ : आममाफीको लागि कहाँ कहाँ सम्पर्क गर्ने ?
उत्तर : यसको लागि पछिल्लो भिसा जुन इमिरेट्सवाट जारी भएको छ त्यही इमिरेट्समा रहेको Amnesty Service Centre मा सम्पर्क राख्नु पर्ने हुन्छ ।

अबुधावीको लागि  

Immigration Office in Shahama
Immigration Office in Al Ain
Immigration Office in Al Gharbia in the Western Region of Abu Dhabi

दूवाइको लागि

Immigration Office in Al Aweer
अन्य इमिरेट्सका लागि  भिषा लागेको इमिरेट्सको  Main immigration office मा सम्पर्क राख्नुपर्ने हुन्छ ।
नोटः ६ महिनाको Job Seekers  भिसा अस्थायी भिसा सकिनै लाग्दा समेत काम नपाइएमा उक्त भिसाको अवधि सकिन १० दिन अगावै नेपाल फर्कनु पर्ने हुन्छ ।
अन्य जानकारीको लागिFederal Authority of Identity and Citizenship को Toll Free Hotline 80080 वा दूतावासको फोन नं 026344767 मा सम्पर्क गर्नुहुन अनुरोध गरिन्छ ।


 


global ime

runner bike

राजनीति

अग्नि सापकोटाविरुद्धको मुद्दा न्यायाधीश हरि फुयाँलले हेर्न नमिल्ने

१२ माघ, काठमाडौं । सभामुखका एकल उम्मेदवार अग्नि सापकोटाविरुद्ध परेको रिटमाथिको सुनुवाइ न्यायाधीश हरि फुयालले नगर्ने भएका छन् ।
सर्बोच्चको न्यायाधीश हुनुअघि सापकोटाविरुद्धकै अर्को मुद्दामा कानून व्यवसायीको हैसियतले बहस गरेकाले नैतिकताका कारण उनले मुद्दा नहेर्न लागेको स्रोतले जनाएको छ । सापकोटालाई सभामुख नबनाउन माग गर्दै वरिष्ठ अधिवक्ता दिनेश त्रिपाठीले दायर गरेको रिटको सुनुवाइ फुयाँलको एकल इजलासमा आज तोकिएको थियो । स्रोतका अनुसार, न्यायाधीश फुँयालले विगतमा आफूले सापकोटाविरुद्धकै मुद्दामा बहस गरेकाले हेर्न नमिल्ने जानकारी गराएका छन् ।

नेपाली कांग्रेसका पूर्वसांसद गम्भीरजंग कार्कीको निधन

१२ माघ, काठमाडौं । नेपाली काँग्रेसका पाल्पाका पूर्वजिल्ला सभापति गम्भीरजङ्ग कार्कीको ७६ वर्षको उमेरमा निधन भएको छ । मिर्गौला रोगबाट पीडित उनको आज विहान उपचारका क्रममा काठमाडौँस्थित ग्राण्डी अस्पतालमा मृत्यु भएको नेपाली काँग्रेस पाल्पाका सचिव झपिन्द्र गैरेले जानकारी दिए । उनको मिर्गौलाको डायलायसिस हुँदै आएको थियो । पाल्पाको रम्भा गाउँपालिका–५ ताहूँमा विसं २००० मा जन्मिएका कार्की विसं २०४८ मा  क्षेत्र नं २ बाट प्रतिनिधिसभा सदस्यमा निर्वाचित भएका थिए । विसं २०५१ देखि २०५६ सम्म उनले काँग्रेस पाल्पाको जिल्ला सभापतिको जिम्मेवारी वहन गरेका थिए । 

अग्नि सापकोटाविरुद्धको रिट न्यायाधीश फुँयालको इजलासमा

१२ माघ, काठमाडौं । प्रतिनिधि सभाको सभामुखमा उम्मेदवारी दिएका नेपाल कम्युनिष्ट पार्टी (नेकपा) का नेता अग्निप्रसाद सापकोटाविरुद्धको रिट सर्वोच्च अदालतका न्यायाधीश हरिप्रसाद फुँयालको इजलासमा परेको छ । नेता सापकोटालाई सभामुखमा निर्वा्चित नगर्न माग गर्दै वरिष्ठ अधिवक्त दिनेश त्रिपाठीले शुक्रबार दायर गरेको रिट न्यायाधीश त्रिपाठीको एकल इजलासमा परेको हो । रिटमा सापकोटालाई सभामुख बनाउन नहुने पाँच बुँदा उल्लेख गरिएका छन् ।

अन्तर्राष्ट्रिय

अमेरिकाले ‘बर्थ टुरिजम’ रोक्ने, गर्भवतीलाई भिसामा कडाइ

१२ माघ, काठमाडौं । अमेरिकाले ‘बर्थ टुरिजम’(जन्म पर्यटन)लाई अब रोक्ने भएको छ ।  यसअघि गर्भवती महिलाले अमेरिकाको भिसा लिने, अमेरिकामा बच्चा जन्माउने र त्यसको उद्देश्य  आफ्नो बच्चालाई अमेरिकी नागरिक बनाउने चलन रहेको बताइएको छ । तर, शुक्रबारदेखि अमेरिकी विदेश मन्त्रालयले अब त्यसो हुन नदिने भएको छ । अमेरिकी अधिकारीहरुका अनुसार अब गर्भवतिले पहिलो प्राथमिकता बच्चा जन्माउने भन्दा पनि अमेरिकामा अरु नै काम भएको देखाउनुपर्नेछ । साथै अमेरिकाले स्वास्थ्य उपचार सम्बन्धी आउने मानिसमा पनि कडा गर्ने भएको छ । यसका लागि भिसा आवेदकले आफ्नो खर्च बर्चको जानकारी पहिला नै जानकारी गराउनुपर्नेछ । 

भारतले आज ७१ औँ गणतन्त्र दिवस मनाउँदै, ब्राजिलका राष्ट्रपति प्रमुख अतिथि

१२ माघ, काठमाडौं । भारतले आइतबार ७१ औँ गणतन्त्र दिवस मनाउँदैछ । गणतन्त्र दिवसको अवसरमा राजधानी दिल्लीको राजपथमा हुने परेडमा ब्राजिलका राष्ट्रपति जायर बोल्सोनारो प्रमुख अतिथि रहने छन् । भारतीय राष्ट्रपति रामनाथ कोविन्दले परेडमा उपस्थित भएर सलामी लिने छन् । परेड ९० मिनेटसम्म चल्ने छ । यसमा सैन्यकला सँगै देशको सांस्कृतिक, सामाजिक तथा आर्थिक स्थितिबारे पनि विभिन्न झलकहरु देखाइने छ ।
यो वर्षदेखि राष्ट्रिय युद्ध स्मारकलाई पनि परेड कार्यक्रममा समेटिने भएको छ । यसअघि प्रधानमन्त्रीले अमर जवान ज्योतिमा पुष्पाञ्जली अर्पण गर्थे तर यो पटक प्रधानमन्त्री नरेन्द्र मोदी युद्ध स्मारक जाने छन् ।

चीनले सबै प्रकारका पर्यटकीय गतिविधि स्थगित गर्ने

१२ माघ, काठमाडौं । कोरोना भाइरसको प्रकोप बढ्दै गएपछि चीनले सोमबारदेखि सबै प्रकारको पर्यटकीय गतिविधि र अन्तर्राष्ट्रिय ‘टुर’ भ्रमण स्थगित गर्ने भएको छ ।  आन्तरिक पर्यटकीय गतिविधि भने गएको शुक्रबारदेखि नै स्थगित गरिएको छ । कोरोना भाइरसको सङ्क्रमण तीव्र हुँदै गएपछि चिनियाँ राष्ट्रपति सी जिनपिङले चिनियाँ नयाँ वर्ष ‘लुनार’ को अवसरमा चीनले गम्भीर अवस्थाको सामना गरिरहेको बताएका थिए । 
चीनको ट्राभल एजेन्सी सङ्घले भनेको छ, ‘भ्रमणको क्रममा बीचैमा रहेका यात्रुहरुले भने आफ्नो यात्रा अघि बढाउन सक्छन् तर त्यसका लागि ट्राभल एजेन्सीले आफ्ना यात्रुहरुको स्वास्थ्यका बारेमा निरागानी राख्नु पर्ने छ ।’

विचार / ब्लग

सी चिनफिङ भन्छन् -हिमालय वारिपारिको मैत्रीलाई नयाँ उचाइमा पुर्याऔँ

सी चिनफिङ
राष्ट्रपति श्रीमती विद्यादेवी भण्डारीको निमन्त्रणामा म छिटै चीनको मैत्रीपूर्ण छिमेकी देश नेपालको राजकीय भ्रमण गर्दैछु । मैले नेपालको भ्रमण गर्न लागेको यो पहिलोपटक हो, तथापि मलाई नेपाल अपरिचित भने लाग्दैन । नेपालमा शानदार पहाड र नदीहरू छन्, विशिष्ट संस्कृति पनि छ । त्यसैले म नेपालको भ्रमण गर्न धेरै पहिलेदेखि लालायित थिएँ । मैले चीनको भ्रमण गर्नुभएका धेरै नेपाली नेताहरूसँग धेरैपटक भेटवार्ता गरेको छु र उहाँहरूसँग गहिरो मित्रता पनि गाँसेको छु ।

भारतीय फुटबल स्टार सुनील छेत्रीले मेस्सीले भन्दा बढी गोल यसरी गरे

क्रिस्टियानो रोनाल्डो र लियोनेल मेस्सी सर्वकालीन फुटबल खेलाडीहरूमध्ये सर्वोकृष्ट हुन्। यी दुवै खेलाडी क्लब वा देशका लागि खेल्दा गोल गर्न सिपालु छन्। तर यी दुवै महान् खेलाडीले अन्तर्राष्ट्रिय खेलमा गरेका गोल सङ्ख्याको सूचीको बीचमा अर्का खेलाडी छन् भन्दा धेरैलाई आश्चर्य लाग्न सक्छ। मेस्सीले भन्दा धेरै गोल गरेका खेलाडी भारतीय राष्ट्रिय टोलीका कप्तान सुनील छेत्री हुन् भन्दा अझ धेरै आश्चर्य लाग्न सक्छ। आइतवार राति थाईल्याण्डविरुद्धको एशियाली कप २०१९ अन्तर्गतको 

​लोकतन्त्रका खम्बामा खटपट

स्वतन्त्र राज्य व्यवस्थामा कार्यपालिका, व्यवस्थापिका र न्यायपालिकाबीचको त्रिकोणात्मक सम्बन्ध घनिष्ट हुनुपर्छ । संसदीय सुनुवाइ समितिले गत शुक्रबार प्रस्तावित प्रधानन्यायाधीश दीपकराज जोशीलाई प्रधानन्यायाधीश बन्ने बैधानिक बाटो रोकिदियो । यो निर्णयसँगै रामशाहपथस्थित सर्वोच्च अदालतको परिसरमात्र होइन, पुरै राष्ट्रिय राजनीति नै तरंगित बन्यो । हिजो अपरान्नहदेखि नै सामाजिक सञ्जाल र डिजिटल मिडियामा यसको पक्ष÷विपक्षमा विभिन्न मत–अभिमत प्रकट भएका छन् 
Top