norvic
global ime bank

विश्वास गुमाउँदै स्वास्थ्य सेवा कार्यालय


Friday, 17 Sep, 2021 8:03 AM
१ असोज, जाजरकोट । नामका हिसाबले यहाँको जिल्ला अस्पताल ५० शय्याको हो । छिमेकी जिल्लामा १५ शय्याको अस्पताल हुँदै गर्दा जाजरकोटमा भने ५० शय्याको अस्पताल हुनु गर्वकै कुरा हो ।

अन्य जिल्लाभन्दा चिकित्सक सङ्ख्या झण्डै दोब्बर बढी छ । अहिले अस्पतालमा एमडीसहित १० चिकित्सक कार्यरत रहँदै आएका छन् । दश चिकित्सकको पालो हप्तामा एकपटक आउने गर्दछ । पटक–पटकका विभिन्न रोगबाट ग्रसित सो समस्या हल गर्न ५० शय्याको अस्पताल बनाउनाका साथै सबैको आशा र भरोसाको केन्द्र विन्दुका रूपमा लिन खोजे पनि दैनिक भरोसा गुम्दै गएको छ ।

भरोसा गुम्दै जाँदा अस्पतालको साख कसरी उठाउने र सबैको पहुँचमा स्वास्थ्यसेवा पु¥याउने भन्नेमा ध्यान जानुको साटो राजनीति गर्ने थलो बन्दा समस्या आएको चिकित्सक भूपेन्द्र मल्लले बताउनुभयो । उहाँले भन्नुभयो ,“आएको बजेटबाट समयमा काम हुँदैन, अधिकांश बजेट फ्रिज भएर जान्छ, सबैले आफ्ना मान्छे भर्ति गर्न खोज्छन्, सुधार गर्न खोज्दा झनै समस्या पार्छन ।” विशेषज्ञ चिकित्सकसहित जिल्लामा सबै खालका उपचारसेवा पाउने मापदण्ड ५० शय्याको अस्पतालको नियम हो ।
 
“नियम मात्र भएर के गर्नु, दैनिक बिरामी भएर उपचारका लागि जाने सर्वसाधारण पीडा मात्र पोख्छन्”, भौतिक पूर्वाधार विकास कार्यालयका इञ्जिनीयर टकेन्द्र रोकायले भन्नुभयो, “व्यवस्थापन गतिलो नहुँदा उपचारभन्दा सास्ती धेरै भएको छ, छिमेकी जिल्लाको निजीस्तरको चौरजहारी अस्पतालमा गएर उपचार गर्नुपर्छ ।” स्वास्थ्यसेवा कार्यालय र जिल्ला अस्पताल एकै व्यवस्थापनले काम गर्दा एकले अर्कोलाई नपत्याउँदा टकराब बढेकाले उपचारदेखि अन्य काममा समेत बाधा पुग्दै आएको अस्पताल व्यवस्थापन समितिका अध्यक्ष धर्मलीला बस्नेत बताउनुहुन्छ ।

उहाँले भन्नुभयो, “मैले सुधार गर्नका लागि धेरै काम गरे तर कर्मचारीले नै बढी राजनीति गर्न खोज्दा सधैँ बाधा उत्पन्न भइरह्यो, चिकित्सकले स्वास्थ्यसेवा कार्यालयलाई नटेर्ने, स्वास्थ्यसेवा कार्यालयले अस्पताललाई हातमा लिएर काम गर्न नसक्ने भएकाले समस्या हुँदै गएको छ ।”

कुनै काम गरेकी पैसा कहाँबाट आउँछ भन्ने चेतनाबाट अगाडि बढ्दा स्वास्थ्यसेवा कार्यालयको प्रगति हुन नसकेको उहाँले बताउनुभयो । “विकृति र विसङ्गतिको कुरा उठाएर सुधार गर्न खोज्दा फरक आस्था भएकै कारण असहयोग गरे भन्दै कर्मचारी नै उफिन्छन् यहाँ काम गर्न सजिलो छैन”, उहाँले भन्नुभयो । अहिले ५० शय्याको नयाँ भवन निर्माण जारी छ । दुई वर्ष आठ महिनामा निर्माण सम्पन्न गर्नका लागि भवनको काम जारी छ ।

ब्लड बैंकका लागि आएको सामग्री प्रयोगमा नआउँदा बन्द कोठाभित्र थक्याइएको छ । एचडी सेवा सञ्चालनका लागि ल्याइएका अधिकांश सामग्री बन्द कोठामा राखिएका छन् । बिरामी भर्ना गर्ने तर उपचारका लागि बाहिर जिल्लामा सिफारिस मात्र गर्ने थलो भएको स्वास्थ्यसेवा कार्यालयलाई आरोप लाग्दै आएको छ ।

हप्ता दिनअघि मात्र ३० लाख आइरन चक्की कानूनी प्रक्रिया पूरानै नगरी स्वास्थ्यसेवा कार्यालयले रातारात जलाएको थियो । अघिल्लो दुई महिनाअघि सो आइरन चक्की पालिकाले माग गर्दा उपलब्ध नगराएको स्वास्थ्यसेवा कार्यालयले हप्ता दिनअघि रातारात आइरनचक्की म्याद गुजारेर जलाउँदा स्थानीय तहका स्वास्थ्य शाखा आक्रोषित भएका छन् ।

 त्यस्तै प्रसूतिगृहका लागि गत चैतमा आएको सामग्री अहिलेसम्म स्थानीय तहमा नपु¥याउदा काम गर्न गाह्रो भएको भन्दै स्वास्थ्यसेवा कार्यालयको काम गर्ने कार्यशैली प्रति तीव्र विरोध हुँदै आएको छ । भेरी नगरपालिकाका स्वास्थ्यशाखाका जनस्वास्थ्य निरीक्षक दीपक ओलीले भन्नुभयो, “बर्थिङ सेन्टरमा चाहिने सामग्री उपलब्ध गराउन धेरै पटक माग गरे पनि बन्द कोठामा चैतदेखि स्टोर गरी राखिएको छ, हामीलाई दिइदैन ।” स्वास्थ्यसेवा कार्यालयभित्र विवाद भएमा पनि त्यो चेपुवामा हामीलाई पर्न नहुने उहाँले बताउनुभयो ।  

स्वास्थ्यसेवा कार्यालयका निर्मित प्रमुख टीकाराम जैसीले आफूलाई काम गर्न असहयोग भएको बताउनुभयो । “काम गर्ने वातावरण नै छैन, कसको चित बुझाइसक्ने म त हैरान भएँ”, उहाँले भन्नुभयो । रासस


global ime

fonepay

https://www.prabhubank.com/

राजनीति

सरकार अपूर्णः ५ मन्त्रीको टेको, मन्त्रालयका कामकाज ठप्प

१३ भदौ, काठमाडौं । गत साउन ३ मा संसदमा विश्वासको मत लिँदै गर्दा प्रधानमन्त्री शेरबहादुर देउवाले राष्ट्रिय सहमतिको सरकारको आह्वान गरे। सबै दल एकजुट भएर कोरोना महामारीसँगै मुलुकका जल्दाबल्दा समस्या समाधान गर्नुपर्ने देउवाको जोड थियो। तर, राष्ट्रिय सरकार त परै जाओस्, आफूलाई मत दिएका दललाई समेत समेटेर प्रधानमन्त्री देउवाले मन्त्रिपरिषदलाई पूर्णता दिन सकेनन्।

नेपाल नेतृत्वको नेकपा (एकीकृत समाजवादी)बाट को को बन्दैछन् मन्त्री ?

१२ भदौं, काठमाडौं । नेपाल कम्युनिस्ट पार्टी (एकीकृत समाजवादी) पार्टी सरकारमा सहभागी हुने निर्णय गरेको छ । शुक्रबार बसेको स्थायी कमिटी बैठकले सरकारमा जाने निर्णय गरेको हो । तर, मन्त्रीको नामावली पछि टुंगो लगाउने एकीकृत समाजवादी पार्टीका एक नेताले बताए । मन्त्रालयको टुंगो अहिले लागि नसकेकाले मन्त्रीको नाम पनि पछि टुंगो लगाउने उनले बताए ।

सुदूरपश्चिम प्रदेशमा भीम रावललाई धक्का

१२ भदौं, काठमाडौं । सुदूरपश्चिम प्रदेशका प्रभावशाली नेता मानिएका भीम रावलको सुदूरपश्चिम प्रदेशसभामा बलियो पकड थियो । रावलको रोजाइअनुसार प्रदेश सरकारमा एमालेका तर्फबाट मन्त्री बन्ने र हट्ने हुन्थ्यो । यसैगरी, एमाले संसदीय दलको जिम्मेवारी बाँडफाँट पनि उनकै चाहना बमोजिम हुँदै आएको थियो ।

अन्तर्राष्ट्रिय

फाइजर र बायोएनटेक खोप बालबालिका दिन अमेरिकी विज्ञको स्वीकृति

१० कात्तिक, न्युयोर्क । अमेरिकी सरकारको एउटा प्यानलले फाइजर र बायोएनटेक खोप ५ देखि ११ वर्षका बालबालिकालाई दिनुपर्ने सिफारिस गरेको छ । अमेरिकाको खाद्य तथा औषधिसम्बन्धी प्रशासन (एफडीए) का विज्ञहरूले हिजो उक्त कदमको समर्थन गरेपछि केही साताभित्रै अनुमति दिने बाटो खुलेको बीबीसीले उल्लेख गरेको छ ।  

​चीनमा ४० लाख जनसंख्या भएको एउटा शहर पुनः लकडाउन

९ कात्तिक, काठमाडौं । चीनमा ४० लाखको जनसंख्या भएको एउटा शहरमा मंगलबार पुनः लकडाउन लागू गरिएको छ । शहरमा कोरोनाको बढ्दो संक्रमणपछि यस्तो कदम उठाइएको हो । त्यहाँका जनतालाई आपतकालीन स्थितिमा मात्रै बाहिर निस्कन अपिल गरिएको छ । यद्यपि, चीनमा संक्रमितको संख्या निकै कम छ तर गाँसू प्रान्तको राजधानी लानजूमा सावधानी स्वरुप लकडाउन लागू गरिएको छ । सोमबार चीनमा २९ नयाँ संक्रमित भेटिएका

​ पाकिस्तानमा एउटै आमाबाट जन्मिएका सात बच्चामध्ये ६ को मृत्यु

९ कात्तिक, काठमाडौं । पाकिस्तानको एबटाबाद शहरमा एकसाथ  जन्मिएका सात बच्चामध्ये ६ को मृत्यु भएको छ । अर्को एउटा बच्चा भेन्टिलेटरमा छन् । अघिल्लो हप्ता एबटाबादको जिन्ना इन्टरनेशनल अस्पतालमा एक महिलाले सात बच्चालाई जन्म दिएकी थिइन् । यीमध्ये पाँच बच्चाको यसै अस्पतालमा र एक बच्चाको अयूब टिचिङ अस्पतालको चिल्ड्रन्स नर्सरीमा मृत्यु भएको थियो । बच्चाका पिता कारी यार मोहम्मदले एउटा बच्चाको जन्मिएको २४ घण्टा पछि नै मृत्यु भएको 

विचार / ब्लग

नारितादेखि काठमाडौंसम्म : नेपाल वायुसेवा निगममा मेरो यात्रा

पुदिनाको चट्नीसॅंग र खुदोसँग कोदाको रोटी खाएको सपना देखिरहेको थिएँ । संगै छोरी सुतेकी थिइन्, म भन्दा पहिले जागेकी रहेछिन् । मेरो कुनै रेस्पन्स नपाएर होला नबुझिने भाषामा बोलाइरहेकी रहिछन् कोट्याउदै बोलाउँदै गर्दा  झल्यास्स जागेँ । छोरीकी मामु चाँजोपाँजो मिलाउँदा मिलाउँदै सुतेको २ घण्टा पनि भएको थिएन । त्यसैले होला अझै मस्त निन्द्रामै थिइन् ।

प्रेमिकाको लिलामी

आउनुस हजुर आउनुस
बजारमा नयाँ अफर आएको छ
अफर सिमित
समयको लागि लाएको छ
आफ्नो लागि आफै
कमाउन सक्ने
दुइचार जनाको हात

सिडियोहरुले के को आधारमा निषेधाज्ञा जारी सम्बन्धी धारणा दिदै हुनुहुन्छ ?

गगन थापा
काठमाडौं उपत्यकाका प्र.जि.अ. हरूले कसैले दशैंसम्म निषेधाज्ञा जारी राख्नुपर्ने र कसैले नाकामा सेना परिचालन गर्नुपर्ने जस्ता धारणा दिएको कुरा सञ्चार माध्यममा आइरहेको छ । सिडियोहरुले के को आधारमा यो धारणा दिदै हुनुहुन्छ ? सरकारले जिल्ला स्तरमा निषेधाज्ञा जारी गर्ने जिम्मेवारी जिल्ला प्रशासन कार्यलयलाई सुम्पिएकाले  सिडियोहरूले पनि यस विषयको जानकार र निर्णय गर्ने आफूनै हो भन्ने ठानेर धारणा राख्नु भएको होला ।
Top