थोरै भएको भन्दै गोरखाका स्थानीय तहले लैजान मानेनन् कोरोना खोप


Tuesday, 8 Jun, 2021 2:40 PM
२५ जेठ, गोरखा । ६० देखि ६४ वर्ष उमेर समूहका लागि देशभर मंगलबारदेखि कोरोना भाइरसको खोप अभियान सुरु भए पनि गोरखाको एउटा स्थानीय तहमा मात्र खोप कार्यक्रम सञ्चालन भएको छ । जिल्लाका अधिकांश स्थानीय तहले मागको आधारमा ज्यादै कम मात्र खोप दिइएको भन्दै जिल्ला स्वास्थ्य कार्यालयबाट खोप बुझ्नै अस्वीकार गरेका छन् ।

संकलित तथ्यांकको ५० प्रतिशतलाई पुग्ने खोप पनि उपलब्ध नभएको उनीहरुको गुनासो छ । गोरखा नगरपालिकाले सोमबार सूचना जारी गर्दै खोपको मात्रा अपुग हुने भएकाले अभियान सञ्चालन गर्न नसकिएको जनाएको छ । ६० देखि ६४ वर्षका करिब २ हजार २०० जना रहेकोमा जिल्ला स्वास्थ्य कार्यालयले जम्मा ६७८ डोज मात्र दिएको नगरपालिकाका जनस्वास्थ्य निरीक्षक निश्चल अर्यालले बताए । ‘खोपको मात्रा नै कम आयो, कसलाई लगाउने कसलाई नलगाउने भयो,’ उनले भने, ‘६४ वर्ष उमेर समूहबाट शुरु गर्ने भनेर परिपत्र आएको छ, त्यसको लागि पनि अध्यावधिक विवरण संकलन गर्न केही दिन लाग्छ ।’

१ हजार १७८ डोज खोप आवश्यक पर्ने भीमसेन थापा गाउँपालिकाका लागि २७८ डोज मात्र छुट्याइएको छ । लक्षित समूहको एक तिहाइलाई पनि खोप नपुग्ने भएपछि अभियान चलाउन नसकिएको स्वास्थ्य शाखा प्रमुख भेषराज खनाल बताउँछन् । ‘अभियान सञ्चालन गरेपछि नाम टिपेका सबै मान्छे खोप लगाउन आउँछन्, कसलाई दिने कसलाई नदिने, अहिले ६४ वर्षकालाई मात्र दिने भने पनि अरु रिसाउँछन्, समस्या छ,’ उनले भने ।

करिब ३ हजार ९०० जनाको नाम संकलन भएको पालुङटार नगरपालिकाका लागि ४८० डोज मात्र खोप उपलब्ध गराउने भनिएको छ । मात्रा कम भएका कारण समस्या हुने भन्दै खोप नलिएको पालुङटार नगरपालिकाका स्वास्थ्य शाखा प्रमुख कृष्णप्रसाद अधिकारीले बताए । ‘सबैको नाम टिपेर ल्याएका छौं, अहिले सबैलाई खोप चाहिएको छ, त्यति खोप कसलाई दिने कसलाई नदिने, त्यही भएर खोप लिन नमानेका हौं,’ उनले भने ।

सिरानचोक गाउँपालिकाका स्वास्थ्य शाखा प्रमुख टुकमान श्रेष्ठका अनुसार गाउँपालिकाका लागि ३१० डोज खोप मात्र छुट्याइएको छ । तर संकलित तथ्यांक अनुसार १ हजार ७५९ जनालाई खोप लगाउनुपर्नेछ ।

‘अहिले एउटा वडामा मात्र सञ्चालन गरौं भने पनि अन्य वडाका अध्यक्षहरु रिसाउँछन्, फेरि अहिले ३१० जनालाई खोप दिएर पछि बाँकी खोप आएन भने अरुलाई के जवाफ दिने, साह्रै समस्यामा परिएको छ,’ श्रेष्ठले भने ।

स्वास्थ्य कार्यालय गोरखाका अनुसार मंगबार शहीद लखन गाउँपालिकामा मात्र खोप अभियान सञ्चालन भएको छ । ‘सबै ठाउँमा आजैबाट शुरु गर्नुपर्ने हो,’ कार्यालयका कोल्ड चेन निरीक्षक ऋषिराम खत्रीले भने, ‘तर एउटा पालिकामा मात्र चलेको छ, बारपाक सुलीकोट, अजिरकोट र धार्चे गाउँपालिका खोप लिन आउँछु भने पनि अरु पालिकाले केही जानकारी गराएका छैनन् ।’

जिल्लामा कुल ३ हजार ४६१ डोज खोप उपलब्ध भएको उनले जानकारी दिए । जिल्लामा ६० देखि ६४ वर्ष उमेर समूहका जनसंख्या भने ६ हजार ९७२ रहेको उनको भनाइ छ । ‘अहिले भेरोसेल खोप दिने हो, पछि यो आउँछ वा आउँदैन भन्ने यकिन छैन त्यसैले अहिले पहिलो डोज लगाएकाहरुका लागि दोस्रो डोज पनि सुरक्षित राखिएको छ,’ उनले भने ।

अपुग खोप प्रदेश स्वास्थ्य निर्देशनालयमार्फत केन्द्र सरकारसँग माग गरिएको उनले बताए । उनका अनुसार चीनसँग सीमा जोडिएको चुमनुब्री गाउँपालिकाका ५५ वर्षमाथिका नागरिकले यसअघि नै खोप पाइसकेका छन् ।


global ime

fonepay

https://www.prabhubank.com/

राजनीति

खुमलटारमा प्रचण्डलाई भेटेर ईश्वर पोखरेलले अनुरोध गरे– दुवै अध्यक्षको साझा प्रस्ताव बनाऔँ

१९ मंसिर, काठमाडौं । नेकपा अध्यक्ष पुष्पकमल दाहाल ‘प्रचण्ड’ र सचिवालय सदस्य एवम् उपप्रधानमन्त्री ईश्वर पोखरेलबीच भेट भएको छ। प्रचण्डलाई भेट्न उपप्रधानमन्त्री पोखरेल शुक्रबार बिहान  खुमलटार पुगेका थिए। प्रचण्डसँग भएको भेटमा उपप्रधानमन्त्री पोखरेलले साझा प्रस्तावको लागि आग्रह गरेको बताइएको छ।

अर्थमन्त्री पौडेललाई बुटवलमा कांग्रेस कार्यकर्ताले देखाए कालो झण्डा

१० मंसिर, काठमाडौं । प्रमुख प्रतिपक्षी दल नेपाली कांग्रेसका कार्यकर्ताहरुले अर्थमन्त्री एवं नेकपा महासचिव विष्णु पौडेललाई कालो झण्डा देखाएका छन्। बुधबार नेपाल विद्यार्थी संघ र तरुण दलका कार्यकर्ताले बुटवलको पुरानो बसपार्क क्षेत्रमा मन्त्री पौडेललाई कालो झण्डा देखाएका हुन्।

चिनियाँ राजदूत हाउ यान्छीले भेटिन् नेकपाका कार्यकारी अध्यक्ष प्रचण्डलाई

८ मंसिर, काठमाडौं । नेपालका लागि चिनियाँ राजदूत हाउ यान्छीले सत्तारुढ नेपाल कम्युनिष्ट पार्टी (नेकपा)का कार्यकारी अध्यक्ष पुष्पकमल दाहाल प्रचण्डसँग भेटवार्ता गरेकी छन्। राजदूत हाउले खुमलटारस्थित प्रचण्डको निवास पुगी आज सोमबार बिहान भेट गरेकी हुन्। चीनबाट उच्चस्तरीय राजनीतिक भ्रमण हुन लागिरहेको र यता नेकपाका दुई अध्यक्षसहित शीर्ष नेताहरुबीच तीब्र विवाद भइरहेका बेला राजदूतले कार्यकारी अध्यक्ष प्रचण्डसँग भेट गरेकी हुन्।

अन्तर्राष्ट्रिय

म्यानमारमा सात वर्षे बालिकाको सुरक्षाकर्मीले गरे गोली हानी हत्या

म्यानमारमा सुरक्षाकर्मीको गोली लागेर सात वर्षकी बालिकाको ज्यान गएको छ । गएको फेब्रुअरी १ मा सेनाले निर्वाचित सत्ता हत्याएपछि हुँदै आएको प्रदर्शनको क्रममा सुरक्षाकर्मीबाट मारिने उनी सबैभन्दा कम उमेरको व्यक्ति हुन् । मान्डली शहरको आफ्नो घरमै रहेका बेला बालिकाको गोली लागेर मृत्यु भएको परिवारका सदस्यले बताएका छन् ।प्रदर्शनमा सुरक्षाकर्मीको ज्यादतीका कारण हालसम्म कम्तीमा २० बालबालिकाको ज्यान गएको बालबालिकाको क्षेत्रमा काम गर्दै आएको संस्था सेभ 

ट्रम्पलाई महाअभियोग लगाउने प्रस्ताव सिनेटमा असफल

२ फागुन, काठमाडौं । अमेरिकी पूर्वराष्ट्रपति डोनाल्ड ट्रम्पमाथिको महाअभियोग प्रस्ताव अमेरिकाको माथिल्लो सदन सिनेटमा असफल भएको छ ।
अमेरिकी संसद भवन (क्यापिटल हिल)मा हिंसा भड्काएको आरोपमा ट्रम्पमाथि महाअभियोग लगाउनु पर्ने प्रस्ताव सिनेटमा पेस भएको थियो । सो प्रस्तावमा शनिबार भोटिङ भएको थियो ।महाअभियोग प्रस्तावको पक्षमा दुई तिहाइ बहुमत नपुगेपछि ट्रम्पलाई राहत मिलेको छ ।५७ सिनेटरले महाअभियोगको पक्षमा र ४३ सिनेटरले महाअभियोगको 

तत्काल सत्ता नछाडे म्यानमारका सेनाविरुद्ध कदम चाल्ने अमेरिकाको चेतावनी

अमेरिकाले म्यानमारका सेनालाई तत्काल सत्ता छाड्न आग्रह गर्दै अन्यथा ‘उचित कदम’ चाल्ने चेतावनी दिएको छ। अमेरिकाका राष्ट्रपति जो बाइडेनले म्यानमारकी नेत्री आङ सान सुचीसहित अन्य नेतालाई गिरफ्तार गरेर देशको शासन हातमा लिएकामा त्यहाँका सेनाविरुद्ध गम्भीर आपत्ति प्रकट गरेका हुन्। बीबीसीका अनुसार बाइडेनले म्यानमारका सेनालाई तत्काल सत्ता छाड्न भनेका छन् र अन्यथा अमेरिकाले ‘उचित कदम’ चाल्ने चेतावनी दिएका छन्। यसैबीच म्यानमारमा भएको 

विचार / ब्लग

प्रेमिकाको लिलामी

आउनुस हजुर आउनुस
बजारमा नयाँ अफर आएको छ
अफर सिमित
समयको लागि लाएको छ
आफ्नो लागि आफै
कमाउन सक्ने
दुइचार जनाको हात

सिडियोहरुले के को आधारमा निषेधाज्ञा जारी सम्बन्धी धारणा दिदै हुनुहुन्छ ?

गगन थापा
काठमाडौं उपत्यकाका प्र.जि.अ. हरूले कसैले दशैंसम्म निषेधाज्ञा जारी राख्नुपर्ने र कसैले नाकामा सेना परिचालन गर्नुपर्ने जस्ता धारणा दिएको कुरा सञ्चार माध्यममा आइरहेको छ । सिडियोहरुले के को आधारमा यो धारणा दिदै हुनुहुन्छ ? सरकारले जिल्ला स्तरमा निषेधाज्ञा जारी गर्ने जिम्मेवारी जिल्ला प्रशासन कार्यलयलाई सुम्पिएकाले  सिडियोहरूले पनि यस विषयको जानकार र निर्णय गर्ने आफूनै हो भन्ने ठानेर धारणा राख्नु भएको होला ।

ब्यक्ति बेपत्ता पार्ने कार्य बिरूद्दको महासंधिको अनुमोदन गरियोस

आज ३० अगष्ट बलपूर्वक बेपत्ता पिडितको अन्तराष्ट्रीय दिवस को अवसरमा दश बर्षे द्वन्दकालमा राज्य र बिद्रोही पक्षबाट बेपत्ता पारिएका तिन हजार एक सय सन्ताउन्न (३१५७) भन्दाबढि ब्यक्तिहरूको स्थिति हालसम्म अज्ञात रहेको स्मरण गराउँदछौं । बिस्तृत शान्ति सम्झौता र नेपालको अन्तरिम संविधान २०६३ मा भएको प्रावधान अनुरुप ६० दिन भित्रमा बेपत्ता पारिएका नागरिकहरुको सत्य तथ्य पत्ता लगाउने र पिडकलाई कानूनी दायरामा ल्याउने प्रतिबद्धता पूरा हुन नसकेको सर्बबिदितै छ ।
Top